სუს-ი ახალ ზელანდიაში ტერაქტის დროს დაკავებული პირებისა და ამოღებული იარაღის შესახებ ინფორმაციის მისაღებად სტრატეგიულ პარტნიორებთან თანამშრომლობს
სუს-ი ახალ ზელანდიაში ტერაქტის დროს დაკავებული პირებისა და ამოღებული იარაღის შესახებ ინფორმაციის მისაღებად სტრატეგიულ პარტნიორებთან თანამშრომლობს

A+ A-

12:57 15/03/2019

საქართველოს სახელმწიფო უსაფრთხოების სამსახური უკვე თანამშრომლობს სტრატეგიულ პარტნიორებთან, რათა ახალ ზელანდიაში მომხდარი ტერორისტული აქტის დროს დაკავებული პირებისა და ამოღებული იარაღის შესახებ დეტალური ინფორმაცია მიიღოს, – ამის შესახებ სახელმწიფო უსაფრთხოების სამსახურმა განცხადება გაავრცელა.

„უცხოურ მედიაში გამოქვეყნდა ახალ ზელანდიაში მომხდარი ტერორისტული აქტის დროს გამოყენებული ცეცხლსასროლი იარაღის მჭიდების ფოტოსურათები. მათზე დატანილი იყო სიმბოლოები და წარწერები სხვადასხვა ენაზე, მათ შორის ქართულ ენაზეც.

საქართველოს სახელმწიფო უსაფრთხოების სამსახური უკვე თანამშრომლობს სტრატეგიულ პარტნიორებთან, რათა მოხდეს დეტალური ინფორმაციის მიღება მომხდარი ტერორისტული აქტის დროს დაკავებული პირებისა და ამოღებული იარაღის შესახებ.

სახელმწიფო უსაფრთხოების სამსახური უსამძიმრებს ახალი ზელანდიის მოსახლეობას მომხდარი ტერორისტული აქტის გამო“, – ნათქვამია სუს-ის განცხადებაში.

შეგახსენებთ, ინტერნეტში გავრცელდა ახალ ზელანდიაში მეჩეთზე თავდამსხმელის შაშხანის მჭიდის ფოტო, რომელზეც დავით აღმაშენებლისა და დავით სოსლანის სახელები ქართულად წერია.