„გირჩმა“ "შავი" სია გამოაქვეყნა
„გირჩმა“  "შავი" სია გამოაქვეყნა

A+ A-

12:24 19/03/2019

„გირჩმა“ „ნაციონალური მოძრაობის“ წარმომადგენლებისა და ორი მოწვევის პარლამენტის იმ დეპუტატთა სია გამოაქვეყნა, რომელთა შვილებსაც უწევდათ სავალდებულო სამხედრო სამსახურის გავლა, მაგრამ ჯარში არ წასულან.

ჩვენი რელიგია კი არ არის ცრუ, ეს ადამიანები და მათი მორალია ცრუ და ყალბი. ისინი საჯაროდ ქადაგებენ ერთს, ყალბი პატრიოტული რიტორიკით ადამიანებს ჯერ მოუწოდებენ, ხოლო ძალაუფლების ხელში ჩაგდების შემდეგ პოლიციის ძალით აიძულებენ ერთი წელი მონასავით გაატარონ ვითომ „სახელმწიფო სამსახურში“, ყოველი არჩევნების წინ თუ რელიგიურ დღესასწაულებზე საპატრიარქოსა და ეკლესიებში დარბიან ნახევარმეტრიანი სანთლებითა და კდემამოსილი სახეებით ვითომ სიკეთესთან თანასაზიარებლად, და, ამავე დროს, საკუთარ ცხოვრებასთან მიმართებაში სარგებლობენ სრულიად სხვა მორალური პრინციპებით – სისტემას უმალავენ ოჯახის წევრებს. ორი დღის წინ ჩვენ გამოვაქვეყნეთ ბოლო ორი მოწვევის პარლამენტის წევრებისა და ოცნების მთავრობის წევრების სია რომელთა ოჯახის წევრებსაც უწევდათ სავალდებულო სამხედრო სამსახურის გავლა და არ გაუვლიათ.

დღეს ვაქვეყნებთ წინა ორი მოწვევის პარლამენტების იმ დეპუტატების სიას და „ნაციონალური მოძრაობის“ მთავრობის იმ წევრების სიას, რომელთა შვილებსაც, ჩვენი ინფორმაციით, ასევე უწევდათ სავალდებულო სამხედრო სამსახურის გავლა, მაგრამ ჯარში არ წასულან.

შესაძლოა, ამ სიაში არსებულ პირთაგან რომელიმეს გავლილი აქვს სავალდებულო სამხედრო სამსახური და ჩვენ არ გვაქვს ამის შესახებ ინფორმაცია, რის გამოც წინასწარ ვუხდით ბოდიშს და ვთხოვთ ამ ინფორმაციის გასაჯაროებას.

ასევე წინასწარ ბოდიშს ვუხდით იმ პირებს, რომელთაც შესაძლოა, აქვთ სამხედრო სამსახურთან შეუთავსებელი ჯანმრთელობის პრობლემები, რომელთა შესახებ ჩვენ არ ვიცით“, – განაცხადეს „გირჩში“.

რაც შეეხება სიას, მასში შევიდნენ: მიხეილ სააკაშვილი, ალექსანდრე ლომაია, დიმიტრი შაშკინი, გელა ბეჟუაშვილი, კონსტანტინე კემულარია, ალექსი ალექსიშვილი, ზურაბ ნოღაიდელი, ვალერი ჩეჩელაშვილი,  ვანო მერაბიშვილი;

მეექვსე მოწვევის პარლამენტარები: ნაზი არონია, ვან ბაიბურტი, მერაბ ბოცვაძე, გიორგი გეგელაშვილი, იური გოგელია, ზვიად გოგიტიძე, ვლადიმერ გუცაევი, ალექსანდრე ზარნაძე, ალბეგ ზურაბიანი, გოჩა თევდორაძე, გია თორთლაძე, იოსებ კარდანახიშვილი, როლანდ კემულარია, რომან კობახიძე, იაგო კუბლაშვილი, ნუგზარ მგელაძე, ალექსანდრე მენაბდე, მიხეილ მენთეშაშვილი, ალექსანდრე მირზაშვილი, რევაზ მიქაძე, გია ნუცუბიძე, ვლადიმერ პაპავა, არნოლდ ჟვანია, მელიქ რაისიანი, ზაზა რევიშვილი, ნოდარ საბანიძე, ედვარდ სურმანიძე, გოჩა ქურდაძე, ზურაბ შხვაცაბაია, ნიკოლოზ ჩუბინიშვილი, თეიმურაზ ჭეიშვილი, მამუკა ჭოხონელიძე, კობა ხაბაზი, თამაზ ხიდეშელი, მერაბ ხურციძე, როინ ჯანაშია, გრიგოლ ჯოჯუა.

მეშვიდე მოწვევის პარლამენტი: ნუგზარ აბულაშვილი, ანდრო ალავიძე, კობა ბადაგაძე, ბეჟან ბუცხრიკიძე, ემზარ გელაშვილი, ანზორ ერქომაიშვილი, ასლან თავდგირიძე, კობა კურდღელაშვილი, ავთანდილ ლეკაშვილი, გელა ლონდარიძე, შოთა მალაშხია, ვახტანგ მარტოლეკი, ლაშა მინდელი, დევი ოვაშვილი, თამაზ პეტრიაშვილი, გიორგი როინიშვილი, მერაბ სამადაშვილი, აზერ სულეიმანოვი, გიორგი ტალახაძე, როლანდ ფიფია, სამსონ ქუთათელაძე, გიორგი ღვინიაშვილი, ისვახან შამილოვი, გოჩა შანიძე, იაშა შერვაშიძე, გიორგი ჩივიაშვილი, ნუგზარ წიკლაური, თეიმურაზ წურწუმია, დავით ჭავჭანიძე, ეკატერინე ხერხეულიძე, ბეჟან ხურციძე, ჰარუთიუნ ჰოვჰანესიანი.

როგორც „გირჩში“ განაცხადეს, ორი დღის წინ „ნაციონალური მოძრაობის“ ერთ-ერთმა ლიდერმა, გრიგოლ ვაშაძემ, „ბიბლიურ თავისუფლებას“ ცრუ რელიგია უწოდა და განაცხადა, რომ სამხედრო სამსახური უნდა დარჩეს სავალდებულო.

„გირჩის“ ლიდერის ზურაბ ჯაფარიძის განცხადებით, ორგანიზაცია შექმნის დღიდან იბრძვის ამ სამსახურის გაუქმებისთვის, რადგან მიიჩნევს, რომ ეს არის დაკანონებული მონობა.