ირანმა ორი ბრიტანული ტანკერი დააკავა
ირანმა ორი ბრიტანული ტანკერი დააკავა

A+ A-

14:33 20/07/2019

ირანმა ორი ბრიტანული ტანკერი დააკავა. შემთხვევა ორმუზის სრუტეში მოხდა. ერთი ხომალდი მალევე გაათავისუფლეს, მეორე კი ამ დრომდე ბენდერ-აბასის პორტში რჩება.

ოფიციალური თეირანის განმარტებით, ტანკერი სათევზაო ხომალდთან მომხდარი ინციდენტის გამო დააკავეს. ბორტზე ეკიპაჟის 23 წევრი იმყოფება.

თეირანის მტკიცებით, ისინი გემს გამოძიების დასრულებამდე ვერ დატოვებენ. დიდი ბრიტანეთის საგარეო საქმეთა მინისტრმა მომხდარს დაუშვებელი უწოდა და ირანს სერიოზული შედეგებით დაემუქრა, თუ ვითარება სწრაფად არ განიმუხტება.

ირანთან დაძაბულობის გამო 2003 წლის შემდეგ პირველად საუდის არაბეთში სამხედრო კონტინგენტს აგზავნის პენტაგონი. ბაზაზე 500-ს ჯარისკაცს ელოდებიან.