თბილისის ზოოპარკში პატარა ზებრა დაიბადა
თბილისის ზოოპარკში პატარა ზებრა დაიბადა

A+ A-

16:21 25/07/2019

თბილისის ზოოპარკში პატარა ზებრა დაიბადა, ამის შესახებ ინფორმაციას მათი ფეისბუკგვერდი ავრცელებს

„ცხვა, ცხვა, ცხვა და ზოოპარკის კარგი ამბების საცხობში კიდევ ერთი ტკბილი სიახლე გამოცხვა.

ამჯერად - ზებრა.

დასდევს დედას, დედა კი, ძაან რომ არ ცხელოდეს, ვიტყოდით, ცივ ნიავს არ აკარებსო, მაგრამ სადაა აბა, ცივი ნიავი? მოკლედ, დედა ცხელ ნიავს არ აკარებს და მონდომებით იცავს მამრი ზებრისგან, რომელიც მამობრივი მზრუნველობით არ გამოირჩევა. იმიტომ კი არა, რომ უგვანი მამა გამოდგა. უბრალოდ, მამრი ზებრები, ზოგადად, უგვანი მამები არიან და დიდად არ ანაღვლებთ შვილების ბედი.

ნუ მიბაძავთ მამრ ზებრებს. მიბაძეთ მდედრ ზებრებს და შემოგვიარეთ ზოოპარკში ახალშობილის მოსანახულებლად.“- წერია ზოოპარკის ფეისბუკგვერდზე.