ლომის ზოდიაქო შემოვიდა და წითელი ამ პერიოდში ყველაზე წარმატებული ფერია - ცაგარელი
ლომის ზოდიაქო შემოვიდა და წითელი ამ პერიოდში ყველაზე წარმატებული ფერია - ცაგარელი

A+ A-

12:32 29/07/2019

„ლომის ზოდიაქო შემოვიდა და წითელი ამ პერიოდში ყველაზე წარმატებული ფერია“ - აცხადებს მიხეილ ცაგარელი და აგვისტოს ასტროლოგიურ პროგნოზს ვრცლად მიმოიხილავს.

 

აგვისტოს 1-ში ახალი მთვარეა და ცოტა დაიძაბება სიტუაცია, მეორე რთული პერიოდი 13-18 აგვისტოს შუალედია, სავსე მთვარის დროს. დანარჩენი პერიოდი 28 აგვისტოს ჩათვლით ყველა ზოდიაქოსთვის ძალიან კარგია, რადგან დედამიწა პოზიტიურ ველშია.

ხუთშაბათს ახალი მთვარეა და არავითარი ახალი საქმე არ დაიწყოთ, ყველაფერი უკუღმა წარიმართება. შემდეგი ახალმთვარეობაა 30 აგვისტოს და ფრთხილად გავიაროთ ეს პერიოდები.

ვერძებს აგვისტოში განსაკუთრებულად კარგი პერიოდი გაქვთ, ამიტომ მისი მოშურნეები გააქტიურდებიან. ამან შეიძლება სამსახურში ინტრიგები გამოიწვიოს. ბევრს ნუ ილაპარაკებს საკუთარ წარმატებებზე.

კუროს შვებულებაში გასვლას ვურჩევ, მისი ენერგოტონუსი ეცემა და ამიტომ ადვილად იღლება. ყველაზე დიდი პრობლემაა მისი სიზარმაცე და სიჯიუტე. საქმიანი კუთხით კარგი პერიოდი აქვს. მთავარია არ გადაიტვირთოს.

ტყუპები აქტიური და შარმიანია. იდეალური იდეები აქვს და თუ განახორციელებს სექტემბერში და ოქტომბერში სასწაულ წარმატებას მიაღწევს. უნდა ეცადოს რომ დიქტატურას მოეშვას, რადგან ამით თავისი გუნდი არ გააღიზიანოს.

კირჩხიბებს საქმიანი კუთხით გადასარევი პერიოდი აქვთ, მაგრამ ენერგიის ნაკლებობას უჩივიან, ამიტომ საქმე და სამსახური შეუხამეთ ერთმანეთს. იფრთხილეთ პარტნიორებთან ურთიერთობაში აგვისტოში, თავი შეიკავეთ კამათისთან.

ლომებო, თქვენთვის ამაზე საუკეთესო პერიოდი არ არსებობს. ყველაფრისთვის საუკეთესო პერიოდია. დიდხანს ელოდით და ახლა თქვენი დროა. გამოიყენეთ ყველა შანსი რასაც ცხოვრება შემოგთავაზებთ.

ქალწულებს წლის მანძილზე ყველაზე დაბალი ენერგოტონუსი აქვთ. აუცილებლად უნდა დაისვენოთ, რომ ენერგია შეინარჩუნოთ. არავითარი ახალი საქმე, ბუნება იდეალურია თქვენთვის. 23 აგვისტოდან კი თქვენი დრო იწყება.

სასწორს ძალიან საინტერესო პერიოდი აქვს, პროდუქტიული, ეფექტური და შემოქმედებითია. მაგრამ წყალქვეშა დინებებიდან უფროსების მხრიდან ზედმეტად ჩარევის პრობლემები აქვს.

მორიელის ენერგოტონუსი მცირდება. შეიძლება დაისვენოს ან მ,შვიდ რეჟიმზე გადავიდეს. თან თუ დაისვენებს და თან იმუშავებს და ამას სწორად გადაანაწილებს იდეალური იქნება მისთვის. გადატვირთვა გამოიწვევს ემოციურ გაღიზიანებას.

მშვილდოსნებისთვის საუკეთესო პერიოდია ემიგრაციისთვის და იქ დარჩენისთვის. ასევე დიდი შანსია უცხოეთში მყოფი მშვილდოსნებისთვის დაქორწინება დაოჯახებისთვის. ერთ-ერთი საუკეთესო პერიოდი გაქვთ.

თხის რქებს პრობლემები გექნებათ, რადგან შინაგანად გადაღლილები ხართ. კონფლიქტები გელოდებათ კოლეგებთან, პარტნიორებთან, მაგრამ შანსი გაქვთ მოულოდნელად მიიღოთ ფული, რაც ხასიათს გამოგიკეთებთ.

მერწყულებისთვის საუკეთესო პერიოდი იწყება 4 აგვისტოდან. ძალიან ქარიზმატულები ხდებით, შეიძლება ისეთი თანამშრომლების ჯგუფი იპოვოთ, რომლებიც თქვენს იდეებს საუკეთესოდ გაიზიარებენ. ასევე გაქვთ მემკვიდრეობით მიღებული ქონების ალბათობა და საოჯახო ბიზნესის დაწყების შანსი.

თევზების ენერგოტონუსი ეცემა, მაგრამ საქმიანი კუთხით წარმატებული პერიოდი გაქვთ. გაუფრთხილდით ჯანმრთელობას და არ აღმოჩნდეთ მოტყუებული. ძალიან პრაგმატულები უნდა იყოთ.