სოფელ საყავრესთან ხანძარი სრულად ლოკალიზებულია
სოფელ საყავრესთან ხანძარი სრულად ლოკალიზებულია

A+ A-

11:40 25/08/2019

გორის მუნიციპალიტეტის სოფელ საყავრესთან ხანძარი სრულად ლოკალიზებულია. ამის შესახებ საგანგებო სიტუაციების მართვის სამსახურში აცხადებენ.

მათივე თქმით, ადგილზე მთელი ღამის განმავლობაში უწყვეტად მუშაობდნენ მეხანძრე-მაშველები, რომ ხანძრის კერები არ გაღვივებულიყო.

საგანგებო სიტუაციების მართვის სამსახურის ინფორმაციით, ამ დროისთვის მხოლოდ ტორფი იწვის და აღარ რჩება ხანძრის ღია კერები. მათივე ცნობით, ვითარება სრულად ექვემდებარება კონტროლს.

ხანძრის ლიკვიდირების სამუშაოებისთვის ადგილზე ამ დრომდე რჩება 200-დე მეხანძრე-მაშველი და ისევ მუშაობს საველე შტაბი.

სოფელ საყავრესთან ცეცხლი ​ბალახსა და ტყის ქვედა საფარს 22 აგვისტოს წაეკიდა. ცეცხლის ქრობის სამუშაოებში შიდა ქართლის ყველა სამმართველოს სახანძრო-სამაშველო ჯგუფი ჩაერთო. ამასთან, ხანძრის სალიკვიდაციო სამუშაოებში ჩაერთო სასაზღვრო პოლიციის ორი ვერტმფრენი.