საპენსიო სქემაში 911 897 მონაწილე გაწევრიანდა, სქემა 162 103 ადამიანმა დატოვა
საპენსიო სქემაში 911 897 მონაწილე გაწევრიანდა, სქემა 162 103 ადამიანმა დატოვა

A+ A-

16:48 18/10/2019

2019 წლის 1-ელი იანვრიდან 18 ოქტომბრის დილის მდგომარეობით, საპენსიო სქემაში გაწევრიანდა 911 897 მონაწილე. ამის შესახებ საპენსიო სააგენტოს დირექტორმა ლევან სურგულაძემ პარლამენტის პლენარულ სხდომაზე ანგარიშის წარსდგენისას განაცხადა.

„კანონის თანახმად, გარკვეული ასაკობრივი კატეგორიებს ჰქონდათ უფლება დაეტოვებინათ საპენსიო სქემა და იმ ადამიანების რიცხვი, რომლებმაც დატოვეს საპენსიო სქემა შეადგენს 162 103-ს. მინდა დავამატო, რომ ეს პროცესი პრაქტიკულად ნულზე დავიდა, სულ რამდენიმე ადამიანი გადის დღის განმავლობაში საპენსიო სქემიდან, სამაგიეროდ კი ჩვენ ყოველდღე გვემატება რვაასიდან ათასამდე ახალი მონაწილე. გასული ადამიანებიდან, კერძო სექტორში მომუშავე არის 119 651, ხოლო საჯარო სექტორში 42 115 ადამიანი“,- ამის შესახებ საპენსიო სააგენტოს დირექტორმა ლევან სურგულაძემ პარლამენტის პლენარულ სხდომაზე ანგარიშის წარსდგენისას განაცხადა.

სულ ჩართული კერძო კომპანიების რიცხვი 58 811-ია, ფონდის ღირებულება სარგებლის ჩათვლით კი 385 512 760 ლარია, სადაც დარიცხული სარგებელი არის 9 306 555 ლარი. სულ საპენსიო შენატანების მოცულობა შეადგენს 419 929 602 ლარს და ფონდის ერთეულის ღირებულება გახლავთ 10 ლარი და 43 თეთრი“,- განაცხადა სურგულაძემ.