აზარტული თამაშების გამო, ბათუმში 23 წლის მამაკაცმა თავი მოიკლა
აზარტული თამაშების გამო, ბათუმში 23 წლის მამაკაცმა თავი მოიკლა

A+ A-

12:07 06/11/2019

ბათუმში, 23 წლის ახალგაზრდა მამაკაცი გარდაცვლილი იპოვეს. მან გარდაცვალებამდე სოციალურ ქსელში პოსტი გამოაქვეყნა, საიდანაც ირკვევა, რომ იგი, სავარაუდოდ, აზარტული თამაშების მსხვერპლი გახდა.

"აკრძალეთ ეგეთი კაზინოები, ჩვენთვის მაინც. გეყოფათ ფულის კეთება დრაგებითა და ვითომ კურიერებით, რომლებსაც თქვენ თვითონაც იცნობთ და ბოლოს იჭერთ. ქენით ისე, რომ ცოტა ქვეყანა წინ წავიდეს და თქვენ ჯიბეზე 95% ფულის კეთებას მოეშვით...", - წერდა 23 წლის ახალგაზრდა სოციალურ ქსელში.

შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 115–ე მუხლით დაიწყო, რაც თვითმკვლელობამდე მიყვანას გულისხმობს.