სოლიდარობა იტალიას - ჩინელი საოპერო მომღერლების ვიდეორგოლი
სოლიდარობა იტალიას - ჩინელი საოპერო მომღერლების ვიდეორგოლი

A+ A-

14:06 19/03/2020

ჩინელმა საოპერო მომღერალებმა, რომლებიც იტალიის სხვადასხვა ქალაქის – რომის, პარმის, მილანის, კომოს კონსერვატორიებში სწავლობდნენ, იტალიას სოლიდარობა გამოუცხადეს – 12-მა ახალგაზრდა მომღერალმა ჯაკომო პუჩინის ოპერა „ტურანდოტიდან“ ერთ-ერთი ყველაზე ცნობილი არია „ნესუნ დორმა“ შეასრულეს, ერთობლივი ვიდეორგოლი შექმნეს იტალიის გასამხნევებლად კორონავირუსის ეპიდემიის გამო შექმნილ მძიმე სიტუაციაში.

ვიდეო თავის ოფიციალურ ფეისბუქგვერდზე იტალიის კულტურის მინისტრმა დარიო ფრანჩესკინიმ განათავსა.

შეგახსენებთ, იტალიაში ამ დროისთვის კორონავირუსით ინფიცირების შემთხვევებმა 35700-ს გადააჭარბა, გარდაცვლილთა რიცხვი კი 3000-ს მიუახლოვდა (2978). მარტო გასულ დღე-ღამეში, 17-18 მარტის 24 საათში იტალიაში 475 ლეტალური შემთხვევა დაფიქსირდა (319 – ლომბარდიაში), რაც რეკორდული მაჩვენებელია ქვეყანაში ეპიდემიის დაწყების დღიდან. ამავე დროს, ერთ დღე-ღამეში გამოჯანმრთელდა 1084 ადამიანი (სულ – 4025), რაც ასევე რეკორდული და იმედისმომცემი მაჩვენებელია.