მეათე მოწვევის პარლამენტში შესაძლოა, რამდენიმე კომიტეტი გაერთიანდეს
მეათე მოწვევის პარლამენტში შესაძლოა, რამდენიმე კომიტეტი გაერთიანდეს

A+ A-

17:45 25/05/2020

2020 წელს, მეათე მოწვევის პარლამენტისთვის შესაძლოა, რამდენიმე საპარლამენტო კომიტეტი გაერთიანდეს.

შესაბამისი ცვლილებები პარლამენტის რეგლამენტში შედის, რომლის ინიციატორები ირაკლი კობახიძე, გურამ მაჭარაშვილი და გიორგი კახიანი არიან.

ინიციატივაში აღნიშნულია, რომ 2020 წლის მოწვევის პარლამენტში იქნება შემდეგი კომიტეტები – ადამიანის უფლებათა დაცვისა და სამოქალაქო ინტეგრაციის; განათლებისა და მეცნიერების; გარემოს დაცვისა და ბუნებრივი რესურსების; დარგობრივი ეკონომიკისა და ეკონომიკური პოლიტიკის; ევროპასთან ინტეგრაციის; თავდაცვისა და უსაფრთხოების; იურიდიულ საკითხთა; რეგიონული პოლიტიკისა და თვითმმართველობის; საგარეო ურთიერთობათა; საპროცედურო საკითხთა და წესების; საფინანსო-საბიუჯეტო საკითხთა და აუდიტის; კულტურის, სპორტის, ახალგაზრდობისა და დიასპორის საკითხთა; ჯანმრთელობის დაცვისა და სოციალურ საკითხთა.

აღნიშნული ცვლილებებიდან გამომდინარეობს, რომ მეცხრე მოწვევის პარლამენტში არსებული აგრარულ საკითხთა კომიტეტი გაუქმდება და მისი ფუნქციები სხვა კომიტეტზე გადანაწილდება.

ასევე უქმდება დიასპორის კომიტეტი და ის კულტურის ნაწილთან ერთად სპორტის კომიტეტთან ერთიანდება, რომელიც ამჟამად, განათლებისა და მეცნიერების კომიტეტშია წარმოდგენილი.

ახალი ცვლილებების შესაბამისად, საფინანსო კომიტეტს აუდიტის ფუნქციაც დაემატება.