"ივანიშვილი ახლა ირაკლიშია, თეაშია" - ოლიგარქი წავიდა, მაგრამ ვინ დატოვა მთავრობაში ხელშეუხებლად და ვინ "ხელშესახებად"?
"ივანიშვილი ახლა ირაკლიშია, თეაშია" - ოლიგარქი წავიდა, მაგრამ ვინ დატოვა მთავრობაში ხელშეუხებლად და ვინ "ხელშესახებად"?

A+ A-

15:46 18/01/2021

ექსმილიარდერი ბიძინა ივანიშვილი რომ არსად წასულა, ამის მტკიცებულებად ნაციონალური მოძრაობისერთ-ერთი  წევრი რომან გოცირიძე  ექსთავმჯდომარის მიერ  პარტიის ორ ნაწილად გაყოფას ასახელებს. ის მიიჩნევს, რომ ივანშვილმა მთავრობაში დატოვა - ხელშეუხებლები და „ხელშესახებები“, ანუ ისინი, რომლებსაც დრო და დრო, ხალხისთვის ილუზიის შესაქმნელად, მოიშორებენ ხოლმე.

გოცირიძის თქმითვე, ივანიშვილის მიერ დისტანციის დაჭერა ნიშნავს - დარტყმისაგან მიუწვდომელი მანძილის დაჭერას, რაც სიტუაციას უფრო ართულებს.

„კვლავაც ცხელი თემაა ივანიშვილის ”წასვლა-არწასვლის” საკითხი და ეს ყოველთვის ასე იქნება, სანამ ქართული ოცნება არ წავა ხელისუფლებიდან. ”წასვლა-არწასვლის” შეფასება ხდება ისე, როგორც ვინმეს ან რამეს( მაგ. პარტიას) აწყობს, ისე, როგორც ვინმეს სწამს( რამე ვერ იწამებს), ისე, როგორც ”ექსპერტული დასკვნებით” და წარსული გამოცდილებით სწორად მიაჩნია. ჩემი პოზიცია, რომ არსად წასულა, რომ ”წავიდა რათა დარჩეს”, კიდევ უფრო განმიმტკიცდა მის მიერ დატოვებული პოლიტსაბჭოს ხილვისას“, - წერს გოცირიძე სოცქსელში.

მეტიც, მას ივანიშვილის „წასვლა-არწასვლის“ შეფასების კრიტერიუმი ის მინისტრებია, რომლებიც პოლიტსაბჭოში აღმოჩნდნენ და დაცულები არიან, ასევე დანარჩენი, „დაუცველად“ დატოვებულიმინისტრები .

„რა არის ”წასვლა-არწასვლის” შეფასების კრიტერიუმი? ფლობს ( შეინარჩუნა) თუ არა ძალაუფლება ხელისუფლებაში. ფლობს რა თქმა უნდა და ასე იქნება მომავალშიც, მიუხედავად იმისა, ღიად მოხდება თუ არა მის მიერ უზურპირებული ინსტიტუტების თუ მის მიერ ამ ინსიტუტებში ჩანერგილი ადამიანების მართვა. მხოლოდ პოლიტსაბჭოს ერთი ნაწილის, მინისტრების ჩასმას დავაკვირდეთ. ბიუჯეტში არის ასეთი ცნება, ”დაცული მუხლები”. ეს ისეთი ხარჯებია, რომლის შემცირებაც ( სეკვესტრი) არ შეიძლება.

ამის მსგავსად, ივანიშვილმა მთავრობა დაყო ორ ნაწილად, დაცულად და დაუცველად, ხელშეუხებლად დახელშესახებად”.

თერთმეტი მინისტრიდან ხუთი არის პოლიტსაბჭოში, ანუ იცავს ივანიშვილის იმუნიტეტი. დანარჩენის შეცვლა ხანდახან, როგორც იტყვიან, ”მოსულა”, შეიძლება სასურველიცაა ილუზიების შესაქმნელად. მაგრამ აბა გაბედე და ხელი ახლე იკარაძეს, ცქიტიშვილს, გომელაურს, ღარიბაშვილს? ნურას უკაცრავად. ერთი სუსტი წერტილიცაა დაცულებში, ფინანსთა მინისტრი, მაგრამ მან, თანამდებობიდან გამომდინარე, ბევრი იცის და ბევრი სამსახურიც გაუწევია, ამიტომ ივანიშვილს ურჩევნია უფრო ახლოს ჰყავდეს, ვიდრე შორს. იცავს ინფორმაციას და არა მას. ესაა მართვისწულუკიანის სინდრომი”, როცა ერთადერთი შეუცვლელი მინისტრი იყო შვიდი წლის განმავლობაში.

ივანიშვილის გეგმით დაცულებმა ბოლომდე უნდა ჩაამთავრონ ციკლი. არცაა საჭირო მათთან ხშირი კომუნიკაცია. ისედაც იციან, რა გააკეთონ. სხვებმაც. ”დაობლებული ქართული ოცნება, რომელიც უფრო ადვილი დასამარცხებელია” თუ ”ივანიშვილი ახლა ირაკლიშია, თეაშია და ა. შ. ”, ძირითადად ეს ორი მიდგომა გამოიკვეთა და რამდენადაც პრაგმატულადაც არ უნდა ჩანდეს პირველი, იმდენად არასწორია იგი. ივანიშვილის მიერ დისტანციის დაჭერა ნიშნავს დარტყმისაგან მიუწვდომელი( ან შემარბილებელი) მანძილის დაჭერას. ეს უფრო ართულებს პროცესებს და არა პირიქით, როგორც ბევრს ჰგონია”, - წერს რომან გოცირიძე სოციალურ ქსელში.

შეგახსენებთ, 11 იანვარს მმართველი პარტიის „ქართული ოცნების“ თავმჯდომარემ, ბიძინა ივანიშვილმა პარტიაში დაკავებული თანამდებობა დატოვა. მან ვრცელი წერილი გაავრცელა და ამ წერილით ამცნო საზოგადოებას, რომ პოლიტიკას ტოვებდა. აღსანიშნავია, რომ ოპოზიციური სპექტრი ბოიკოტის რეჟიმშია. ისინი 31 ოქტომბერს ჩატარებული საპარლამენტო არჩევნების ლეგიტიმურობას აპროტესტებენ.