"არ არსებობს გამოსავალი ამ კრიზისიდან, თუ კონკრეტული ნაბიჯები არ იქნება გადადგმული ივანიშვილის წინააღმდეგ"
"არ არსებობს გამოსავალი ამ კრიზისიდან, თუ კონკრეტული ნაბიჯები არ იქნება გადადგმული ივანიშვილის წინააღმდეგ"

A+ A-

23:01 26/02/2021

საგარეო პოლიტიკის კვლევის ინსტიტუტის ევრაზიული პროგრამის წარმომადგენელი და NDI-ს საქართველოს ოფისის ყოფილი ხელმძღვანელი ლუის ნავარო საქართველოში განვითარებულ ბოლოდროინდელ მოვლენებს "მთავართან" ექსკლუზიურ ინტერვიუში ეხმაურება.

ნავარო, ისევე როგორც სხვა დასავლელი პარტნიორები, სანქციების აუცილებლობაზე საუბრობს.

"საქართველოში ახლა უნიკალური სიტუაციაა. ევროკავშირის და ნატოს ასპირანტ ქვეყნებს შორის ვერ ვიხსენებ სხვა ისეთ სახელმწიფოს და სიტუაციას, როდესაც ოლიგარქი ასე პირდაპირ არის ჩართული მთავრობის მართვაში. ამიტომ ცხადია, რომ არ არსებობს გამოსავალი ამ კრიზისიდან, თუ კონკრეტული ნაბიჯები არ იქნება გადადგმული უშუალოდ ბიძინა ივანიშვილის წინააღმდეგ. "ქართული ოცნება" არის ბიძინა ივანიშვილი და ბიძინა ივანიშვილი არის ქართული ოცნება, ვფიქრობ სანქციები უნდა განიხილებოდეს, როგორც ერთერთი გზა, თუმცა რა ნაბიჯიც არ უნდა გადაიდგას ეს ნაბიჯი უნდ იყოს პირადად ბიძინა ივანიშვილის წინააღმდეგ", - აცხადებს ლუის ნავარო