ახმეტაში ერთ-ერთ უსახელო მწერვალს გიორგი ანწუხელიძის სახელი დაერქმევა
ახმეტაში ერთ-ერთ უსახელო მწერვალს გიორგი ანწუხელიძის სახელი დაერქმევა

A+ A-

40

11:35 08/11/2018

ახმეტის მუნიციპალიტეტის სხდომაზე გადაწყდა, რომ მუნიციპალიტეტის ტერიტორიაზე ერთ-ერთ უსახელო მწვერვალს საქართველოს ეროვნული გმირის გიორგი ანწუხელიძის სახელი ეწოდოს.

საკრებულოს წევრის ანზორ ხიზანაიძის თქმით, მწვერვალისთვის სახელის დარქმევა, რომლის სიმაღლეც 3276,1 მეტრია, ადგილობრივ მოსახლეობასთანაც შეათანხმეს.

საქართველოს შეიარაღებული ძალების სამხედრო მოსამსახურე,  IV ქვეითი ბრიგადის 41-ე ბატალიონის უმცროსი სერჟანტი გიორგი ანწუხელიძე 2008 წლის 9 აგვისტოს, რუსეთ-საქართველოს ომის დროს, ერთ-ერთი შეტაკების შემდეგ, ტყვედ ჩაუვარდა მოწინააღმდეგეს, წამებისა და დაკითხვის შემდეგ კი, ცხინვალის მე-5 სკოლასთან, ძმათა სასაფლაოზე ცემით მოკლეს. 2008 წლის ნოემბრამდე უგზო-უკვლოდ დაკარგულად ითვლებოდა, მაგრამ მას შემდეგ, რაც ცხინვალიდან ათი ქართველის ცხედარი გადმოასვენეს, გენეტიკური ექსპერტიზით დადგინდა, რომ ერთ-ერთი მათგანი გიორგი ანწუხელიძე იყო. დაკრძალულია თბილისში, მუხათგვერდის ძმათა სასაფლაოზე.