ყველა სახელმწიფო უწყება რომ გავაუქმოთ, პენსიას 400 ლარამდე მაინც ვერ გავზრდით - ფინანსთა მინისტრის მოადგილე
ყველა სახელმწიფო უწყება რომ გავაუქმოთ, პენსიას 400 ლარამდე მაინც ვერ გავზრდით - ფინანსთა მინისტრის მოადგილე

A+ A-

43

13:12 08/11/2018

ყველა სახელმწიფო უწყება რომ გავაუქმოთ და ყველანი სახლში გავუშვათ, პენსიის 400 ლარამდე გაზრდას საბიუჯეტო თანხები მაინც არ ეყოფა, - ამის შესახებ ჟურნალისტებს ფინანსთა მინისტრის მოადგილემ გიორგი კაკაურიძემ განუცხადა.

კაკაურიძის შეფასებით, ტყუილი და აბსურდია „ნაციონალური მოძრაობის“ საარჩევნო დაპირება პენსიის ოდენობის 400 ლარამდე გაზრდასთან დაკავშირებით.

"პენსიის 400 ლარამდე გაზრდის რესურსი ბიუჯეტში არ არსებობს. ეს არის არარეალური და აბსურდული დაპირება. დარწმუნებული ვარ, მათ რომ ვკითხოთ, თავადაც არ იტყვიან, რომ ამის გაკეთებას 2019 ან 2020 წლისათვის აპირებენ“, - აღნიშნა გიორგი კაკაურიძემ.

შეგახსენებთ, "ნაციონალური მოძრაობა" პენსიონერებს პენსიის 400 ლარამდე გაზრდას ჰპირდება.