პენსიის 400 ლარამდე გაზრდა შეუძლებელი და არარეალურია - სერგეენკო
პენსიის 400 ლარამდე გაზრდა შეუძლებელი და არარეალურია - სერგეენკო

A+ A-

190

13:39 08/11/2018

ჯანდაცვის მინისტრის მტკიცებთ, პენსიის 400 ლარამდე გაზრდა შეუძლებელი და არარეალურია.

როგორც სერგეენკომ განმარტა, 400 ლარამდე პენსიის გაზრდა ნიშნავს, რომ აღარ უნდა დაფინანსდეს არც ერთი სახელმწიფო სამსახური და სახელმწიფო ინსტიტუტების მუშაობა უნდა ჩამოიშალოს.

„ასაკით პენსიები ყველა ქვეყნისთვის, მათ შორის მდიდარი ქვეყნებისთვის, არის გამოწვევა. როდესაც პენსიაზეა საუბარი, ძალიან მნიშვნელოვანია, აუცილებელია, ყველა ნაბიჯი, იქნება ეს დაპირება, პროექტის გაზიარება  თუ მისი შესრულება, იყოს რეალისტური. 400 ლარამდე გაზრდა ნიშნავს, რომ 2019 წლის ბიუჯეტში 1,9 მილიარდი, რაც გამოიყოფა ასაკით პენსიისთვის, გაორმაგდეს. თანხის გაორმაგება ნიშნავს, რომ აღარ უნდა დაფინანსდეს არც ერთი სახელმწიფო სამსახური, სასწრაფო დახმარება, სახანძრო, პოლიცია და არმია. უნდა ჩამოიშალოს საერთოდ სახელმწიფო ინსტიტუციების მუშაობა. ასეთ შემთხვევაში შესაძლებელი იქნება, თუმცა აბსოლუტურად არარეალურია”, – განაცხადა დავით სერგენკომ.