მამუკა ბახტაძე - 2019-2020 წლებში სამხედრო მოსამსახურეებს ხელფასი გაეზრდებათ
მამუკა ბახტაძე - 2019-2020 წლებში სამხედრო მოსამსახურეებს ხელფასი გაეზრდებათ

A+ A-

33

14:42 08/11/2018

პრემიერ-მინისტრის მამუკა ბახტაძის განცხადებით, 2019-2020 წლებში სამხედრო მოსამსახურეებს წოდების მიხედვით  ანაზღაურება გაეზრდებათ.

„2019-2020 წლებში 7526 სამხედრო მოსამსახურეს ხელფასი წოდების მიხედვით გაეზრდება. მინდა შეგახსენოთ, რომ ამავე დროს 2018 წლის ზაფხულიდან, შსს-ს თანამშრომლების თითქმის 14 ათას მოქალაქეს გაეზარდა ხელფასი. ეს პროცესი გაგრძელდება. 2019 წლიდან თანამდებობრივი სარგო 250 ლარით გაეზრდებათ ასევე შსს-ს სასაზღვრო პოლიციის მესაზღვრეებსა და სანაპირო დაცვის ხომალდების მომსახურე პერსონალს. ეს არის დაახლოებით 2900 მოსამსახურე. პირველი იანვრიდან იგეგმება შინაგან საქმეთა სამინისტროს სხვა დანაყოფებისთვის ხელფასების ზრდა. ამავე დროს მოხდება ხელფასის ზრდა სახელმწიფო დაცვის სპეციალური სამსახურის თანამშრომლებისთვისაც”, - განაცხადა მამუკა ბახტაძემ საგანგებო ბრიფინგზე.