ევროპის ზამთრის ახალგაზრდულ ოლიმპიურ ფესტივალში საქართველოდან 6 სპორტსმენი მონაწილეობს
ევროპის ზამთრის ახალგაზრდულ ოლიმპიურ ფესტივალში საქართველოდან 6 სპორტსმენი მონაწილეობს

A+ A-

14:36 11/02/2019

ევროპის ზამთრის ახალგაზრდულ ოლიმპიურ ფესტივალზე საქართველოდან 6 სპორტსმენი გაემგზავრა.

ოლიმპიური ფესტივალი სარაევოში 9-16 თებერვალს იმართება. ოლიმპიური ფესტივალის გენერალური პარტნიორი "საქართველოს ბანკია".

როგორც ბანკის მიერ გავრცელებულ ინფორმაციაშია აღნიშნული, ოლიმპიურ ფესტივალში მასში საქართველოდან სპორტის 2 სახეობაში სულ 6 სპორტსმენი მიიღებს მონაწილეობას. სამთო-სათხილამურო სპორტში იასპარეზებენ: ნოდარ კოზანაშვილი; გიორგი აბრამაშვილი; სანდრო ჟორჟოლიანი; ნინო კურტანიძე; მაგატა ჯაფარიძე. ფიგურულ ციგურაობაში კი საქართველოს ალინა ურუშაძე  წარმოადგენს. 

"საქართველოს ბანკის გენერალური პარტნიორობით ევროპის ზამთრის ახალგაზრდულ ოლიმპიურ  ფესტივალში მონაწილე დელეგაციის გაცილების ცერემონია გაიმართა. დამტკიცდა საქართველოს ოლიმპიური დელეგაციის შემადგენლობაც. ახალგაზრდა სპორტსმენებმა საზეიმო ოლიმპიური ფიციც დადეს, რომელიც საქართველოს ეროვნული ოლიმპიური კომიტეტის შტაბ-ბინაში გაიმართა.

"საქართველოს ბანკი" მოხარულია, რომ ქვეყნისთვის ერთ-ერთი მნიშვნელოვანი- საქართველოს ოლიმპიური კომიტეტის გენერალური სპონსორი და მხარდამჭერია. საქართველოს ბანკი წარმატებებს უსურვებს ახალგაზრდა ოლიმპიელებს!

ინფორმაციისთვის: საქართველოს ბანკი ოლიმპიურ კომიტეტს გენერალურ პარტნიორობას 2018 წლიდან უწევს და მის მხარდაჭერას 2020 წლამდე განსახორციელებელ ყველა აქტივობაში გააგრძელებს. საქართველოს ბანკისა და ეროვნული ოლიმპიური კომიტეტის თანამშრომლობის მიზანს წარმოადგენს ქართველი ოლიმპიური სპორტსმენების მხარდაჭერა და წარმოჩენა საერთაშორისო დონეზე, რადგან თითოეული სპორტსმენისთვის, რომელიც წლების განმავლობაში ემზადება ოლიმპიური თამაშებისთვის - მნიშვნელოვანია სწორედ საკუთარი ქვეყნის მხარდაჭერა და მოსახლეობის ქომაგობა", - აღნიშნულია ბანკის მიერ გავრცელებულ ინფორმაციაში.