პაკისტანში სამგზავრო თვითმფრინავი ჩამოვარდა (ვიდეო)
პაკისტანში სამგზავრო თვითმფრინავი ჩამოვარდა (ვიდეო)

A+ A-

14:46 22/05/2020

პაკისტანში ავიაკომოანია Pakistan International Airlines-ის სამგზავრო თვითმფრინავმა კატასტროფა განიცადა. ამის შესახებ ადგილობრივი მედია წერს.

მედიის ინფორმაციით, პაკისტანში სამგზავრო თვითმფრინავი, რომელშიც 107 ადამიანი იმყოფებოდა, საცხოვრებელ ზონაში ჩამოვარდა. კატასტროფა ქალაქ ყარაჩიში მოხდა.

„თვითმფრინავი ქალაქ ყარაჩიში ჩამოვარდა. ვცდილობთ დავადგინოთ რამდენი ადამიანი იმყოფებოდა ბორტზე, მაგარამ ამ წუთისთვის არსებული ცნობებით, თვითმფრინავში 99 მგზავრი და 8 ეკიპაჟის წევრი იყო“,-განაცხადეს ქვეყნის ავიაციის სააგენტოში.

მედიის ცნობით, კატასტროფის შემდეგ, თვითმფრინავი ცეცხლის ალში გაეხვა. ამ წუთებში მეხანძრეები მის ჩაქრობას ცდილობენ.

ცნობისთვის, პაკისტანის ავიახაზების ლაინერი ქალაქ ლაჰორიდან ყარაჩიში მიემგზავრებოდა.