როგორ შეიცვალა გასაქირავებელი ბინის ფასი დედაქალაქში
როგორ შეიცვალა გასაქირავებელი ბინის ფასი დედაქალაქში

A+ A-

11:59 15/09/2020

დედაქალაქში თითქმის ყველა უბანსი გასაქირავებელი ბინების ღირებულება შემცირდა.

შემცირება შეეხო ფაქტობრივად, ყველა ტიპის ბინას, როგორც მცირე ფართის, ასევე დიდ ბინებსაც. გასაქირავებელი ბინის ფასი დამოკიდებულია მის ადგილმდებარეობაზე, ოთახების რაოდენობაზე და თუ როგორ გამოიყურება.

უძრავი ქონების აგენტების ინფორმაციით, გასაქირავებელი ბინის ფასები შემცირდა, თუმცა სტუდენტების მხირდან მოთხოვნა გაიზარდა. მოთხოვნის ზრდა ძირითადად დაბალბიუჯეტიან ბინებზე ფიქსირდება.

SS.ge-დან გამოთხოვილი ინფორმაციის თანახმად, მარტიდან სექტემბრამდე 1-ოთახიანი ბინის გაქირავებაზე ფასი ზოგიერთ უბანში შემცირდა, ზოგიერთ კი იგივე შენარჩუნდა. მაგალითად, თუ მარტში დიდუბე-ჩუღურეთში 1-ოთახიანი ბინის გაქირავების ფასი საშუალოდ 537 ლარს შეადგენდა, სექტემბერში მისი ფასი 476 ლარამდე ჩამოვიდა.

რაც შეეხება სხვა უბნებს, გლდანი-ნაძალადევში - 392 ლარამდე რჩება, ვაკე-საბურთალო - 666 ლარი იყო და 615 გახდა, ისანი-სამგორში - 457-დან 405-მდე შემცირდა, ხოლო ძველ თბილისში საშუალო ფასი 868 ლარიდან 663 ლარამდე ჩამოვიდა.

საანგარიშო პერიოდში 2-ოთახიანი ბინის გაქირავების ფასიც, 1-ოთახიანების მსგავსად შემცირდა.

SS.ge-ს ინფორმაციით, თუ მარტში დიდუბე-ჩუღურეთში აღნიშნული ტიპის ბინის გაქირავების ფასი 995 ლარს შეადგენდა, სექტემბერში მისი ფასი 832 ლარი გახდა. რაც შეეხება სხვა უბნებს, გლდანი-ნაძალადევში - 711 იყოს და 699 გახდა, ვაკე-საბურთალო - 1173-დან 1080 ლარამდე ჩამოვიდა, ისანი-სამგორი - 891-ლარიდან 812ლარამდე შემცირდა, ხოლო ძველ თბილისში საშუალო ფასი 1351 ლარიდან 1243 ლარამდე ჩამოვიდა.

როგორც უძრავი ქონების სააგენტო „კიბეს“ ხელმძღვანელი ნელი გოგუაძე აცხადებს, გაქირავებაზე მოთხოვნა ძირითადად სტუდენტების მხრიდან გაიზარდა.

„გაქირავებაზე მოთხოვნა იზრდება, თუმცა სტუდნტები მხრიდან, რომლებიც თავის მხრივ დაბალბიუჯეტიან ბინებს ეძებენ. რამდენიმე სტუდენტი ერთად ქირაობს ბინას და ძირითადად 500-700 ლარის ფარგლებში ეძებენ.

როგორც წესი უფრომეტად მოთხოვნადია ერთ ან ორ ოთახიანი ბინები, დიდი ბინები ნაკლებად. სტუდენტები ცდილობენ ბინები იპოვონ რალურ უბნებში სასწავლებლებთან ან გარეუბნებში, მაგრამ მეტროსთან ახლოს.

რაც შეეხება ფასებს, ძირითადად იგივე რჩება, თუმცა გარკვეულ შემტხვევასი მცირედით შემცირდა კიდეც.“ - აღნიშნა გოგუაძემ.

წყარო: bpn