ნონა წოწორია - დღეს 27 წლის ბიჭი თმის სიგრძის გამო მოკლეს, ჩვენ ისევ ვერ გაგვიგია რა უბედურებაც გვჭირს
ნონა წოწორია - დღეს 27 წლის ბიჭი თმის სიგრძის გამო მოკლეს, ჩვენ ისევ ვერ გაგვიგია რა უბედურებაც გვჭირს

A+ A-

18:27 16/07/2021

დღეს 27 წლის ბიჭი თმის სიგრძის გამო მოკლეს, ჩვენ ისევ ვერ გაგვიგია რა უბედურებაც გვჭირს, - ამის შესახებ ევროსასამართლოს ყოფილი მოსამართლე ნონა წოწორია სოციალურ ქსელში წერს.

"დისკრიმინაცია და შეუწყნარებლობა ანგრევს საზოგადოების სხეულს. ამიტომაცაა, რომ დისკრიმინაციული მოტივით ჩადენილი დანაშაულების შემთხვევაში საგამოძიებო ორგანოებმა ყველა ზომა მიიღონ ამგვარი მოტივის გამოსავლენად და მის ჩამდენ პირთა პასუხისგებაში მისაცემად. წინააღმდეგ შემთხვევაში წაიშლება განსხვავება სიძულვილით განპირობებულ და ჩვეულებრივ დანაშაულთა კატეგორიებს შორის, რაც შეიძლება განიმარტოს, როგორც ხელისუფლების ოფიციალური თანხმობა ამ ტიპის დანაშაულების ჩადენაზე, ან უფრო მეტიც, როგორც სიძულვილის მოტივით ჩადენილ დანაშაულში თანამონაწილეობა. ასეთ პირობებში ხელისუფლებას გაუჭირდება მსგავს გამოწვევებთან გამკლავება, ხოლო საზოგადოება დაკარგავს ნდობას ხელისუფლების ანტი-დისკრიმინაციული პოლიტიკის მიმართ. ეს ევროსასამართლოს სტანდარტია.

დღეს 27 წლის ბიჭი თმის სიგრძის გამო მოკლეს. ჩვენ ისევ ვერ გაგვიგია რა უბედურებაც გვჭირს",- წერს წოწორია.