"მივლენ ახლა გასვენებაში ისინი, ვინც გაჭირვებაში მიატოვა, მივლენ და აღვარღვარებენ ნიანგის ცრემლებს"
"მივლენ ახლა გასვენებაში ისინი, ვინც გაჭირვებაში მიატოვა, მივლენ და აღვარღვარებენ ნიანგის ცრემლებს"

A+ A-

10:09 04/08/2022

მივლენ ახლა გასვენებაში ისინი, ვინც გაჭირვებაში მიატოვა, დახმარების ხელი არ გაუწოდა, მხარში არ ამოუდგა. მივლენ და აღვარღვარებენ ღაპაღუპით ნიანგის ცრემლებს, - ამის შესახებ სოციალურ ქსელში ნიკა ქავთარაძე მომღერალ მამუკა ონაშვილის შესახებ წერს.

"დღეს მამუკა ონაშვილის გასვენებაა. ძალიან მიყვარდა ეს ბავშვივით კეთილი და მხიარული ადამიანი. ძალიან მეწყინა და მეტკინა.

გუშინ პანაშვიდზე ვიყავი. და ერთ რაღაცაზე დავფიქრდი.
ძალიან უჭირდა ბოლო პერიოდში. არაა ეს ქვეყანა არტისტებისთვის. თორემ ყველაფერი ჰქონდა მამუკას, კარგად ცხოვრებისთვის - ნიჭი, ხმა, ქარიზმა. მაგრამ ეს ხო საქართველოა.

ხოდა, მივლენ ახლა გასვენებაში ისინი, ვინც გაჭირვებაში მიატოვა, დახმარების ხელი არ გაუწოდა, მხარში არ ამოუდგა.  მივლენ და აღვარღვარებენ ღაპაღუპით ნიანგის ცრემლებს.

ფარისევლობა არც ჩვენი საზოგადოებისთვისაა უცხო და არ სიონის ტაძრისთვის, მაგრამ მაინც ტეხავს, თან ძალიან. ღმერთმა გაანათლოს ჩვენი ყველას მამუკა ონაშვილის სული!",- წერს ნიკა ქავთარაძე.