"უკრაინაში "პატრიოტის“ საჰაერო თავდაცვის სისტემის განთავსება ნამდვილად მიზანშეწონილია"
"უკრაინაში "პატრიოტის“ საჰაერო თავდაცვის სისტემის განთავსება ნამდვილად მიზანშეწონილია"

A+ A-

11:43 24/11/2022

საზენიტო სარაკეტო სისტემა Patriot-ს, რომელიც ბერლინს სურს გადაიტანოს ვარშავაში და პოლონეთის თავდაცვის სამინისტრო კი მას უკრაინას სთავაზობს, შეუძლია დაიცვას როგორც უკრაინის ტერიტორია, ასევე ევროპის ცა.

ამის შესახებ უკრაინის შეიარაღებული ძალების საჰაერო ძალების სარდლობის წარმომადგენელ იური იგნატმა განაცხადა.

ოფიცერმა აღნიშნა, რომ უკრაინაში "პატრიოტის“ საჰაერო თავდაცვის სისტემის განთავსება ნამდვილად მიზანშეწონილია.

"და რატომ პოლონეთში? ასევე შესაძლებელია განლაგება უკრაინაში, დასავლეთის ტერიტორიებზე. აქ არის შეკითხვა ჩვენს პარტნიორებთან. რა ნაბიჯებისთვის არიან ისინი მზად, რომ დაიცვან როგორც უკრაინის საზღვარი, ასევე უკრაინის ტერიტორია და ევროპა, რათა უზრუნველყონ საჰაერო სივრცის უსაფრთხოება“, - განაცხადა იგნატმა.

რაც შეეხება გერმანიის მიერ პოლონეთისთვის საჰაერო თავდაცვის სისტემების გადაცემას, უკრაინის შეიარაღებული ძალების სპიკერი ამას ლოგიკურად მიიჩნევს, რადგან ქვეყანა ნატო-ს წევრია.

"ეს სრულიად ბუნებრივი პერსპექტივაა. პოლონეთში, ისევე როგორც რუმინეთში, არის რაკეტსაწინააღმდეგო თავდაცვის სისტემები, სარადარო სისტემები და Patriot-ს შეუძლია გააძლიეროს“, - განაცხადა მან.

პოლონეთის თავდაცვის მინისტრმა მარიუშ ბლაშჩაკმა თხოვნით მიმართა გერმანიას, რომ მათთვის შეთავაზებული "პატრიოტის" სარაკეტო კომპლექსი დასავლეთის საზღვართან განსალაგებლად უკრაინას გადასცენ.