ცენტრალური მაგისტრალის ქარელი-რუისის მონაკვეთზე ერთმანეთს მიკროავტობუსი და მსუბუქი ავტომობილი შეეჯახნენ.
შემთხვევის შედეგად ადგილზე გარდაიცვალა ორი და დაშავდა ერთი ადამიანი.
გამოძიება სისხლის სამართლის კოდექსის 276-ე მუხლის მე-8 ნაწილით დაიწყო.
ცენტრალური მაგისტრალის ქარელი-რუისის მონაკვეთზე ერთმანეთს მიკროავტობუსი და მსუბუქი ავტომობილი შეეჯახნენ.
შემთხვევის შედეგად ადგილზე გარდაიცვალა ორი და დაშავდა ერთი ადამიანი.
გამოძიება სისხლის სამართლის კოდექსის 276-ე მუხლის მე-8 ნაწილით დაიწყო.
1713434722
"ჩვენ ვართ ევროკავშირის კანდიდატი ქვეყანა და ძალიან ახლოს ვართ მოლაპარაკებების დაწყების პროცესთან, რომელიც უკრაინამ და მოლდოვამ უკვე დაიწყეს. ყველა ქართველი თავს ევროპელად გრძნობს, საქართველოს მოსახლეობის 80% გასული 30 წლის განმავლობაში მუდმივად, აცხადებს, რომ სურს ევროკავშირსა და ატლანტიკურ საზოგადოებაში გაწევრიანება. ეს არის ის, რაც ვერაფერმა შეცვალა, ვერც ომმა, ვერც ტერიტორიის ოკუპაციამ, მოსახლეობის სიმტკიცე ურღვევია და არ შეიცვლება და სწორედ ეს სიმტკიცე მიგვიყვანს არჩევნებზე წელს ოქტომბერში და დარწმუნებული ვარ, რომ გასული წლის მსგავსად, როდესაც ჩვენ კანდიდატის სტატუსი მივიღეთ, წელს მივიღებთ გაწევრიანების მოლაპარაკებების დაწყების შესახებ გადაწყვეტილებას.ახლა ჩვენ ერთი ნაბიჯით მიახლოებული ვართ ევროკავშირში გაწევრიანებას, რადგან წლის ბოლოს, შესაძლოა, მიიღონ გადაწყვეტილება საქართველოს გაწევრიანების მოლაპარაკებების დაწყების შესახებ. ეს ძალიან მნიშვნელოვანი ნაბიჯია და რუსეთმა დაიწყო ჰიბრიდული სტრატეგია და ცდილობს, შეგვაჩეროს ამ გზაზე და მათ აშკარად ეხმარება დღევანდელი ხელისუფლება. ახლა მნიშვნელოვანია ჩვენი პარტნიორების ყურადღების მიქცევა, რადგან კანონი ჩვენი პარტნიორების, საქართველოში მოქმედ ყველა საერთაშორისო ორგანიზაციის წინააღმდეგაც არის მიმართული. ეს არის ნამდვილად გეოპოლიტიკური ომი, არა სამხედრო ომი, როგორსაც თქვენ ახლა უკრაინაში ხედავთ, არამედ სხვა ტიპის, "რბილი ომი", - განაცხადა სალომე ზურაბიშვილმა CNN-თან ინტერვიუში.
1713433182
მისი თქმით, ენჯეო სექტორმა უნდა დააორგანიზოს პოლიტიკოსების საჯარო დებატები და შეხვედრები ერთმანეთთან."ჩემი აზრით, რა კანონიც იყო, ის პასუხი გუშინ საქართველოს ხელისუფლებამ ქართველი ხალხისგან მიიღო, უბრალოდ, მე ვფიქრობ, დიდი ხნის განმავლობაში ამ ფორმით აქციები ვერ გაგრძელდება, გამომდინარე იქიდან, რომ მისი ორგანიზატორები, ენჯეო სექტორი თავისი პროფილით შეზღუდულები არიან. ზოგადად არ შეიძლება, რომ აქცია თანდათან პოლიტიკური ხდებოდეს და პოლიტიკური პარტიები იყვნენ მის სათავეში. იცით, რომ პოლიტიკური პარტიების სათავეებთან გამოჩენა ცუდად აქვს დაცდილი ქართველ ხალხს და ზოგადად, ისე ჩნდებიან, რომ ხალხი მერე იშლება. ამიტომ, მე მგონია, რომ რაც შეიძლება ენჯეო სექტორმა ყველაზე კარგი გააკეთოს, არის, რომ დააორგანიზოს პოლიტიკოსების საჯარო დებატები და შეხვედრები ერთმანეთთან. იმისთვის, რომ ხალხის თვალწინ იგრძნობოდეს ის პოზიციები და დაპირებები, რომელსაც ოპოზიცია და სხვადასხვა პოლიტიკური ძალა შეასრულებდა იმ შემთხვევაში, თუ ის ხელისუფლებაში იქნებოდა არჩევნების შემდეგ", - განაცხადა იაგო ხვიჩიამ.
1713432635
პარლამენტმა ორგანულ კანონებში "საქართველოს საარჩევნო კოდექსი" და "მოქალაქეთა პოლიტიკური გაერთიანების შესახებ“ ცვლილებების შეტანის თაობაზე კანონპროექტები 4 აპრილს მიიღო და საქართველოს პრეზიდენტს ხელმოსაწერად გადაუგზავნა.პარლამენტის თავმჯდომარის შალვა პაპუაშვილის განცხადებით, გენდერულ კვოტებთან დაკავშირებულ კანონპროექტებზე პრეზიდენტის ვეტოზე იურიდიულ საკითხთა კომიტეტი იმსჯელებს. კომიტეტის შემდეგ საკითხი განსახილველად პარლამენტის პლენარულ სხდომაზე გავა.ბიუროს წევრებმა 18-19 აპრილის პლენარული სხდომების დღის წესრიგის საკითხები განსაზღვრეს.
1713432250
"როგორც საქართველოს პრეზიდენტმა არაერთხელ აღნიშნა, იგი ვეტოს დაადებს ყველა კანონს, რომელიც წინააღმდეგობაში მოვა საქართველოს ევროპულ გზასთან.გენდერული კვოტირების გაუქმება საქართველოს ევროინტეგრაციის გზაზე კიდევ ერთი უკან გადადგმული ნაბიჯია, რადგან გენდერული კვოტების საკითხი ევროკომისიის მიერ დაწესებული 12 პუნქტიანი გეგმის მე-9 პუნქტის შემადგენელი ნაწილი იყო, რომელიც ევროკომისიამ შესრულებულად ჩათვალა", - აღნიშნულია ინფორმაციაში.
1713430854
"ყველას სათითაოდ ვერ ვპასუხობ ვინც მკითხულობს და აქ დავწერ: გუშინ კანცელარიასთან რამდენიმე პოლიციელმა დეპუტატების ორი დღის წინანდელი ცემატყეპის ესტაფეტა გადაიბარეს, შემდეგ რამდენიმე საათი ვიყავი დიდუბის პოლიციაში, მერე კლინიკაში და ახლა სახლში ვარ.კაი გულიანად ნაცემი ვარ, ერთი ნეკნი მოტეხილი მაქვს, ტუჩი ანჯელინა ჯოლის ჩინური ვერსიასავით მაქვს. სისხლჩაქცევებზე და ეგეთებზე ლაპარაკი არც ღირს. მარა მხნედ ვარ, შემართებით! არა, რუსულ კანონს!!!" - წერს ელისაშვილი.ალეკო ელისაშვილი გუშინ აქციაზე პოლიციის მანქანაში ძალის გამოყენებით ჩასვეს და ტერიტორიიდან გაიყვანეს.
1713430608
"ჩვენ ღრმად ვართ შეშფოთებულები საქართველოში მმართველი პარტიის მიერ "უცხოური გავლენის გამჭვირვალობის შესახებ" კანონპროექტის ხელახალი ინიციირებით. ეს კანონი, რომელიც გუშინ პირველი მოსმენით იქნა მიღებული, არის თავდასხმა დამოუკიდებელ მედიასა და სამოქალაქო საზოგადოებაზე. ეს შეუთავსებელია ევროკავშირის ღირებულებებთან და დემოკრატიულ პრინციპებთან. ის ეწინააღმდეგება საქართველოს ევროკავშირში გაწევრიანების ამბიციებს და საფრთხეს უქმნის ქვეყნის ევროატლანტიკურ ინტეგრაციას.მოვუწოდებთ საქართველოს მთავრობას და პარლამენტს, არ უღალატონ ქართველი ხალხის უმრავლესობის მისწრაფებებს და ჩაერთონ ეროვნულ და საერთაშორისო პარტნიორებთან ერთობლივ მუშაობაში, რათა სამოქალაქო საზოგადოების ორგანიზაციებისთვის ხელსაყრელი სამუშაო გარემოს იყოს უზრუნველყოფილი.ჩვენ ასევე შეშფოთებულები ვართ სპეცრაზმის მიერ საკამათო კანონპროექტის წინააღმდეგ გამოსული დემონსტრანტების წინააღმდეგ ძალის გამოყენებით. მშვიდობიანი საპროტესტო აქციების უფლება ფუნდამენტური უფლებაა და მკაცრად უნდა იქნეს დაცული, განსაკუთრებით ევროკავშირის წევრობის მსურველ ქვეყანაში. მშვიდობიანი მომიტინგეების მიმართ ძალის განურჩეველი გამოყენება არ შეიძლება იყოს გამართლებული.მოვუწოდებთ საქართველოს ხელმძღვანელობას, უზრუნველყოს გამოხატვისა და შეკრების თავისუფლების დაცვა და თავიდან აიცილოს ძალადობის ესკალაცია.ჩვენ კვლავაც ურყევად ვუჭერთ მხარს ქართველი ხალხის ლეგიტიმურ ევროპულ მისწრაფებებს და შეგახსენებთ, რომ ევროკომისიის მიერ განსაზღვრული შესაბამისი ნაბიჯები ჯერ კიდევ განსახორციელებელია", - აღნიშნულია სვენ მიქსერის, დევიდ მაკალისტერის და მარინა კალიურანდის ერთობლივ განცხადებაში.
1713427885
"დიდი ბრიტანეთი აღარ არის ევროკავშირის წევრი. მე ვერ ვისაუბრებ მათი სახელით, თუმცა ვიტყვი, რომ ევროკავშირიდან ჩემმა კოლეგამ, პაველ ჰერჩინსკიმ, ასევე შარლ მიშელმა მკაფიოდ განაცხადეს საქართველოს ევროპული პერსპექტივისთვის ამ კანონის მნიშვნელობის შესახებ. რაც შეეხება დიდ ბრიტანეთს, დიდი ბრიტანეთი არის დემოკრატიისა და ადამიანის უფლებების ძალიან ძლიერი მხარდამჭერი მთელ მსოფლიოში.ჩვენ მტკიცედ გვჯერა, რომ აქტიური სამოქალაქო საზოგადოება არის ნებისმიერი თანამედროვე დემოკრატიის გადამწყვეტი კომპონენტი. ასე რომ, ყველაფერი, რაც ანადგურებს, ზღუდავს ან აფერხებს სამოქალაქო საზოგადოების მუშაობის შესაძლებლობას, არის ის, რის გამოც ჩვენ ვიქნებოდით უკიდურესად შეშფოთებულები“, – განაცხადა მარკ კლეიტონმა.
1713427729
მისი თქმით, საქართველოში დემოკრატია საფრთხეშია."ჩვენს საზღვრებში დემოკრატიას საფრთხე ემუქრება. ჩვენ არ უნდა დავხუჭოთ თვალი დემოკრატიის საგანგაშო უკან დახევაზე საქართველოში. საქართველოს მესამე პრეზიდენტი მიხეილ სააკაშვილი, იმედისა და დასავლური რეფორმების სიმბოლო, ციხეშია, რადგან გაბედა ოლიგარქ ივანიშვილის რეჟიმისთვის წინააღმდეგობის გაწევა. მისი პოლიტიკური პატიმრობა ხაზს უსვამს იმას, რომ ავტორიტარული რეჟიმები არ შეწყვეტენ ოპონენტების გაჩუმებას და ხელისუფლებაში დარჩენის არავის უჭირავს ევროპის დროშა ისე ამაყად, როგორც მიხეილ სააკაშვილს რუსი ოლიგარქის ციხეში და არავის უჭირავს ევროპის დროშა ისე ამაყად, როგორც უკრაინელებს, როდესაც გმირულად იცავენ დემოკრატიას და სწირავენ სიცოცხლეს ბრძოლის ველზე.მოგიწოდებთ, იგივე სიმამაცით ავიღოთ ევროპის დროშა, რომელიც დემოკრატიის, სამართლიანობისა და მჩაგვრელი რეჟიმების წინააღმდეგ ბრძოლის სიმბოლოა. ჩვენ გვჭირდება უფრო გადამწყვეტი ქმედებები, გარდა რეზოლუციებისა", - განაცხადა ლევან ბეჟაშვილმა.