ექსკლუზივი

პოლიტიკა

ბიზნესი და ეკონომიკა

თიბისიმ, ADB-ისა და IFC-ის მხარდაჭერით, ვაჭრობის დაფინანსებისთვის $51 მილიონი მოიზიდა

1794990302

ფინანსური რესურსი საქართველოში საცალო ვაჭრობის სექტორის განვითარებას მოხმარდება; ადგილობრივ კომპანიებს ვაჭრობის დაფინანსებაზე წვდომას გაუზრდის და საერთაშორისო ბაზრებზე პოზიციების გაძლიერებაში დაეხმარება. კომპანიები შეძლებენ, უფრო მარტივად მართონ ექსპორტ-იმპორტის ოპერაციები და დამატებითი რისკების გარეშე გააფართოონ ბიზნესი.„ვაჭრობის დაფინანსება ბიზნესის ზრდისა და საერთაშორისო ბაზრებზე გასვლისთვის მნიშვნელოვანი ინსტრუმენტია. თიბისის მიზანია, კომპანიებს ამ შესაძლებლობებით სარგებლობა გაუმარტივოს და მათს განვითარებას შეუწყოს ხელი. სწორედ ამიტომ, საერთაშორისო ფინანსურ ინსტიტუტებთან თანამშრომლობა ჩვენთვის განსაკუთრებით მნიშვნელოვანია - მოზიდული რესურსი აფართოებს ბიზნესისთვის ხელმისაწვდომი დაფინანსების შესაძლებლობებს და გვაძლევს საშუალებას, კერძო სექტორის განსხვავებულ საჭიროებებს უფრო ეფექტიანად ვუპასუხოთ. სწორედ ამ მიდგომების დამსახურებაა, რომ 1000-ზე მეტი კომპანია გვენდობა და 47%-იანი წილით ბაზრის ლიდერობას ვინარჩუნებთ”, – თამარ ხიზანიშვილი, თიბისის ვაჭრობის ფინანსირებისა და ფაქტორინგის დეპარტამენტის დირექტორი.„მოხარულები ვართ, რომ ვაგრძელებთ თიბისისთან წარმატებულ პარტნიორობას და ხელს ვუწყობთ ვაჭრობის დაფინანსებაზე ხელმისაწვდომობის ზრდას საქართველოში. დამატებითი ფინანსური რესურსით შეგვიძლია, დავეხმაროთ ქართულ ბიზნესებს ვაჭრობის განვითარებაში, ზრდასა და საერთაშორისო ბაზრებთან უფრო ეფექტიანად დაკავშირებაში“, – სტივენ ბეკი, აზიის განვითარების ბანკის ვაჭრობისა და მიწოდების ჯაჭვის დაფინანსების პროგრამის ხელმძღვანელი.„საერთაშორისო ვაჭრობაში ჩართული ბიზნესებისთვის პროდუქტის ტრანსპორტირებისთვის საჭირო დაფინანსება ისეთივე მნიშვნელოვანია, როგორც თავად პროდუქტი. IFC მხარს უჭერს თიბისის, რათა ეს რესურსები კიდევ უფრო ხელმისაწვდომი გახდეს საცალო ვაჭრობის სექტორისთვის საქართველოში. გლობალური ვაჭრობის დაფინანსების პროგრამის მეშვეობით ხელს ვუწყობთ, რომ აუცილებელი პროდუქტები - საკვები, ფარმაცევტული პროდუქცია და სამედიცინო მოწყობილობები - შეუფერხებლად მიეწოდებოდეს იმ ადამიანებსა და ბიზნესებს, რომლებსაც ისინი სჭირდებათ“, – მაკიკო ტოიოდა, IFC-ის ვაჭრობისა და მიწოდების ჯაჭვის დაფინანსების მიმართულების გლობალური მენეჯერი.აზიის განვითარების ბანკი წამყვანი საერთაშორისო განვითარების ბანკია, რომელიც მხარს უჭერს მდგრად და ინკლუზიურ ზრდას აზიასა და წყნარი ოკეანის რეგიონში. ADB იყენებს ინოვაციურ ფინანსურ ინსტრუმენტებსა და სტრატეგიულ პარტნიორობებს, რათა გააუმჯობესოს ადამიანების ცხოვრება, განავითაროს ხარისხიანი ინფრასტრუქტურა და დაიცვას გარემო. ბანკი 1966 წელს დაარსდა და 69 წევრს აერთიანებს, საიდანაც 50 რეგიონის ქვეყანაა.IFC-ის გლობალური ვაჭრობის დაფინანსების პროგრამა (GTFP) კორპორაციის წამყვანი ინიციატივაა ვაჭრობის დაფინანსების მიმართულებით. პროგრამის ფარგლებში IFC პარტნიორ ბანკებს ნაწილობრივ ან სრულ გარანტიებს სთავაზობს, რომლებიც განვითარებად ბაზრებზე მოქმედი ემიტენტი ბანკების გადახდის რისკებს ფარავს. დამატებითი ინფორმაციისთვის ეწვიეთ: www.ifc.org/trade 

თიბისის მობაილბანკში ელექტრონული სატენდერო გარანტიის მიღება უკვე ონლაინაა შესაძლებელი

1794984655

პროცესი სწრაფია და სრულად ციფრული. კომპანია განაცხადს თიბისის მობაილბანკში ავსებს. ხელშეკრულების გაფორმება და ტენდერში მონაწილეობისთვის საჭირო გარანტიის კოდის მიღება განაცხადის დაფიქსირებიდან 30 წუთშია შესაძლებელი.თიბისის მობაილბანკიდან ელექტრონული სატენდერო გარანტიის მაქსიმალური მოცულობა 15 000 ლარს შეადგენს. ახალი ფუნქციონალი ბიზნესს, დროსთან ერთად, ფულად რესურსსაც უზოგავს. ციფრულად გარანტიის მიღება კომპანიებს განახევრებული ტარიფით და 0%-იანი საპროცენტო განაკვეთით შეუძლიათ.განაცხადის შესავსებად, ეწვიეთ ბმულს: ‎https://tbc-business.onelink.me/Ierb/ElGuaranteeProcess-sms 

40+ პროექტი, 500 000-ზე მეტი ბენეფიციარი - გაეცანით "საქართველოს ბანკის" მიერ შექმნილ განათლების შესაძლებლობებს

1794923948

საქართველოს ბანკის საგანმანათლებლო მიმართულება 40-ზე მეტ პროექტს აერთიანებს და ოთხ ძირითად პრიორიტეტს ეფუძნება: საგანმანათლებლო ინფრასტრუქტურის გაუმჯობესებას, ხარისხიან განათლებაზე ხელმისაწვდომობის ზრდას, STEM განათლების ხელშეწყობასა და ფინანსური წიგნიერების განვითარებას.აღმოაჩინე საქართველოს ბანკის მიერ შექმნილი განათლების შესაძლებლობები:იდეათეკებიიდეათეკა მულტიფუნქციური საგანმანათლებლო სივრცეა, რომელიც მოსწავლეებს აძლევს წვდომას წიგნებზე, ტექნოლოგიებსა და მრავალფეროვან საგანმანათლებლო რესურსებზე. პროექტი განსაკუთრებით მნიშვნელოვანია რეგიონებისთვის, მათ შორის მაღალმთიანი, საზღვრისპირა და ეთნიკური უმცირესობებით დასახლებული დასახლებებისთვის. დღეს საქართველოს ბანკის იდეათეკები 11 რეგიონის 30 სკოლაში ფუნქციონირებს.ინიციატივის ფარგლებში, იდეათეკები უკვე 23 000-ზე მეტი მოსწავლისთვის ქმნის განათლების შესაძლებლობებს.საქართველოს ბანკის სტიპენდიები ადგილობრივ უნივერსიტეტებშისაქართველოს ბანკი ბაკალავრიატის სტუდენტებისთვის 24 პარტნიორ უნივერსიტეტში სასტიპენდიო პროგრამას ახორციელებს. პროგრამის ფარგლებში კი ახალგაზრდებს შესაძლებლობას აძლევს, მიიღონ სწავლის სრული დაფინანსება.საქართველოს ბანკის სასტიპენდიო პროგრამაზე განაცხადების მიღება მიმდინარეობს და 30 ნოემბერს დასრულდება. დეტალური ინფორმაციისთვის ეწვიეთ ვებგვერდს.გიორგი ჩახავას სახელობის სტიპენდია მომავალი არქიტექტორებისთვისსაქართველოს ბანკის სათავო ოფისის ავტორის, გიორგი ჩახავას სახელობის სტიპენდია არქიტექტურისა და მასთან დაკავშირებული სფეროების სტუდენტებს პროფესიული განვითარების შესაძლებლობას აძლევს. ინიციატივის ფარგლებში, სტუდენტებს შესაძლებლობა აქვთ, მიიღონ სწავლის სრული  დაფინანსება ოთხ პარტნიორ უნივერსიტეტში.საქართველოს ბანკის გიორგი ჩახავას სახელობის სასტიპენდიო პროგრამაზე განაცხადების მიღება მიმდინარეობს და 30 ნოემბერს დასრულდება. დეტალური ინფორმაციისთვის ეწვიეთ ვებგვერდს.საქართველოს ბანკის ინიციატივის ფარგლებში, უკვე გამოვლინდა 500-ზე მეტი სტიპენდიატი.ბანკი ასევე ქმნის საერთაშორისო განათლების შესაძლებლობებს. ყოველწლიურად, საქართველოს ბანკი Fulbright-ის, Chevening-ის, ნიკა გუჯეჯიანის სახელობის სასტიპენდიო პროგრამის და UWC-ის სასტიპენდიო პროგრამის ფარგლებში საკუთარ სტიპენდიატებს ავლენს.საერთაშორისო სასტიპენდიო პროგრამების ფარგლებში უკვე გამოვლინდა საქართველოს ბანკის 60-ზე მეტი სტიპენდიატი.AI სტიპენდია გოგოებისთვისხელოვნური ინტელექტის განვითარებასთან ერთად, საქართველოს ბანკმა პარტნიორ ორგანიზაციებთან და აკადემიებთან ერთად გოგოებისთვის სპეციალური AI სტიპენდია შექმნა. პროგრამა მონაწილეებს შესაძლებლობას აძლევს, ისწავლონ ხელოვნური ინტელექტი და აღმოაჩინონ ახალი პროფესიული შესაძლებლობები სრული დაფინანსებით.AI სასტიპენდიო პროგრამაზე მიღება მიმდინარეობს და 25 ნოემბერს დასრულდება. რეგისტრაციისთვის ეწვიეთ ვებგვერდს.სტიპენდია პროფესიულ აკადემიებშიიმ ადამიანებისთვის კი, რომლებსაც პროფესიის შეცვლა, ახალი უნარების შეძენა ან კვალიფიკაციის ამაღლება სურთ, საქართველოს ბანკი პროფესიული განათლების სასტიპენდიო პროგრამას ახორციელებს და საქართველოს ნებისმიერ მოქალაქეს აძლევს შესაძლებლობას, სრული დაფინანსებით შეისწავლონ ახალი პროფესიები 20-ზე მეტ პარტნიორ აკადემიაში.  2026 წლიდან პროგრამა სკოლის მოსწავლეებისთვისაც აძლევს შესაძლებლობას, 10-ზე მეტ კურსზე სრული დაფინანსებით ისწავლონ.სასტიპენდიო პროგრამაზე მიღება 24 ნოემბერს დასრულდება. რეგისტრაციისთვის ეწვიეთ ვებგვერდს.STEM სკოლასაქართველოს ბანკი კომაროვის სკოლასთან თანამშრომლობით STEM სკოლის პროექტს ახორციელებს, რომელიც მოსწავლეებს საბუნებისმეტყველო მეცნიერებების, ტექნოლოგიების, ინჟინერიისა და მათემატიკის მიმართულებით ცოდნის გაღრმავებაში ეხმარება.STEM სკოლაში 3000-ზე მეტი მონაწილე ჩაერთო, რომელთაგან 700-ზე მეტი საქართველოს ბანკის სტიპენდიატია.TUMO ქუთაისისაქართველოს ბანკის მხარდაჭერით, ქუთაისში TUMO-ს ცენტრი გაიხსნა, რომელიც 12-18 წლის ახალგაზრდებს შესაძლებლობას აძლევს, მიიღონ ცოდნა ტექნოლოგიებისა და კრეატიული ინდუსტრიის მიმართულებით, 11 კურსიდან ერთ-ერთზე. მათ შორის, ახალგაზრდებს აქვთ შესაძლებლობა, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა. TUMO ქუთაისში უკვე 600-მა ახალგაზრდამ დაიწყო სწავლა.TUMO ქუთაისში მიღება უწყვეტ რეჟიმში მიმდინარეობს, დეტალური ინფორმაციის მისაღებად ეწვიეთ ვებგვერდს.Code ITსაქართველოს ბანკი, საქართველოს ინოვაციების და ტექნოლოგიების სააგენტოსთან (GITA) პარტნიორობით 2023 წლიდან Code IT-ის პროგრამას ახორციელებს, რომლის ფარგლებშიც, მთელი საქართველოს მასშტაბით, მოსწავლეებს პროგრამირების საბაზისო უნარების განვითარების შესაძლებლობას აძლევს. სწავლება რეგიონების ტექნოპარკებში მიმდინარეობს. ინიციატივის შესახებ დეტალური ინფორმაციის მისაღებად ეწვიეთ ვებგვერდს.ფინანსური წიგნიერება2026 წელს საქართველოს ბანკის ფინანსური განათლების სასერტიფიკატო ტრენინგი 600-ზე მეტმა მონაწილემ გაიარა. ტრენინგები განკუთვნილია მასწავლებლებისთვის, სტუდენტებისა და მშობლებისთვის.საქართველოს ეროვნულ ბანკთან პარტნიორობით მხარდაჭერილია მოსწავლეებისა და მასწავლებლების ფინანსური განათლების კონკურსები, დესპანებისა და ფინანსური ავტობუსის პროექტები. ფინანსური განათლების კურსი დაინერგა ორ უნივერსიტეტშიც, სადაც ის 100-ზე მეტმა სტუდენტმა გაიარა.ახალგაზრდებთან ფინანსური ცოდნის გასავრცელებლად გამოიყენება sCoolApp-ის საგანმანათლებლო თამაში TRIVIA. 2026 წელს თამაშში მომხმარებლების 75%-მა მიიღო მონაწილეობა. თამაშის თემებს შორისაა დაზოგვა, პასუხისმგებლიანი ხარჯვა, პირადი ბიუჯეტის დაგეგმვა და კიბერუსაფრთხოება.თბილისის წიგნის დღეებისაქართველოს ბანკი უკვე სამი წელია მხარს უჭერს „თბილისის წიგნის დღეებს“. 2023 წლიდან ღონისძიებას 150 000-ზე მეტი ადამიანი დაესწრო, სადაც მათ ჰქონდათ შესაძლებლობა, ესარგებლათ სპეციალურად მათთვის შექმნილი შეთავაზებებით. პროექტის შესახებ დეტალური ინფორმაციისთვის ეწვიეთ თბილისის წიგნის დღეების გვერდს.მასწავლებლის ეროვნული ჯილდოსაქართველოს ბანკი მეორე წელია მასწავლებლის ეროვნული ჯილდოს მთავარი მხარდამჭერია. პროექტი გლობალური კამპანიის ნაწილია, რომელიც მასწავლებლის, როგორც პროფესიის, პოპულარიზაციას ისახავს მიზნად და წარმატებული პედაგოგების გამოვლენასა და მათ წარდგენას ითვალისწინებს საზოგადოებისთვის. პროექტის შესახებ დეტალური ინფორმაციის მისაღებად ეწვიეთ ვებგვერდს.ეს საქართველოს ბანკის მიერ განხორციელებული ინიციატივების მხოლოდ ნაწილია. ვრცლად CSR ანგარიში ხელმისაწვდომია ბმულზე.

მიიღე ფულადი გზავნილი და მოიგე 10 000 ლარი - "საქართველოს ბანკის" ახალი გათამაშება დაიწყო

1794906052

თუ საქართველოს საზღვრებს გარეთ ცხოვრობთ, გაუგზავნეთ გზავნილი საკუთარ თავს გზავნილების პუნქტიდან, გაანაღდეთ თანხა მობილბანკით ან ინტერნეტბანკით და მიიღეთ შანსი მოხვდეთ გამარჯვებულებს შორის.კამპანიის ფარგლებში, ყოველდღიურად ყოველი მე-1000 მომხმარებელი 300 ლარი მიიღებს. ამასთან, ყოველ კვირას 1,000 ლარს მიიღებს ის მომხმარებელი, რომელიც კვირის განმავლობაში ყველაზე მეტი რაოდენობის გზავნილს გაანაღდებს. გათამაშების დასრულების შემდეგ კი სამი მომხმარებელი სუპერპრიზს - 10,000 ლარს მიიღებს.გამარჯვებულები სამი განსხვავებული კრიტერიუმით გამოვლინდებიან. პრიზები გადაეცემა მომხმარებლებს, რომლებიც:ყველაზე დიდი მოცულობის თანხის გზავნილს მიიღებენ;ყველაზე მეტი რაოდენობის გზავნილს გაანაღდებენ;ყველაზე დიდი მოცულობის თანხას საკუთარ თავთან გზავნილის სახით გაანაღდებს.გათამაშებაში მონაწილეობს MoneyGram-ის, Western Union-ის, RIA-ს, InteliExpress -ისა და Ricogram-ის ფულადი გზავნილები. პრიზების მისაღებად საჭიროა, მომხმარებელმა მობილბანკის საშუალებით მინიმუმ 300 ლარის, 300 ევროს ან 300 აშშ დოლარის ოდენობის გზავნილი გაანაღდოს.ასე რომ, მიიღეთ ფულადი გზავნილი, ჩაერთეთ გათამაშებაში და მიიღეთ 10,000 ლარის მოგების შანსი!მეტი ინფორმაციისთვის ეწვიეთ ბმულს.

ომი უკრაინაში

საზოგადოება

ყველა სიახლე
პუტინი ჩინეთის ქალაქ შენჭენში ჩავიდა

1794945176

19 ნოემბერს აშშ-ის, რუსეთისა და ჩინეთის პრეზიდენტებს შორის ისტორიაში პირველი სამმხრივი შეხვედრაა დაგეგმილი. მანამდე ვლადიმერ პუტინი ჩინეთის პრეზიდენტ სი ძინპინთან ორმხრივ მოლაპარაკებებს გამართავს.პუტინი ასევე მონაწილეობას მიიღებს აზია-წყნარი ოკეანის ეკონომიკური თანამშრომლობის ფორუმის (APEC) სამიტის ღონისძიებებში. კერძოდ, ის სიტყვით გამოვა ბიზნესფორუმსა და სამიტის პლენარულ სხდომაზე.რუსული მედიის ცნობით, არ არის გამორიცხული, ვლადიმერ პუტინმა აშშ-ის პრეზიდენტ დონალდ ტრამპთანაც გამართოს ორმხრივი შეხვედრა. მედიის ცნობით, ამისთვის მხოლოდ შეხვედრის ფორმატის შეთანხმებაა საჭირო.

18 ნოემბრის ანონსი

1794944565

11:45 საათზე - "ერთიანი ნაციონალური მოძრაობის“ ოფისში, პარტიის მმართველობითი საბჭოს წევრი ლაშა ფარულავა, მედიასთან კითხვა-პასუხის ფორმატში, მიმდინარე თემებს უპასუხებს.მისამართი: ვაჟა-ფშაველა 45ა, „ტვ ფორმულას“ შენობა, სართული -3საკონტაქტო: მაკუნა ჟვანია 599 43 43 08, ანუკა გაბელია 551 633 644 15:00 საათზე - თბილისის საქალაქო სასამართლოში მასწავლებელ გიგა ავალიანის საქმეზე დაკავებული ნია იმნაძის და ანასტასია ბერუაშვილის სასამართლო პროცესი გაიმართება. 15:00 საათზე - თბილისის საქალაქო სასამართლოში ოპოზიციონერი პოლიტიკოსის ალეკო ელისაშვილის სასამართლო პროცესი გაიმართება, რომელიც მოსამართლის შეურაცხყოფას ეხება. 19:00 საათზე - ბაკურიანში გარდაცვლილი გიორგი ტუხაშვილის ოჯახი პრესკონფერენციას გამართავს.თემა: „გიორგი ტუხაშვილი სასტუმრო „კრისტალის“ უკანონოდ მოწყობილ სათხილამურო ტრასაზე უსაფრთხოების წესების უხეში დარღვევის ფაქტს ემსხვერპლა. ოჯახს სურს საზოგადოებასა და მედიას მიეწოდოს ფაქტები იმ სასიკვდილო საფრთხეებზე, რაც აღნიშნულ ტრასაზე არსებობს".მისამართი: აბაშიძის 34 ტერმინალისაკონტაქტო პირი: ნათია ნიშნიანიძე - 555 520 257

18 ნოემბრის ასტროლოგიური პროგნოზი

1794944252

კურო18 ნოემბერი ფინანსური საკითხების მოსაგვარებლად ხელსაყრელი დღეა. შესაძლოა დამატებითი შემოსავლის წყარო გამოჩნდეს. პირად ურთიერთობებში გულწრფელობა დაგეხმარებათ.ტყუპებიდღეს მნიშვნელოვანი ინფორმაცია ან სასიხარულო შეტყობინება შეიძლება მიიღოთ. კარგი დროა ახალი ნაცნობობისა და საქმიანი მოლაპარაკებებისთვის. მოერიდეთ დაუფიქრებელ გადაწყვეტილებებს.კირჩხიბიემოციურად დატვირთული დღე გელით. შესაძლოა წარსულიდან ადამიანი გამოჩნდეს, რომელიც თქვენს განწყობაზე გავლენას მოახდენს. ფინანსურ საკითხებში სიფრთხილე გამოიჩინეთ.ლომიდღის ერთ-ერთი ფავორიტი ხართ! შესაძლოა მოულოდნელი წარმატება, სასიხარულო ამბავი ან საინტერესო საქმიანი წინადადება მიიღოთ. პირად ცხოვრებაშიც პოზიტიური ცვლილებებია მოსალოდნელი.ქალწული18 ნოემბერი დაგეგმვისა და მნიშვნელოვანი საქმეების დასრულებისთვის კარგი პერიოდია. თქვენი შრომა შესაძლოა სათანადოდ დაფასდეს. ყურადღება მიაქციეთ ჯანმრთელობას და დასვენებას.სასწორიდღეს ყურადღების ცენტრში აღმოჩნდებით. ახალი ნაცნობობა შესაძლოა მომავალში მნიშვნელოვან ურთიერთობად გადაიქცეს. ფინანსურად ზომიერება შეინარჩუნეთ. საღამო რომანტიკული იქნება.მორიელიინტუიცია განსაკუთრებით გაგიმძაფრდებათ. შესაძლოა მიიღოთ გადაწყვეტილება, რომელიც თქვენს მომავალზე დადებითად აისახება. სიყვარულში მნიშვნელოვანი საუბარი ან მოულოდნელი აღიარებაა მოსალოდნელი.მშვილდოსანიიღბალი თქვენს მხარესაა! კარგი დღეა ახალი პროექტების დასაწყებად, მოგზაურობის დასაგეგმად და ფინანსური შესაძლებლობების გამოსაყენებლად. შესაძლოა სასიხარულო ამბავმაც გაგახაროთ.თხის რქაპროფესიულ საქმიანობაში წინსვლის შესაძლებლობა გამოჩნდება. თქვენი მონდომება შედეგს გამოიღებს. ფინანსური მდგომარეობის გაუმჯობესების შანსი გაქვთ, თუმცა ზედმეტ ხარჯებს მოერიდეთ.მერწყული18 ნოემბერი მოულოდნელი ცვლილებების დღე შეიძლება აღმოჩნდეს. ახალი იდეა ან საინტერესო შეხვედრა მომავალ გეგმებს შეგაცვლევინებთ. სიყვარულში სასიამოვნო სიურპრიზია მოსალოდნელი.თევზებიდღეს განსაკუთრებული ყურადღება მიაქციეთ საკუთარ ინტუიციას. შესაძლოა დიდი ხნის სურვილის ასრულების შესაძლებლობა გამოჩნდეს. პირად ცხოვრებაში ჰარმონია, ხოლო ფინანსურ საკითხებში პოზიტიური ძვრებია მოსალოდნელი.

ძალადობის ბრალდებით ერთი პირი დააკავეს

1794936837

შსს-ს ინფორმაციით, გამოძიებით დადგინდა, რომ მიმდინარე წლის 16 ნოემბერს, თბილისში, ალექსანდრე თვალჭრელიძის ქუჩაზე მდებარე ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა.დაცვის თანამშრომელმა მათ ტერიტორიაზე შესვლისგან თავის შეკავებისკენ მოუწოდა, რა დროსაც ერთ-ერთმა მოქალაქემ მასზე ფიზიკურად იძალადა.სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად ძალადობაში ბრალდებული პირი დააკავეს.გამოძიება საქართველოს სისხლის სამართლის კოდექსის 126-ე მუხლით მიმდინარეობს. 

პროკურატურამ ძმის დამამძიმებელ გარემოებებში ჩადენილი განზრახ მკვლელობის ფაქტზე ერთ პირს ბრალდება წარუდგინა

1794928087

"შინაგან საქმეთა სამინისტროს მიერ ჩატარებული გამოძიებით დადგინდა, რომ 2026 წლის 15 ნოემბერს თეთრიწყაროს მუნიციპალიტეტის სოფელ ენაგეთში, ბრალდებულმა ურთიერთშელაპარაკებისას, თავის ძმას განზრახ მოკვლის მიზნით, მუშტებით და ბლაგვი საგნის გამოყენებით თავის და სხეულის სხვადასხვა არეში სიცოცხლისთვის სახიფათო მძიმე ხარისხის დაზიანებები მიაყენა, რის შედეგადაც დაზარალებული შემთხვევის ადგილზე გარდაიცვალა.ბრალდებული სამართალდამცველებმა 2026 წლის 16 ნოემბერს დააკავეს. მას ბრალდება საქართველოს სისხლის სამართლის კოდექსის 11 პრიმა 109-ე მუხლის "კ" ქვეპუნქტით (ოჯახის ერთი წევრის მიერ ოჯახის სხვა წევრის მიმართ განზრახ მკვლელობა) წარედგინა, რაც სასჯელის სახედ და ზომად  თავისუფლების 20 წლამდე ან უვადო აღკვეთას ითვალისწინებს.პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, სასამართლოს კანონით დადგენილ ვადაში მიმართავს", - აცხადებენ პროკურატურაში.

"ჩვენი მიზანია მოძრაობის ორგანიზება ისე, რომ ყველა მიმართულებით გადაადგილება იყოს უსაფრთხო, მოწესრიგებული და მაქსიმალურად ეფექტიანი"

1794913695

მისი თქმით, ხშირია კრიტიკა როგორც ავტობუსის ზოლის, ისე შუქნიშნების ირგვლივ. "მე კარგად მესმის იმ ადამიანების უკმაყოფილება, რომლებიც ყოველდღიურად კერძო ავტომობილებით გადაადგილდებიან. როდესაც ადამიანი ხედავს, რომ გზაზე ავტობუსისთვის ცალკე ზოლი გამოიყო, თავად კი საცობში დგას, ბუნებრივია, უჩნდება კითხვა - რატომ გართულდა ჩემი გადაადგილება?მინდა თითოეულ მათგანს ვუთხრა, ჩვენი მიზანი არ არის ავტომობილის მძღოლისთვის პრობლემების შექმნა.ავტობუსის ზოლის დანიშნულებაა, შეზღუდულ საგზაო სივრცეში რაც შეიძლება მეტი ადამიანი გადაადგილდეს სწრაფად, კომფორტულად და უსაფრთხოდ.ერთი ავტობუსით, ერთ ჯერზე, რამდენიმე ათეული ადამიანი გადაადგილდება.  შესაბამისად, სატრანსპორტო პოლიტიკის შეფასებისას, ეს ძალიან მნიშვნელოვანია, მხოლოდ ავტომობილების რაოდენობას კი არ უნდა ვითვლიდეთ, არამედ იმასაც, რამდენ ადამიანს ემსახურება კონკრეტული ქუჩა“, - განაცხადა კახა კალაძემ.დედაქალაქის მერი მიიჩნევს, რომ ყველა ცვლილება იდეალური ვერ იქნება და საჭიროა კონკრეტული პრობლემების შესწავლა და შედეგების შეფასება. "არ ვამბობთ, რომ ყველა ცვლილება იდეალურია.  სადაც კონკრეტული პრობლემა არსებობს, საჭიროა მისი შესწავლა, შედეგების შეფასება და, საჭიროების შემთხვევაში, შესაბამისი კორექტირებაც. ჩვენთვის მთავარია, ეს გადაწყვეტილებები რეალურად ემსახურებოდეს თბილისელებს“, - აღნიშნა კალაძემ.ასევე ის გამოეხმაურა მოსაზრებას იმის შესახებ, თითქოს შუქნიშნები გადაადგილებას აფერხებს და განაცხადა, რომ შუქნიშანი  სატრანსპორტო ნაკადების სწორ განაწილებას უზრუნველყოფს."კიდევ ერთი საკითხი, რომელზეც ხშირად გვესმის კრიტიკა, არის შუქნიშნები. ზოგიერთ ადამიანს ჰგონია, რომ თუ ქალაქში შუქნიშნებს მოვხსნით და გავაუქმებთ ავტომობილები უფრო სწრაფად შეძლებენ გადაადგილებას და საცობებიც შემცირდება.სინამდვილეში, შუქნიშნის დანიშნულება მხოლოდ ავტომობილების გაჩერება არ არის.შუქნიშანი უზრუნველყოფს სატრანსპორტო ნაკადების სწორ გადანაწილებას, სხვადასხვა მიმართულებით მოძრავი ავტომობილების ორგანიზებულ გადაადგილებას, დაყოფას და, რაც მთავარია, ადამიანების უსაფრთხოებას.წარმოიდგინეთ დიდი სატრანსპორტო კვანძი, სადაც ერთმანეთს რამდენიმე მიმართულების ნაკადი კვეთს.თუ მოძრაობა სწორად არ დარეგულირდა, მივიღებთ ქაოსს, კონფლიქტურ სიტუაციებს, საგზაო შემთხვევების რისკს და საბოლოოდ კიდევ უფრო დიდ შეფერხებებს. ამის მაგალითისთვის გავიხსენოთ ლაგუნა ვერეს მიმდებარე ტერიტორია, რამდენად რთული იყო და რამხელა პრობლემას წარმოადგენდა, სანამ ვითარების შუქნიშნებით დარეგულირება მოხდებოდა.ამიტომ თანამედროვე ქალაქებში შუქნიშნები გამოიყენება არა მხოლოდ ცალკეული გზაჯვარედინების, არამედ მთელი სატრანსპორტო დერეფნების მოძრაობის სამართავად“, - განაცხადა დედაქალაქის მერმა და აღნიშნა, რომ ამასთან ერთად ძალიან მნიშვნელოვანია შუქნიშნების სწორი პროგრამირება, სინქრონიზაცია და რეალურ სატრანსპორტო დატვირთვაზე მორგება."იცით, რომ შევისყიდეთ ჭკვიანი შუქნიშნების პროექტი, რომლის  დანერგვა მთელი ქალაქის მასშტაბით მიმდინარეობს, რაც კონკრეტულ სიტუაციებსა და გზაჯვარედინებზე გვეხმარება.ჩვენი მიზანი არ არის ავტომობილების გაჩერება. ჩვენი მიზანია მოძრაობის ორგანიზება ისე, რომ ყველა მიმართულებით გადაადგილება იყოს უსაფრთხო, მოწესრიგებული და მაქსიმალურად ეფექტიანი“, - განაცხადა კახა კალაძემ.