პოლიტიკა ომი უკრაინაში სამართალი ბიზნესი და ეკონომიკა ექსკლუზივი საზოგადოება რეგიონები კონფლიქტები სამხედრო თემა ანონსი მსოფლიო სპორტი სოციალური მედია კულტურა ციტატა ჰოროსკოპი ინტერვიუ ანალიტიკა
პოლიტიკა
"დროულად განაცხადეთ უარი ევროკავშირისკენ სწრაფვის ოფიციალურად დეკლარირებულ პოზიციაზე"

1781678274

როგორც განცხადებაშია აღნიშნული, მარტა კოსის იდეის მიღმა დიდი საფრთხე იმალება.„ვისაც ოდნავ მაინც აქვს წარმოდგენა, რა ფორმალური წესები არსებობს ევროკავშირში და ორგანიზაციას რა სახის ბერკეტები აქვს წევრ სახელმწიფოებზე გავლენის მოსახდენად, ყველამ კარგად იცის, რომ მარტა კოსის გაჟღერებული იდეის მიღმა დიდი საფრთხე იმალება. ეს ნიშნავს, რომ ევროკავშირმა, შესაძლოა, საქართველოს სახელმწიფოებრივი მნიშვნელობის საკითხებზე, ფაქტობრივად, შესასრულებლად სავალდებულო გადაწყვეტილება, საქართველოს გარეშე მიიღოს. ჩვენ უკვე დიდი ხანია, ვხედავთ, როგორ ებრძვის ევროპული ბიუროკრატია განსხვავებულ შეხედულებებს, თუმცა, როგორც ჩანს, ამჯერად, საბოლოოდ გადაწყვიტეს, ჩაახშონ ნებისმიერი თავისუფალი აზრი, რომელიც მათ ხედვებს ეწინააღმდეგება, თანაც, ამის გაკეთებას ყველაზე უხეში ფორმით ფიქრობენ და იმ ორგანიზაციაში წევრობისთვის, რომელიც მრავალფეროვნებისა და თანაბარუფლებიანობის იდეას დაეფუძნა, ქვეყნებს საკუთარი ხმის უფლების დათმობასა და უსიტყვო მორჩილებაზე თანხმობას სთავაზობენ. ჩვენ საჯაროდ არაერთხელ განგვიცხადებია, რომ ილუზია და სხვადასხვა ერებისთვის ფუჭი იმედების ჩასახვაა, მოლოდინის შექმნა, თითქოს, ევრობიუროკრატები ევროკავშირში კიდევ რომელიმე ქვეყანას მიიღებენ, თუმცა, ისინი კიდევ უფრო შორს წავიდნენ და სავარაუდო ახალი წევრებისთვის, სეგრეგაციის პრინციპით, ჩანასახშივე მონურ როლს განიხილავენ. პარალელურად, საზოგადოების წინაშე ისეთ განცხადებებს აკეთებენ, თითქოს, ეს საჩუქარია და მთელი რიგი ქვეყნები, ამ „წყალობისთვის“ მადლიერები უნდა დარჩნენ. ევროპელი ბიუროკრატები, ყოველდღიურად ადასტურებენ, რომ თანამედროვე ევროკავშირი საბჭოთა კავშირზე შორს მიდის და თანასწორობის პრინციპს ფორმალურად, ფურცელზეც კი აღარ იცავს. დღეს უკვე ყველასთვის ნათელია, რომ ევროკავშირი გადაიქცა გაერთიანებად, რომლის წიაღშიც, ბრიუსელიდან მომავალი შეხედულებისგან განსხვავებული ნებისმიერი აზრი დაისჯება და უხეშად ჩაეხშობა. განვლილი წლების განმავლობაში, განსაკუთრებით კი უკრაინაში ომის დაწყების შემდეგ, ყველაზე მეტად სწორედ ქართულმა სახელმწიფომ გამოცადა, არაფორმალური ოლიგარქიული გავლენებით მოქმედი ევრობიუროკრატია რაზეა წამსვლელი კონკრეტული სახელმწიფოსგან მონური მორჩილების მისაღებად. რუსეთისთვის სანქციების დაწესებისა და საკუთარი ეკონომიკის ჩამონგრევის, უკრაინაში მიმდინარე ომის პარალელურად მეორე ფრონტის გახსნისა და კონფლიქტში საქართველოს ჩართვის მოთხოვნებზე უარის საპასუხოდ, გარე ძალების მორჩილი ადგილობრივი რადიკალების მხრიდან დაგეგმილი რევოლუციების დაფინანსება და წახალისება, საქართველოს ინტერესების საწინააღმდეგო მთელი რიგი გადაწყვეტილებების იძულების მცდელობები, გამუდმებული შანტაჟი, სხვადასხვა სექტორში დასაქმებული ადამიანებისა და კონკრეტული ინსტიტუციების წარმომადგენლების წინააღმდეგ უსამართლოდ ამოქმედებული სადამსჯელო ღონისძიებები და დაწესებული სანქციები ჩვენმა საზოგადოებამ საკუთარი თვალით იხილა. დღეს უკვე ნათელია, რომ ეს ყველაფერი ბრიუსელიდან წამოსული დირექტივების უსიტყვოდ შესრულებაზე უარის თქმამ გამოიწვია, თანაც, არ უნდა დაგვავიწყდეს, საქართველო არა წევრი, არამედ მხოლოდ ევროკავშირის წევრობის კანდიდატი ქვეყანაა. საბოლოოდ, მივიღეთ მოცემულობა, რომ ევროპელი ბიუროკრატები, რომლებიც მთელ რიგ ერებს წლების განმავლობაში „აღთქმულ მიწამდე“ მიახლოებისა და ევროკავშირში საბოლოოდ გაწევრიანების შესაძლებლობის ქონის ილუზიაში აცხოვრებდნენ, ამაზე მხოლოდ იმ შემთხვევაში წავლენ, თუკი ისინი მათ წესებს დაემორჩილებიან და ამავდროულად უარს იტყვიან იმ უფლებებზე, რომელიც დღესდღეობით ორგანიზაციაში გაერთიანებულ სახელმწიფოებს გააჩნიათ, ეს კი ლამაზად შეფუთული მონობაა და სხვა არაფერი! მარტა კოსის მიერ გაჟღერებული იდეა საუკეთესოდ გამოხატავს, რომ დღეს „დიფ სთეითის“ დაქვემდებარებაში, პარალელურად კი ევროკავშირის სათავეში მყოფი ძალები სხვადასხვა სახელმწიფოებისგან სრულ მორჩილებას მოითხოვენ, თუმცა, ამავდროულად ძალიან მნიშვნელოვანია, იდეოლოგიური თვალსაზრისით, კონკრეტული ქვეყნების შიგნით, ხელისუფლებები ერთი რიგითი ინდივიდისგან რა სახის ქცევას მოითხოვენ და მათთვის მიუღებელი ქმედების შემთხვევაში რა სადამსჯელო ღონისძიებები არსებობს. გერმანულმა მედიამ გაავრცელა ინფორმაცია, რომ ბერლინში პოლიციამ მოქალაქეს ეროვნული დროშის საჯაროდ აფრიალება აუკრძალა, მიზეზად კი ის დაასახელა, რომ მსგავსი ქმედება იმ ადამიანების უფლებებს ლახავს, რომლებიც გერმანიასთან არ არიან ასოცირებული. ამ ამბავში კი ყველაზე ტრაგიკული ის არის, რომ გერმანიის დროშის ფრიალს, რაც, წესით, თითოეული გერმანელისთვის სიამაყის გამომწვევი უნდა იყოს, გერმანელი პოლიციელი კრძალავს სხვების უფლებებზე ზრუნვის მოტივით მაშინ, როდესაც აბსურდია იმის მტკიცება, რომ საკუთარ ქვეყანაში, ეროვნული დროშის ფრიალი შეიძლება ვინმეს უფლებებს არღვევდეს. სამწუხაროდ, ფსევდოლიბერალური ღირებულებების ევროპულ საზოგადოებაში დანერგვით, საგანმანათლებლო სისტემაში შეღწევით, მასობრივი საინფორმაციო საშუალებებისა და ხელისუფლებების სრული კონტროლით „დიფ სთეითმა“ ერთ დროს ყველასთვის მისაბაძი ევროპული სახელმწიფოები იქამდე მიიყვანა, რომ პოლიციელები საჯარო სივრცეში ეროვნული დროშის დემონსტრირებას კრძალავენ. თუმცა ეს ყველაფერი გუშინ ნამდვილად არ დაწყებულა. ეს წლების წინ დასახული გეგმის აღსრულების პროცესში ბოლო ეტაპია და მიზნად ისახავს ევროპული სახელმწიფოების ტრადიციული და ეროვნული ღირებულებებისგან სრულად დაცლას.უკვე დიდი ხანია, რაც „დიფ სთეითმა“ ევროკავშირის ხელმძღვანელების და კონკრეტული „ეროვნული“ ხელისუფლებების ხელით, ევროპული ქვეყნები აიძულა, მიგრაციასთან დაკავშირებული პოლიტიკა უკიდურესად შეერბილებინათ და მილიონობით არალეგალი მიგრანტი საკუთარ ქვეყნებში მიეღოთ. 13 ივნისიდან ევროკავშირში ოფიციალურად ამოქმედდა მიგრაციისა და თავშესაფრის ახალი პაქტი, რომელიც მიგრანტების სავალდებულო განაწილების მექანიზმსაც მოიცავს და წევრ სახელმწიფოებს ყოველწლიურად გარკვეული რაოდენობის მიგრანტის მიღებას ავალდებულებს, ეს რიცხვი კი კონკრეტული ქვეყნის მოსახლეობის რაოდენობისა და მშპ-ს მიხედვით ითვლება. ახლად ამოქმედებული პაქტის წესების თანახმად, თუკი ქვეყანა მიგრანტების მიღებაზე უარს იტყვის, თითოეულ იმ პირზე, რომელიც თავშესაფარს ვერ მიიღებს, 20 ათასი ევროს გადახდა მოუწევს, აღნიშნული თანხა კი სპეციალურ ევროპულ ფონდში მოიყრის თავს. ცალკე საკითხია, მიგრანტების მიღების შემდეგ ამ ქვეყნებში რა მიმართულებით ვითარდება მოვლენები, უარესდება თუ არა მაგალითად სოციალურ-ეკონომიკური თუ კრიმინოგენური მდგომარეობა, მაგრამ ამ შემთხვევაში მნიშვნელოვანია, რომ არაფორმალური ოლიგარქიული გავლენებით მოქმედი ევროკავშირის ხელმძღვანელობა, სახელმწიფოებს მიგრანტების მიღებას აიძულებს, ხოლო მას შემდეგ, რაც ისინი კონკრეტული ქვეყნების ტერიტორიაზე დამკვიდრდებიან, მულტიკულტურალიზმის ერთი შეხედვით კეთილშობილური პრინციპის დაცვის მოტივით, მასპინძელი ქვეყნის შვილებს, საკუთარი სამშობლოსადმი პატივისცემისა და სიყვარულის საჯაროდ გამოვლენის მცდელობებს, უკვე სტუმარი და შეფარებული ადამიანების შეურაცხყოფაში უთვლიან, რაც სახელმწიფოებრიობისა და სუვერენიტეტის ბოლომდე შელახვა, ყველანაირი ჭეშმარიტი ევროპული ღირებულების უხეში ფეხქვეშ გათელვაა და სხვა არაფერი. მსგავსი რეალობა სწორედ „დიფ სთეითის“ გავლენამ და ევროპელი ბიუროკრატების ქმედებებმა განაპირობა და კარგად უნდა ვიაზრებდეთ, რომ დღევანდელი ევროკავშირისკენ სწრაფვა, მონური მორჩილების სანაცვლოდ ორგანიზაციაში მიღება, შემდეგ მათი წესების დაცვის მოტივით ტრადიციულ ქართულ ღირებულებებზე უარის თქმის იძულება, ჩვენს ქვეყანაში უკონტროლო მიგრაციის დაშვება და „ლგბტ“ დღის წესრიგის თავზე მოხვევა, საქართველოს ისეთივე მდგომარეობას უქადის, როგორიც ევროპის კონტინენტზე უკვე ნორმად იქცა“, – აღნიშნულია განცხადებაში.განცხადებაში ასევე აღნიშნულია, რომ მიმართავენ „ქართულ ოცნებას“, უარი განაცხადონ ევროკავშირისკენ სწრაფვის ოფიციალურად დეკლარირებულ პოზიციაზე.„ამ ფონზე „ქართული ოცნება“ საქართველოს მოსახლეობისთვის ჯიუტად აგრძელებს იმის მტკიცებას, რომ ჩვენი ეროვნული მიზანი ევროკავშირში გაწევრიანებაა, მის სათავეში არსებული ბიუროკრატები მალე შეიცვლებიან, ევროპა ტრადიციულ ეროვნულ ღირებულებებს დაუბრუნდება, ჩვენგან უპირობო მორჩილებას აღარ მოითხოვენ, რაც ურთიერთობების გაუმჯობესებას, მხარეების პოზიციების კვლავ დაახლოებას და საბოლოოდ, ჩვენი ქვეყნის ევროკავშირში გაწევრიანებას განაპირობებს. მათი მტკიცების საწინააღმდეგოდ ყველაზე უკეთ ის ფაქტები მეტყველებს, რომლებსაც ევროპის კონტინენტზე ვაწყდებით. სწორედ ამიტომ, მივმართავთ „ქართულ ოცნებას“, რომელსაც დღეს ქვეყნის მართვაზე პასუხისმგებლობა აქვს აღებული – გსურთ საქართველო „დიფ სთეითის“ უსიტყვო მორჩილების პირობებში, სუვერენიტეტის გარეშე ისევე აგრძელებდეს არსებობას, როგორც მთელი რიგი ევროპული სახელმწიფოები?! ისეთ ქვეყანაში გსურთ ცხოვრება, რომელიც ორგანიზაციის წევრობის სანაცვლოდ, ვალდებულებებს იზიარებს და უფლებებს თმობს?! გსურთ მომავალში ქართველი პოლიციელი საქართველოს შვილს დროშის ფრიალს უკრძალავდეს?! თუკი ეს თქვენთვისაც მიუღებელია, მაშინ დროულად განაცხადეთ უარი ევროკავშირისკენ სწრაფვის ოფიციალურად დეკლარირებულ პოზიციაზე, გაუმხილეთ ქართულ საზოგადოებას სიმართლე, დაიცავით ქვეყნის სუვერენიტეტი და ჩვენი შვილების მომავალი! თუკი უარს ამბობთ აღნიშნული ნაბიჯის გადადგმაზე, მაშინ, ამ საკითხთან დაკავშირებით, ქართველი ხალხის წინაშე გთავაზობთ დებატებს, რომლის შედეგადაც ჩვენი საზოგადოება თავად აწონ-დაწონის ჩვენ მიერ წარმოდგენილ არგუმენტებს, შეაფასებს ფაქტებს და დასკვნებსაც გამოიტანს! ამავდროულად, მივმართავთ ტელეკომპანია „იმედს“, თუკი ხელისუფლება თანხმობას განაცხადებს, აღნიშნული დებატების გამართვა და დაინტერესებული მხარეების პროცესში მაქსიმალური ჩართულობა უზრუნველყოს. ჩვენ მზად ვართ, ნებისმიერ კონსტრუქციულ ოპონენტთან არგუმენტებით ვიკამათოთ და ქართველ ხალხს ევროკავშირის შესახებ ერთადერთი სიმართლე ვუჩვენოთ“, – აღნიშნულია „ერთიანი ნეიტრალური საქართველოს“ განცხადებაში.

თინა ბოკუჩავა - ნანუკა ჟორჟოლიანის პარტიაში შემოერთების შესახებ ინფორმაცია, მეც წერილით მივიღე

1781636771

როგორც მან გადაცემა “რეაქციაში“ განაცხადა, საქართველოს მესამე პრეზიდენტმა პოსტში, რომელიც გამოაქვეყნა, მკვეთრად განმარტა, რა ცვლილებების გატარებას გეგმავს, პარტიის წევრების და მხარდამჭერების ჩართულობით და ასევე მკაფიოდ ახსენა მისი სახელი გვარი ამავე პოსტში."ნანუკა ჟორჟოლიანის პარტიაში შემოერთების შესახებ ინფორმაცია, მეც წერილით მივიღე, სააკაშვილმა მომწერა წერილი ამის შესახებ. მე მასთან პირადი კომუნიკაციის შესაძლებლობა, ბუნებრივია, არ მაქვს. მისთვისაც მნიშვნელოვანი იყო რომ მოეწერა ჩემთვის, ვიდრე ფეისბუკზე დაიწერებოდა.იმავე პოსტში, სადაც პრეზიდენტმა სააკაშვილმა ისაუბრა ნანუკა ჟორჟოლიანის “ერთიანი ნაციონალური მოძრაობის“ შემოერთებასთან დაკავშირებით, ძალიან მკაფიოდ განმარტა, რომ ამ ცვლილებების და რეფორმების განხორციელებას, რომელსაც ის გეგმავს პარტიასთან და მის მრავალრიცხოვან მხარდამჭერებთან ერთად, ეს იყო სწორედ ის კონსტრუქცია, რომელიც მან გამოიყენა, ამ ცვლილებების გატარებას გეგმავს, ასევე პარტიის თავმჯდომარესთან ერთად და სახელობით მომიხსენია მე და ამ ნდობის მანდატისთვის, მე ვარ ძალიან მადლობელი.მე გეტყვით, მაქვს თუ არა გადაწყვეტილება მიღებული, ავიღო თუ არა ეს პასუხისმგებლობა, მე არჩეული ვიყავი პარტიის თავმჯდომარედ 2024 წლის 8 ივლისს, ასე რომ მე შევძლებ, ყოველგვარი სკანდალის, გადატრიალების და სერიოზული ვნებათაღელვის გარეშე მივიყვანოთ ბოლომდე. [...]იმავე პოსტში, სადაც სააკაშვილმა ისაუბრა სიახლეების, განახლების და რეფორმების აუცილებლობაზე მან კიდევ ერთხელ გამომიცხადა ნდობა, როგორც პარტიის თავმჯდომარეს, ამ ცვლილებების განხორციელებაში, რაც ჩემთვის უდიდესი პასუხისმგებლობაა. მადლიერი ვარ ამ ნდობის მანდატისთვის, მაგრამ საბოლოო გადაწყვეტილება, მე ამ უდიდეს პასუხისმგებლობას ავიღებ თუ არა, მე არ მაქვს მიღებული. ეს დამოკიდებულია იმაზე, რამდენად შევძლებთ, პარტიის შიგნით, მათ შორის, ლევან ხაბეიშვილთან, რომლის ჩართულობის გარეშე ვერ წარმომიდგენია პოლიტიკური საბჭოს რეფორმირება. ყოვლად მიუღებლად, პოლიტიკურად და ეთიკურად გაუმართლებლად მიმაჩნია, ისე მოვახდინოთ პოლიტსაბჭოს რეფორმირება, რომ აზრი არ ვკითხოთ პოლიტიკური საბჭოს თავმჯდომარეს", - განაცხადა ბოკუჩავამ.მისივე თქმით, ასევე მნიშვნელოვანია თბილისის ორგანიზაციის რეფორმირება, გაძლიერება და დაკომპლექტება, ირაკლი ნადირაძის ჩართულობით მოხდეს.

მიხეილ სააკაშვილი - 20 ივნისის აქციის ჩავარდნის ალბათობაში, თავისი მიშაზე გამარჯვება დაინახეს

1781635112

"20 ივნისს სრულდება წლისთავი "გავრილოვის ღამის" - ანტირუსული აჯანყებით თბილისის ცენტრში, რომელმაც ყველას დაანახა, რომ ერი რუსებს არ მიიღებს და ამ დღესთან დაკავშირებით მე დავუჭირე მხარი საზოგადოებრივ ორგანიზაციებს გამართულიყო აქცია რუსთაველზე. ეგრევე, რამდენიმე ოპოზიციონერმა ის კი არ თქვა, რომ ჩვენც შემოვუერთდებითო, არამედ მიშას მხარდაჭერილი აქციაა და ნიშნის მოგებით, ვნახოთ რა გამოუვაო.ჩათვალეს, რომ მსოფლიო ჩემპიონატია, მე ციხიდან თავისუფლად მუშაობის საშუალება არ მაქვს და 20 ივნისის აქციის ჩავარდნის ალბათობაში, თავისი მიშაზე გამარჯვება დაინახეს. ისევე როგორც 2024 წელი, როცა ხმები ყველამ ერთად ვერ დავიცავით, მათთვის მარცხი კი არ იყო, არამედ ციხეში მჯდომ მიშაზე გამარჯვება.მოკლედ ძალიან სასაცილოები გახდნენ და აღარც მალავენ, რომ მათთვის პროგრამა მაქსიმუმი ჩემი ნეიტრალიზაციაა და ივანიშვილის მოშორებაზე აღარც ოცნებობენ. ისევე როგორც 2023-ში "ნაციონალური მოძრაობიდან" ზოგიერთების წასვლა იყო დამარცხებულის კომპლექსის გამოვლინება. ივანიშვილს ვერ ამარცხებენ და მიშა "დაამარცხეს".ერთადერთი, ვინც არ შეეგუა და ვერასდროს შეეგუება დამარცხებას, არის "ნაციონალური მოძრაობის" ჯანსაღი ბირთვი, რომელსაც უკვე ათწლეულებია ჰყავს ძალიან ერთგული, გონიერი, მშრომელი მხარდამჭერები, რომელთაც ძალიან ვაფასებ.ამავე დროს, მუდმივად ხდება განახლების პროცესი, რომელსაც ახლა ახალი ენერგიით ვიწყებთ. ჩვენ დანარჩენებისგან განსხვავებით საერთოდ არ გვაინტერესებს სხვა პარტიებთან შეჯიბრი, ჩვენი ერთადერთი მიზანი არის დიქტატურის დამარცხება და საქართველოსთვის ღირსების და მომავლის დაბრუნება.და ისე კი, რა თქმა უნდა მოგიწოდებთ, რომ 20 ივნისს და ნებისმიერ სხვა დღეს ვაჩვენოთ, რომ არაფრით არ ვართ აზერბაიჯანელებზე, მოლდაველებზე, სომხებზე ნაკლები და ვაჩვენოთ, რომ არასდროს შევეგუებით ოკუპანტებს და მათ მარიონეტებს. რამდენიც არ უნდა ვიყოთ, უნდა დავდგეთ ერთად და გავერთიანდეთ დროშის გარშემო" - წერს სააკაშვილი.

"ეს არის მოსკოვსა და ცხინვალის რეჟიმს შორის მიმდინარე წლის მაისში გაფორმებული ე.წ. "სამოკავშირეო ურთიერთქმედების გაღრმავების ხელშეკრულების” პრაქტიკული აღსრულება"

1781631417

"გვსურს, გამოვეხმაუროთ ოკუპირებული ცხინვალის რეგიონში რუსეთის ფედერაციის მიერ გადადგმულ საქართველოს სუვერენიტეტის შემლახავ მორიგ ნაბიჯს, რომლის მიზანია, საქართველოს განუყოფელი ტერიტორიების ფაქტობრივი ანექსია.ცხინვალის რეჟიმის ე.წ. პრეზიდენტმა ალან გაგლოევმა ხელი მოაწერა განკარგულებას ე.წ. მთავრობის თავმჯდომარედ რუსი ჩინოსნის მარატ კამბოლოვის დანიშვნის შესახებ.საოკუპაციო რეჟიმის მიერ ე.წ. "სამთავრობო ცვლილებები“ და მოსკოვიდან მართული, რუსეთის ფედერალური ხელისუფლების მოქმედი ჩინოსნის პირდაპირი გადმონიშვნა მარიონეტული რეჟიმის საკვანძო პოზიციებზე, არ არის უბრალო საკადრო როტაცია. ოკუპირებული ცხინვალის რეგიონში რუსეთის ფედერაციამ საქართველოს ტერიტორიის ანექსიის ახალი ეტაპი დაიწყო. ეს არის მოსკოვსა და ცხინვალის რეჟიმს შორის მიმდინარე წლის მაისში გაფორმებული ე.წ. "სამოკავშირეო ურთიერთქმედების გაღრმავების ხელშეკრულების” პრაქტიკული აღსრულება.ჩვენი გუნდისთვის ქვეყნის დეოკუპაცია და რუსული ანექსიის შეჩერება რჩება უზენაეს ეროვნულ პრიორიტეტად. ჩვენ არ დავუშვებთ საქართველოს სახელმწიფოებრიობის წინააღმდეგ მიმდინარე ამ უმძიმესი პროცესის ნორმალიზებას და გავაგრძელებთ ბრძოლას ქვეყნის სუვერენიტეტისა და ტერიტორიული მთლიანობის დასაცავად როგორც ქვეყნის შიგნით, ისე ყველა საერთაშორისო პლატფორმაზე.კიდევ ერთხელ მივმართავთ საქართველოს პარლამენტს და მთავრობას: შეწყვიტეთ დუმილი, დაუბრუნდით კონსტიტუციურ ჩარჩოებს, აღადგინეთ აქტიური მუშაობა საერთაშორისო პარტნიორებთან და მხარი დაუჭირეთ ანექსიის საწინააღმდეგო რეზოლუციას!" - აღნიშნულია განცხადებაში. 

"აღარავინ განიხილავს ივანიშვილის რეჟიმის პირობებში საქართველოს რეალურ წევრად ევროკავშირის"

1781622960

მისივე თქმით, თავის მხრივ, ეს საკითხი გარკვეულწილად საკამათოა."რაც არ უნდა საკამათო თუ არასაკამათო იყოს მიღებული გადაწყვეტილება  ევროკავშირის მიერ, ის არ ეხება საქართველოს უკვე, იმიტომ, რომ აღარავინ განიხილავს ივანიშვილის რეჟიმის პირობებში საქართველოს რეალურ წევრად ევროკავშირის, თუმცა, ეს გადაწყვეტილება, რა თქმა უნდა, თავის მხრივ, საკამათოა, მაგრამ არის ძალიან მნიშვნელოვანი, რომ ევროკავშირის გადაწყვეტილება გამოყენებულია იმისთვის, რომ საბოლოოდ, კიდევ უფრო ჩაბეტონდეს ის, რომ საქართველო აღარ გახდება ევროკავშირის წევრი და არ ექნება არანაირი გამოხატულება არც კონსტიტუციაში და არც სხვა კუთხით", - განაცხადა ირაკლი ფავლენიშვილმა.

"ყველა მიზეზს და საბაბს გამოიყენებენ, რომ არ გაგრძელდეს საქართველოს ევროინტეგრაცია და არ მოუწიოთ 78-ე მუხლის შესრულება"

1781621192

მისივე თქმით, "ქართული ოცნების" მიზანი ქვეყნის იზოლაციაა."ყველაფერს გააკეთებს პაპუაშვილი, კობახიძე და მთავარი დავალების გამცემი - ივანიშვილი იმისათვის, რომ საქართველო არ გახდეს ევროკავშირის წევრი, იყოს იზოლაციაში, რომ მოექცეს რუსეთის გავლენის ქვეშ - ეს არის მათი სურვილიც და ოცნებაც.ყველა მიზეზს და საბაბს გამოიყენებენ იმისთვის, რომ არ გაგრძელდეს საქართველოს ევროინტეგრაცია და მეორე მხრივ, მათ არ მოუწიოთ 78-ე მუხლის შესრულება. ის, რაც პაპუაშვილმა თქვა, არის ღალატი და ისინი კონსტიტუციიდან ვერ ამოიღებენ იმას, რაც ქართველი ხალხის ნებას და სურვილს წარმოადგენს", - განაცხადა თენგო თევზაძემ.პარლამენტის თავმჯდომარის შალვა პაპუაშვილის განცხადებით, "თუ ევროკავშირის მომავალ წევრებს არ ექნებათ იგივე ხმის უფლება, როგორიც აქვთ მოქმედ წევრებს, ამგვარი კავშირის წევრობისკენ სწრაფვა არ არის ის, რაც საქართველოს კონსტიტუციის 78-ე მუხლში წერია".

დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

1781605129

"დღეს დიდმა ბრიტანეთმა სანქციების ახალი პაკეტი გამოაცხადა. სანქციები მოიცავს რუსეთის მოძველებულ "ჩრდილოვან ფლოტს“, სამხედრო შესყიდვების მიწოდების ჯაჭვებს და უკანონო ფინანსურ ქსელებს, რომლებიც გამოიყენება სანქციებისთვის გვერდის ასავლელად.პაკეტში ასევე შევიდა ხომალდი SILVAR, რომელიც მიმდინარე წლის დასაწყისში საქართველოში არსებულ პორტში იმყოფებოდა.დიდმა ბრიტანეთმა 2026 წლის განმავლობაში, მხოლოდ რუსეთის სანქციების რეჟიმის ფარგლებში, თითქმის 500 ფიზიკურ პირსა და ორგანიზაციას დაუწესა სანქციები“, – აღნიშნულია საელჩოს მიერ გავრცელებულ განცხადებაში.

ალექსანდარ ვუჩიჩი - 2012 წლიდან დღემდე საქართველომ საოცარი შედეგები აჩვენა

1781601453

მისივე თქმით, სერბეთში ყველამ იცის, რომ საქართველოს ეკონომიკური ზრდის მაჩვენებელი პირველ კვარტალში იყო 9.3% და მსგავსი ევროპაში არსად არის, სწორედ ამიტომ, სერბეთი ბევრს სწავლობს საქართველოსგან."დიპლომატიური კავშირების მიღმა ჩვენს ქვეყნებს აქვს განსაკუთრებული ურთიერთობები. მე ვარ სერბეთის რესპუბლიკის პირველი პრეზიდენტი, რომელიც ჩამოვედი თქვენს ქვეყანაში და მადლობას გიხდით ასეთი თბილი მიღებისთვის. მადლობას გიხდით ასევე ამ ურთიერთობებისთვის. საქართველოს ჩვენ ვუყურებთ არამხოლოდ როგორც მეგობარ ქვეყანასა და ერს, არამედ ჩვენ ხანგრძლივი მართლმადიდებლური ტრადიციები გაგვაჩნია და ძალიან მიხარია, რომ მომეცა საშუალება პატრიარქ შიო მესამესთან მქონოდა ურთიერთობა. ჩვენი ძმური მართლმადიდებლური ურთიერთობა განსაკუთრებულია. ასევე მესმის, რამდენად შორს მიმავალია თქვენი ხედვა სამომავლოდ.ჩვენ მეგობრები ვართ და ყოველთვის პატივს ვცემთ ერთმანეთს. გვქონდა შეხვედრები, სხვა ღონისძიებები, სადაც ძალიან თბილად ვურთიერთობთ. ჩვენ ყოველთვის გვესმის ერთმანეთის, იმ პოლიტიკის, რასაც ვახორციელებთ ჩვენს ქვეყნებში. მიხარია სერბეთის შედეგები და ვამაყობ იმითაც, რასაც თქვენ მიაღწიეთ, 2012 წლიდან დღემდე საქართველომ საოცარი შედეგები აჩვენა. ამას ვსაუბრობ სერბეთის სახელით, სერბეთის რესპუბლიკა აღიარებს თქვენს მიღწევებს. ზოგი ამას აღიქვამს ისე, რომ თავისთავად ასე უნდა მომხდარიყო, მაგრამ ჩვენ ასე არ ვფიქრობთ.სერბეთში ყველამ იცის, რომ საქართველოს ეკონომიკური ზრდის მაჩვენებელი პირველ კვარტალში იყო 9.3 %. ჩვენ ვიცით, რომ ევროპას მსგავსი მაჩვენებელი არ გააჩნია და ჩვენც ვამაყობთ თქვენი ამ შედეგით. როდესაც პირველი კვარტალი დაჯამდება, ჩვენც ვნახავთ რა მაჩვენებლით გაიზარდა ჩვენთან ეკონომიკა, მაგრამ ვხედავთ საქართველოში რამხელა წინსვლაა და რა ტემპი აქვს საქართველოს განვითარებას. დასავლეთში ვამბობთ, რომ დასავლეთ ევროპაში ასეთი ტენდენცია რომ არსებობდეს, ასეთი ტემპი რომ იყოს ეკონომიკური განვითარების, საოცარი იქნებოდა. ვამაყობ იმით, რაც ხდება საქართველოში, ძალიან მიხარია თქვენი მიღწევები და ბევრს ვსწავლობ თქვენგან. 12 % იყო მშენებლობის დარგში ზრდის მაჩვენებელი საქართველოში, ესეც განსაკუთრებული მაჩვენებელია, ტურიზმშიც ძალიან მაღალი იყო ზრდა. ჩვენ ვხედავთ, სად შეიძლება  ვისწავლოთ თქვენგან, რაზე უნდა ვიმუშაოთ სერბეთში უფრო მეტად, რომ თქვენს მაჩვენებლებს მივუახლოვდეთ“, - განაცხადა ვუჩიჩმა.

"ამ იდეის განხორციელების შემთხვევაში ეს აღარ იქნება ის კავშირი, რომლის წევრობაზეც საქართველომ ოთხი წლის წინ განაცხადი შეიტანა"

1781589840

მისი თქმით, ევროკავშირის პლაკატურ ფრაზას – „ერთიანობა მრავალფეროვნებაში“, პრაქტიკაში სულ უფრო მეტად ანაცვლებს ლოზუნგი – „არ გადაუხვიო გენერალურ ხაზს“, რაც იმას ნიშნავს, რომ კლუბში მხოლოდ იმ შემთხვევაში მიგიღებენ, თუ შენი ხმა მხოლოდ დეკორატიულ ფუნქციას შეასრულებს.„გუშინ გაფართოების საკითხებში ევროკომისარმა, მარტა კოსმა, აღნიშნა, რომ ევროკავშირში განიხილება იდეა, რომლის მიხედვითაც, ევროკავშირის მომავალ წევრებს არ ექნებათ იგივე ხმის უფლება, როგორიც აქვთ მოქმედ წევრებს.ამავე დროს ეს იმასაც გულისხმობს, რომ წევრობის ეტაპზე გადასვლის შემდეგ საქართველოს, ისევე როგორც სხვა ახალ წევრ სახელმწიფოებს, კვლავ ევროკავშირის სხვა წევრების მსგავსი ვალდებულებები ექნება, თუმცა უფლებრივად მათთან თანასწორი არ იქნება. პრაქტიკაში ეს ნიშნავს, რომ ევროკავშირს შეეძლება, საქართველოს ეროვნული ინტერესებისთვის არსებითი მნიშვნელობის მქონე საკითხებზე გადაწყვეტილებები საქართველოს გარეშე მიიღოს.ასეთ მომენტში ბევრს ალბათ გაახსენდება ბრიუსელის მიერ ხშირად გამეორებული ფრაზა – „არანაირი გადაწყვეტილება უკრაინაზე უკრაინის გარეშე“. ევროკავშირში განხილული იდეა სწორედ ამ მიდგომის გაუქმებაა არა მხოლოდ უკრაინის, არამედ ყველა კანდიდატი ქვეყნის მიმართ. ეს უკრაინელებმაც კარგად დაინახეს და განაცხადეს, რომ მეორეხარისხოვან წევრობას არ დათანხმდებიან.ამგვარი ტენდენციები აჩვენებს, რომ ევროკავშირის პლაკატურ ფრაზას – „ერთიანობა მრავალფეროვნებაში“, პრაქტიკაში სულ უფრო მეტად ანაცვლებს ლოზუნგი – „არ გადაუხვიო გენერალურ ხაზს“, რაც იმას ნიშნავს, რომ კლუბში მხოლოდ იმ შემთხვევაში მიგიღებენ, თუ შენი ხმა მხოლოდ დეკორატიულ ფუნქციას შეასრულებს. მართლაც, ასეთი მიდგომა ხომ კიდევ უფრო გაამარტივებს გადაწყვეტილებების მიღებას – აღარ იქნება საჭირო რთული დისკუსიები, განსხვავებული პოზიციები და დემოკრატიის ის ნაწილი, რომელიც განსხვავებულ აზრს გულისხმობს.ევროკავშირი ყოველთვის იყო წესებზე დაფუძნებული პროექტი, რაც გულისხმობს, რომ ყველა წევრი ამ წესების წინაშე თანასწორია. ბრიუსელის იდეა, მოახდინოს ქვეყნების უფლებრივი სეგრეგაცია, რადიკალურად ცვლის ევროკავშირის ამ ფუძემდებლურ პრინციპს და მას, თანაბარ ერთა კავშირიდან, „პირველხარისხოვან“ და „მეორეხარისხოვან“ ერთა კავშირად აქცევს.ამიტომ ერთი რამ აქვე უნდა ითქვას მკაფიოდ – ამ იდეის განხორციელების შემთხვევაში ეს აღარ იქნება ის კავშირი, რომლის წევრობაზეც საქართველომ ოთხი წლის წინ განაცხადი შეიტანა და არც ამგვარი კავშირის წევრობისკენ სწრაფვა არის ის, რაც საქართველოს კონსტიტუციის 78-ე მუხლში წერია.საქართველოს უკვე აქვს ნომინალური და უთანასწორო კავშირის წევრობის 70-წლიანი გამოცდილება, რომლის გამეორებასაც ჩვენ არ ვაპირებთ. თუკი ევროკავშირის წევრი პოსტსაბჭოთა ქვეყნები ამგვარ ცვლილებას დაუშვებენ, გამოვა, რომ მათ პრობლემა არა საბჭოთა კავშირთან ჰქონიათ, არამედ იმასთან, თუ ვინ დომინირებს ამგვარ კავშირში“, – წერს შალვა პაპუაშვილი.ევროკომისარმა გაფართოების საკითხებში, მარტა კოსმა ლუქსემბურგში ევროკავშირის საგარეო საქმეთა მინისტრების შეხვედრამდე ჟურნალისტებთან დაადასტურა, რომ ევროკავშირის ახალ წევრებს ვეტოს უფლება შეეზღუდებათ.

"ამის ფონზე, როდესაც მსგავსი ტიპის ძალადობას და დაუსჯელობას ვხედავთ, რა თქმა უნდა, Amnesty International არის ძალიან მართებული და სწორი"

1781552712

მისივე თქმით, ისეთ დროს, როცა ქვეყანაში ძალადობა ნორმად იქცა, მსგავსი ტიპის ანგარიშები დროულია."ის პროცესები, რაც ახლა ქვეყანაში მიმდინარეობს, არ საჭიროებს იმას, რომ იყო ადვოკატი და იმის მიხედვით შეაფასო მდგომარეობა, ხედავდე უსამართლობის მასშტაბს და სისტემურ ხასიათს. შემთხვევითი არ არის, რომ მაღალი თანამდებობის ადამიანები პირდაპირ მოუწოდებენ მოქალაქეებს და მათ შორის სამართალდამცველებს, რომ ძალიან ცუდია, როცა იღებთ ძალადობის მსგავს ფაქტებს, რადგან შესაძლოა, პოლიტიკური მიზნებისთვის გამოიყენონო. ანუ, ამბობენ იმას, რომ ცუდი ის კი არ არის, რომ ეს ასე ხდება და ძალადობენ, არამედ ის, რომ ეს შეიძლება აღბეჭდოს ვინმემ. ამის ფონზე, როდესაც მსგავსი ტიპის ძალადობას და დაუსჯელობას ვხედავთ, რა თქმა უნდა, Amnesty International არის ძალიან მართებული და სწორი. მე საჯაროდაც მინდა მადლობა გადავუხადო მათ, ეს არ არის პირველი ანგარიში, რომელსაც ისინი აქვეყნებენ, ჩვენ სინდისის პატიმრების პროცესების პარალელურად გვანებივრებდნენ მსგავსი ანგარიშებით და ეს ჩვენთვის ძლიერი სამართლებრივი დოკუმენტებია, რომლებსაც, როგორც ქვეყნის შიგნით, ისე მის გარეთ, ვიყენებთ და მიგვაქვს ევროპულ სასამართლოში", - განაცხადა თორნიკე მიგინეიშვილმა."Amnesty International" საქართველოს შესახებ ახალ ანგარიშს აქვეყნებს. ანგარიშში - "რეპრესიების ანატომია - საქართველო: პროტესტის, დარბევისა და მედეგობის 500 დღე" - ადამიანის უფლებების კუთხით არსებულ მდგომარეობასთან დაკავშირებით წერს. ასევე, ორგანიზაცია ხელისუფლებას საკანონმდებლო ინიციატივების და უკვე მიღებული კანონების შეცვლას სთხოვს.