პოლიტიკა ომი უკრაინაში სამართალი ბიზნესი და ეკონომიკა ექსკლუზივი საზოგადოება რეგიონები კონფლიქტები სამხედრო თემა ანონსი მსოფლიო სპორტი სოციალური მედია კულტურა ციტატა ჰოროსკოპი ინტერვიუ ანალიტიკა
პოლიტიკა
"ღარიბაშვილი სწორედ იმან იმსხვერპლა, რომ მდინარაძე-კობახიძის ჯგუფი ბიძინა ივანიშვილთან მუდმივ და უწყვეტ დისკრედიტაციას უწევდა"

1790017026

მისივე თქმით, ის მოუწოდებს ირაკლი ღარიბაშვილს, მეტი დეტალი და ინფორმაცია გაასაჯაროოს."ღარიბაშვილი სწორედ იმან იმსხვერპლა, რომ მდინარაძე-კობახიძის ჯგუფი ბიძინა ივანიშვილთან მუდმივ და უწყვეტ დისკრედიტაციას უწევდა ღარიბაშვილს, მას  მილიონი ღალატი და უბედურება დააბრალეს. მე დღეს მაქვს განცდა, რომ ივანიშვილი გადამოწმების პროცესშია. ახლა რაც არ უნდა ილაპარაკოს კობახიძემ, ეს ამ შემთხვევაში საინტერესო არ არის.დღევანდელ წერილს რაც შეეხება, მეჩვენება, რომ პოლიტიკური აქტივობის კუთხით საინტერესოა, იმიტომ, რომ ეს უკვე პოლიტიკური წერილია, სადაც ჩანს, რომ ირაკლი ამბობს - არ ვაპირებ დანებებას  და არ ვაპირებ წამოგყვეთ იმ მოთხოვნაში, რომ არ ვიყო აქტიური პოლიტიკურად. მე  გაგრძელებას ველოდები, ბევრი რამ არის მოსაყოლი, მე ამას იმიტომ ვამბობ, რომ ხალხმა იცოდეს რეალობა.ირაკლიმ ეს მოწოდება მინდა მიიღოს ჩემგან, რომ გააგრძელოს ეს გზა და პოლიტიკური აქტივობა. იმედი მაქვს, რომ ღარიბაშვილი ფაქტებს კიდევ მოიტანს, სხვადასხვა ფაქტებზე ისაუბრებს და ეს იქნება მამხილებელი", - განაცხადა ირმა ინაშვილმა.ყოფილმა პრემიერ-მინისტრმა ირაკლი ღარიბაშვილმა ციხიდან მორიგი წერილი გამოაქვეყნა, სადაც წერს, რომ ბოლო ორი კვირის განმავლობაში ხელისუფლების ცრუ და ბინძური პროპაგანდა სასაცილო და უსუსური მეთოდებით აგრძელებს მის წინააღმდეგ დისკრედიტაციის კამპანიას, რაც მხოლოდ შიშით არის ნაკარნახევი.

"თქვენი უგუნური პოლიტიკითა და ქმედებებით ქვეყანა შეიყვანეთ უწყვეტ ქაოსსა და დაუსრულებელ კრიზისში, საკუთარი ამომრჩეველიც კი დააბნიეთ, გაამწარეთ ადამიანები და ოჯახები"

1790006503

"საზოგადოებაში კითხვები არსებობს ჩემს დაპატიმრებასთან დაკავშირებით, ბევრი ბუნდოვანი ვერსია და სპეკულაცია ვრცელდება. წინა წერილებში მე ნაწილობრივ განვმარტე და მინიშნებები გავაკეთე ძირითად მოტივთან დაკავშირებით, თუმცა გადავწყვიტე, კიდევ უფრო მეტად გავშალო ეს საკითხი და ხალხს ავუხსნა რეალური მიზეზი, რის გამოც ჩამსვეს ციხეში. ჩემი დაჭერის მთავარი მიზანი და მოტივი იყო და არის ჩემი პოლიტიკურად განეიტრალება, ხალხში ჩემი სახელისა და რეპუტაციის დაზიანება და დისკრედიტაცია, საბოლოოდ კი - ჩემი პოლიტიკური მომავლის განადგურება.მას შემდეგ, რაც წარმოუდგენელი არაკაცობა ჩაიდინეს, ბინძური მახე დამიგეს, მოცემული სიტყვა გატეხეს, შეთანხმება დაარღვიეს და სახლში შემომივარდნენ, იმავე დღეს გადმომცეს გზავნილი - „სუფთად ვერ დარჩები, პოლიტიკა უნდა დაივიწყო“ - და მოაყოლეს დაპირება: „არცერთი დღე ციხეში, მრავალწლიანი პირობითი სასჯელი და ჯარიმა“. ისევ „გადამაგდეს”. 4 იანვარს მოულოდნელად მაცნობეს, რომ პირობები შეიცვალა და 5 წლით უნდა წავსულიყავი ციხეში. უკვე აღიარებული მქონდა ბრალი, გირაოს სანაცვლოდ ვიყავი თავისუფლებაზე და ველოდებოდი დაპირებული პირობებით საპროცესო შეთანხმების გაფორმებას.როგორც უკვე ავუხსენი საზოგადოებას ჩემს წერილებში, ბიძინა ივანიშვილთან 20-წლიანი ურთიერთობისა და მისდამი ჩემი დამოკიდებულების გამო უსიტყვოდ ავედი პოლიტიკურ სასაკლაოზე და ჩავჯექი ციხეში, რადგან არ მინდოდა დაპირისპირებაში შესვლა. ამით ჩემი მსხვერპლი გავიღე, ასევე გავუფრთხილდი გუნდსა და ქვეყანას. სანაცვლოდ მივიღე მესამე „გადაგდება“.თებერვალში, როდესაც შუამავლის მეშვეობით შედგა კომუნიკაცია, გაზეთის გარდა, ხელისუფლების ძირითადი გზავნილი შემდეგი შინაარსის იყო: ჩემი დაჭერით ხელისუფლება უფრო დაზიანდა, ვიდრე მე... მივხვდი, რომ შარს მდებდნენ და ახალ ბინძურ პროვოკაციას მიმზადებდნენ. მიზეზი გასაგები იყო - ხალხში ვერ მოახდინეს ჩემი სათანადოდ დისკრედიტაცია და ვერ მიიღეს ის ეფექტი, რასაც ელოდებოდნენ ჩემი დაჭერით და თანმდევი პროპაგანდით.ამის შემდეგ, ივლისამდე, აღარ ყოფილა არანაირი კომუნიკაცია და, როგორც უკვე ცნობილია საზოგადოებისთვის, სრულიად მოულოდნელად გამომიგზავნეს წერილი და ახალი პირობები, ხოლო სიტყვიერად, შუამავლის მეშვეობით, გადმომცეს, რომ ჩემი დაჭერით ხელისუფლება ძალიან დაზიანდა, ჩემს რეპუტაციას კი მნიშვნელოვანი ზიანი არ მისდგომია. ხალხისა და განსაკუთრებით „ქართული ოცნების“ ამომრჩევლების თანაგრძნობა გაიზარდა ჩემს მიმართ, მით უმეტეს იმ ფონზე, როცა ხელისუფლების დამხობის საქმეზე გასამართლებული ათეულობით პირი გაათავისუფლეს პირობითი სასჯელით. ხალხისთვის გაუგებარი და აუხსნელი იყო ჩემი ციხეში 5 წლით დატოვება, ვინაიდან მე აღიარებული მქონდა ბრალი, ზიანი ანაზღაურებული მქონდა, დაზარალებული არავინ მყავდა და ჯარიმაც გადახდილი მქონდა. ამიტომ ხელისუფლებისთვის ჩემი პატიმრობა ტვირთად გადაიქცა.ამას დაემატა უაზრო ეჭვები და შიშები, რომ ციხიდან გამოსვლის შემდეგ პოლიტიკაში არ დავბრუნებულიყავი. ამის გამო მთხოვდნენ ახალი, ბინძური კორუფციული ბრალის აღიარებას, რათა, ერთი მხრივ, მომხდარიყო ჩემი სახელის საბოლოოდ განადგურება და, მეორე მხრივ, დამატებით გადაეზღვიათ ჩემი პოლიტიკაში დაბრუნების რისკები.აქედან გამომდინარე, ჩემი პატიმრობა თავიდან ბოლომდე, პირველივე დღიდან, იყო პოლიტიკური და ყველაფერი, რაც ჩემს წინააღმდეგ განხორციელდა, არის პოლიტიკურად მოტივირებული, რასაც არავითარი საერთო არ აქვს სამართლებრივ პროცესთან. მე დღეს ციხეში ვზივარ აბსურდული ეჭვების, შიშებისა და შურის გამო, რაც წარმოუდგენელი უსამართლობა და ბოროტებაა ჩემი და ჩემი ოჯახის მიმართ.ბოლო ორი კვირის განმავლობაში ხელისუფლების ცრუ და ბინძური პროპაგანდა სასაცილო და უსუსური მეთოდებით აგრძელებს ჩემს წინააღმდეგ დისკრედიტაციის კამპანიას, რაც მხოლოდ შიშით არის ნაკარნახევი. ასევე მოვისმინე ხელისუფლების წარმომადგენლების ფარისევლური და ყალბი განცხადებები, რაზეც მინდა შემდეგნაირად ვუპასუხო: როგორც ვატყობ, ძალიან გაერთეთ და როლში შეხვედით. ნუ თვალთმაქცობთ! ჯერ თქვენი თვალიდან ამოიღეთ დირე და მერე ილაპარაკეთ კორუფციაზე. ხალხმა ძალიან კარგად იცის, რომ ეს არის სრული ფარსი და ჩვენი საზოგადოების შეურაცხყოფა.ამ სასაცილო და ბოროტი სპექტაკლებით თქვენ სახელმწიფო ინსტიტუტებს მიაყენეთ შეურაცხყოფა და დასაცინი გახადეთ როგორც ქვეყნის შიგნით, ისე მის ფარგლებს გარეთ; შიდა თუ გარე მტრებს სალაპარაკო არგუმენტები მიეცით და, რაც მთავარია, საკუთარ ქვეყანას, ხელისუფლებასა და თავად მმართველ პარტიას მიაყენეთ უდიდესი, გამოუსწორებელი ზიანი. თქვენი უგუნური პოლიტიკითა და ქმედებებით ქვეყანა შეიყვანეთ უწყვეტ ქაოსსა და დაუსრულებელ კრიზისში, საკუთარი ამომრჩეველიც კი დააბნიეთ, გაამწარეთ ადამიანები და ოჯახები, ხალხში გააჩინეთ უიმედობის, არასტაბილურობისა და არაპროგნოზირებადი მომავლის შიში. თქვენ უკვე სააკაშვილის გზით დადიხართ და „ნაციონალური მოძრაობის“ მმართველობის მეთოდებს აბრუნებთ...ბოროტებას სჩადიხართ, ფრთხილად იყავით!" - წერს ღარიბაშვილი.

"რამდენჯერ იყო, რომ არევა მოინდომეს ეკლესიაში, გვისმინონ, ტელეფონშიც და ქადაგებაზეც, თუ მტერია ქვეყნის, იმას უნდა უსმინონ, ჩვენზე ტყუილად იკარგება რესურსი"

1789985804

მისივე თქმით, ქართველები ერთმანეთს უნდა გაუფრთხილდნენ და აქ აშენონ მშვიდობა."დღეს საქართველო, მიუხედავად იმისა, რომ ოკუპირებული ვართ და ანექსიაზე მიდის საუბარი, დღეს თუ ისე ვართ, რომ არც ომია და მშვიდობა დაგვიტოვა ღმერთმა, თითოეული ჩვენგანისგან ითხოვს, რომ ჩვენს სულებში, ჩვენს ოჯახებსა და საზოგადოებაში იყოს სიმშვიდე. არავინ დაიბრალოს, არც სასულიერო პირმა და არც არავინ, რომ ჩვენ გამოა მშვიდობა. არა, ღმერთმა ინება და დაგვაჯილდოვა, ერისთვის არის ეს ჯილდო. სხვები, თუნდაც მართლმადიდებლები არასწორად რომ მოიქცნენ, დღეს უდანაშაულო ხალხმა თავიანთი სისხლი უნდა დაღვაროს, როგორც ჩვენთან ასი ათასი ადამიანი ეწამა იმის გამო, რომ ერი ცუდად ვცხოვრობდით.ევროპარლამენტში რა არ მოგვწონს - ჩვენ მიმართ ერთხმად რომ მიიღებს რაღაცას, ამიტომ, ჩვენთანაც, პარლამენტია თუ რაცაა, არ შეიძლება, ყველაფერზე ერთი აზრი ჰქონდეთ. თქვენ გგონიათ, ყველა კანონი ჭკუასთან ახლოსაა? ამიტომ, გავუფრთხილდეთ ერთმანეთს და ერთმანეთისგან ვისწავლოთ. რამდენჯერ იყო, რომ არევა მოინდომეს ეკლესიაში. გვისმინონ, ტელეფონშიც და ქადაგებაზეც. თუ მტერია ქვეყნის, იმას უნდა უსმინონ და შესაბამისად მოიქცნენ, მაგრამ ჩვენზე ტყუილად იკარგება რესურსი.ჩვენ არავის კონკურენტები არ ვართ, ჩვენ გვინდა, რომ გარეთ არ გავდიოდეთ, გარეთ რომ გადიხარ, მერე აქ დაბრუნება აღარ გინდა. ისე უნდა მოვიქცეთ, რომ მთელი ემიგრაცია დაბრუნდეს აქ", - განაცხადა მეუფე იაკობმა.

"ამერიკამ გადაწყვიტა პოლონეთში მუდმივი სამხედრო ბაზის განთავსება, რითაც ძალიან ძლიერდება ნატოს აღმოსავლეთი ფლანგი"

1789899864

"პოლონეთი საქართველოს უმთავრესი მოკავშირე გახდა ჩემი პრეზიდენტობის დროს ევროპაში და გახდება ხელახლა მას შემდეგ, რაც დიქტატურას მოვიშორებთ და აუცილებლად გავაფორმებთ პოლონეთთან თავდაცვით პაქტს.ასევე ჩვენთვის ძალიან კარგი ამბავია, ამერიკის კონგრესში ჩემი მეგობრის ლინდსი გრემის რუსების წინააღმდეგ სანქციების კანონის დამტკიცება. მოკლედ მიუხედავად რუსული ფეიერვერკებისა კიევში და სხვა ქალაქებში, საერთო სიტუაცია აშკარად ჩვენს სასარგებლოდ ვითარდება. თან იმის გათვალისწინებით, რომ "აზოვის" შენაერთებმა (რომელთა მთელი საბრძოლო მომზადების ხელმძღვანელი, მთელი ეს დრო იყო ერთ დროს ჩემი პირადი დაცვის წევრი და შემდეგ თანაშემწე ამერიკაში, პოლკოვნიკი გიორგი ქუფარაშვილი) გაანადგურეს დონბასზე რუსების შეტევის ჩრდილოეთის მიმართულება და გაათავისუფლეს უკრაინის ტერიტორიის 3 სოხუმის ხელა ტერიტორია", - წერს სააკაშვილი.

"საქართველო იდგა ეგზისტენციალური საფრთხის ქვეშ, ერთ მხრივ, იყო არჩევანი "ქართულ ოცნებას" და მეორე მხრივ, კოლექტიურ ქვეყნის მოღალატეებს შორის"

1789847504

გველესიანის განცხადებით, მანამ სანამ ქართული პოლიტიკური სივრციდან „გაფუჭებული მოღალატეები“ არ გაქრებიან მანამდე რაიმე სიკეთეზე საუბარი ზედმეტია."დღესაც საჯაროა ის ჩემი პოსტი. ჯერ კიდევ მაშინ ვსაუბრობდი თუ რა მოაქვს  ფობიებს. ქსენოფობიებს, რუსოფობიებს და ზოგადად სხვადასხვა ფობიებს, არაფერი კარგი, რაც ახლა აქტუალურია  ჩვენს პოლიტიკაში და მაშინდელი აი ეს ძალები მე თავს დამესხნენ, მაგრამ ძალიან გაუჭირდებათ მე რამე მატკინონ იმიტომ, რომ მე მაქვს ჩემი თავდაცვის მექანიზმი, საერთოდ არ მაინტერესებს, მაგით მე ვერაფერს ვერ მატკენენ და მე, რაც არ უნდა იარლიყი მომაკერონ, ეს იმას არ ნიშნავს, რომ მმართველ პარტიას მე ყველაფერში ვეთანხმებოდი, ან ვეთანხმები. მაქვს უამრავი შეკითხვა, მაქვს უამრავი ჩემი პრეტენზიები.  თუმცა იმ კონკრეტულ მომენტში საქართველო, ჩემი აზრით, იდგა ეგზისტენციალური საფრთხის ქვეშ.  ერთ მხრივ, იყო არჩევანი ერთ პარტიასა და მეორე მხრივ,  კოლექტიურ, ჩემი აზრით, ქვეყნის მოღალატეებს შორის. შესაბამისად,  სხვადასხვა ტიპის მოღალატეები არსებობენ. არსებობენ, მაგალითად,  ყველა პოზაში და ყველა სიტუაციაში გამოჭერილი, გაფუჭებული მოღალატეები, რომლებიც, ჩემი ღრმა რწმენით, სანამ არ მოშორდებიან ქართულ პოლიტიკურ ველს, მანამდე ძალიან რთულია რაიმე სიკეთეზე საუბარი“, - განაცხადა გიორგი გველესიანმა.

"გიორგი ბარამიძის დატყვევებით ამ ბანდამ ძალიან დიდი ქაქი ჭამა და მიუხედავად იმისა თუ რამდენი აქვთ ადრეც ნაჭამი, ეს პორცია მეტისმეტი მოუვათ და აუცილებლად გადასცდებათ"

1789842357

"ივანიშვილმა კრიზისში მორიგი შეცდომა დაუშვა და მოახერხა ჩემი, როგორც ციხის მაყურებლის პოზიციების გაძლიერება, იმიტომ რომ რუსთავში გია ბარამიძე შემომისახლა. თან გია დაასახლეს ჩემს ქვედა სართულზე, სადაც ვიღაცები, ვინც ადრე პარტიას „მახევდა“, ახლა ცდილობენ ღარიბასთან და სხვა ქოცებთან ერთად სართულის მაყურებლობა მაინც ჩამომართვან, მაგრამ ჩაუვარდათ ციხის ხის კოვზი ნაცარში - გიამ პირველივე დღეს სოცმუშაკს გამოატანა წერილი ჩემთან, რომ ის უპირობოდ აღიარებს ჩემს მაყურებლობას ორივე სართულზე და მასთან, ხაბესთან, პაატასთან და სხვებთან ერთად ნაციონალები ისევ უმრავლესობა ვართ და „პალაჟენიე“ გვიჭირავს ორივე სართულზე.ეს ისე ხუმრობით და სინამდვილეში, მინდა ახლა მაინც ვრცლად მოვყვე თუ ვინაა ჩემი უახლოესი მეგობარი და თანამებრძოლი გია ბარამიძე. ჩვენ ერთმანეთი გავიცანით მთელი 34 წლის წინ, მუშთაიდში განლაგებულ „მწვანეთა პარტიის“ ერთსართულიან ხის ოფისში. მაშინ გია მწვანეთა ლიდერის, ზურა ჟვანიას უახლოესი მეგობარი იყო.გავიდა სულ ცოტა დრო და შეიქმნა დიდი მეგობრობის სამკუთხედი, ზურა - გია - მე და ეს მეგობრობა გრძელდება შეურყევლად დღემდე (ზურაბი 2005 წელს გამოგვაკლდა). ამ მეგობრობამ გაუძლო დისტანციას, სხვადასხვა პარტიებში ყოფნას, არჩევნებში კონკურენციას (იმას კი არ ჰგავდა, ახლა ვიღაცები საარჩევნო კონკურენტებად რომ გარდაიქმნებიან, ეგრევე ჩემი გმობით რომ ცდილობენ ამაღლებას, მსგავსი არაფერი იყო მაშინ), თანამდებობებით და ოპოზიციაში ყოფნის გამოცდას.მე და გია ურთულესმა განსაცდელმა, ზურას ტრაგიკულმა სიკვდილმა კიდევ მეტად დაგვაახლოვა. მე რომ შემატყობინა ზურას მცველმა ზურას ამბებზე, პირველი ეგრევე გიას დავურეკე და გავგზავნე შემთხვევის ადგილას.ჩემთვის თავიდანვე გია იყო სიმამაცის სიმბოლო. მე მყავს ის ნანახი სოხუმთან სანგრებში, უამრავ რთულ სიტუაციაში. მაშინდელ იარაღით და კრიმინალებით გატენილ თბილისში, ის იმ საშიშ საგიჟეთში იყო ჩემთვის მთავარი დამცველი და უკვე თავად მისი არსებობის ფაქტი იმედს მაძლევდა მე და არა მხოლოდ მე, არამედ მთელს სამეგობროს. ყველაზე რთული სიტუაციის განმუხტვა შეეძლო თავისი შეუპოვრობით, სიმშვიდით და დახვეწილი გურული იუმორით. ის გახდა ჩემი მეჯვარე და ჩემი შვილის, ედუარდის ნათლია.ყველა კრიზისულ მომენტში, პირველი ვინც მეგულებოდა დამხმარედ, იყო გია. სწორად მან ითამაშა გადამწყვეტი როლი ვარდების რევოლუციის დროს ჩემი და ზ. ჟვანიას პარტიის ძალების გაერთიანებაში. ის უიარაღოდ პირველი გადავიდა აჭარაში და დაითანხმა ასლანის ბანდფორმირებები იარაღი დაეყარათ.რევოლუციის შემდეგ, ის როგორც ყველაზე დიდი ნდობით და გამოცდილებით აღჭურვილი პირი ყოველთვის იქ იყო, სადაც ყველაზე რთული გამოწვევები გვქონდა. როგორც შინაგან საქმეთა მინისტრმა, პირადად მიიღო დიდი რისკის ფასად მონაწილეობა ძალიან რთული დანაშაულების გახსნაში. ისევე როგორც თავად გადაჯდა ვერტმფრენით სვანეთში და გაანეიტრალა აფრასიძეების მკვლელი ბანდა, რითაც სვანეთს გაუხსნა განვითარების დიდი პერსპექტივები. ჩვენი თუნდაც ქოცების მიერ შეწყვეტილი სვანეთის აღმშენებლობა, კერძოდ ახალი გზა, ახალი მესტია, თეთნულდის სათხილამურო კურორტი, ტურიზმის დიდი განვითარება. არაფერი ეს არ იარსებებდა თუ არა გიას გმირობა. მაშინ სწორედ გიამ დაითხოვა საბჭოთა გაიშნიკები, რაც დღემდე რჩება ლეგენდად მსოფლიოს მასშტაბით (ამასწინათ Al Jazeera აკეთებდა მაშინდელზე გადაცემას). გია იყო ძალიან კარგი თავდაცვის მინისტრი, გაყარა რა ყველა მაშინდელი კორუმპირებული „ოფიცერი“, რომელთა გამო პრაქტიკულად არ გვყავდა ჯარი. და შემდეგ როდესაც ევროპაზე ავიღეთ კურსი, სწორედ გიას ჩავაბარეთ ეს ყველაზე საჭირო უბანი, ვიცე-პრემიერის რანგში. ის ჩვეული მიმწოლობით და მოუთმენლობით გამოირჩეოდა. მახსოვს ნატოს მაშინდელმა გენერალურმა მდივანმა მითხრა - თქვენი ბარამიძის ზედმეტად ხშირი ვიზიტები ბევრს აღიზიანებს და არ ვიცი ასეთი დაჟინება რამდენად უწყობს ხელს საქართველოს ევროატლანტიკურ სივრცეში ინტეგრირებას, რაზეც მე აუღელვებლად მივუგე - სანამ ნატოში არ მიგვიღებთ, ბარამიძეს ხუთჯერ უფრო ხშირად გამოვაგზავნი-თქო თქვენთან.როგორც პოლიტიკოსი, გია არის იდეალური, უბოროტო, სრულიად უინტრიგნო, ყოველთვის კონსენსუსის მაძიებელი. ნულოვანი პირადი ამბიციები ერწყმის უსაზღვრო ამბიციებს საქართველოსთვის. ხელისუფლებაში ჩემ დროსაც, ბევრად ნაკლებად, მაგრამ მაინც იყვნენ "კუტოკები“. გია არასდროს არცერთს არ ეკუთვნოდა, ის ყოველთვის რჩებოდა საქართველოს ბანაკში.2012 წლის შემდეგაც, ჩვენი გზები სულ იკვეთებოდა. როცა ოდესის რეგიონის გუბერნატორი ვიყავი, გიამაც მოუხშირა ჩამოსვლას და მოიყვანა სრულიად მშვენიერი ოდესელი ცოლი, რომელიც მას ასე ერთგულად უდგას გვერდში. იყო მომენტები, რომელზეც ვფიქრობ, რომ იმდენად თავისთავად მიგვაჩნდა გიას ერთგულება, რომ გვავიწყდებოდა ხოლმე მისი საარჩევნო სიებში შეყვანა, რასაც ახლა ძალიან ვნანობ. ეს მით უმეტეს იმ ფონზე, რომ ყველა თანამდებობაზე ნამუშევარმა გიამ, თითქმის ვერანაირი ქონება ვერ დააგროვა და მთელი ეს ათწლეულები, არასდროს ყოფილა მატერიალურად დალხენილი და დეპუტატის ხელფასი მისთვის ბევრს ნიშნავდა. ახლა აღმოჩნდა, რომ ძალიან ბევრი მეგობარი ჰყავს, მათ შორის ისინი, ვისაც ჩემთან აქვს პრეტენზიები ჩემი სიმკვეთრის ან მათი საკუთარი კარიერული შეუმდგარობის გამო. ასევე მინდა დავამატო, მოძრაობის ერთიანობაზე მრავალგზის თავდასხმის პირობებში, გია ყოველთვის დარჩა ერთიანობის მტკიცე მცველად.ხოდა გადავხედე ჩემს ამხელა დაწერილს და მინდა გიას ვუთხრა - ძმაო გია, ყოველთვის დარწმუნებული ვიყავი, რომ შენ უნდა დაგეწერა ჩემი ნეკროლოგი და ახლა გადავხედე რამხელა აბზაცი მომიძღვნია შენი ცხოვრების შეჯამებისთვის. ამის შემდეგ შეგიძლია კიდევ 58 წელი იცოცხლო და უკვე არსებული დამსახურებები იმყოფინო.ისე კი ციხის ბადრაგმა (თავს რომ კონტროლს ეძახიან) მითხრა, ბარამიძის აქ მოყვანა ძალიან დიდი გაუგებრობააო. იმის მაგივრად, რომ სადმე სკოლის დირექტორად დაენიშნათ, ჩვენთან გამოუშვესო. ყველანი გაოგნებული ვართ, საერთოდ რა შუაშიაო.არ ვიცი რა იყო ახლა გიას დაჭერა, ეს იყო სისხლიანი საბჭოთა ჯალათის, ავთო წულუკიანის შვილის, წულუკიანის რაღაც ვენდეტა სვანური ყაჩაღების გამო, თუ ბიძინა ბოროტის პირადი აუტანლობა ყველა წესიერი პატრიოტი ადამიანის მიმართ თუ რუსეთთან საბოლოოდ ჩაბარების წინ პოლიტიკური ველის გაწმენდა პატრიოტებისგან და რუსეთის მტრებისგან, მაგრამ ერთი რამ კი ვიცი, გიორგი ბარამიძის დატყვევებით ამ ბანდამ ძალიან დიდი ქაქი ჭამა და მიუხედავად იმისა თუ რამდენი აქვთ ადრეც ნაჭამი, ეს პორცია მეტისმეტი მოუვათ და აუცილებლად გადასცდებათ. საბოლოოდ საკუთარ ქაქში დაიხრჩობა ეს სოფლის ორღობის მყრალი დიქტატურა", - წერს სააკაშვილი. 

მიხეილ სარჯველაძე - 100-ზე მეტი იყო რიცხვი ბავშვებისა, რომელთა ჰოსპიტალიზებაც გახდა აუცილებელი

1789812538

მისივე თქმით, არცერთ შემთხვევაში არ არსებობდა გართულება ან მოსალოდნელი რისკი."გამოძიება როდესაც მიმდინარეობს, საბოლოო შედეგებს უნდა დაველოდოთ, რადგან გამოძიება არის ამ გარემოების დადგენის ყველაზე კარგი, მაღალკვალიფიციური ინსტრუმენტი. წინასწარ რაც შემიძლია გითხრათ, ეს ტალღა, რომელიც არსებობდა, 100-ზე მეტი იყო რიცხვი ბავშვებისა, რომელთა ჰოსპიტალიზებაც გახდა აუცილებელი, თუმცა მათი მდგომარეობა, საბედნიეროდ, არცერთ შემთხვევაში არ ყოფილა ისეთი, რომელიც რაღაც საგანგებო ყურადღებას მოითხოვდა, არ იყო გართულების შემთხვევა ან მოსალოდნელი რისკი.საბედნიეროდ, მშვიდად ჩაიარა ამ ყველაფერმა, თუმცა ეს არ ნიშნავს, რომ ნაკლებად უნდა იქნეს ყურადღებით გამოძიებული ყველა ეს გარემოება, რომელსაც ადგილი ჰქონდა. ბუნებრივია, რომ გამოძიება აბსოლუტურად სრულფასოვნად ჩატარდება, ყველაფერი კეთდება ამისთვის და ამ სრულფასოვანი გამოძიების შედეგად გვეცოდინება, რა მოხდა და ყველას მოუწევს პასუხისმგებლობა, ვისაც ბრალი მიუძღვის. ყველა მკაცრი მოქმედება განხორციელდება, რაც სამართლებრივთან თავსებადი იქნება, იქნება ეს ხელშეკრულების შეწყვეტა, თუ კონკრეტულ პირთა პასუხისგებაში მიცემა. არ მგონია, რომ დიდხანს გასტანოს ამ გამოძიებამ, ძალიან სწრაფად შეიძლება, რომ ყველაფერზე პასუხი გვქონდეს. ასეთია ზოგადი მიდგომა“, – განაცხადა სარჯველაძემ.

"დაველოდოთ მოკვლევას, რასთან გვაქვს საქმე - ჩვენ ვართ აბსოლუტურად ღია, გამჭვირვალე და როგორც მშობლებს, ისე საზოგადოებას, ყველაფერზე მივაწვდით ინფორმაციას"

1789807358

მისი განმარტებით, თითოეული ბავშვის ჯანმრთელობის მდგომარეობა და უსაფრთხოება პრინციპულად მნიშვნელოვანია."პირველ რიგში, მინდა, ბავშვებს ჯანმრთელობა ვუსურვო. მშობლების შეშფოთებაც აბსოლუტურად მესმის, რადგან მშობლები ვართ და თითოეული ჩვენგანისთვის ბავშვი განსაკუთრებულია. პირადად ჩემთვის და ჩემი თანაგუნდელებისთვის ბავშვებზე მზრუნველობა უდიდესი პასუხისმგებლობაა. დღეს ჩვენი მხრიდან მტკიცებით ფორმაში ვისაუბროთ იმაზე, რომ ეს არის საკვებიდან გამოწვეული პრობლემა ან თუნდაც გამოვრიცხოთ აღნიშნული ფაქტი, არასწორი იქნებოდა. უნდა დაველოდოთ შესაბამისი სამსახურების მოკვლევას, რასაც, რა თქმა უნდა, მოჰყვება შესაბამისი რეაგირება. დღეს ბაღებში 60 ათასზე მეტი აღსაზრდელი გვყავს. არანაირი მნიშვნელობა არ აქვს, რამდენ ბავშვზეა საუბარი. მათი ჯანმრთელობის მდგომარეობა და უსაფრთხოება ჩვენთვის პრინციპულად მნიშვნელოვანია. რა თქმა უნდა, იგივე დამოკიდებულება იქნებოდა თუნდაც ერთი ბავშვის შემთხვევაც რომ დაფიქსირებულიყო. ეს მეტყველებს იმაზე, რომ გვაქვს ძალიან დიდი პასუხისმგებლობა“, - განაცხადა კახა კალაძემ.მისივე განმარტებით, ბოლო წლების განმავლობაში თბილისის საჯარო ბაღებში ძალიან ბევრი რეფორმა განხორციელდა, რათა აღსაზრდელების უსაფრთხოება საერთაშორისო სტანდარტების შესაბამისად უზრუნველყოფილიყო."2023 წლიდან დავნერგეთ HACCP-ის სტანდარტი, რაც ძალიან მნიშვნელოვანია და გვაძლევს შესაძლებლობას, რომ მწარმოებლიდან და მომწოდებლიდან დაწყებული ბენეფიციარამდე დასრულებული, სრული კონტროლი განხორციელდეს საკვები პროდუქტების. სრული პასუხისმგებლობით ვაცხადებ, რომ არცერთი პროდუქტის მიღება არ ხდება თუ არ გვაქვს შესაბამისი, აკრედიტებული ლაბორატორიის მიერ შემოწმების ოქმები. ჩვენ არცერთ პროდუქტს არ ვიღებთ, თუ არ არის მოწოდებული შესაბამისი ლაბორატორიული კვლევები. გარდა ამისა, სურსათის ეროვნული სააგენტო სისტემატურად ამოწმებს პროდუქტებს. ხედავთ, ბოლო წლების განმავლობაში როგორი ინფრასტრუქტურული პროექტები ხორციელდება საბავშვო ბაღებში ჩვენი შვილებისთვის. განსაკუთრებული ყურადღება ეთმობა კვებას, ბავშვების სათამაშოებს,  რათა იყოს ეკოლოგიურად სუფთა და შეესაბამებოდეს საერთაშორისო სტანდარტებს. თეთრეულზეც კი განსაკუთრებული ყურადღებაა გამახვილებული. ამიტომ დაველოდოთ შედეგებს, თუ რასთან გვაქვს საქმე. ჩვენ ვართ აბსოლუტურად ღია, გამჭვირვალე და როგორც მშობლებს, ისე საზოგადოებას, ყველაფერზე მივაწვდით ინფორმაციას“, - განაცხადა დედაქალაქის მერმა.მისივე თქმით, საბავშვო ბაღების აღსაზრდელების კვებაზე ტენდერს აცხადებს სახელმწიფო შესყიდვების სააგენტო, მუნიციპალიტეტი კი ხელშეკრულებას ტენდერში გამარჯვებულ კომპანიებთან აფორმებს."ჯერ უნდა გავიგოთ მიზეზი რა არის. მერწმუნეთ, ყველა დეტალი ცნობილი გახდება საზოგადოებისთვის. კვებაზე ტენდერს აცხადებს სახელმწიფო შესყიდვების სააგენტო. ტენდერში გამარჯვებული კომპანიების გამოვლენის შემდეგ, მათთან ფორმდება ხელშეკრულება. ისინი ვალდებული არიან, პროდუქციის მოწოდების დროს წარმოადგინონ ლაბორატორიის მიერ შემოწმების ოქმები თითოეულ პროდუქტზე. დაველოდოთ მოკვლევას, თუ სად იყო პრობლემა, რა იყო ამ ყველაფრის გამომწვევი მიზეზი. ჩვენ არც პრობლემებს გავურბივართ, არც პასუხისმგებლობას. თუ არის ჩვენი მხრიდან რაიმე არასწორად გაკეთებული ან შეცდომა დაშვებული, რა თქმა უნდა, ამას მოჰყვება ძალიან მკაცრი რეაგირება. ეს ყველაფერი საზოგადოებისთვის გახდება ცნობილი“, - განაცხადა კალაძემ.

"სოციალურ ქსელში მიზანმიმართული ბულინგისა და შეურაცხყოფის ფაქტებს ყველგან აქვს შესაბამისი რეაგირება"

1789806073

მისი თქმით, როდესაც საქართველოს ხელისუფლებამ სოციალურ ქსელებში შეურაცხყოფის მიყენების ფაქტებთან ბრძოლა დაიწყო, ეს სიტყვის თავისუფლების შეზღუდვად წარმოაჩინეს.„ზოგადად, სიძულვილის ენა კატეგორიულად მიუღებელია. სამწუხაროდ, მსოფლიოს სხვადასხვა ქვეყანაში ისევე, როგორც საქართველოში სამწუხარო რეალობად იქცა ის, რომ სოციალურ ქსელში ქვეყნდება  განსხვავებული მოსაზრებების მქონე ადამიანების მიმართ შეურაცხმყოფელი ტიპის განცხადებები, მესიჯები, მიმდინარეობს ბულინგი. ეს კატეგორიულად მიუღებელია.როდესაც ჩვენ ამასთან ბრძოლა დავიწყეთ, გვახსოვს, თუ რა განცხადებები კეთდებოდა - ეს შეაფასეს, თითქოს სიტყვის თავისუფლების წინააღმდეგ ვიყავით, მაგრამ სიტყვის და გამოხატვის თავისუფლება ამ ქვეყანაში დაცულია, არანაირად შეზღუდული არ არის, მაგრამ ეს უნდა იყოს ზომიერების, კანონის ფარგლებში და არა შეურაცხყოფის მიყენებითა და ბილწსიტყვაობით.თქვენ ნახეთ, რომ ევროპულ ქვეყანაში – გერმანიაში ეს არის სისხლის სამართლის დანაშაული იმიტომ, რომ ძალიან მძიმეა, როდესაც სოციალურ ქსელში მიმდინარეობს ადამიანის მიზანმიმართული ბულინგი და შეურაცხყოფა. ასეთ ფაქტებს ყველგან აქვს შესაბამისი რეაგირება“, - განაცხადა კახა კალაძემ.

კახა კალაძე - რამე რომ მოხდეს პასუხისმგებლობას ვინ აიღებს, განათლების სამინისტროს მყისიერი რეაგირება კითხვებს არ უნდა ბადებდეს

1789806013

მისივე განმარტებით, შეუძლებელია ბაღის ან სკოლის შენობის ავარიულობის შესახებ სამხარაულის ექსპერტიზის დასკვნის მიღებისთანავე კონკრეტულ უწყებას  მყისიერი რეაქცია არ ჰქონდეს.“შემიძლია ავარიული საბავშვო ბაღების შენობების მაგალითი  მოვიყვანო. წლების წინ ანალოგიური პრობლემები გვქონდა. მივიღეთ სამხარაულის ექსპერტიზის დასკვნა, რომ კონკრეტული შენობები იყო ავარიული, საჭიროებდა დაცლას. მყისიერი რეაგირება გვქონდა. რამე რომ ჩამოვარდეს სრული კატასტროფა მოხდება. ამაზე პასუხისმგებლობას ვინ იღებს, როცა დევს ავარიულობის შესახებ ოფიციალური დასკვნა იმ შენობაზე, სადაც უამრავი ახალგაზრდა ყოველდღიურად დადის. სამინისტროს ჰქონდა მყისიერი რეაგირება, ამასთან დაკავშირებით კითხვები არ უნდა არსებობდეს. გადანაწილდებიან ბავშვები სხვადასხვა სკოლაში, შემდეგ კი თანამედროვე სტანდარტების სკოლა აშენდება”, - განაცხადა კახა კალაძემ.