ექსკლუზივი

პოლიტიკა

ბიზნესი და ეკონომიკა

ანაკლიის პორტს ჩინური კონსორციუმი ააშენებს

1716983580

მინისტრის განცხადებით, ანაკლიის ღრმაწყლოვანი ნავსადგურის განვითარების სააგენტოში საბოლოო წინადადება ჩინურმა კონსორციუმმა, ChinaCommunications Construction Company Limited-მა წარადგინა."20 მაისს ანაკლიის ღრმაწყლოვანი ნავსადგურის განვითარების სააგენტოში წინადადება წარმოადგინა მხოლოდ ჩინურმა კონსორციუმმა (China Communications Construction Company Limited(China) & China Harbour Investment Pte. Ltd (Singapore); ქვეკონტრაქტორები – China Road and Bridge Corporation-ი და Qingdao Port International Co., Ltd). კონსორციუმის მიერ წარმოდგენილი წინადადებების შეფასების შედეგად კომისია გამოავლენს გამარჯვებულს (ან რამდენიმე საუკეთესო კანდიდატს), რომლის შემდგომაც დაიწყება მოლაპარაკებები კონცესიის ხელშეკრულებასა და პარტნიორთა შეთანხმებაზე. შერჩევის პროცესი, უახლოესი გეგმები და საორიენტაციო ვადები: სამინისტრო/სააგენტო ახორციელებს ინვესტორი/კერძო პარტნიორის შერჩევის პროცესს, რომელიც ინვესტიციას განახორციელებს სახელმწიფო საწარმოსთან ერთობლივად შექმნილ კომპანიაში (შემდგომში „კონცესიონერი“), რომელმაც უნდა განავითაროს ანაკლიის ნავსადგური საქართველოს მთავრობასა და კონცესიონერს შორის გასაფორმებელი ხელშეკრულების თანახმად. აღნიშნული წარმოადგენს ინსტიტუციურ საჯარო და კერძო თანამშრომლობას, რომლის ფარგლებში საქართველოს მთავრობა სახელმწიფო კომპანიის მეშვეობით იქნება ინსტიტუციური საჯარო და კერძო თანამშრომლობის კომპანიის 51 პროცენტის მფლობელი, ხოლო კერძო პარტნიორი – 49 პროცენტის მფლობელი.სახელმწიფომ დააფუძნა კომპანია, რომელმაც უკვე დაიწყო მოსამზადებელი სამუშაოები საზღვაო ინფრასტრუქტურის (ფსკერდაღრმავება, ტალღმტეხელი) მშენებლობის მიზნით. ამავე კომპანიას, კაპიტალშენატანის სახით, გადაეცა პირველი ფაზის სამშენებლო სამუშაოებისთვის საჭირო მიწის ნაკვეთების ნაწილი. ინვესტორის შერჩევის შემდგომ ზემოხსენებული სახელმწიფო კომპანია შერჩეულ კერძო პარტნიორთან ერთად დააფუძნებს ერთობლივ კომპანიას, სადაც სახელმწიფო კომპანიას ექნება 51% წილი, ხოლო კერძო პარტნიორს – 49%. საჯარო და კერძო პარტნიორს შორის შემოსავლისა და ფუნქციების გადანაწილების საკითხი დაზუსტდება საუკეთესო საერთაშორისო პრაქტიკის შესაბამისად, RFP-ს სტადიაზე.პროექტის განხორციელების მოსალოდნელი შედეგები: პროექტის განხორციელება ხელს შეუწყობს: ათასობით ახალი სამუშაო ადგილის შექმნას; ადგილობრივი მოსახლეობის სოციალურ-ეკონომიკური მდგომარეობის გაუმჯობესებას; საქართველოზე გამავალი სატრანსპორტო დერეფნის კონკურენტუნარიანობის ზრდას; საქართველოს ტერიტორიის გავლით ახალი ტვირთნაკადების მოზიდვას; პორტის მიმდებარედ წარმოებისა და ლოგისტიკური სერვისების განვითარებას. ანაკლიის ნავსადგური მიმზიდველი იქნება აფხაზეთის ოკუპირებულ ტერიტორიაზე მცხოვრები მოსახლეობისთვისაც – მათ ექნებათ შესაძლებლობა, დასაქმდნენ ანაკლიის პორტში როგორც მშენებლობის, ასევე, ოპერირების სტადიაზე. გარდა ამისა, შესაძლებელი გახდება, ოკუპირებულ ტერიტორიაზე მცხოვრები მოსახლეობის მიერ წარმოებული პროდუქცია გატანილ იქნეს ექსპორტზე ანაკლიის პორტის მეშვეობით. პორტის პირველი ფაზის გამტარუნარიანობა იქნება 600 ათასი კონტეინერი (7,800,000 ტონა), ხოლო საორიენტაციო ღირებულება – 600 მლნ აშშ დოლარი. სახელმწიფო ასევე განიხილავს პორტის მიმდებარედ თავისუფალი ინდუსტრიული ზონის შექმნის საკითხს“, – აცხადებენ საქართველოს ეკონომიკის სამინისტროში.

"საქართველოს ბანკის" სასტიპენდიო პროგრამაში სპორტის უნივერსიტეტის სტუდენტებიც ჩაერთნენ

1716559728

ახლახან, საქართველოს ბანკის პარტნიორების რიცხვს საქართველოს ფიზიკური აღზრდისა და სპორტის სახელმწიფო სასწავლო უნივერსიტეტიც შეემატა.სპორტის უნივერსიტეტს 90 წლიანი ისტორია აქვსსაქართველოს ფიზიკური აღზრდისა და სპორტის სახელმწიფო სასწავლო უნივერსიტეტის ისტორია ჯერ კიდევ 1935 წლიდან იწყება. სპორტის უნივერსიტეტი დღემდე საქართველოში სპორტული პროფილის ერთადერთი უმაღლესი სასწავლო დაწესებულებაა. უკვე 90 წელია, რაც უნივერსიტეტი მაღალკვალიფიციურ სპეციალისტებს ამზადებს როგორც საბაკალავრო, ისე სამაგისტრო საფეხურზე, შემდეგი მიმართულებებით:სპორტის სახეობის მწვრთნელი; ფიზიკური მედიცინა და რეაბილიტაცია;სპორტის მენეჯმენტი;ფიტნესი და ჯანმრთელობის სპეციალისტი.უნივერსიტეტი სტუდენტებს სთავაზობს დარგში მეცნიერებასა და საუკეთესო საერთაშორისო გამოცდილებაზე დაფუძნებულ განათლებას, რომელსაც უზრუნველყოფენ დარგის წამყვანი მეცნიერები, პრაქტიკოსი პროფესორ-მასწავლებლები და ადგილობრივი და საერთაშორისო პარტნიორი უნივერსიტეტები ევროპის ქვეყნებიდან (ესპანეთი, ბულგარეთი, ლიეტუვა, ლატვია და სხვ). ამავდროულად, ყოველწლიურად მოქმედებს გაცვლითი პროგრამები როგორც სტუდენტებისთვის, ასევე პროფესორ-მასწავლებლებისთვის.როგორ არის შესაძლებელი სპორტის უნივერსიტეტში სტიპენდიის მიღება?სპორტის უნივერსიტეტში საქართველოს ბანკის სტიპენდიის მისაღებად, კანდიდატს უნდა ჰქონდეს სპორტის უნივერსიტეტში აქტიური სტუდენტის სტატუსი, იყოს საქართველოს მოქალაქე და სწავლობდეს საბაკალავრო პროგრამაზე.აღსანიშნავია, რომ საქართველოს ბანკის სტიპენდიატების გამოვლენა უნივერსიტეტის ადმინისტრაციის მიერ შემუშავებულ კრიტერიუმებზე დაყრდნობით მოხდება. კრიტერიუმების შესახებ დეტალური ინფორმაცია უნივერსიტეტის ოფიციალურ ვებგვერდზე იქნება ხელმისაწვდომი.საქართველოს ბანკის სასტიპენდიო პროგრამა გრძელდება და პარტნიორი უნივერსიტეტების სიაც იზრდება. საქართველოს ბანკის მიერ კორპორატიული სოციალური პასუხისმგებლობის მიმართულებით განხორციელებული პროექტების შესახებ დეტალური ინფორმაციის მისაღებად ეწვიეთ ვებგვერდს: csr.bog.ge

თიბისის ბიზნესმობაილ და ინტერნეტბანკში სიახლეა

1716550310

დღეიდან მომხმარებლები, რომლებიც საერთაშორისო გადარიცხვებით სარგებლობენ, მარტივად შეძლებენ შეამოწმონ ტრანზაქციის შესასრულებლად საჭირო საფეხურები და შუავალ ბანკებთან დაკავშირებული დეტალები.ამ ინფორმაციის ნახვა შესაძლებელია ტრანზაქციის დეტალების გვერდზე, სადაც დაგხვდებათ ჩამოსაშლელი მენიუ, რომლის დახმარებით შეძლებთ შეამოწმოთ ჩაერიცხა თუ არა მიმღებს თანხა, ან თუკი ტრანზაქცია ჯერ კიდევ დამუშავების პროცესშია, ნახავთ მის მიმდინარე სტატუსს. 

თიბისის მხარდაჭერით თბილისის წიგნის 26-ე საერთაშორისო ფესტივალი გაიმართება

1716543234

ფესტივალი ტრადიციული მასშტაბითა და ფორმატით, მკითხველებს ექსპო ჯორჯიას პავილიონებში უმასპინძლებს. მე-11 პავილიონში წარმოდგენილი იქნება ქართველი გამომცემლებისა და სხვადასხვა ორგანიზაციის სტენდები, ხოლო მე-6 და მე-5 პავილიონებში მოეწყობა საბავშვო წიგნების და მათთან დაკავშირებული საბავშვო აქსესუარების გამოფენა-გაყიდვა.წელს, პირველად ფესტივალის გარე სივრცეში, მე-4 და მე-5 პავილიონების მოპირდაპირედ, გაიმართება ფლიმარკეტი. ადგილობრივი მეწარმეები მკითხველს და დამთვალიერებელს სხვადასხვა აქსესუარსა და ქართულ ნაწარმს შესთავაზებენ.თიბისისთვის მნიშვნელოვანია განათლების და ახალი თაობის განვითარების ხელშეწყობა. ფესტივალზე, შერჩეულ გამომცემლებთან, თიბისის მოსწავლისა და სტუდენტის ვიზა ბარათის მფლობელები განსაკუთრებული შეთავაზებით ისარგებლებენ და გადახდილი თანხის 40%-ს უკან დაიბრუნებენ. თიბისის სივრცეში, მე-11 პავილიონში, სტუმრებს ექნებათ შესაძლებლობა უფასოდ შეუკვეთონ და ადგილზე გაიაქტიურონ მოსწავლისა და სტუდენტის ვიზა ბარათები და ისარგებლონ საფესტივალო შეთავაზებებით.

ომი უკრაინაში

სამართალი

საზოგადოება

ყველა სიახლე
30 მაისის ასტროლოგიური პროგნოზი

1717011609

კუროიმოქმედეთ გონივრულად და ნუ დახარჯავთ ენერგიას იმის გარდაქმნაზე, რასაც ვერ შეცვლით, რაც გარდაუვალია. დაკმაყოფილდით თქვენი გამოცდილების გაზიარებით და რჩევებით, ასე უფრო მეტად ამაღლდება თქვენი ავტორიტეტი.ტყუპებიდადგა დრო, იბრძოლოთ ლიდერობისთვის, მოიკრიბეთ ძალები და დაიწყეთ გადამწყვეტი მოქმედება კონკურენტების წინააღმდეგ. შანსი გაქვთ, ახლა მოიპოვოთ უკეთესი ადგილი და წარმატებას მიაღწიოთ ნებისმიერ სფეროში.კირჩხიბიყურაღება მიაქციეთ ყოველ დეტალს, რაც უნდა უმნიშვნელოდ გეჩვენებოდეთ, შესაძლოა, სწორედ ეს წვრილმანები მნიშვნელოვნად აისახოს თქვენს პირად ცხოვრებაზე, საქმიან სფეროსა და, ზოგადად, ცხოვრებაზე.ლომიშეხედეთ თქვენს თავს სხვების თვალით და იყავით ობიექტური. კრიტიკის მიმართ ჯანსაღი დამოკიდებულება დაგეხმარებათ მდგომარეობის განმტკიცებაში და მიღებული კრიტიკული ინფორმაცია, სამომავლოდ, თქვენთვის კარგი იარაღი გახდება.ქალწულიშეათავსეთ სასიამოვნო სასარგებლოსთან, თქვენი იდეები მიმართეთ მათკენ, ვინც დახმარებას საჭიროებს, რათა ორივე მხარისთვის სარგებლიანი იყოს, როგორც აზრების,ასევე, ენერგიის გაცვლა.სასწორიახალი დავალების თავიდან ასაცილებლად, საჭირო იქნება, ითამაშოთ საქმეებით დახუნძლული ადამიანის როლი, თუმცა, ეს ისე გააკეთეთ, რომ ეჭვი არავის შეეპაროს, წინააღმდეგ შემთხვევაში, დასვენების საშუალება არ გექნებათ.მორიელიშემოვლითი და არაპირდაპირი გზებით, დღეს ყველაფერი გამოგივათ. ზოგ შემთხვევაში, წარმატებას თქვენი მომხიბვლელობით მიაღწევთ, ზოგჯერ დამაჯერებელი არგუმენტებით, ზოგჯერ კი გავლენიანი კავშირებით. შედეგები ყველასთვის სასარგებლო იქნება.მშვილდოსანიკონფლიქტებისა და წყენის თავიდან ასაცილებლად, საჭიროა, ეძებოთ საერთო შეხების წერტილები ირგვლივ მყოფებთან, არ დაუპირისპირდეთ მათ, რადგან ამით კიდევ უფრო დაძაბავთ სიტუაციას. ახლა სწორი გადაწყვეტილებაა, მოერიდოთ კონფლიქტურ სიტუაციებს.თხის რქანებისმიერი საკითხის გადაწყვეტისას, მოქნილობა და მოხერხებულობაა საჭირო, ნუ დაკმაყოფილდებით ერთი ვარიანტით, იმოქმედეთ განსხვავებული გზებით, შეცვალეთ მოქმედების ტაქტიკა სიტუაციურად. იმოქმედეთ გონივრულად და მოზომილად.მერწყულიმშვიდად და უშფოთველად მიჰყევით დროის დინებას. ყველაფერი თავისი ჩვეული რიტმით მიედინება და თქვენი ჩარევის გარეშე იცვლება. დაისვენეთ, აღიდგინეთ ძალები მომდევნო დღეებისათვის.თევზებიგარშემომყოფებთან საკუთარი ნიჭისა და შესაძლებლობების დემონსტრირება დაგეხმარებათ პოზიციის მნიშვნელოვნად გამყარებაში, ახლა მთავარია, საჭირო დროს საჭირო ადგილზე აღმოჩნდეთ.

"ვერც ერთი კანონი ვერ უშველის და ვერ გადაარჩენს ბიძინა ივანიშვილს და ვერცერთ ცალკე აღებულ ბიზნესმენს"

1716991623

"ეს ოფშორების კანონი არის იმ რუსული კანონის ნაწილი, რომელიც მიიღო გუშინ რუსულმა ოცნებამ. ბიძინა ივანიშვილს ჰგონია, რომ ეს ოფშორების კანონი გადაარჩენს იმ სანქციებისგან, რომელიც მას აუცილებლად დაეკისრება საქართველოს ევროპული მომავლის საბოტაჟისა და ხელის შეშლისთვის.თუმცა, ვერც ერთი კანონი ვერ უშველის და ვერ გადაარჩენს ბიძინა ივანიშვილს და ვერცერთ ცალკე აღებულ ბიზნესმენს", - განაცხადა ანა წითლიძემ.საქართველოს საპარლამენტო უმრავლესობამ ე.წ. ოფშორების კანონპროექტზე პრეზიდენტ სალომე ზურაბიშვილის ვეტო დაძლია.

"კომპანია, რომელიც ანაკლიის პორტს ააშენებს, სხვადასხვა დროს, მსოფლიო ბანკისა და აშშ-ის მიერაა სანქცირებული"

1716990307

"კომპანია, რომელიც დღეს ანაკლიის გამარჯვებულად, თავისი ქვეკონტრაქტორებით, გამოგვიცხადა ბატონმა დავითაშვილმა:2009-2017 წლებში შავ სიაში ჰყავდა მსოფლიო ბანკს;2020 წლიდან დასანქცირებული ჰყავს ამერიკის შეერთებული შტატების კომერციის დეპარტამენტს. მათი შავი საქმეების შესახებ ხვალ უკვე დეტალებში უფრო მეტს მოგიყვებით", - წერს ხიდაშელი.ეკონომიკის მინისტრმა ლევან დავითაშვილმა დღეს განაცხადა, რომ ანაკლიის პორტის პროექტში წინადადება მხოლოდ ჩინურმა კომპანიამ წარადგინა და ის გამარჯვებულად უახლოეს დღეებში გამოცხადდება.

"სამწუხაროდ, ამერიკული და ევროპული კომპანიები არ შემოვიდნენ, არც არასდროს ყოფილან და სწორადაც შვრებოდნენ"

1716988920

როგორც მან განმარტა, ჩინეთი ევროპასთან ვაჭრობს 780 მილიარდს, ისინი შუა აზიის ყველაზე დიდი ინვესტორები და შესაბამისად, დიდი გავლენის მქონე არიან, ამიტომ ჩინეთიდან შემოსული ტვირთი არის ანაკლიის პორტისთვის სტაბილურობის გარანტი, რისი პრობლემაც ადრე არსებობდა."ჩვენ თუ გვინდა 100 მილიონიანი პორტი, რაზეც ვსაუბრობთ და ყველა ჩვენგანს გვინდა, მაშინ აქ უნდა წამოვიდეს ჩინური ტვირთი, რატომ?  იმიტომ, რომ ჩინეთი ევროპასთან ვაჭრობს 780 მილიარდს, აქედან 5 პროცენტიც კი რომ წამოვიდეს, უფრო ნაკლები მეტს ჩვენ ვერც გავატარებთ. იცით, რომ ეს მარტო ჩვენი თემა არ არის, ჩინეთიდან წამოსულმა ტვირთმა უნდა გამოიაროს ყაზახეთი, პორტი აქტაუ, შემდეგ აზერბაიჯანში შემოდის, შეიძლება სხვა რესპუბლიკებიდანაც, შუა აზიიდან წამოვიდეს, ბევრი ქვეყანა უნდა გამოიაროს, ამიტომ, ჩვენთვის ძალიან მნიშვნელოვანი იქნება ჩინეთი იმ კუთხით, რომ ისინი პრაქტიკულად, შუა აზიის ყველაზე დიდი ინვესტორები არიან და ამ რეგიონში ყველაზე დიდი გავლენის მქონენი. ამიტომ, ეს არის სტაბილურობა და ეს არის გარანტირებული ტვირთი, რომლის პრობლემაც იყო. თუმცა, მე ადრეც ვთქვი, ვისურვებდი, რომ ნაწილი ყოფილიყო ჩინური, ნაწილი ევროპული და ნაწილი ამერიკული - ეს იქნებოდა იდეალური, მაგრამ ჩინურის გარეშე, მაგ პორტის აშენებას აზრი არ აქვს, ამიტომ არ დებენ ფულს ჩვენი მეგობრები",  - განაცხადა პაატა კვიჟინაძემ.

პარლამენტმა "საქართველოს საგადასახადო კოდექსში" შეტანილ ცვლილებებთან დაკავშირებით პრეზიდენტის მოტივირებულ შენიშვნებს მხარი არ დაუჭირა

1716987754

პრეზიდენტის მოტივირებული შენიშვნები პარლამენტს საქართველოს პრეზიდენტის საპარლამენტო მდივანმა გიორგი მსხილაძემ წარუდგინა და განაცხადა, რომ პრეზიდენტმა არ გაიზიარა პარლამენტის მიერ მიღებული კანონის ის ჩანაწერი, რომლითაც განისაზღვრება, რომ შეღავათიანი დაბეგვრის მქონე ქვეყანაში რეგისტრირებული უცხოური საწარმოს ყველა აქტივზე (მათ შორის, წილზე ან აქციაზე) საკუთრების უფლების, 2028 წლის 1 იანვრამდე საქართველოს საწარმოსთვის გადაცემისას ამ ოპერაციის ფარგლებში, შეღავათიანი დაბეგვრის მქონე ქვეყანაში რეგისტრირებული უცხოური საწარმოს და პარტნიორი ფიზიკური პირის მიერ მიღებული შემოსავალი, გათავისუფლებულია მოგების/საშემოსავლო გადასახადისგან.ასევე, კანონით, აღნიშნული ოპერაციის ფარგლებში აქტივის/საქონლის საქართველოში შემოტანა/იმპორტი თავისუფლდება იმპორტის გადასახდელებისგან, ხოლო საქართველოს საწარმო, აღნიშნული ოპერაციის ფარგლებში მიღებულ აქტივთან დაკავშირებით, 2030 წლის 1 იანვრამდე თავისუფლდება ქონების გადასახადისგან. საგადასახადო შეღავათებით სარგებლობის აუცილებელი პირობაა, რომ შეღავათიანი დაბეგვრის მქონე ქვეყანაში რეგისტრირებული უცხოური საწარმოსა და საქართველოს საწარმოში წილის/აქციების 100 პროცენტს ერთი და იგივე ფიზიკური პირი (პირთა ჯგუფი) ფლობდეს.პრეზიდენტი მოტივირებულ შენიშვნებში აღნიშნავს, რომ მიღებული კანონით არათანაბარი და დისკრიმინაციული გარემო იქმნება როგორც უცხოურ ინვესტორებთან მიმართებით, ასევე ადგილობრივი ინვესტორების მიერ განხორციელებულ ინვესტიციებთან დაკავშირებით, რადგან მათ მიმართ ახალი საშეღავათო რეჟიმი არ გავრცელდება.როგორც საქართველოს პრეზიდენტის საპარლამენტო მდივანმა აღნიშნა, საკანონმდებლო ცვლილებების იმ ნაწილს, რომლის თანახმად, ფიზიკურ პირებს ჩამოეწერებათ 2021 წლის 1 იანვრამდე წარმოშობილი და ჩამოწერის მომენტისთვის არსებული საგადასახადო დავალიანება და მასზე დარიცხული საურავი, პრეზიდენტი იზიარებს და ის ასახულია მის მიერ წარმოდგენილ კანონპროექტში.საფინანსო-საბიუჯეტო კომიტეტის თავმჯდომარის პაატა კვიჟინაძის შეფასებით, სრულიად უვნებელი კანონი პოლიტიკის მსხვერპლი გახდა, ვინაიდან „საგადასახადო კოდექსში“ ცვლილება „უცხოური გავლენის გამჭვირვალობის შესახებ“ კანონპროექტის განხილვას დაემთხვა დროში.მისი თქმით, ის რაც პრეზიდენტის საპარლამენტო მდივანმა წარმოადგინა, ნამდვილად არ იყო  მოტივირებული შენიშვნები და პრეზიდენტის სამოტივაციო ნაწილი სრულად ეყრდნობოდა ე.წ. დარგის სპეციალისტების მოსაზრებებს, თუმცა მათი ვინაობა არ არის დაკონკრეტებული და ამ ნაწილთან დაკავშირებით კითხვა როგორც კომიტეტის, ასევე პლენარულ სხდომაზეც, პრეზიდენტის საპარლამენტო მდივნის მიერ პასუხგაუცემელი დარჩა.როგორც პაატა კვიჟინაძემ აღნიშნა, კანონპროექტის პრინციპების დონეზე განხილვისას ოპოზიციის მხრიდან ერთი კითხვაც არ დასმულა და მხოლოდ შემდეგ, სავარაუდოდ, მიიღეს მითითება, რომ ე.წ. ოფშორების კანონი კარგი იქნებოდა თემის „ასაწევად“ და გამჭვირვალობის კანონთან დასაკავშირებლად.საფინანსო-საბიუჯეტო კომიტეტის თავმჯდომარის განმარტებით, ოფშორული ზონების უმეტესობა შექმნილია დასავლეთის იურისდიქციის ქვეშ, კონტროლდება მათ მიერ, შესაბამისად, გამორიცხულია დასავლეთიდან შემოვიდეს სანქცირებული რუსული ან „შავი ფული“, როგორც ამას ოპოზიცია აცხადებს.მისივე თქმით, უნდა აღინიშნოს, რომ კანონში ცვლილება შეეხება მხოლოდ იმ ოფშორულ კომპანიებს, რომლებიც კანონის ამოქმედებამდე საქართველოში ფლობენ კომპანიებს. კანონის მიღების შემდეგ რეგისტრირებულ ბიზნესზე შეღავათები არ გავრცელდება.მას შემდეგ რაც პარლამენტი პრეზიდენტის მოტივირებულ შენიშვნებს არ დაეთანხმა, დეპუტატებმა 83 ხმით მხარი დაუჭირეს კანონის პირვანდელ რედაქციას. 

პარლამენტმა საზოგადოებრივი მაუწყებლის სამეურვეო საბჭოს წევრობის კანდიდატების შესარჩევი საკონკურსო კომისიის შემადგენლობა დაამტკიცა

1716987352

დადგენილების პროექტი პლენარულ სხდომაზე პარლამენტის თავმჯდომარემ შალვა პაპუაშვილმა წარადგინა.როგორც შალვა პაპუაშვილმა განაცხადა, საზოგადოებრივი მაუწყებლის სამეურვეო საბჭოს წევრების სამ ვაკანსიაზე შესარჩევია წევრები, რომელსაც საკონკურსო კომისია შეარჩევს.კომისიის შემადგენლობაში არიან:  დავით მაღლაფერიძე, ერმილე მესხია, გოდერძი შარაშია, ნინო მეუნარგია, ოთარ ტატიშვილი, ნინო კაკულია, გედევან  ჯინჭარაძე, მარიამ გვიდიანი და გივი აბესაძე.