კულტურა
"ვასო აბაშიძის სახელობის ახალი თეატრის" დასი დავით დოიაშვილს არ ვუშვებთ, ვდგავართ მასთან ერთად და ვიდგებით გამარჯვებამდე"

1744833579

"დღეს არალეგიტიმურმა კულტურის სამინისტრომ ახალი თეატრის სამხატვრო ხელმძღვანელის თანამდებობიდან გაათავისუფლა დავით დოიაშვილი, რადგან მან გაბედა და ხმა აიმაღლა იმ უსამართლობის წინააღმდეგ, რის წინაშეც საქართველოს ნებისმიერი მოქალაქე ვდგავართ.დავით დოიაშვილზე თავდასხმა არის თავდასხმა თითოეულ ჩვენგანზე. ეს არის დასჯა სოლიდარობისთვის, თანადგომისთვის, თავისუფალი აზრისთვის და თავდასხმა თითოეულ ხელოვანზე, რომელიც ემსახურება ხალხს და სახელმწიფოს.ჩვენ, "ვასო აბაშიძის სახელობის ახალ თეატრის" დასი, რომლის წევრიც ამჟამად უსამართლო ტყვეობაშია წინსვლას და განვითარებას დავით დოიაშვილის ხელმძღვანელობის გარეშე ვერ ვხედავთ. არ ვაღიარებთ არალეგიტიმური კულტურის სამინისტროს გადაწყვეტილებას და ჩვენ ამ თეატრის დასი დავით დოიაშვილს არ ვუშვებთ. ვდგავართ მასთან ერთად და ვიდგებით გამარჯვებამდე", - აცხადებენ მსახიობები.

დავით დოიაშვილი - არ ვიცი, რა სპექტაკლი უნდა გავაკეთო, ან რა უნდა შევქმნა ამაზე დიდი, ვიდრე ის ისტორია, რაც ღმერთმა მაჩუქა

1744833084

"ყველას დიდი მადლობა აქ რომ ხართ ამ სოლიდარობით. რა უნდა ვთქვა არ ვიცი, რადგან ჩემი მოხსნა ძალიან მნიშვნელოვანი საერთოდ არ არის. ყველაზე მნიშვნელოვანი არის, რომ ვცხოვრობთ სახელმწიფოში, სადაც სოლიდარობის ყველაზე მეტად ეშინიათ.ეს თეატრი იყო მაგალითი იმის, როგორ შეიძლება ერთ ადამიანს დაუჭირო მყარი და გამოუცხადო სოლიდარობა. ამიტომ ყველაფერი აკეთეს იმისთვის, რომ ეს სოლიდარობა დაშალონ. მესმის ეს ყველაფერი, აბსოლუტურად გასაგებია. საერთოდ არ ვნერვიულობ, რადგან ამ ყველაფერს ველოდი. ველოდი უფრო ადრე, ვიდრე ეს მოხდა. მიკვირს კიდევ ამდენი ხანი რომ მაცალეს. მე ვიქნები ამ თეატრის ხელმძღვანელი თუ არ ვიქნები, მეორეხარისხოვანია ამ შემთხვევაში. მე თვითონ არ ვიცი, დასი არის შეკრებილი და იღებს გადაწყვეტილებას. ერთადერთი, რაც დღეს შემიძლია ვთქვა არის ის, რომ მე წავალ თუ მოვალ, არ არის მთავარი. მთავარი არის, რომ გამოუშვით პოლიტპატიმრები, გამოუშვით სასწრაფოდ, რადგან ეს ყველაფერი დაიწყო სწორედ ჩვენთვის, ჩვენი თეატრისთვის. როცა შემოვიდნენ და დაიჭირეს ჩვენი სისხლი, ხორცი, ანდრო ჭიჭინაძე. ანდრო ჭიჭინაძის დაპატიმრებას მოყვა ის, რაც მოყვა. მე თუ ვიქნებოდი ხელმძღვანელი, თეატრი არ დაბრუნდებოდა სცენაზე, თუ ანდროს არ გამოუშვებდნენ. ამიტომ გააკეთეს. მე არ ვიცი, რა სპექტაკლი უნდა გავაკეთო, ან რა უნდა შევქმნა ამაზე დიდი, ვიდრე ის ისტორია, რაც ღმერთმა მაჩუქა", - განაცხადა დავით დოიაშვილმა. კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. 

დავით დოიაშვილი "ვასო აბაშიძის სახელობის თეატრის" ხელმძღვანელის თანამდებობიდან გაათავისუფლეს

1744819156

"ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი“ არის სახელმწიფოს მიერ დაფუძნებული საჯარო სამართლის იურიდიული პირი.სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, „ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის“ ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.აქედან გამომდინარე, კულტურის სამინისტრომ, როგორც სსიპ „ვასო აბაშიძის სახელობის მუსიკისა და დრამის თეატრის“ დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის დავით დოიაშვილის თანამდებობიდან გათავისუფლების შესახებ", - აღნიშნულია განცხადებაში.თეატრის მსახიობები პატიმრობაში მყოფ მსახიობ ანდრო ჭიჭინაძის და აქციების დროს დაკავებულთა მხარდასაჭერად,  რეგიონებში "საპროტესტო მანიფესტს" მართავენ. 

ქართველი რეჟისორის მხატვრული ფილმი The North Film Festival Sweden-ის კინოფესტივალის ოთხ ნომინაციაზეა წარდგენილი

1743965788

"სორო" (The Burrow) წარდგენილია შემდეგ კატეგორიებში: საუკეთესო სრულმეტრაჟიანი ფილმი, საუკეთესო რეჟისორი, საუკეთესო მამაკაცი მსახიობი და საუკეთესო დამდგმელი ოპერატორი. აღნიშნულ კატეგორიებში ასევე წარდგენილია ფილმები მსოფლიოს სხვადასხვა ქვეყნებიდან (აშშ, გერმანია, მექსიკა, კანადა, საფრანგეთი)."სორო" მარკოზაშვილის პირველი სრულმეტრაჟიანი ფილმია, რომლის პრემიერაც 2025 წლის 24 აპრილს სტოკჰოლმში (შვედეთი) გაიმართება.ფილმის სიუჟეტის ცენტრში ახალგაზრდა ქალია, რომელიც მოწმის სტატუსით უნდა წარდგეს სასამართლოში. მოწმეთა დაცვის სამსახურს კი მისი დროებით გადამალვა უხდება, რათა მის სიცოცხლეს საფრთხე არ შეექმნას.ფილმში მთავარ როლებს ოთარ მიქელაძე, დათა გოგიაშვილი, ლიკა გიორგობიანი, დავით ტყებუჩავა და ნიკო კანკია ასრულებენ.The North Film Festival Sweden 2025 წლის 24-25 აპრილს სტოკჰოლმში ჩატარდება.

პოლონეთში მაესტრო ნიკა ნიკვაშვილის და ბალტიკა ფილარმონიის ორკესტრის ერთობლივმა კონცერტმა სრული ანშლაგით ჩაიარა

1738082819

მსოფლიო კლასიკური შედევრებთან ერთად კონცერტის დასკვნითი ნაწილი კინომუსიკას დაეთმო, სადაც არაერთი ცნობილი თემა აჟღერდა ახლებური ინტერპრეტაციით.პოლონელი მაყურებლის განსაკუთრებული ოვაციები დაიმსახურა კონცერტის მესამე განყოფილებაში, ქართული ნაწარმოებების შესრულებამ, მათ შორის იყო ვაჟა აზარაშვილის, ნიკა ნიკვაშვილის "ხორუმი“ და საქართველოს კათოლიკოს-პატრიარქის ილია მეორის მიერ შექმნილი „ავე მარია“.მხურვალე აპლოდისმენტების ფონზე მუსიკოსებს რამდენჯერმე მოუწიათ ბისზე შესრულება."მოხარული ვარ, რომ კიდევ ერთხელ მომეცა შესაძლებლობა მემუშავა ბალტიკა ფილარმონიის მაღალპროფესიონალ ორკესტრთან ერთად, რომლის სამხატვრო ხელმძღვანელიც ჩვენდა საამაყოდ ცნობილი ქართველი დირიჟორი გოგი ჭიჭინაძეა. აღსანიშნავია, რომ ეს მუსიკალური პროექტი ასახავს დროში მოგზაურობას, რომლის პროგრამაში არჩეული ყველა მუსიკალური ნაწარმოები ჩემს მიერ არის ინტერპრეტირებული და ასევე ახლიდან გაორკესტრებული. განსაკუთრებით მაბედნიერებს ის ფაქტი, რომ ასეთი აღფრთოვანებით მიიღო უცხოელმა მსმენელმა ქართული ნაწარმოებები. არ შემიძლია ასევე არ აღვნიშნო ჩვენი სახელგანთქმული, უდიდესი სოპრანო იანო ალიბეგაშვილი, რომლის შესრულებაც ყოველ ჯერზე განსაკუთრებულ აღფრთოვანებას იწვევს მაყურებელში. მუსიკოსისთვის იმაზე დიდი პატივი, რომ წარმოადგინოს თავისი ქვეყნის კულტურა საზღვარგარეთ, არ არსებობს", - განაცხადა ნიკა ნიკვაშვილმა კონცერტის შემდეგ.მაესტრო ნიკა ნიკვაშვილის და გდანსკის ბალტიკა ფილარმონიის ორკესტრის კოლაბორაცია პირველად 2019 წელს შედგა. კონცერტმა ასევე დიდი წარმატებით ჩაიარა, რაც მომავალი კონცერტის დაგეგმვისა და პოლონეთის პუბლიკის მსგავსი მოლოდინის საფუძველი გახდა.

დოდო აბაშიძის საიუბილეო გამოფენის ნახვა ეროვნული არქივის ვებგვერდზეა შესაძლებელი

1737711281

ექსპოზიცია მოიცავს დოდო აბაშიძის თეატრალური და კინოროლების ამსახველ ფოტოებს, მის პორტრეტებსა და საოჯახო არქივში დაცულ სურათებს. ქართული მხატვრული ფილმების გადასაღები მოედნების მდიდარი ფოტოკოლექციიდან საგამოფენოდ 40-მდე ფილმის 120-ზე მეტი ფოტოა შერჩეული.დოდო აბაშიძის სამსახიობო კარიერა რუსთაველის სახელობის სახელმწიფო დრამატულ თეატრში 1949 წელს დაიწყო. მან 7-წლიანი მოღვაწეობის განმავლობაში 20-ზე მეტ სპექტაკლში ითამაშა, მათ შორის, შეასრულა თავისი მამის, 1937 წლის რეპრესიებს შეწირული ცნობილი მსახიობის, ვანიკო აბაშიძის განსახიერებული როლები.დოდო აბაშიძეს 1954 წლიდან იღებდნენ კინოში. მხატვრულ ფილმებში განსახიერებული აქვს 50-ზე მეტი როლი, მათ შორისაა: ბიჭიკო („ჭრიჭინა”, 1954), აბდუშაჰილი („ბაში–აჩუკი“, 1956), დღვირა („თეთრი ქარავანი“, 1963), ომარ მარღანია („მაცი ხვიტია“, 1966), სოსანა („დიდი მწვანე ველი”, 1967), მამამზე ერისთავი („დიდოსტატის მარჯვენა“, 1969), ალექსანდრე („სინათლე ჩვენს ფანჯრებში”, 1969), პრისტავი („ვერის უბნის მელოდიები”, 1973), იასონი („პირველი მერცხალი”, 1975), პაპა გაბრიელი („მწვერვალი”, 1976), ვარლამი („რაჭა, ჩემი სიყვარული”, 1977), არქიფო სეთური („დათა თუთაშხია“, 1977), ყვარყვარე („ყვარყვარე”, 1978), გიორგი („ფესვები”, 1987) და სხვა.გამოფენა ხელმისაწვდომია ბმულზე: https://archive.gov.ge/ge/2024-1/dodo-abashidze-100-1

"თეატრი გადავიდა ახალ ფაზაში და რაც ყველაზე მნიშვნელოვანია, შემოგვიერთდებიან სხვა თეატრებიც"

1737661905

მისივე თქმით, თეატრი აპირებს რეგიონებში ჩასვლას და მოქალაქეების მხარდაჭერას."გაუსაძლისია ეს სიჩუმე და სიყრუე, რომელიც მოდის პროკურატურიდგან, გაუსაძლისია ეს ამდენი ჯარიმები, ამდენი ხალხის დაკავება და უკვე აღარაფერს ვამბობ ანდროზე, რომელიც სახედ იქცა ამ ყველაფრის. უნდა გავერთიანდეთ ახალი ძალით, ძალიან მშვიდად, მშვიდობიანად გავაკეთოთ ჩვენი საქმე. აქამდე თეატრი იყო გაჩერებული, ჩვენი პროტესტის ფორმა გვქონდა. დღეს თეატრი გადავიდა ახალ ფაზაში, რაც იყო ჩვენი მანიფესტი და რაც ყველაზე მნიშვნელოვანია, შემოგვიერთდებიან სხვა თეატრებიც. ისინი ჩვენზე ბევრად მაგრები არიან, ისეთი ახალგაზრდები მოდიან, რომ ცრემლები შეიძლება, წამოგივიდეთ. ნამდვილი პროტესტი ალბათ, მაგათგან უნდა ვისწავლოთ. მე მგონია, რომ ჩვენ გავუმაგრებთ ზურგს ახალგაზრდებს და გავიშლებით, ყველა რეგიონში მივალთ. თეატრის ძალა ეს არის - იყოს დღეს, აქ და ახლა", - განაცხადა დავით დოიაშვილმა.

14 იანვარს ქართული თეატრის დღე აღინიშნება

1736839409

ქართული პროფესიული თეატრი პოეტმა და დრამატურგმა გიორგი ერისთავმა დააარსა. თეატრის პროფესიული დღესასწაულის აღნიშვნა 1850 წლის 14 იანვარს მის მიერ დადგმულ სპექტაკლ - "გაყრას“ უკავშირდება.1850 წელს დრამატურგ გიორგი ერისთავის აქტიური მონაწილეობით აღორძინდა ქართული თეატრი, რომელსაც მდიდარი სცენური ტრადიციები ჰქონდა. აღორძინების პირველივე დღეებიდან ქართული თეატრი რეალისტური ხელოვნების გზას დაადგა. მის სცენაზე დაიწყო ერისთავისა და ანტონოვის უპირატესად კომედიური ჟანრის პიესების დადგმა.ქართული სასცენო ხელოვნების ახალი, ძლიერი ნაყოფიერი პერიოდი კი 1879 წელს დაიწყო, როდესაც თბილისში მოწინავე საზოგადო მოღვაწეების ჯგუფმა ილია ჭავჭავაძისა და აკაკი წერეთლის ხელმძღვანელობით ქართული პროფესიული დრამატული თეატრის გახსნას მიაღწია.

პაპაშვილის დაარსებული პრემიის ლაურეატი მსახიობები ჯილდოებს უკან აბრუნებენ

1736428178

პრემია "დურუჯის" ლაურეატების თქმით, ლაშა პაპაშვილის მიერ დაარსებული პრემია დურუჯი წლების განმავლობაში ერთ-ერთი უმნიშვნელოვანესი კულტურული ღონისძიება იყო და აღნიშნავდა სეზონის საუკეთესო თეატრალურ ნამუშევრებს, თუმცა აღნიშნავენ, რომ მისმა "მოძალადე რეჟიმის გამამართლებელმა განცხადებებმა სრულად გამოაცალა პრემიას ყველა ღირსება".მათივე თქმით, უკან აბრუნებენ ჯილდოებს, რომლებიც პრემია დურუჯის ფარგლებში ამ წლების განმავლობაში მათ ნამუშევრებს მიენიჭათ."ჩვენ მოვისმინეთ 30 დეკემბერს, BMG-ს ეთერში გასული თქვენი ინტერვიუ, რომელიც სავსეა აზრსა და სიმართლეს მოკლებული განცხადებებით. თქვენ აქციის მონაწილეებს დაშლისკენ მოუწოდებთ, ხოლო ოლიგარქ ივანიშვილს აცხადებთ ისტორიულ ფიგურად და ამბობთ, რომ მან ქვეყანას ომი აარიდა. სინამდვილეში ოლიგარქმა ომი გამოუცხადა ქართულ საზოგადოებას, მათ შორის ქართული თეატრს და იმ ხელოვანებს, რომელთა უმრავლესობაც თქვენ მიერ დაარსებული პრემია „დურუჯის“ ლაურეატია.დამოუკიდებელი თეატრალური პრემია „დურუჯი“ თქვენი ინიციატივით იმართებოდა წლების განმავლობაში, ერთ-ერთი უმნიშვნელოვანესი კულტურული ღონისძიება იყო და აღნიშნავდა სეზონის საუკეთესო თეატრალურ ნამუშევრებს, რომლებიც გამოირჩეოდნენ მწვავე სოციალური თემატიკით, ფორმისეული სიახლითა და პოლიტიკური გამბედაობით. ამ პრესტიჟული პრემიის მიღება საპატიო და სასიხარულო იყო ჩვენთვის, თქვენ კი დამოუკიდებელი და თავისუფალი სახელოვნებო პროცესის მხარდამჭერად წარმოგაჩენდათ, სწორედ იმ ხელოვნების, რომლის ავტორებსაც სასტიკად გაუსწორდნენ, უკანონოდ დააკავეს, დაემუქრნენ სამსახურიდან გაშვებით და შეულახეს ღირსება. ჩვენი ორი კოლეგა ახლაც პატიმრობაშია და განაჩენს ელოდება.მოძალადე რეჟიმის გამამართლებელმა თქვენმა განცხადებებმა სრულად გამოაცალა პრემიას ყველა ღირსება. ჩვენ სამარცხვინოდ მიგვაჩნია რაიმე კავშირის ქონა ყველა იმ პირთან, რომელიც მხარს უჭერს ძალადობას და არ იცავს ქართველი ხალხის ინტერესს. ამიტომ საჭიროდ ვთვლით, უკან დაგიბრუნოთ ის ჯილდოები, რომლებიც ამ წლების განმავლობაში ჩვენს ნამუშევრებს მიანიჭეთ.პრემია „დურუჯის“ ლაურეატების უმრავლესობა ამჟამად გაფიცულია.ქანდაკების გარდა, პრემია გულისხმობდა ფულად ჯილდოს, რომლის ეკვივალენტსაც ახლა ვაგროვებთ, რათა გადავრიცხოთ გაფიცული კოლეგების დახმარების ფონდში.საქართველოს მომავალი ევროპაშია!არა მოძალადე რეჟიმს!მოვითხოვთ ახალ, სამართლიან არჩევნებს!თავისუფლება რეჟიმის პატიმრებს!", - აცხადებენ პრემია დურუჯის ლაურეატები. 

როტერდამის კინოფესტივალზე "სხვისი შვილების" აღდგენილი ვერსიის მსოფლიო პრემიერა გაიმართება

1734448380

კინოფესტივალი 2025 წლის 30 იანვრიდან 9 თებერვლის ჩათვლით ჩატარდება.ქართული კინოშედევრის ჩვენება ფესტივალის ერთ-ერთი სექციის - Cinema Regained-ის ფარგლებში მოეწყობა.ფილმის რესტავრირებული ვერსია 2023 წელს საქართველოს კინემატოგრაფიის ეროვნული ცენტრისა და საქართველოს კულტურისა და სპორტის სამინისტროს მხარდაჭერით შეიქმნა.