რეგიონები
საქართველოში მიწისძვრა მოხდა

1745062111

სეისმური მონიტორინგის ეროვნული ცენტრის ინფორმაციით, მიწისძვრის სიმძლავრემ 3.1 (ML) მაგნიტუდა შეადგინა.მიწისქვეშა ბიძგები ონთან 14:50 საათზე დაფიქსირდა. 

ხონში ავტოსაგზაო შემთხვევის შედეგად სამი არასრულწლოვანი დაიღუპა

1744986548

თვითმხილველების ინფორმაციით, ავტომობილი ხიდიდან წყალში გადავარდა, რის შედეგადაც სამი არასრულწლოვანი დაიღუპა, ორი კი დაშავდა.დაშავებულები კლინიკაში გადაიყვანეს.მომხდარზე დაწყებულია გამოძიება.

შაშვებთან ავტოსაგზაო შემთხვევის შედეგად ორი ადამიანი დაიღუპა

1744733265

ავტოსაგზაო შემთხვევის შედეგად ორი ადამიანი დაიღუპა.შსს-მ მომხდარზე გამოძიება 276-ე მუხლის მე-8 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია. 

გომი-სავანეს მონაკვეთზე მისაბმელიანი და ნახევრად მისაბმელიანი ავტოტრანსპორტის მოძრაობა აკრძალულია

1744447173

საავტომობილო გზის დანარჩენ მონაკვეთზე ავტოტრანსპორტის მოძრაობა თავისუფალია.

ხელვაჩაურის მუნიციპალიტეტში ავტოსაგზაო შემთხვევას 7 წლის ბავშვის სიცოცხლე ემსხვერპლა

1744381446

არსებული ინფორმაციით, შემთხვევა ცენტრალურ გზაზე მოხდა.საქმეზე გამოძიება სისხლის სამართლის კოდექსის 276-ე მუხლის მიხედვით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს.

ბათუმის სადგურის მიმდებარე ტერიტორიაზე სამგზავრო მატარებელი არასრულწლოვანს დაეჯახა, რომელიც ადგილზე დაიღუპა

1744130740

რკინიგზის ცნობით, სამგზავრო მატარებელი მცირეწლოვან ბავშვს დაეჯახა, რომელიც ადგილზე დაიღუპა."უბედური შემთხვევა მოხდა ბათუმის სადგურის მიმდებარე ტერიტორიაზე. სამგზავრო მატარებელი მცირეწლოვან ბავშვს დაეჯახა. არასრულწლოვანი ადგილზე გარდაიცვალა. მატარებელი ბაქანთან მიდიოდა, რომელსაც ბათუმი-ქუთაისის რეისი უნდა შეესრულებინა.ადგილზე მისულია საპატრულო და კრიმინალური პოლიცია. საქართველოს რკინიგზა მწუხარებას გამოთქვამს ტრაგედიის გამო და სამძიმარს უცხადებს გარდაცვლილის ოჯახის წევრებს", - აღნიშნულია ინფორმაციაში. 

"მაღაროელებისთვის ხელფასის 60%-ის დარიცხვა 7 აპრილს დასრულდება"

1743946121

ამასთან პროფკავშირების განცხადებაში აღნიშნულია, რომ 8 აპრილიდან 3600 თანამშრომელს პროფკავშირების სახელით დაურიგდება სპეციალური ვაუჩერი, რომლის მეშვეობითაც მაღაროელები მიიღებენ პირველადი მოხმარების საკვები პროდუქტების ნაკრებს."ჭიათურის მაღაროებში დასაქმებული თანამშრომლებისთვის ხელფასის 60%-ის დარიცხვა 4 აპრილს დაიწყო და 7 აპრილს დასრულდება. ამ საკითხთან დაკავშირებით, დღეს ჭიათურაში დასაქმებულებთან სამუშაო შეხვედრა გაიმართება.აქვე, დამატებით გაცნობებთ, რომ მიღწეულია შეთანხმება, სააღდგომოდ კიდევ ერთი თვის ხელფასის 60%-ის დარიცხვასთან დაკავშირებით.იმ თანამშრომლებს, რომლებიც მოცდენის პერიოდში აგრძელებდნენ მუშაობას, სრულად დაერიცხებათ ხელფასის 100%, ისევე როგორც ხელფასის დარიცხვის პირველ შემთხვევაში.აქვე, გვინდა აღვნიშნოთ, რომ 8 აპრილიდან 3600 თანამშრომელს პროფკავშირების სახელით დაურიგდება სპეციალური ვაუჩერი, რომლის მეშვეობითაც მაღაროელები მიიღებენ პირველადი მოხმარების საკვები პროდუქტების ნაკრებს.სამმხრივი კომისიის მუშაობის შედეგად უკვე გამოიკვეთა კონტურები მაღაროების შენარჩუნებასთან დაკავშირებით. მნიშვნელოვანია, რომ სამმხრივ კომისიასთან არსებული სამუშაო ჯგუფის ფარგლებში შესწავლილი იქნება ყველა შესაძლებლობა, რაც უკავშირდება მიწისქვეშა სამუშაოების განახლებას.პროცესში ჩართული არიან ექსპერტები, რომლებიც ადგილობრივ სპეციალისტებთან და საკითხით დაინტერესებულ ჯგუფებთან კომუნიკაციის შედეგად, ჭიათურაში ადგილზე შეისწავლიან მაღაროების გახსნის შესაძლებლობას.აღსანიშნავია, რომ ერთ-ერთი მნიშვნელოვან შემაფერხებელ ფაქტორებს შორისაა შუქრუთის საკითხი, რომელიც ფუნდამენტურ გადაწყვეტას საჭიროებს, რაც გულისხმობს იმას, რომ შუქრუთის მაღაროს გახსნის გარეშე წარმოების განახლება შეუძლებელია.პროფკავშირები ყოველთვის იქ ვართ, სადაც ჩვენი ხმაა საჭირო - მშრომელების გვერდით!დღევანდელი გამოწვევების მიუხედავად, ვაგრძელებთ ბრძოლას დასაქმებულთა ღირსეული შრომითი პირობებისა და სოციალური გარანტიების უზრუნველსაყოფად. ჩვენმა ძალისხმევამ უკვე კონკრეტულ შედეგს მიაღწია. ამის მაგალითია, ის შეთანხმება, რომლის მეშვეობითაც მაღაროელები, იძულებითი მოცდენის მიუხედავად, ხელფასის 60%-ს მიიღებენ.ეს მნიშვნელოვანი ნაბიჯია, რომელიც ადასტურებს, რომ ერთიანობა და თანმიმდევრული მოქმედება შედეგს იძლევა.ჩვენ ბოლომდე ვიქნებით მაღაროელების გვერდით, ყველა გადაწყვეტილებასა და მოლაპარაკებაში. ჭიათურელი მშრომელებისთვის ღირსეული პირობების შექმნა ჩვენთვის მნიშვნელოვანია, სწორედ ამიტომ ვაგრძელებთ ბრძოლას მშრომელთა ინტერესების დასაცავად", - აღნიშნულია საქართველოს პროფკავშირების გაერთიანების განცხადებაში. ჭიათურაში მაღაროელების პროტესტი 38 დღეა, გრძელდება. 4 აპრილს ორმა მათგანმა შიმშილობაც დაიწყო, თუმცა დღეს მიტროპოლიტ დანიელთან შეხვედრის შემდეგ შეწყვიტეს. დღესვე ისინი ჭორვილაში, ივანიშვილის სახლთან გეგმავდნენ აქციას, თუმცა ისიც გადადეს.მაღაროელების მოთხოვნაა, სახელმწიფო ჩაერთოს მათი პრობლემების მოგვარებაში, ასევე ითხოვენ შეხვედრას "ოცნების" მთავრობასთან; ინვესტორის წასვლასა და სამუშაოებზე პასუხისმგებლობის სახელმწიფოს მიერ აღებას; მარგანეცის გატანიდან მიღებული შემოსავლის ნაწილით ფონდის შექმნას ჭიათურის მომავალი თაობის განვითარებისათვის; ქალაქსა და მის მიმდებარე სოფლებში უფასო შიდა მუნიციპალური ტრანსპორტის დანიშვნას, რომელიც მოსახლეობას მოემსახურება; ქალაქის ეკოლოგიური პრობლემების გადასაჭრელად ღია კარიერული წესით მოპოვების გაკონტროლებას.

"პარტაქტივში არიან ისეთი ადამიანები, რომლებიც შავი სიით ტარდებიან "ჯორჯიან მანგანეზში", იღებენ ხელფასებს, მაგრამ არაფერს აკეთებენ"

1743770028

36-ე დღეა, მაღაროელები აქციებს მართავენ.მაღაროელები კომპანიის მიერ 3 620 თანამშრომლის უკანონოდ გათავისუფლებას აპროტესტებენ და კონკრეტულ მოთხოვნებს აყენებენ, მათ შორის სახელმწიფოს მიმართაც.მათი მოთხოვნაა, რომ სახელმწიფომ გააუქმოს "ჯორჯიან მანგანეზის" ხელშეკრულება და სხვა კომპანიით ჩაანაცვლოს.ერთ-ერთი მაღაროელის განცხადებით, არიან ისეთი ადამიანები, რომლებიც შავი სიით ტარდებიან "ჯორჯიან მანგანეზში", იღებენ ხელფასებს, მაგრამ არაფერს აკეთებენ კომპანიის, ან ჭიათურის სასიკეთოდ."გაცხარების მიზეზია ისიც, რომ პოლიტიკურ პარტიები აღნიშნულ პრობლემაზე ქულების დაწერას ცდილობენ. ამ პარტაქტივში არიან ისეთი ადამიანები, რომლებიც შავი სიით ტარდებიან "ჯორჯიან მანგანეზში", იღებენ ხელფასებს, მაგრამ არაფერს აკეთებენ კომპანიის, ან ჭიათურის სასიკეთოდ. სიები გვაქვს მათი. ხელფასს იღებენ მანგანუმისგან, ჩვენს ნაშრომს, სისხლით, ოფლით, სიცოცხლის ფასად, რომ დოვლათს ვქმნით ჭიათურაში, ვიღაც წურბელები ჭამენ ამ ფულს. ყველას სახელი და გვარი ვიცით, გონს მოეგონ, თორემ გავასაჯაროებთ და ჭიათურაში დასადგომი არ ექნებათ" , - განაცხადა ერთ-ერთმა მაღაროელმა.მაღაროს თანამშრომლების მთავარი მოთხოვნებია – შეხვედრა მთავრობასთან; ინვესტორის წასვლა და სამუშაოებზე პასუხისმგებლობის სახელმწიფოს მიერ აღება; მარგანეცის გატანიდან მიღებული შემოსავლის ნაწილით შეიქმნას ფონდი ჭიათურის მომავალი თაობის განვითარებისათვის; ქალაქსა და მის მიმდებარე სოფლებში შეიქმნას უფასო შიდა მუნიციპალური ტრანსპორტი, რომელიც მოემსახურება მოსახლეობას; დაზარალებული მოსახლეობის მოთხოვნები დაკმაყოფილდეს მათივე სამართლებრივი ინტერესებიდან გამომდინარე და ქალაქის ეკოლოგიური პრობლემების გადასაჭრელად მკაცრად გაკონტროლდეს ღია კარიერული წესით მოპოვება.

კახეთში დიდი ოდენობით ხე-ტყის უკანონო მოპოვება-ტრანსპორტირების ფაქტი გამოავლინეს

1743488275

"სამართალდარღვევა აღკვეთილია ახმეტის მუნიციპალიტეტის სოფელ ვეძების მიმდებარე ტყეში. კახეთის რეგიონული სამმართველოს თანამშრომლების მიერ შეჩერებული 5 სატვირთო ავტომანქანის ძარაზე, მოქალაქეებს უკანონოდ მოპოვებული დიდი ოდენობით ხე-ტყე ჰქონდათ განთავსებული.ჯამში ამოღებულია, უკანონოდ მოპოვებული, წიფლის სახეობის 66 ერთეული მრგვალი ხე-ტყე (მორი).სამართალდამრღვევების მიერ სახელმწიფოსთვის მიყენებული ზიანის ოდენობა 12 758 ლარია.ვინაიდან ფაქტი შეიცავს სისხლის სამართლის დანაშაულის ნიშნებს, მასალები, შემდგომი რეაგირების მიზნით, შესაბამის უწყებაში გადაიგზავნება.გარემოსდაცვითი ზედამხედველობის დეპარტამენტის ეკიპაჟები ქვეყნის მასშტაბით 24-საათიან უწყვეტ პატრულირებას ახორციელებენ, რათა დროულად მოხდეს უკანონო ტყითსარგებლობის, ნადირობის, თევზჭერისა და სხვა გარემოსდაცვითი სამართალდარღვევის ფაქტების პრევენცია, გამოვლენა და აღკვეთა. ამასთან, მყისიერი რეაგირება ტარდება გარემოს დაცვისა და სოფლის მეურნეობის სამინისტროს ცხელ ხაზზე (153) შემოსულ თითოეულ შეტყობინებაზე", - აღნიშნულია ინფორმაციაში.

"მურმან კალანდია, რომელსაც მთვრალი პოლიციელი დაეჯახა, ამ დილით გარდაიცვალა"

1743155432

"24 წლის მურმან კალანდია, რომელსაც მთვრალი პოლიციელი დაეჯახა, ამ დილით გარდაიცვალა. დაქვრივდა, 21 წლის, 5 თვის ორსული მეუღლე. მშობლებს მოუკვდათ უკეთილესი შვილი. სოფელმა და ქვეყანამ დაკარგა პატიოსანი მოქალაქე!... ეს არის ივანიშვილის დღის წესრიგი!" - წერს მაია კალანდია. დარჩელში ავტოსაგზაო შემთხვევა 11 მარტს მოხდა.