რეგიონები
გორის სამხედრო ბაზაზე 19 წლის ჯარისკაცი გარდაცვლილი იპოვეს - ახალგაზრდას ჭრილობები ცეცხლსასროლი იარაღით აქვს მიყენებული

1716898979

"ტვ მონიტორინგის“ ინფორმაციით, გარდაცვლილს თავის არეში ჭრილობები, სამსახურებრივი ავტომატით აქვს მიყენებული. სხვა დამატებითი დეტალები უცნობია.  თავდაცვის სამინისტროს ჯერ კომენტარი არ გაუკეთებია."ცხედარი უკვე გადმოსვენებულია სოფელში. რა მოხდა, ეს არავინ არ იცის. ვიცი მხოლოდ ის, რომ სამსახურებრივი ავტომატით აქვს მიყენებული ჭრილობები“, – ამბობს სოფელში მერის წარმომადგენელი კობა ქარელიშვილი.

"უსაფრთხო ადგილზე იქნა გადაყვანილი მოქალაქე, რომელიც მდინარე ქციაში, კუნძულზე იმყოფებოდა და ვერ ახერხებდა ნაპირზე გასვლას"

1716735436

"უხვი ნალექის გამო მარნეულის მუნიციპალიტეტში დაიტბორა საცხოვრებელი სახლები და სხვადასხვა ობიექტი. მათ შორის, მდინარის ადიდების შედეგად დაიტბორა წითელი ხიდის მიმდებარედ არსებული ერთ-ერთი კვების ობიექტი, რომელშიც მოქალაქეები იმყოფებოდნენ. მეხანძრე-მაშველებმა მყისიერად ჩატარებული სამაშველო ღონისძიებების შედეგად, ყველა მათგანი უსაფრთხო ადგილას გადაიყვანეს. სამაშველო ღონისძიებაში, ჩართული იყო სასაზღვრო პოლიციის ვერტმფრენი. განსაკუთრებულ სიტუაციებზე რეაგირების სამაშველო ჯგუფის მიერ, ასევე, სასაზღვრო პოლიციის ვერტმფრენის გამოყენებით, უსაფრთხო ადგილზე იქნა გადაყვანილი მოქალაქე, რომელიც ბოლნისის მუნიციპალიტეტის სოფელ ნახიდურში, მდინარე ქციაში არსებულ კუნძულზე იმყოფებოდა და ვერ ახერხებდა ნაპირზე გასვლას", - აღნიშნულია შსს-ს ინფორმაციაში.

ძლიერმა წვიმამ საქართველოში პრობლემები შექმნა

1716722887

მარნეულსა და ბოლნისში პრობლემები შექმნა, ადიდდა მდინარეები ხრამი, ალგეთი, დებდა. მარნეულში ადიდებულმა მდინარემ ბაზრის ტერიტორია და მიმდებარე ქუჩები დატბორა. არსებული ინფორმაციით, წყალი შევიდა სახლების პირველ სართულებზეც.წყალდიდობის შედეგად დაზიანდა საკომუნიკაციო ხაზები, საგზაო ინფრასტრუქტურა, დაიტბორა სასოფლო-სამეურნეო მიწები.ძლიერი წვიმის შედეგად კახეთში რამდენიმე მდინარე ადიდდა. კალაპოტიდან გადმოვიდა მდინარე ჭიჭაყვი და სტორი თელავის მუნიციპალიტეტის ტერიტორიაზე, სოფელ ფშაველში. დაიტბორა სასოფლო-სამეურნეო მიწის ნაკვეთები და ვენახები.წეროვანში, დევნილთა დასახლება დაიტბორა. წყალი შევარდა ეზოებში და სახლებში, დატბორილია გზები და სავარგულები. მოსახლეობის თქმით, წყლის დაგუბება, სავარაუდოდ, იმან გამოიწვია, რომ სანიაღვრე არხები გაწმენდილი არ იყო.უხვმა ნალექმა, პრობლემები შექმნა ცხვარიჭამიას, ლისის, ძეგვის, ნიჩბისის, ძალისის და ნავდარაანთკარის ადმინისტრაციული ერთეულების სოფლებშიც. "სტიქიურმა პროცესებმა მნიშვნელოვნად დააზარალა წეროვანის დევნილთა დასახლება, დაიტბორა ქუჩები, სახლები და საკარმიდამო ნაკვეთები. წყალდიდობამ პრობლემები შექმნა ცხვარიჭამიას, ლისის, ძეგვის, ნიჩბისის, ძალისის წეროვნის და ნავდარაანთკარის ადმინისტრაციული ერთეულების სოფლებშიც.უამინდობის გამო შექმნილი პრობლემების მოგვარების მიზნით, ამ ეტაპზე შესაბამისი ღონისძიებები ტარდება.წეროვნის დევნილთა დასახლებაში იმყოფება მცხეთა-მთიანეთის მხარის სახელმწიფო რწმუნებული დავით ნოზაძე, მცხეთის მუნიციპალიტეტის მერი დიმიტრი ზურაბიშვილი, ახალგორის მუნიციპალიტეტის გამგებელი და თვითმმართველობის სხვა წარმომადგენლები. პარალელურად, შექმნილია სტიქიისგან მიყენებული ზარალის დამთვლელი კომისიაც", - აცხადებენ მცხეთის მერიაში.

ქობულეთის შემოვლით გზაზე ავტოსაგზაო შემთხვევის შედეგად ერთი ადამიანი დაიღუპა

1716459776

"აჭარის ტელევიზიის" ინფორმაციით, დაღუპულია შუახნის მამაკაცი, ხოლო სამი მგზავრი დაშავებულია.ადგილზე სასწრაფო სამედიცინო დახმარების ბრიგადები და სამაშველო ეკიპაჟებია მობილიზებული. ამ დროისთვის, გზის სავალი ნაწილი გადაკეტილია.

ზუგდიდი-მესტიის გზაზე მანქანის მდინარეში გადავარდნის შედეგად ძმები დაიღუპნენ

1716201813

გავრცელებული ინფორმაციით, მანქანა გზის სავალი ნაწილიდან სოფელ ეცერის ტერიტორიაზე გადავიდა და მდინარეში გადავარდა.სამძებრო-სამაშველო სამუშაოების შედეგად ორივე ცხედარი იპოვეს და სახლში გადაასვენეს.შინაგან საქმეთა სამინისტროს ინფორმაციით, მომხდარზე გამოძიება სსკ-ის 276 მუხლის მე-8 ნაწილით მიმდინარეობს. 

შვილის აქციებში მონაწილეობის გამო, 90 წლის რობიზონ ნატროშვილის შვილი სამსახურიდან გაათავისუფლეს

1716106715

რობიზონ ნატროშვილს საზოგადოება ქიზიყელ პაპად იცნობს, რომლის ვიდეოებიც სოციალურ ქსელში პოპულარულია. მოხუცი ამბობს, რომ შვილის სამსახურიდან გათავისუფლებით ოჯახმა შემოსავლის ერთადერთი წყარო დაკარგა:"გაათავისუფლეს სამსახურიდან, დავრჩით უხელფასოდ, სახლიც ყადაღაშია ჩადებული. მე ჩემი შვილი მენანება, რომ შეიძლება იმდენი ინერვიულოს, გადატანა გაუჭირდეს" - ამბობს ნატროშვილი, რომლის ვიდეოსაც შვილიშვილი ავრცელებს და ამბობს, რომ მომხდარი სწორედ მის აქციებში მონაწილეობას უკავშირდება.ოჯახის დასახმარებლად გახსნილია საბანკო ანგარიშები:GE95BG0000000366138404GE73TB7464145064300062 მიმღები: ნატროშვილი ზურაბი

კავთისხევში მდინარემ მანქანა გაიტაცა, რომელშიც სამი ადამიანი იმყოფებოდა

1715156714

ერთი ადამიანი მაშველებმა გარდაცვლილი იპოვეს, მეორემ ამოსვლა თავად შეძლო. ავტომობილში მყოფ 35 წლის მამაკაცს კი ამ დრომდე ეძებენ.საგანგებო სიტუაციების მართვის სამსახურში აცხადებენ, რომ ადგილზე ძებნა-შველის ოპერაცია მიმდინარეობს.

მაშველებმა მდინარე ნაკრაში მესამე მოზარდის ცხედარიც იპოვეს

1715081828

დღეს დილით მაშველებმა მდინარიდან კიდევ ერთი ბავშვის ცხედარი ამოასვენეს, მანამდე კი, 5 მაისს, ნაკრაში  კიდევ ერთი მოზარდის ცხედარი იპოვეს.მესტიის სოფელ ნაკრაში, სამი ახალგაზრდა მდინარეში ავტომობილით 2 მაისს გადავარდა.

მაშველებმა მდინარე ნაკრაში დაკარგული მეორე მოზარდის ცხედარი იპოვეს

1715068610

ადგილობრივებმა და მაშველებმა 14 წლის გიორგი ვიბლიანის ცხედარი ნაკრასში პატარა ჰესის მიმდებარე ტერიტორიაზე იპოვეს და უკვე სახლშია გადასვენებული. მანამდე, 2 დღის წინ კი ეკა ვიბლიანის ცხედარს მიაგნეს. ავტომობილით მდინარეში გადავარდნილი მოზარდებიდან ორის ცხედარი უკვე ნაპოვნია, ამ ეტაპზე ძებნა-შველის სამუშაოები საბა გვარმიანის საპოვნელად მიმდინარეობს. 2 მაისს, მესტიის სოფელ ნაკრაში სამი ახალგაზრდა მდინარეში ავტომობილით გადავარდა. 

ქუთაისი-წყალტუბოს გზაზე ავტოსაგზაო შემთხვევა მსხვერპლით დასრულდა

1714834966

არსებული ინფორმაციით, მსუბუქი ავტომობილი ორ მანქანას დაეჯახა, რის შემდეგაც ცეცხლი გაუჩნდა.შემთხვევის შედეგად ერთი ადამიანი დაიღუპა და 7 დაშავდა.ადგილზე პოლიცია და სასწრაფო დახმარების ჯგუფები იყო მობილიზებული.მომხდარზე გამოძიება 276-ე მუხლით დაიწყო.