1748971011
თბილისის მერიის ინფორმაციით, 16:00-დან 00:00 საათამდე მოძრაობა აიკრძალება გიორგი ცაბაძის, დიმიტრი ყიფიანისა და მეტრეველის ქუჩებზე, ასევე აკაკი წერეთლის გამზირზე. გადაადგილება შესაძლებელი იქნება თევდორე მღვდლის, აბასთუმნის, მიხეილ წინამძღვრიშვილის ქუჩების, თამარ მეფის გამზირის, ასევე, არჩილ ქურდიანის, შოთა იამანიძის და მურმან ლებანიძის ქუჩების საშუალებით.შეზღუდვის პერიოდში, ავტობუსები: N384, N386, N311, N320, N315, N327, N306, N308 და N381 წერეთლის გამზირიდან იმოძრავებენ ქუთაისის ქუჩის მიმართულებით, რის შემდეგაც, სვლას განაგრძობენ ვახუშტი ბაგრატიონის ხიდის, სააკაძის მოედნის, კონსტანტინე გამსახურდიას გამზირის, მიროტაძის ქუჩის, პეკინის გამზირის გავლით და კვლავ, კონსტანტინე გამსახურდიას გამზირის საშუალებით, გმირთა მოედანს დაუკავშირდებიან. გმირთა მოედნიდან N320, N327, N386, N381, N315 და N384 მგზავრებს დადგენილი მარშრუტით, თამარ მეფის გამზირის გავლით მოემსახურება, ხოლო N306, N308 და N311 არსებული სქემით, ვარაზისხევის საშუალებით იმოძრავებენ.რაც შეეხება მიკროავტობუსებს, N541, N551, N536 და N431 წერეთლის გამზირიდან იმოძრავებენ ქუთაისის ქუჩის მიმართულებით და დაუკავშირდებიან სააკაძის მოედანს, საიდანაც: N541 მიროტაძის ქუჩით დაუკავშირდება კონსტანტინე გამსახურდიას გამზირს და გმირთა მოედნიდან იმოძრავებს დადგენილი სქემით; N551 მიროტაძის ქუჩიდან დაუკავშირდება პეკინის გამზირს და იმოძრავებს დადგენილი სქემით; N536 მიროტაძის ქუჩით დაუკავშირდება გამსახურდიას გამზირს, რის შემდეგაც, გმირთა მოედნიდან გადაადგილდება თამარ მეფის გამზირზე და იმოძრავებს დადგენილი სქემით; N431 სააკაძის მოედნიდან შარტავას ქუჩაზე გადაადგილდება, საიდანაც გამოიყენებს უკვე დადგენილ მარშრუტს.აღნიშნული საზოგადოებრივი ტრანსპორტი უკუმიმართულებისას წერეთლის გამზირს ანალოგიური გზებით დაუკავშირდება.მიკროავტობუსი N476 ჟიული შარტავას ქუჩიდან სააკაძის მოედნისა და მიროტაძის ქუჩის გავლით, პეკინისა და კონსტანტინე გამსახურდიას გამზირებს დაუკავშირდება, ხოლო თამარ მეფის გამზირიდან იმოძრავებს დადგენილი სქემით. უკუმიმართულებისას, აღნიშნული მიკროავტობუსი გამოიყენებს ანალოგიურ მარშრუტს; N504 მოძრაობას დაასრულებს მეტროსადგურ „წერეთელთან“, ხოლო N538 სადგურის მოედნის მიმართულებით მოძრაობისას, მტკვრის მარცხენა სანაპიროს გამოყენებით, დაუკავშირდება გენერალ კვინიტაძის ქუჩას, თამარ მეფის გამზირს და შემდეგ იმოძრავებს დადგენილი სქემით.უკუმიმართულებისას, N538 თამარ მეფის გამზირიდან დაუკავშირდება მტკვრის მარცხენა სანაპიროს და მეტროსადგურ „დიდუბისკენ“ სვლას დადგენილი სქემით განაგრძობს.
1748961517
მისივე თქმით, თუ საქართველო დაკარგავს თავისუფლებას და გადავარდება ავტორიტარიზმსა და რუსულ გავლენაში, ეს ევროპის მომავლის ნაწილის დაკარგვა იქნება."ევროპის პარლამენტის საპატიო წევრებო, მე ვარ ქეთევან ქერაშვილი და დღეს თქვენ წინაშე ვდგავარ არა მხოლოდ როგორც და, არამედ როგორც დედა, როგორც ძმა, როგორც ბებია, როგორც ბაბუა, როგორც ყველა იმ ოჯახის ხმა, ვისი საყვარელი ადამიანებიც დღეს საქართველოში ციხეში სხედან მხოლოდ იმიტომ, რომ უყვართ თავიანთი ქვეყანა. ამ წუთებშიც კი ადამიანები დგანან ქუჩებში თავიანთი ქვეყნის თავისუფლებისთვის.ბოლო ერთი წელი ვეწინააღმდეგებოდით რეპრესიულ კანონებს, რომლებიც მიზნად ისახავდა საზოგადოების გაჩუმებას და იზოლაციას. 2024 წლის 28 ნოემბერს საქართველოს არალეგიტიმურმა პრემიერ-მინისტრმა გამოაცხადა, რომ ქვეყნის ევროპული ინტეგრაცია 2028 წლამდე შეჩერდებოდა, პასუხად ხალხმა სპონტანურად მოიყარა თავი თბილისის გულში. იქ ისინი სცემეს, მოწამლეს, თოვლში და ყინვაში წყლის ჭავლით დაშალეს.დღეს საქართველოში 65 პოლიტიკური პატიმარია, მათ შორის სამი ქალი და მათ შორისაა მზია ამაღლობელი. მოვედი, რომ მოგიყვეთ ჩვენი ცხოვრების ისტორიები — უბრალო ადამიანების, რომლებიც არიან ექიმები, მხატვრები, პოეტები, მწერლები, მუსიკოსები, სტუდენტები და მრავალი სხვა.საქართველოს ისტორიაში ჩვენ მრავალჯერ გადავიტანეთ ოკუპაცია, მაგრამ საქართველო გადარჩა. ჩვენ შევინარჩუნეთ ჩვენი ენა, ჩვენი ტრადიციები, ჩვენი ლამაზი მთები და სოფლები. ისინი შევინახეთ როგორც საკუთარი თავისთვის, ისე მსოფლიოსთვის, რათა ყველამ იხილოს ჩვენი ქვეყნის სილამაზე. საქართველო იყო, არის და იქნება ევროპის ნაწილი. ევროპასთან ინტეგრაციის პროცესი შეუქცევადია. ის დიდი ხნის წინ დაიწყო ჩვენი წინაპრების სიმამაცით და დღეს გრძელდება ახალი თაობის მიერ თაობის, რომელიც თავისუფალ და სუვერენულ საქართველოში დაიბადა და გაიზარდა.ნათქვამია, მეზობელს ვერ აირჩევო და ჩვენ ეს ძალიან კარგად ვიცით. საქართველოს არაერთხელ გადაუტანია რუსული ოკუპაცია, და დღეს ჩვენ ჰიბრიდულ ომთან ვდგავართ პირისპირ. ეს ომი იჩენს თავს ე.წ. “მცოცავი ოკუპაციით”, დეზინფორმაციით, ძალადობითა და შიშის სისტემური გავრცელებით.ბოლო წლის განმავლობაში, პოლიციამ დააკავა თითქმის 700 ადამიანი, ვინც პროევროპულ დემონსტრაციებში იღებდა მონაწილეობას. მათგან:•ნოემბრიდან მარტამდე, დაპატიმრებულთა 60% გახდა ძალადობის მსხვერპლი;•ზოგიერთ დღეს, დაკავებულთა 80%-დან 88%-მდე წერდა არაადამიანურ მოპყრობაზე;•ფიზიკური ძალადობის მსხვერპლნი იყვნენ ქალები, არასრულწლოვნები, შშმ პირები და ჟურნალისტები.მათ შორისაა მზია ამაღლობელი, ჩვენი თავისუფლების ერთ-ერთი უძლიერესი დამცველი. ეს ადამიანები არ არიან კრიმინალები. ისინი არიან სტუდენტები, ექიმები, დედები, ვეტერანები, ხელოვანები. ისინი არიან ჩვენი ქვეყნის სინდისი.უნდა ითქვას: არც ერთი პოლიციელი ან სახელმწიფო მოხელე, ვინც მშვიდობიან დემონსტრანტებზე იძალადა, არ დასჯილა. არსებობს მმართველი ჯაჭვი, რომელიც სისტემურად არღვევს კანონებს და არღვევს ადამიანის უფლებებს და არც ერთი პირი არ არის პასუხისმგებლობით დაკავებული. ეს არ არის სამართალდაცვა, ეს არის რეპრესია.ჩვენ მოგმართავთ თქვენ, ევროპის ხალხის მიერ არჩეულ წარმომადგენლებს - თვალი ადევნოთ ჩვენს მდგომარეობას. გთხოვთ, დაიცვათ ეს სახელები, ეს სიცოცხლეები, ეს თავისუფლების დამცველები. რადგან როცა ისინი იცავენ საქართველოს, ისინი იცავენ ევროპასაც.ჩვენ გვჭირდება თქვენი მხარდაჭერა. ჩვენ გვჭირდება ქმედება. რადგან ეს ბრძოლა მხოლოდ საქართველოს არ ეხება, ის ეხება ევროპას. თუ საქართველო დაკარგავს თავისუფლებას და გადავარდება ავტორიტარიზმსა და რუსულ გავლენაში, ეს ევროპის მომავლის ნაწილის დაკარგვა იქნება, მაგრამ ჩვენ არ დავნებდებით. უშიშრად გავაგრძელებთ ბრძოლას ბოლომდე. ჩვენ ვილაპარაკებთ, ვიმღერებთ, დავწერთ, გავაპროტესტებთ, ვიბრძოლებთ და არ შევჩერდებით, სანამ ეს ბრძოლა არ იქნება მოგებული.შემიძლია უამრავი ისტორია მოგიყვეთ მამაცი ქართველების შესახებ, მაგრამ დღეს, XXI საუკუნეში, ახალი თაობა წერს საქართველოს ისტორიას. ისინი უშიშარნი არიან, იმედით სავსენი და მზად არიან. ჩვენ მზად ვართ.ერთ-ერთ წერილში, რომელიც ჩემმა ძმამ გამომიგზავნა, მან დაწერა:"ჩვენ დავთმეთ საკუთარი თავისუფლება ჩვენი ქვეყნის თავისუფლებისთვის და არასდროს დავიხევთ უკან“ და ჩვენ არსად წასვლას არ ვაპირებთ.დიდება საქართველოს! დიდება უკრაინას!ერთად გავიმარჯვებთ სიბნელეზე და სინათლე უფრო ნათლად გაბრწყინდება, ვიდრე ოდესმე", - განაცხადა ქეთევან ქერაშვილმა.ევროპარლამენტში ასევე სიტყვით გამოვიდნენ მწერალი ლაშა ბუღაძე და ჟურნალისტი ბექა ყორშია.
1748959836
“მოგესალმებით, ევროპარლამენტის წევრებო, ძვირფასო სტუმრებო და მასპინძლებო. მოგესალმებით ყველას, ვისაც საქართველოზე გული შესტკივა.მე ვარ ბექა ყორშია, ჟურნალისტი საქართველოდან. ვამბობ ჟურნალისტს და ვგულისხმობ ადამიანს, რომელიც ჯერ კიდევ არ დაუკავებიათ.შეიძლება ბევრი რამ იცოდეთ საქართველოს შესახებ, მაგრამ შეიძლება არ იცით ერთი მნიშვნელოვანი რამ: საქართველო ყოველთვის იდგა და დღესაც დგას ძლიერ ქალებზე. მათ გამბედაობასა და ურყევ პრინციპებზე. საქართველო ფეხზე დგას მშრომელი ქალების, ინტელექტუალი ქალების, ემიგრანტი ქალების წყალობით – ქალების, რომლებმაც არა მხოლოდ თავისი შვილები, არამედ გაზარდეს თავად საქართველო, როგორც ქვეყანა.მაგრამ დღეს ერთი განსაკუთრებული ქალის სახელი უნდა ვთქვა. ხმამაღლა… მინდა ისეთივე ხმამაღლა ვთქვა, როგორიც მისი სამშობლოსადმი ერთგულება და სიყვარულია. ეს ქალი ჩემი კოლეგა მზია ამაღლობელია, რომელიც ახლა პოლიტიკური პატიმარია და აბსურდული ბრალდებით ზის ციხეში. მზია ამაღლობელი – თავისი უტეხი ხასიათითა და სიძლიერით არამხოლოდ ქართველი ქალის, არამედ – თავად საქართველოს სახეა.თავისუფლება მზია ამაღლობელს!ბოლო დრომდე ვმუშაობდი ტელეკომპანია “მთავარში” და ვაკეთებდი პოლიტიკურ სატირას – არა იმიტომ, რომ კომიკოსი ვარ, არამედ იმიტომ, რომ ზოგჯერ სიმართლის გაშუქების ერთადერთი გზა ხალხის გაცინებაა… სანამ აეტირებათ.ამჟამად ჩემს ქვეყანას 65 პოლიტიკური პატიმარი ჰყავს. ეს რიცხვი 3-ჯერ შეიცვალა, სანამ ამ ტექსტს ვწერდი. ესენი არიან სტუდენტები, ჟურნალისტები, მსახიობები, მოაზროვნეები — ახალგაზრდები ნათელი წარსულით და კიდევ უფრო ნათელი ოცნებებით.ეს არის ხალხი, ვინც ამბობს, რომ საქართველო ეკუთვნის ხალხს და არა პარტიას და მით უმეტეს – არა მოსკოვს. შეიძლება მათი სახელები არ გეცნობოდეთ, მაგრამ მათ მიერ თავისუფლებისთვის გაღებული მსხვერპლი უდიდესია.არალეგიტიმურმა მთავრობამ ჩვენ შორის ყველაზე ჭკვიანი და ზოგადად, ყველაზე უკეთესი ხალხი გამოარჩია და დააპატიმრა. რატომ? იმიტომ, რომ მათ უბრალოდ სამშობლოს სიყვარული გაბედეს … და გაბედეს იმის დაჯერება, რომ საქართველოს მომავალი ევროპაშია და არა რუსეთში.საქართველოს კონსტიტუციის 78-ე მუხლი ამბობს, რომ ევროპული ინტეგრაცია ქართველი ხალხის ნებაა. მაგრამ ისინი, ვინც დღეს ამ მუხლს იცავენ, სამწუხაროდ, პარლამენტში კი არ სხედან, არამედ – ციხეში. და თუ დღეს ქვეყნის სიყვარული, თავისუფლების სიყვარული და ევროპული ღირებულებების რწმენა დანაშაულია, მაშინ დიახ, ისინი დამნაშავეები არიან! ჩვენც, ყველანი დამნაშავეები ვართ! და დიახაც, ვამაყობთ ამით!როგორც ბოდლერმა თქვა, “ეშმაკის ყველაზე დიდი ხრიკი ისაა, რომ შეძლო და სამყარო მის არარსებობაში დაარწმუნა”. ჩვენი ე.წ მთავრობაც ამ ხრიკს მიმართავს – ცდილობს დაგვარწმუნოს, რომ ავტორიტარი არ არის. სამწუხაროდ, დასავლეთში ზოგიერთებმა ეს დაიჯერეს, მაგრამ არ ტყუვდება ქართველ ხალხი, რომელიც 200-დღეა ქუჩაში დგას და ყველა ქალაქში უსამართლობას აპროტესტებს.სამწუხაროდ, საქართველო ციხედ გადაიქცა. ძალიან ლამაზ ციხედ – მთებით, ღვინით, პოლიფონიური სიმღერით, დიდებული ლიტერატურით, მაგრამ მაინც ციხედ. მხოლოდ რამდენიმე პრივილეგირებული ოჯახი გრძნობს თავს კარგად. დანარჩენები – ჟურნალისტები, მშრომელები, მსახიობები, ოპოზიციის წარმომადგენლები ყოველდღიურ შიშში ცხოვრობენ.ახლა მე არ ვსაუბრობ, როგორც მსხვერპლი. ვსაუბრობ, რადგან ჯერ კიდევ მჯერა, რომ ლაპარაკს ჯერაც აქვს მნიშვნელობა. და რაც მთავარია, მჯერა, რომ ევროპა – ნამდვილი ევროპა – უსმენს, როდესაც სიმართლე ლაპარაკობს… თუნდაც აქცენტით.ამიტომ მხოლოდ ერთი თხოვნა მაქვს: ნუ აქცევთ “სტრატეგიულ მოთმინებას” მორალურ დუმილად. ახლა არა განცხადებების, არამედ ქმედების დროა.და ბოლოს, მინდა ქართველ ხალხს მივმართო: გჯეროდეს, საქართველო, გჯეროდეს საკუთარი ძლიერების, თავისუფლების და შენი ადგილის დიდ ევროპულ ოჯახში. გჯეროდეს, რადგან მთელი მსოფლიო გიყურებს. გჯეროდეს, რომ ყოველი მსხვერპლი, რომელიც თავისუფლებისკენ მიმავალ გზაზე გაგიღია, ფუჭად არ ჩაივლის”, – განაცხადა ბექა ყორშიამ.ყორშიას გარდა ევროპარლამენტში სიტყვით გამოვიდნენ მწერალი ლაშა ბუღაძე და პროევროპულ აქციებზე დაკავებული ექიმის ირაკლი ქერაშვილის და ქეთევან ქერაშვილი.საქართველოს შესახებ ისაუბრა ევროპარლამენტარმა რასა იუკნევიჩიენემ, რომელმაც კოლეგებს მკაცრი სანქციების მიღება შესთავაზა.
1748959426
სტუდენტებმა ადგილზე საპროტესტო ბანერები მიიტანეს, რისი გაშლის უფლებაც არ მისცეს.დაშავებული ორ სტუდენტს ამ წუთებში სასწრაფო სამედიცინო დახმარების ბრიგადა პირველად დახმარებას უწევს.ერთ-ერთი სტუდენტის თქმით, მათ დაცვის სამსახურის თანამშრომლები დაუპირისპირდნენ და ბანერის გადმოფენის საშუალება არ მისცეს."ჩვენ აქამდეც გადმოგვიფენია ბანერი და მსგავსი პრობლემა არასდროს შეგვქმნია. როდესაც გადმოფენა დავაპირეთ, დაცვის ორი წარმომადგენელი ამოვარდა, სამი გოგო ვიყავით და რასაც ჰქვია, გვათრიეს ლიფტამდე. შემდეგ ორი კაცი არ იყო საკმარისი თუ რა მოხდა, არ ვიცი, ამოვიდა სამი კაცი და გვეჯიკავებოდნენ. კანი ჩემს მეგობარს გადაეთელა, იმდენად რთული ვითარება იყო, რომ ჯერ კიდევ არ მჯერა. სიტყვები იყო ასეთი, რომ წინასწარ უნდა შეგეთანხმებინათო. არ მესმის, როგორ შევუთანხმდე იმ რექტორს, რომელსაც 5 თვე შეხვედრას ვთხოვდით, რომ დაკავებული სტუდენტებისთვის სოლიდარობა გამოეცხადებინა", - განაცხადა ერთ-ერთმა სტუდენტმა.
1748953034
პროექტის ფარგლებში, მოსახლეობასთან შეთანხმებით, განხორციელდა უკანონო შემოღობვების და ავტოფარეხების დემონტაჟი, რის შემდეგაც ტერიტორია დასუფთავდა და დაახლოებით 8 000 კვ.მ ფართობზე სხვადასხვა სამუშაოები დაიწყო.ამ ეტაპზე, უკვე დამონტაჟდა გარე განათებისა და სარწყავი სისტემები, ეწყობა ველო და საფეხმავლო ბილიკები, ასევე, მოეწყობა მოსასვენებელი პავილიონი, ბავშვთა გასართობი და ფიტნესზონები, ჩატარდება გამწვანების სამუშაოები - დაიგება ბალახი და დაირგვება ხე-მცენარეები, განთავსდება სკვერისთვის საჭირო ინფრასტრუქტურა.პროექტისთვის გამგეობის ბიუჯეტიდან 1 173 333 ლარი დაიხარჯება.მიმდინარე სამუშაოებს გლდანის რაიონის გამგებელი ბესიკ კალაძე ადგილზე გაეცნო.
1748941169
"მედიის ადვოკატირების კოალიცია მკაცრად გმობს დამოუკიდებელ მედიაზე ბიძინა ივანიშვილის რეჟიმის მიერ განხორციელებულ კოორდინირებულ და სისტემურ თავდასხმას და სოლიდარობას უცხადებს ყველა ჟურნალისტს, რომელიც ასეთ რთულ გარემოში აგრძელებს პროფესიული მოვალეობის შესრულებას.სინდისის პატიმარი - მზია ამაღლობელი - დამოუკიდებელი მედიის ერთ-ერთი სიმბოლო - „ბათუმელებისა“ და „ნეტგაზეთის“ დირექტორი, მზია ამაღლობელი, კვლავ პატიმრობაში რჩება. მისი საქმე, ისევე როგორც სხვა სინდისის პატიმრების საქმეები, აშკარად პოლიტიკურად მოტივირებულია, რაც პროცესების მიმდინარეობისას ნათლად ჩანს.ფიზიკური ძალადობა მედიის წინააღმდეგ - პროევროპული აქციების დაწყებიდან დღემდე დამოუკიდებელი ჟურნალისტებზე თავდასხმისა თუ პროფესიულ საქმიანობაში უკანონოდ ჩარევის ასობით შემთხვევა დაფიქსირდა. ამ ინციდენტებიდან არცერთი საქმე არ არის გამოძიებული და არცერთი მოძალადე პასუხისგებაში მიცემული, რაც ამყარებს დაუსჯელობის განცდას და ხელს უწყობს ძალადობრივი გარემოს ჩამოყალიბებას.სამართლებრივი რეპრესიები - „ქართული ოცნების“ მიერ ბოლო პერიოდში ინიციირებული და მიღებული რეპრესიული კანონმდებლობა მიზანმიმართულად ზღუდავს გამოხატვის თავისუფლებას და საზოგადოების წვდომას ალტერნატიულ აზრსა და ინფორმაციაზე. 2 ივნისს ცნობილი გახდა, რომ ქართულმა ოცნებამ კომუნიკაციების კომისიას მიმართა საჩივრით და პარტიისთვის არასასურველი სიტყვებისა და ტერმინების გამოყენების გამო „ტვ პირველსა“ და „ფორმულას“ სამართალდამრღვევად ცნობა და დასანქცირება მოითხოვა.აღნიშნულ საქმეებს განიხილავს კომუნიკაციების ეროვნული კომისია, რომლის თავმჯდომარე, დასანქცირებული კახა ბექაური, უკვე შეყვანილია იმ სიაში, რომელშიც ჩამოთვლილი პირების სანქცირების რეკომენდაციასაც, ძალადობრივი რეჟიმის მხარდაჭერისთვის, იძლევა ევროპარლამენტის რეზოლუცია.საზოგადოებრივი მაუწყებელი - “ქართული ოცნების” სამსახურში - საზოგადოებრივ მაუწყებელში შექმნილი ვითარება უკვე აშკარად აჩვენებს, რომ მისი ხელმძღვანელობა ემსახურება “ქართული ოცნების” პოლიტიკურ ინტერესებს. დირექტორი თინათინ ბერძენიშვილი და სამეურვეო საბჭოს თავმჯდომარე ვასილ მაღლაფერიძე მონაწილეობენ დამოუკიდებელი და კრიტიკული ჟურნალისტების დევნასა და დათხოვნაში. მაუწყებელი დღითი დღე ემიჯნება საზოგადოებას და რეალურ ფუნქციას კარგავს, რასაც მოწმობს სარედაქციო პოლიტიკის ტენდენციური შინაარსი და განსხვავებული მოსაზრების მიზანმიმართული უგულებელყოფა.სასამართლო შენობებში კამერების აკრძალვა - დახურულ საჯარო უწყებების სიას დაემატა სასამართლო სისტემაც. გასულ კვირას მედიას კვლავ შეეზღუდა კამერებით შესვლა სასამართლო შენობებში - მაშინ, როცა ერთდროულად მიმდინარეობდა რამდენიმე მაღალი საზოგადოებრივი ინტერესის მქონე პროცესი. ეს ნაბიჯი არღვევს საჯაროობის პრინციპს და ხელს უშლის საზოგადოებას სასამართლო პროცესების მონიტორინგში.ჟურნალისტების დაჯარიმება - მედიაში მომუშავე ჟურნალისტებზე კვლავ გრძელდება სისტემური ზეწოლა - მათ ყოველდღიურად აჯარიმებენ პროფესიული საქმიანობის შესრულებისას, განსაკუთრებით მაშინ, როდესაც ისინი უწყვეტი საპროტესტო აქციების გაშუქებას ცდილობენ. ეს პრაქტიკა წარმოადგენს თავისუფალი პრესის დევნის პირდაპირ მაგალითს.ეკონომიკური ზეწოლა - დამოუკიდებელ მედიაზე ზეწოლა ხორციელდება ფინანსური ბერკეტების საშუალებით. უცხოეთიდან მიღებული დაფინანსების აკრძალვასთან ერთად, ცნობილი ხდება, რომ ბიზნეს-კომპანიებზე ხორციელდება ზეწოლა, რათა მათ შეწყვიტონ კონტრაქტები დამოუკიდებელ მედიასთან. ბიზნესს აიძულებენ, უარი თქვას მაღალი რეიტინგის მქონე არხთან თანამშრომლობაზე.მიზანმიმართული დეზინფორმაცია - დამოუკიდებელი მედიასა და ჟურნალისტების წინააღმდეგ უწყვეტად მიმდინარეობს დეზინფორმაციული კამპანია. ამით “ქართული ოცნება” ცდილობს საზოგადოებაში მედიისადმი უნდობლობის დათესვას და ინფორმაციის ობიექტური წყაროების დისკრედიტაციას.მედიის ადვოკატირების კოალიცია სოლიდარობას უცხადებს ყველა დამოუკიდებელ მედიასაშუალებას და აგრძელებს მათ მხარდაჭერას დემოკრატიული ღირებულებების დასაცავად და უკეთესი ევროპული მომავლის უზრუნველსაყოფად.ქართველი საზოგადოება იმსახურებს თავისუფალ და დამოუკიდებელ მედიას, რომელიც უზრუნველყოფს სანდო ინფორმაციის ხელმისაწვდომობას და მოქალაქეთა სრულფასოვან მონაწილეობას ქვეყნის პოლიტიკურ და სოციალურ ცხოვრებაში.მედიის თავისუფლება არის ფუნდამენტური ღირებულება, რომლის დაცვაც აუცილებელია საქართველოს დემოკრატიული განვითარებისა და ევროპული ინტეგრაციისთვის", - აღნიშნულია განცხადებაში.
1748875287
მათი განცხადებით, შემდეგი აქცია პარასკევს, 17:00 საათზე პარლამენტთან გაიმართება."ბრძოლა გრძელდება გამარჯვებამდე. პარასკევს, 17:00 საათზე, ვიკრიბებით პარლამენტის უკან, მოგიწოდებთ ყველას - შემოგვიერთდით, რათა დავიცვათ საქართველო. მოვუწოდებთ სტუდენტებს - შემოგვიერთდით, არ აქვს მნიშვნელობა არცერთ ქულას რუსულ ქვეყანაში ისე, როგორც თავისუფლებას, არ აქვს მნიშვნელობას არცერთ ქულას, თუ არ გვეცოდინება რა არის სოლიდარობა და ემპათია. ამ ქვეყნის ისტორია ერთი დიდი ბრძოლაა თავისუფლებისთვის, ახლა ჯერი ჩვენზეა და ჩვენ ვქმნით ხვალინდელ დღეს. ირწმუნეთ თქვენი ძალების, არ დაუჯეროთ პროპაგანდას და შემოგვიერთდით, გამარჯვების დროშა ახლა ჩვენს ხელშია და არ გვაქვს უფლება გავჩერდეთ.გვინდა მივმართოთ ოპოზიციასაც, არ გაბედოთ თვითმმართველობის არჩევნებში მონაწილეობა, წინააღმდეგ შემთხვევაში, მიიღებთ პასუხს ჩვენგან. ახლა უკომპრომისო ბრძოლის დროა და არა რეჟიმთან თანამშრომლობის", - განაცხადა ერთ-ერთმა სტუდენტმა.ილის უნივერსიტეტის სტუდენტებმა დღეს ერთდღიანი გაფიცვა გამოაცხადეს. დილიდან ილიას სახელმწიფო უნივერსიტეტის სტუდენტები საპროტესტო აქციას მართავენ. მათი მითხოვნაა, გათავისუფლდნენ დაკავებული სტუდენტები.
1748858026
კინო გზაზე - ქართველი დამოუკიდებელი კინემატოგრაფისტების მიერ შექმნილი პროექტია, რომელიც რეგიონებში ღია კინოჩვენებების სერიას იწყებს და წელს, თიბისის მხარდაჭერით განხორციელდება.6 ივნისიდან, კინო გზაზე საქართველოს 10 ქალაქს ესტუმრება. პროექტის გამხსნელი კინოჩვენება კახეთში, თელავში გაიმართება. სწორედ, აქედან დაიწყებს თანამედროვე ქართული კინო ქვეყნის მასშტაბით მოგზაურობას.თელავი, ყვარელი, ლაგოდეხი, გურჯაანი, ახალციხე, ქუთაისი, ზესტაფონი, ფოთი, ქობულეთი, ვანი - ეს ის ლოკაციებია, სადაც მოძრავი ეკრანი ივნისსა და ივლისში გაიშლება. ფილმის ჩვენების შემდეგ კი, მოეწყობა ღია დისკუსია პროექტის ავტორებთან და ფილმის რეჟისორებთან ერთად. კინოჩვენებებზე დასწრება ნებისმიერ მსურველს შეუძლია.კინო - საზოგადოებისთვის ერთ-ერთი ყველაზე ძლიერი კულტურული მედიუმია. ის აერთიანებს და აჩვენებს ადამიანურ ისტორიებს, ქმნის საერთო ემოციურ გამოცდილებას. კინო იწყებს დიალოგს, აჩენს კითხვებს, გვაწვდის პასუხებს და ავითარებს კრიტიკულ აზროვნებას; ინსპირაციას აძლევს ახალ იდეებს და აყალიბებს საზოგადოებრივ ცნობიერებას.კულტურის განვითარება და ხელოვნების მხარდაჭერა, რეგიონებში სოციალურ-კულტურული ცხოვრების გაძლიერება და შესაძლებლობების შექმნა, რომ ყველამ შეძლოს თანამედროვე ხელოვნების განცდა და მასში თანამონაწილეობა, თიბისის ერთ-ერთი უცვლელი პრიორიტეტია.გვჯერა, რომ ხელოვნებას შეუძლია ადამიანების დაახლოება, ახალი შესაძლებლობების შექმნა და საერთო ღირებულებების გაღრმავება.კინო გზაზე იწყება - ემოციებით, საინტერესო ისტორიებითა და ახალი თავგადასავლებით!
1748856225
ისინი უნივერსიტეტის წინ შეიკრიბნენ და ამავე უნივერსიტეტის სტუდენტების - თათია აფრიამაშვილის, ლიკა ლორთქიფანიძის და ლუკა ნაცვლიშვილის დაკავებას აპროტესტებენ.მათი მოთხოვნა დაკავებულების დაუყოვნებლივი გათავისუფლებაა.სტუდენტების თქმით, დღევანდელი პროტესტი და გაფიცვა კიდევ ერთი დასტურია იმისა, რომ მიმდინარე მოვლენებს არ ეგუებიან."დღევანდელი პროტესტი და გაფიცვა არის კიდევ ერთი რამ, რაც ადასტურებს ჩვენს პოზიციას მიმდინარე მოვლენებთან დაკავშირებით. ქვეყანაში იმატებს უკანონოდ დაკავებულების რაოდენობა, რომელთა შორის არიან ბოლო სამი სტუდენტი - ლიკა, ლუკა და თათია, რომლებიც ახლა აუდიტორიებში ჩვენთან ერთად უნდა ისხნდნენ. მთავრობა გაშინებს და გვეუბნება, რომ ყველას შეგეხებით, გამონაკლისი აღარავინ იქნება, მაგრამ ჩვენ ისევ შემართებით ვართ და დღევანდელი დღე ამის მტკიცებულება იქნება", - განაცხადა ერთ-ერთმა სტუდენტმა.დღის ბოლოს სტუდენტები უნივერსიტეტის ეზოდან რუსთაველისკენ გადაინაცვლებენ. სტუდენტებმა 12-დღიანი პატიმრობა აქვთ შეფარდებული.
1748850605
მალხაზ ხარბედია მძიმე ავადმყოფობას ებრძოდა.დაიბადა 1974 წლის 27 ოქტომბერს ქ. თბილისში. 1998 წელს დაასრულა თბილისის სახელმწიფო უნივერსიტეტის ფილოლოგიის ფაკულტეტი, კლასიკური ენების განხრით. 1994 წელს მუშაობა დაიწყო გაზეთ „კავკასიონში“, 1996 წლის იანვრიდან კი „არილის“ თანამშრომელი გახდა, მას შემდეგ, რაც გაზეთი 8-გვერდიან ყოველკვირეულ ჩანართად იქცა „კავკასიონში“. 1996 წლიდან გახდა „არილის“ მთავარი რედაქტორის მოადგილე, შემდეგ კი მთავარი რედაქტორი. 1998 წელს იყო „საქართველოს გაზეთის“ ლიტერატურული ჩანართის რედაქტორი. 2001–2012 წლებში იყო ლიტერატურის ინსტიტუტის მეცნიერ თანამშრომელი. 2002–2006 წლებში გაზეთ „24 საათის“ კულტურის განყოფილების რედაქტორი, ასევე დამატებების, „ლიტერატურის“ და „წიგნების“ მთავარი რედაქტორი. 2006 წლიდან 2014 წლამდე იყო ყოველკვირეული გაზეთის, „მარანის“ მთავარი რედაქტორი (გაზეთ „Weekend-ის“ დამატება).2007 წლის სექტემბერში შექმნა ყოველდღიურად განახლებადი ქართულენოვანი ბლოგი ღვინისა და გემოვნების შესახებ vinoge.com. 2007–2011 წლებში იყო „ლიტერატურა – ცხელი შოკოლადის“ მთავარი რედაქტორი. 2009–2013 წლებში იყო რადიო „თავისუფლების“ ბლოგერი, გადაცემა „ბიბლიოთეკის“ წამყვანი. 2009 წლის ზაფხულში თანამოაზრეებთან ერთად დააფუძნა „ღვინის კლუბი“. 2011–2012 წლებში მიჰყავდა ჯერ ყოველთვიური, შემდეგ კი ყოველკვირეული ღვინის რუბრიკა ჟურნალ „ტაბულაში“. 2012 წლის სექტემბრიდან 2013 წლის მარტამდე იყო გადაცემა „ღვინის გზამკვლევის“ ავტორი და წამყვანი რადიო „ცხელი შოკოლადში“. 2013 წლის აპრილიდან 2014 წლამდე იყო ჟურნალ „ცხელი შოკოლადის“ მთავარი რედაქტორი.
