მსოფლიო
ლიეტუვის საპრეზიდენტო არჩევნებში მოქმედმა პრეზიდენტმა გაიმარჯვა

1716792571

მეორე ადგილზეა ქვეყნის პრემიერ-მინისტრი ინგრიდა შიმონიტე.გიტანას ნაუსედამ ლიეტუვის დედაქალაქ ვილნიუსში შეკრებილ მხარდამჭერებს განუცხადა, რომ გააგრძელებს მუშაობას ქვეყნის თავდაცვის შესაძლებლობების გაძლიერებაზე."ლიეტუვის დამოუკიდებლობა და თავისუფლება ჰგავს მყიფე ჭურჭელს, რომელსაც უნდა გავუფრთხილდეთ და არ გავტეხოთ“, – განაცხადა ნაუსედამ.

მოლდოვამ ევროკავშირთან უსაფრთხოებისა და თავდაცვის სფეროებში პარტნიორობა გააფორმა

1716296632

ამის შესახებ ევროკავშირის უმაღლესი წარმომადგენელი ჯოზეფ ბორელი სოციალურ ქსელში წერს."მოლდოვა არის პირველი ქვეყანა, რომელმაც ევროკავშირთან უსაფრთხოებისა და თავდაცვის პარტნიორობის შეთანხმებას მოაწერა ხელი. ეს პარტნიორობა ქვეყნის მდგრადობას გაზრდის, საშუალებას მისცემს, ერთობლივად გადავჭრათ უსაფრთხოების საერთო გამოწვევები, უფრო ეფექტური გავხადოთ ჩვენი ჩართულობა და განვავითაროთ თანამშრომლობის ახალი სფეროები“, – წერს ჯოზეფ ბორელი.

ირანის პრეზიდენტი და საგარეო საქმეთა მინისტრი ავიაკატასტროფის შედეგად დაიღუპნენ

1716185196

ირანის პრეზიდენტთან ერთად, ვერტმფრენში იმყოფებოდნენ საგარეო საქმეთა მინისტრის ხელმძღვანელი ჰოსეინ ამირ აბდოლაჰიანი, აზერბაიჯანის აღმოსავლეთ პროვინციის გუბერნატორი მალეკ რახატი, ისლამური რევოლუციის ლიდერის წარმომადგენელი აღმოსავლეთ აზერბაიჯანის პროვინციაში აიათოლა მუჰამედ ალი ალე ხაშიმი და რამდენიმე სხვა პირს. ყველა მათგანი დაიღუპა.პრეზიდენტის დაღუპვა დაადასტურა ქვეყნის ვიცე-პრეზიდენტმა.იბრაჰიმ რაისის ნაცვლად დროებით პრეზიდენტად ირანის პირველი ვიცე-პრეზიდენტი მოჰამად მოჰბერია დაინიშნა. ის თანამდებობას ორი თვის განმავლობაში დაიკავებს. ირანის კონსტიტუციის თანახმად კი საპრეზიდენტო არჩევნები მომდევნო 50 დღის განმავლობაში გაიმართება.19 მაისს მედიამ გაავრცელა ინფორმაცია, რომ ვერტმფრენს, რომლის ბორტზე ირანის პრეზიდენტი, საგარეო საქმეთა მინისტრი და კიდევ 7 ადამიანი იმყოფებოდა, უამინდობის გამო პრობლემები შეექმნა.ვერტმფრენის ძებნის ოპერაცია 10 საათზე მეტ ხანს გაგრძელდა. 

ამ დრომდე ეძებენ ვერტმფრენს, რომელშიც ირანის პრეზიდენტი იმყოფებოდა

1716141127

ირანის შინაგან საქმეთა მინისტრის აჰმად ვადიჰის განცხადებით, უამინდობის გამო, სამაშველო ჯგუფების ადგილზე მისვლას გარკვეული დრო სჭირდება."სიტუაცია კონტროლს ექვემდებარება და სამაშველო ჯგუფები ასრულებენ თავიანთ საქმეს. ვიმედოვნებთ, რომ ეს მოხდება რაც შეიძლება მალე“, – განაცხადა ვადიჰმა მედიასთან საუბრისას.რამდენიმე საათის წინ მედიამ გაავრცელა ინფორმაცია, რომ ირანის პრეზიდენტის ვერტმფრენი, რომლითაც იბრაჰიმ რაისი აზერბაიჯანის საზღვართან მდებარე ირანის პროვინციიდან თეირანში ბრუნდებოდა, ირანის პროვინცია აღმოსავლეთ აზერბაიჯანში ჩამოვარდა.მოგვიანებით ირანის შინაგან საქმეთა მინისტრმა განაცხადა, რომ ირანის პროვინცია აღმოსავლეთ აზერბაიჯანში პრეზიდენტ იბრაჰიმ რაისის ვერტმფრენი "მძიმედ დაეშვა“.  ცნობილია, რომ ვერტმფრენში საგარეო საქმეთა მინისტრი ჰოსეინ ამირაბდოლაჰინიც იყო. ვერტმფრენის ბორტზე მყოფების მდგომარეობა, უცნობია. მათთან კონტაქტზე ჯერ არავინ გასულა.ირანის სულიერმა ლიდერმა აიათოლა ალი ხამენეიმ პრეზიდენტის ვერტმფრენთან დაკავშირებული ინციდენტის გამო, ეროვნული უსაფრთხოების საბჭოს საგანგებო სხდომა მოიწვია.ჯანდაცვის მინისტრის განცხადებით, ინციდენტის ადგილას გაიგზავნა სამედიცინო პერსონალი, მათ შორის სასწრაფო დახმარების ბრიგადები და ქირურგები, ასევე სპეცტრანსპორტი და აღჭურვილობა.მომხდარს გამოეხმაურა აზერბაიჯანის პრეზიდენტი ილჰამ ალიევი."დღეს, ირანის პრეზიდენტ იბრაჰიმ რაისთან შეხვედრის შემდეგ, სერიოზულად შეგვაშფოთა იმ ინფორმაციამ, რომ ვერტმფრენმა, რომელშიც მაღალი დელეგაციის წარმომადგენლები იმყოფებოდნენ, ავარიული დაშვება განახორციელა ირანში. ჩვენ ვლოცულობთ პრეზიდენტ იბრაჰიმ რაისისა და მისი თანმხლები დელეგაციისთვის. როგორც მეზობელი, მეგობარი და მოძმე ქვეყანა, აზერბაიჯანი მზადაა ყველანაირი მხარდაჭერისთვის“, – წერს ილჰამ ალიევი.ირანისა და აზერბაიჯანის პრეზიდენტებმა დღეს კაშხლის გახსნის ცერემონიაში მიიღეს მონაწილეობა.

სლოვაკეთის პრემიერ-მინისტრი დაჭრეს

1715785920

მედია წერს, რომ ფიკოს ფეხსა და მკლავში დაჭრეს. სხვა ჟურნალისტები ამბობენ, რომ მისი მდგომარეობა ძალიან მძიმეა. რობერტ ფიცოს Facebook-გვერდზე მისი მდგომარეობის შესახებ განცხადება გავრცელდა. განცხადებაში აღნიშნულია, რომ პრემიერ-მინისტრს რამდენჯერმე ესროლეს და მისი მდგომარეობა სიცოცხლისთვის საშიშია. იგი ვერტმფრენით ქალაქ ბანსკა-ბისტრიცაში გადაიყვანეს და მომდევნო რამდენიმე საათი გადამწყვეტი იქნება.მომხდარის შემდეგ ადგილობრივ პარლამენტში ვითარება დაიძაბა. სხდომათა დარბაზში ჩინოვნიკი რიჩარდ გლუკი შევიდა და ოპოზიციონერ დეპუტატებს უყვირა, რომ ეს მათი ბრალია და პასუხისმგებლობა მათ ეკისრებათ. სლოვაკეთის ეროვნული საბჭოს თავმჯდომარის მოადგილე ანდრეი დანკო კი მომხდარში ჟურნალისტების დადანაშაულებას ცდილობდა.

პუტინმა შოიგუს ნაცვლად თავდაცვის მინისტრად ანდრეი ბელოუსოვი წარადგინა

1715543589

დღესვე პუტინმა უშიშროების საბჭოს მდივნად დანიშნა სერგეი შოიგუ, რომელიც თავდაცვის მინისტრის პოსტს იკავებდა. სხვა განკარგულებით, პუტინმა თანამდებობიდან გაათავისუფლა ნიკოლაი პატრუშევი.როგორც პუტინის პრესმდივანმა დიმიტრი პესკოვმა განაცხადა, ბელოუსოვის კანდიდატურა თავდაცვის მინისტრის პოსტზე განპირობებულია იმით, რომ ეს დეპარტამენტი აბსოლუტურად ღია უნდა იყოს ინოვაციებისთვის, ყველა მოწინავე იდეის დანერგვისა და ეკონომიკური კონკურენტუნარიანობის პირობების შესაქმნელად.პესკოვმა ასევე განმარტა, რომ სერგეი შოიგუ, როგორც უშიშროების საბჭოს მდივანი, ერთდროულად იქნება სახელმწიფოს მეთაურის მოადგილე სამხედრო-სამრეწველო კომპლექსის კომისიაში. გარდა ამისა, ის გააკონტროლებს სამხედრო-ტექნიკური თანამშრომლობის ფედერალური სამსახურის საქმიანობას. რუსეთის პრეზიდენტის პრესმდივნის თქმით, შოიგუ გააგრძელებს მუშაობას იმ სფეროში, რომელსაც შიგნიდან იცნობს. რაც შეეხება პატრუშევს, მის ახალ პოზიციას კრემლი მოგვიანებით გამოაცხადებს.ამასთან, პესკოვმა განაცხადა, რომ შეიარაღებული ძალების გენერალური შტაბის უფროსი ვალერი გერასიმოვი ამ პოსტზე მუშაობას გააგრძელებს.

დღეს კრემლში პუტინის ინაუგურაცია გაიმართება

1715070556

ღონისძიებაზე მოსაწვევები მიიღეს ევროკავშირის წარმომადგენლებმა. მონაწილეობაზე უარი ღიად თქვეს ბალტიის ქვეყნებმა, ჩეხეთმა, დიდმა ბრიტანეთმა და კანადამ.ინაუგურაციას არ დაესწრება არც სომხეთის პრემიერ-მინისტრი ნიკოლ ფაშინიანი.რადიო თავისუფლების ინფორმაციით, საფრანგეთის, უნგრეთის და სლოვაკეთის გარდა ინაუგურაციას დაესწრებიან საბერძნეთის, კვიპროსის და მალტის წარმომადგენლები.რუსეთში საპრეზიდენტო არჩევნები 15-17 მარტს ჩატარდა და პუტინი ხმების 87%-ით პრეზიდენტი კიდევ 6 წლით გახდა.   

"სიკეთის ძალები ერთად დაამარცხებენ ბოროტ ძალებს"

1713079338

"დალოცვილები იყავით ძვირფასო ჯარისკაცებო, ისრაელის თავდაცვის ძალებო. გლოცავთ ერების კოალიციავ, რომელსაც აშშ და პრეზიდენტი ჯო ბაიდენი ხელმძღვანელობს. დაგლოცავთ თქვენ, ისრაელელო ხალხო, განსაკუთრებული გამძლეობის გამოვლენისთვის. სიკეთის ძალები ერთად დაამარცხებენ ბოროტ ძალებს", - წერს ისრაელის პრეზიდენტი სოციალურ ქსელში.

ისრაელმა საჰაერო სივრცე გახსნა

1713078302

ქვეყნის აეროპორტების ადმინისტრაციაში ამბობენ, რომ ასობით ირანული რაკეტისა და დრონით განხორციელებული თავდასხმის შემდეგ, ისრაელმა ადგილობრივი დროით 7:30 საათიდან გახსნა საჰაერო სივრცე."თელ-ავივიდან ფრენების განრიგი სავარაუდოდ შეიცვლება და მოგზაურებმა უნდა შეამოწმონ ფრენის დრო," - ნათქვამია განცხადებაში.The Times of Israel ინფორმაციით, საჰაერო სივრცე გახსნა იორდანიამაც.შეგახსენებთ, რომ გასულ ღამეს ირანმა ისრაელის მიმართულებით ასობით დრონი და რაკეტა გაუშვა. ისრაელის თავდაცვის ძალები ამბობენ, რომ დრონებისა და რაკეტების უმრავლესობა მოიგერიეს. თავდასხმის დაშავდა, სულ მცირე, ერთი ადამიანი. დანიელ ჰაგარის თქმით, მცირე ზიანი მიადგა ისრაელის თავდაცვის ძალების ერთ-ერთ სამხედრო ბაზას. აშშ-ის პრეზიდენტმა, ჯო ბაიდენმა თქვა, რომ ისრაელს თავდასხმის მოგერიებაში დაეხმარნენ.

"ისრაელი გეგმავს "სერიოზულ პასუხს" ირანიდან დრონების უპრეცედენტო გაშვებაზე"

1713054490

გამოცემები ინფორმაციას წყაროებზე დაყრდნობით ავრცელებენ."ირანის თავდასხმაზე პასუხი მოსალოდნელია“, - წერს Haaretz.ამერიკის შეერთებული შტატები მიიჩნევს, რომ ისრაელის მიმართულებით 400-დან 500-მდე დრონი და რაკეტა იქნება გაშვებული ერაყიდან, სირიიდან, სამხრეთ ლიბანიდან და იემენიდან, მაგრამ უმეტესი ნაწილი ირანიდან.ისრაელის დაზვერვამ აღმოაჩინა ათობით დრონის და ფრთოსანი რაკეტის გაშვება ირანიდან და ერაყიდან.მედიის ინფორმაციით, დრონების ნაწილი აშშ-მა ბრიტანეთის მხარდაჭერით, ისრაელის მიმართულებით მიმავალი ირანული დრონების ნაწილი ჩამოაგდო.ისრაელის რამდენიმე რეგიონში საჰაერო თავდასხმის განგაში გამოცხადდა, იერუსალიმსა და სხვა ქალაქებში აფეთქებების ხმა ისმოდა.იმავდროულად, ირანის დელეგაციამ გაეროში განაცხადა, რომ თეირანი აპირებს შემოიფარგლოს ისრაელის ტერიტორიაზე უკვე განხორციელებული დარტყმებით, მაგრამ საჰაერო თავდასხმების გაგრძელება ასევე შესაძლებელია.