მსოფლიო
სასამართლომ ალეკ ბოლდუინი უდანაშაულოდ ცნო

1720884403

სასამართლომ დაადგინა, რომ ბრალდების მხარემ დამალა მტკიცებულებები, რომლებიც შესაძლოა, უკავშირდებოდეს კინემატოგრაფისტ ჰალინა ჰაჩინსის სასიკვდილო სროლას ვესტერნის ფილმის გადასაღებ მოედანზე."სახელმწიფოს მიერ ინფორმაციის განზრახ დამალვა იყო მიზანმიმართული... სასამართლოს არავითარი გზა არ აქვს, რომ გამოასწოროს ეს შეცდომა",  - განაცხადა მოსამართლემ.სასამართლო დოკუმენტების თანახმად, ალეკ ბოლდუინს ბრალი უსაფრთხოების ნორმების "უგუნური" უგულებელყოფისთვის ედებოდა, რამაც გამოიწვია ოპერატორ ჰალინა ჰატჩინსის სიკვდილი ფილმის Rust გადასაღებ მოედანზე, ნიუ-მექსიკოში 2021 წელს.ჰოლივუდის მსახიობის და რეჟისორის ალეკ ბოლდუინის მიერ გადასაღებ მოედანზე ცეცხლსასროლი იარაღიდან გასროლას 1 ადამიანის სიცოცხლე ემსხვერპლა, ერთი კი დაიჭრა.

საფრანგეთში, ქალაქ რუანში უძველეს გოთიკურ ტაძარში ხანძარი გაჩნდა

1720702637

თვითმხილველების ცნობით, ტაძარს შავი კვამლი თითქმის მთლიანად ფარავს.რუანის ტაძარს რესტავრაცია უტარდება. ამ ეტაპზე ხანძრის გამომწვევი მიზეზი უცნობია, თუმცა საფრანგეთის კულტურის სამინისტროს პირველადი ინფორმაციით, ხანძარი "არასათანადო მოპყრობამ“ გამოიწვია.ადგილზე მობილიზებულები არიან მეხანძრეები და საგანგებო სიტუაციების სამსახურები. მათ ტაძრის მიმდებარე პერიმეტრი გადაკეტილი აქვთ. რუანის ღვთისმშობლის ტაძარი საფრანგეთის ეროვნული საგანძურის ნუსხაშია შეყვანილი.

ემანუელ მაკრონმა გაბრიელ ატალს თანამდებობაზე დროებით დარჩენა სთხოვა

1720441992

საფრანგეთს პრემიერ-მინისტრი ელისეს სასახლეში იმყოფება, სადაც პრეზიდენტს სთხოვა, დაეკმაყოფილებინა გადადგომა არჩევნებში დამარცხების შემდეგ.მაკრონმა მადლობა გადაუხადა ატალს ევროპული და ეროვნული საკანონმდებლო საარჩევნო კამპანიისთვის, რომელსაც ის ხელმძღვანელობდა. 

მარინ ლე პენის ულტრამემარჯვენე პარტია არჩევნების მეორე ტურში მესამე ადგილზე გავიდა

1720380229

Ifop-ის ეგზიტპოლის მიხედვით, მოულოდნელად, პირველ ადგილს არჩევნებში ულტრამემარცხენე "ახალი სახალხო ფრონტი" იკავებს, რომელსაც 180-დან 215-მდე ადგილის მიღება შეუძლია. მეორე ადგილზეა ემანუელ მაკრონის საპრეზიდენტო კოალიცია 150-180 მანდატით. ხოლო ლე პენის პარტია უკვე მესამე ადგილზეა და მხოლოდ 120-150 მანდატის იმედი შეიძლება ჰქონდეს.ამ სამი პარტიიდან ვერცერთი ვერ იღებს პარლამენტში აბსოლუტურ უმრავლესობას, რაც იმას ნიშნავს, რომ მათ მოუწევთ კოალიციაზე მოლაპარაკება.ივნისის დასაწყისში, საფრანგეთის პრეზიდენტმა ემანუელ მაკრონმა, ევროპარლამენტის არჩევნებში მისი პოლიტიკური წარუმატებლობის შემდეგ ვადამდელი არჩევნები დანიშნა.ვინაიდან საპარლამენტო არჩევნები საფრანგეთში მაჟორიტარული სისტემით მიმდინარეობს, ისინი ორ ტურად ტარდება. პირველი ტური 30 ივნისს გაიმართა, მეორე - დღეს.

"მარკ რუტე იქნება ნატოს შესანიშნავი გენერალური მდივანი, მე მას მრავალი წელია, ვიცნობ"

1720351514

"მე მას მრავალი წელია, ვიცნობ. მთელი ამ წლების განმავლობაში ის კონსენსუსის მიღწევისადმი თავის შესაძლებლობას აჩვენებდა“, – განაცხადა იენს სტოლტენბერგმა.მარკ რუტე თანამდებობას პირველი ოქტომბრიდან მას შემდეგ დაიკავებს, რაც იენს სტოლტენბერგის მანდატი ამოიწურება.

სომხეთში სომხურ-ამერიკული ერთობლივი წვრთნები გაიმართება

1720262031

როგორც სომხეთის თავდაცვის სამინისტროში აცხადებენ, საერთაშორისო სამშვიდობო მისიებში მონაწილეობისთვის მზადების ფარგლებში, სწავლება – Eagle Partner 2024 15-დან 24 ივლისამდე პერიოდში ჩატარდება.სწავლებებში მონაწილეობას მიიღებენ სომხეთის შეიარაღებული ძალების მშვიდობისმყოფელ ბრიგადაში მომსახურე ჯარისკაცები, ასევე ევროპასა და აფრიკაში აშშ-ის სახმელეთო ძალების წარმომადგენლები და კანზასის ეროვნული გვარდია.წვრთნების მიზანია სამხედრო დანაყოფების ურთიერთქმედების ხარისხის გაზრდა, ასევე სამშვიდობო ოპერაციების მართვასა და ტაქტიკური კომუნიკაციაში გამოცდილების გაზიარება და სომხეთის შეიარაღებული ძალების საბრძოლო მზადყოფნის გაძლიერება.სწავლება Eagle Partner სომხეთში პირველად 2023 წელს ჩატარდა.

ირანის საპრეზიდენტო არჩევნებში მასუდ პეზეშკიანმა გაიმარჯვა

1720251306

ცენტრალური საარჩევნო კომისიის მონაცემებით, პეზეშკიანმა 16 მილიონზე მეტი ხმა მიიღო, საიდ ჯალილმა კი 13 მილიონზე მეტი.ამომრჩეველთა აქტივობამ ირანის საპრეზიდენტო არჩევნების მეორე ტურში თითქმის 50% შეადგინა, რაც 1979 წლის ისლამური რევოლუციის შემდეგ ყველაზე დაბალი მაჩვენებელია.ექსპერტების შეფასებით, დაბალი აქტივობა ისლამური რესპუბლიკის მიმართ უნდობლობის გამოხატულებაა.პეზეშკიანმა საარჩევნო კამპანიის დროს ამომრჩეველთან დასავლეთთან ურთიერთობების გაუმჯობესებისა და ირანელების თავისუფლებების გაფართოების პირობა დადო. საარჩევნო პროგრამაში მან აშშ-თან ურთიერთობების გადახედვაზე გააკეთა აქცენტი და ირანელი ქალების უფლებების გაუმჯობესებაზე გაამახვილა ყურადღება. ამასთან ერთად, პეზეშკიანმა ირანის სულიერი ლიდერის აიათოლა ხამენეის მიმართ ლოიალურობა დაადასტურა.ირანში ვადამდელი არჩევნები ქვეყნის ყოფილი პრეზიდენტის იბრაჰიმ რაისის ავიაკატასტროფაში დაღუპვის გამო გაიმართა. 

ორბანი მოსკოვში ჩავიდა

1720173861

მისი პრესმდივნის ინფორმაციით, ორბანი რუსეთის პრეზიდენტ ვლადიმერ პუტინს შეხვდება.1 ივლისს დაიწყო უნგრეთის ექვსთვიანი თავმჯდომარეობა ევროკავშირის საბჭოში, ხოლო მეორე დღეს ორბანი ეწვია კიევს ბოლო 12 წლის განმავლობაში პირველი ვიზიტით, სადაც შეხვდა პრეზიდენტ ვოლოდიმირ ზელენსკის.ევროპული საბჭოს პრეზიდენტმა შარლ მიშელი აცხადებს, რომ უნგრეთს, რომელიც ამჟამად ევროკავშირის საბჭოს თავმჯდომარე ქვეყანაა, არ აქვს უფლებამოსილება აწარმოოს დიალოგი რუსეთთან ევროკავშირის სახელით. 

ბრიტანეთს ახალი პრემიერ-მინისტრი ეყოლება

1720171296

 სერ კირ როდნი სტარმერი დაიბადა ლონდონში 1962 წლის 2 სექტემბერს. მისი დაბადებიდან მალევე ოჯახი საცხოვრებლად ოქსტედში გადავიდა. დედამისი ჯანდაცვის ეროვნულ სამსახურში მუშაობდა, მამა კი ლითონის გადამმუშავებელ ქარხანაში, რასაც პოლიტიკოსი ხშირად იმეორებდა წინასაარჩევნო კამპანიის დროს.ბავშვობაში სწავლობდა ლონდონის გილდჰოლის მუსიკისა და დრამის სკოლაში, სადაც მიიღო სტიპენდია, იყო ფლეიტისტი. გარდა ამისა, სტარმერმა ასევე მიიღო ედინბურგის ჰერცოგის ოქროს ჯილდო. ის ასევე გახდა მისი ოჯახის პირველი წევრი, რომელიც კოლეჯში ჩაირიცხა.სტარმერმა მოგვიანებით დაამთავრა ლიდზის უნივერსიტეტი სამართლის ბაკალავრის ხარისხით. შემდეგ სწავლობდა სამართალს ოქსფორდის უნივერსიტეტის სენტ ედმუნდ ჰოლში, სადაც მიიღო ბაკალავრის ხარისხი სამოქალაქო სამართალში.1987 წელს მიიღეს ადვოკატთა კოლეგიაში და სპეციალიზებული იყო ადამიანის უფლებებში, მუშაობდა ჰელენ კენედის და ჯეფრი რობერტსონის ხელმძღვანელობით.1990 წლამდე მუშაობდა უფლებადამცველ Liberty-ის ინტერესთა ჯგუფში, შემდეგ Doughty Street Chambers-ში. სტარმერი ასევე მუშაობდა ესექსის უნივერსიტეტის ადამიანის უფლებათა ცენტრში, როგორც მთავარი პოლიციის ოფიცრების ასოციაციის ადამიანის უფლებათა მრჩეველი და ჩრდილოეთ ირლანდიის პოლიციის განხილვის საბჭოს მრჩეველი ადამიანის უფლებათა დაცვის სფეროში.სტარმერი 2002 წელს დაინიშნა დედოფლის მრჩევლად და 2008 წლიდან 2013 წლამდე ხელმძღვანელობდა სამეფო პროკურატურის სამსახურს.პოლიტიკური კარიერის დაწყებამდე სერ სტარმერმა ადვოკატის კარგი რეპუტაცია მოიპოვა. 2015 წელს ის აირჩიეს თემთა პალატაში ჩრდილოეთ ლონდონის კამდენის ოლქიდან, მიიღო ხმების 52,9%. მომდევნო წელს ოქტომბერში "ლეიბორისტული პარტიის" ლიდერმა ჯერემი კორბინმა შეცვალა თავისი ჩრდილოვანი კაბინეტი, მათ შორის დანიშნა სტარმერი ევროკავშირიდან გასვლის ჩრდილოვან მინისტრად.2019 წლის სექტემბერში, ლეიბორისტების კონფერენციაზე, სტარმერმა წარუმატებლად მოითხოვა პარტიის ცალსახა პოზიცია ევროკავშირში ბრიტანეთის წევრობის შესანარჩუნებლად, რაც ეწინააღმდეგებოდა კორბინის "ნეიტრალურ“ კურსს ამ მხრივ.2020 წელს სტარმერი "ლეიბორისტული პარტიის" ხელმძღვანელი გახდა მას შემდეგ, რაც მისი წინამორბედი კორბინი გადადგა.სტარმერი იყო ბრიტანეთის გადაწყვეტილების ძლიერი მოწინააღმდეგე ევროკავშირის დატოვების შესახებ, მაგრამ ახლა ამტკიცებს, რომ "ლეიბორისტული მთავრობა" არ შეეცდება ამ გადაწყვეტილების შეცვლას.გასული წლის თებერვალში ბრიტანეთის ოპოზიციური ლეიბორისტული პარტიის ლიდერი მოულოდნელი ვიზიტით კიევში ჩავიდა. ეს იყო მისი პირველი ვიზიტი უკრაინის დედაქალაქში. შემდეგ იგი ეწვია ბუჩას, სრულმასშტაბიანი აგრესიის დროს რუსული ომის დანაშაულის ერთ-ერთ ადგილს.ვიზიტის დროს ლეიბორისტების ლიდერმა განაცხადა, რომ უკრაინას ყოველთვის ექნება მისი პარტიის "ურყევი მხარდაჭერა".აღსანიშნავია, რომ მიმდინარე წლის მაისში უკრაინის დედაქალაქში ჩავიდნენ ლეიბორისტების წევრები დევიდ ლემი და ჯონ ჯილი, რომლებსაც მათი პარტიის გამარჯვების შემდეგ შეუძლიათ საგარეო საქმეთა და თავდაცვის მინისტრები გახდნენ. მათი განცხადებით, ბრიტანეთი გააგრძელებს უკრაინის მხარდაჭერას რუსეთის ფედერაციასთან ომში.ადვოკატად მუშაობისას სტარმერმა გაიცნო მეუღლე ვიქტორია, რომელზეც 2007 წელს დაქორწინდა. ჰყავთ ორი შვილი.სტარმერი ფეხბურთის გულშემატკივარია, მან ადრე სამოყვარულო დონეზე ითამაშა გუნდში - Homerton Academicals. გარდა ამისა, ის ასევე არის ინგლისის პრემიერ ლიგის კლუბ "არსენალის" გულშემატკივარი.ბოლო მონაცემებით, დიდი ბრიტანეთის არჩევნებში ოპოზიციური "ლეიბორისტული პარტია"  იღებს 410 ადგილს ბრიტანეთის პარლამენტის ქვედა პალატაში - აბსოლუტური უმრავლესობისთვის საჭიროა 326. ბრიტანეთის ამჟამინდელმა პრემიერ-მინისტრმა რიში სუნაკმა უკვე აღიარა დამარცხება და განაცხადა, რომ ლეიბორისტებმა გაიმარჯვეს. 

"ლეიბორისტულმა პარტიამ" გაიმარჯვა, ძალაუფლება მოწესრიგებულად და მშვიდობიანად შეიცვლება"

1720164317

"ამ არჩევნებში „ლეიბორისტულმა პარტიამ“ გაიმარჯვა. დღეს ძალაუფლება მოწესრიგებულად და მშვიდობიანად შეიცვლება. ეს არის ბრიტანელი ხალხის მიერ გამოტანილი განაჩენი ჩვენს გამოსაფხიზლებლად. ბევრი რამ არის სასწავლი და დასაფიქრებელი. მე ვიღებ პასუხისმგებლობას ამ დანაკარგზე“, – განაცხადა სუნაკმა.ეგზიტპოლის მიხედვით, "კონსერვატორების“ 14-წლიანი მმართველობის შემდეგ ვადამდელ არჩევნებში "ლეიბორისტულმა პარტიამ" გაიმარჯვა."ლეიბორისტები" 410 მანდატს მოიპოვებენ, კონსერვატორები კი მხოლოდ 131 მანდატს, ქვეყნის პრემიერ-მინისტრი კი "ლეიბორისტების" ლიდერი კირ სტრამერი გახდება.