გია ხუროშვილი - საფლავში გინდათ საიდუმლო წაიღოთ! დროულად თქვით რა არის სიმართლე

"ბატონო პრეზიდენტო, შენ რომ წამების მსხვერპლი არ იყო და ძლევამოსილი პრეზიდენტის პედასტალზე იდგე, ერთი დღე აღარ ვიქნებოდი შენი  მხარდამჭერი!არასწორად მიმაჩნია კიდევ  ქარაგმებით საუბარი და ენმ-ის გულშემატკივარი ხალხის ნერვებზე თამაში და კიდევ უფრო მეტი დაბნეულობის შემოტანა პარტიაში!საფლავში გინდათ საიდუმლო წაიღოთ! იცოდეთ, ასეც მოხდება და ბევრი ადამიანი განაწყენებული დაგრჩებათ!დროულად თქვით რა არის სიმართლე და იქნებ ამ სიმართლის გარშემო გავერთიანდეთ ერიც და ბერიც!.....დავიღალე ამ ქარაგმებით, თქვენ არ დაიღალე ამ წამებით და უძრაობის ჭაობში ყოფნით?!კმარა! - სიმართლე ყველამ უნდა ვიცოდეთ!პ.ს.ამჯერად ვინ გაგყიდათ ძალიან მაინტერესებს. ჩვენი ბოლო შეხვედრაც მახსოვს და თქვენი ოპტიმიზმიც. ვინ იდგა ამ ღალატის მიღმა?!ამ ინტრიგების და ქარაგმების მსხვერპლი ხართ დღემდე! - საზოგადოება დაბნეული შემოგყურებთ! მე პირადად არ მინდა ვინმეს მარიონეტი ვიყო!", - წერს ხუროშვილი.

"ბიძინა ივანიშვილის მტერი, ვერც შიდა და ვერც გარე, ვერ იქნება საქართველოს კეთილის მსურველი"

"შეიძლება აქა-იქ არიან ვიღაცები, ვინც არ აფასებენ ქველმოქმედ ღირსეულ ადამიანებს, რომლებსაც უყვართ სამშობლო და აკეთებენ ბევრ კარგ და კეთილ საქმეს, მაგრამ კატეგორია, რომელიც ბიძინა ივანიშვილის მიმართ არის კრიტიკულად განწყობილი, იღებს დამსახურებულ ზიზღს საქართველოს მოსახლეობის უმრავლესობისგან!  ქართველები დაუნახავები და უსამშობლოები არ ვართ! გვყავს ერის შემარცხვენელი აგენტები, ომის პარტიის მონები, მაგრამ საბედნიეროდ, ძალიან ცოტა!ბიძინა ივანიშვილის მტერი, ვერც შიდა და ვერც გარე, ვერ იქნება საქართველოს კეთილისმსურველი. მისი მტრობა ავტომატურად ნიშნავს, რომ არ გინდოდეს მშვიდობა, ქვეყნის გამთლიანება, გაძლიერება და განვითარება!მე პირადად, როგორც ერთ-ერთი მოქალაქე, არასდროს არ გავატარებ ერისკაცზე აუგის თქმას და კიდევ ერთხელ შეგახსენებთ, რომ ჩემნაირად ფიქრობს მოსახლეობის ძალიან დიდი ნაწილი და იძულებულს ნუ გაგვხდით ქართველებს, რომ თავი გაგაცნოთ!", - წერს სამხარაძე.

"რას არ მოესწრები კაცი! ბიძინა ევროპას სთხოვს დახმარებას"

"რას არ მოესწრები კაცი!ბიძინა ევროპას სთხოვს დახმარებას: "პოლიტიკურად მდევნიანო", - წერს ბურჭულაძე.CS Victims გამოქვეყნებულ სტატიის თანახმად, ბიძინა ივანიშვილი ადასტურებს პოლიტიკურ ზეწოლას Credit Suisse-თან სამართლებრივ დავაში.

"ვიღაცა გაურკვეველი ტიპები რაღაცა სანქციებით მემუქრებიან, შეაშინეთ ბებიათქვენი"

“ვიღაცა გაურკვეველი ტიპები რაღაცა სანქციებით მემუქრებიან, ჩამონათვალიც გამომიგზავნეს. ღმერთო, რა კუჭზე და დროსტარებაზე ორიენტირებული ხალხია, მემუქრებიან, ვერ იმოგზაურებ, ფული არ გექნება, საჭმელს ვერ შეჭამ საშვილიშვილოდო. ეგ თქვენ გადარდებთ, ცაკალელებო. მაგ ჩამონათვალში რომ ყოფილიყო სამშობლოზე, სარწმუნოებაზე და ენაზე უარის თქმა, მაშინ ნამდვილად ვიდარდებდი. რა ცუდად მიცნობთ. შეაშინეთ ბებიათქვენი”- წერს ნინო ნადირაძე.

"არ არსებობს ორი რუსეთი, ის ერთია და რუს ხალხს ეკუთვნის, მათია ყველა ინტელექტუალური საკუთრება და აქვთ უფლება ამით იამაყონ, მაგრამ ასევე მათია ის ბომბებიც"

"უკრაინაში საშინელი ომის პარალელურად, აქტიურად მიდის საუბარი რომ არ უნდა თქვათ უარი ჩაიკოვსკიზე, ასეთი ჩამონათვალი დიდია, ნიკოლოზ რიმსკი-კორსაკოვი, შოსტაკოვიჩი,ანტონ ჩეხოვი, მაქსიმ გორკი, დოსტოევსკი, და სხვანი...როდესაც უკრაინაში იღუპებიან ბავშვები, ორსული ქალები, მოხუცები, მოსახლეობა, რომელსაც 24 თებერვლის შემდეგ წუთში შეეცვალა რეალობა, განადგურებულია ქალაქები, ინფრასტრუქტურა, მკაცრი ზამთრის პირობებში ელ. ენერგია და გათბობა მასიურად პრობლემაა, ამ ფონზე ადამიანები და განსაკუთრებით მოხუცები არ ტოვებენ სახლებს და რჩებიან უიარაღოდ სასტიკი სიკვდილის პირისპირ. ირგვლივ არაფერი ისმის განგაშის სირენებისა და ბომბების ხმის გარდა.ცივილიზებული სამყარო ცდილობს დაეხმაროს უკრაინას იარაღით და ყველა საჭირო საშუალებით, რათა გაიმარჯვოს სიკეთემ ბოროტებაზე და ამ ყველაფრის გაკეთება გვინდა ჩაიკოვსკის, შოსტაკოვიჩის ფონზე.ვისურვებდი იმ პროგრესულ და ინტელექტუალ ადამიანებს, რომლებმაც ვერ შეძლეს თავისუფლების ხმა მიეწვდინა მსოფლიოსთვის, იპოვონ ძალა და პირველ რიგში საკუთარ ქვეყანაში რუს ხალხს მიაწვდინონ ხმა მშვიდობის, თავისუფლების და სიყვარულის კაცთა შორის, შემდეგ კი მსოფლიოს ერთიანი პოზიციით და მომავლის იმედით დასრულდეს ომი, რომელმაც უამრავი სიცოცხლე შეიწირა და თუ ისინი მზად არიან სამუდამოდ ვერ გაიგონ უმაღლესი კლასის მსოფლიო მუსიკა, იქნებ მსოფლიომაც გამონახოს ძალა და როგორც ერთ-ერთი ბერკეტი, თქვას დროებით უარი რუსულ კულტურასა თუ ხელოვნებაზე!- მსოფლიოს მუსიკალურ და თეატრალურ საზოგადოებას უფლება აქვს, პროტესტის ნიშნად აგრესორს უთხრას, რომ თუ მათთვის ადამიანის სიცოცხლე არაფერს ნიშნავს, მაშინ ფასი არ აქვს მათ შემოქმედებას.ეს იქნება ძლიერი, თავისუფალი სამყაროს საპროტესტო ხმა!არ არსებობს ორი რუსეთი, ის ერთია და რუს ხალხს ეკუთვნის, მათია ყველა ინტელექტუალური საკუთრება და აქვთ უფლება ამით იამაყონ, მაგრამ ასევე მათია ის ბომბები, რომელთა აფეთქების ხმა ყოველდღიურად ანადგურებს გმირი უკრაინელი ხალხის მატერიალურ საკუთრებას, მაგრამ ვერაფერს აკლებს მათ შემართებას თავისუფლებისთვის ბრძოლაში! მე არ ვაწვდი ბომბებს უკრაინელ ხალხს, მაგრამ ვაწვდი ჩემთვის ყველაზე მთავარს და ძვირფასს, ხმას თავისუფლებისთვის!!!დღეს ამ ბრძოლის ფონზე, თავისუფალების ხმა და გაუტეხელობის სიმბოლო პრეზიდენტი ზელენსკია უკრაინელ ხალხთან ერთად! გილოცავთ პრეზიდენტო დაბადების დღეს!დღეს, თქვენი ხმა არის თავისუფლებისთვის მებრძოლი ადამიანების მარადიული ხმა! მსოფლიოს ვუსურვებ მალე მოესმინოს თქვენგან: ომი დასრულდა, უკრაინა გამარჯვებულია! უკრაინის გამარჯვება კი მსოფლიოს ახალი წესებით თავისუფლებას ნიშნავს! დიდება და გამარჯვება უკრაინას!", - წერს ნინო ქათამაძე.