ექსკლუზივი

პოლიტიკა

ბიზნესი და ეკონომიკა

40+ პროექტი, 500 000-ზე მეტი ბენეფიციარი - გაეცანით "საქართველოს ბანკის" მიერ შექმნილ განათლების შესაძლებლობებს

1794923948

საქართველოს ბანკის საგანმანათლებლო მიმართულება 40-ზე მეტ პროექტს აერთიანებს და ოთხ ძირითად პრიორიტეტს ეფუძნება: საგანმანათლებლო ინფრასტრუქტურის გაუმჯობესებას, ხარისხიან განათლებაზე ხელმისაწვდომობის ზრდას, STEM განათლების ხელშეწყობასა და ფინანსური წიგნიერების განვითარებას.აღმოაჩინე საქართველოს ბანკის მიერ შექმნილი განათლების შესაძლებლობები:იდეათეკებიიდეათეკა მულტიფუნქციური საგანმანათლებლო სივრცეა, რომელიც მოსწავლეებს აძლევს წვდომას წიგნებზე, ტექნოლოგიებსა და მრავალფეროვან საგანმანათლებლო რესურსებზე. პროექტი განსაკუთრებით მნიშვნელოვანია რეგიონებისთვის, მათ შორის მაღალმთიანი, საზღვრისპირა და ეთნიკური უმცირესობებით დასახლებული დასახლებებისთვის. დღეს საქართველოს ბანკის იდეათეკები 11 რეგიონის 30 სკოლაში ფუნქციონირებს.ინიციატივის ფარგლებში, იდეათეკები უკვე 23 000-ზე მეტი მოსწავლისთვის ქმნის განათლების შესაძლებლობებს.საქართველოს ბანკის სტიპენდიები ადგილობრივ უნივერსიტეტებშისაქართველოს ბანკი ბაკალავრიატის სტუდენტებისთვის 24 პარტნიორ უნივერსიტეტში სასტიპენდიო პროგრამას ახორციელებს. პროგრამის ფარგლებში კი ახალგაზრდებს შესაძლებლობას აძლევს, მიიღონ სწავლის სრული დაფინანსება.საქართველოს ბანკის სასტიპენდიო პროგრამაზე განაცხადების მიღება მიმდინარეობს და 30 ნოემბერს დასრულდება. დეტალური ინფორმაციისთვის ეწვიეთ ვებგვერდს.გიორგი ჩახავას სახელობის სტიპენდია მომავალი არქიტექტორებისთვისსაქართველოს ბანკის სათავო ოფისის ავტორის, გიორგი ჩახავას სახელობის სტიპენდია არქიტექტურისა და მასთან დაკავშირებული სფეროების სტუდენტებს პროფესიული განვითარების შესაძლებლობას აძლევს. ინიციატივის ფარგლებში, სტუდენტებს შესაძლებლობა აქვთ, მიიღონ სწავლის სრული  დაფინანსება ოთხ პარტნიორ უნივერსიტეტში.საქართველოს ბანკის გიორგი ჩახავას სახელობის სასტიპენდიო პროგრამაზე განაცხადების მიღება მიმდინარეობს და 30 ნოემბერს დასრულდება. დეტალური ინფორმაციისთვის ეწვიეთ ვებგვერდს.საქართველოს ბანკის ინიციატივის ფარგლებში, უკვე გამოვლინდა 500-ზე მეტი სტიპენდიატი.ბანკი ასევე ქმნის საერთაშორისო განათლების შესაძლებლობებს. ყოველწლიურად, საქართველოს ბანკი Fulbright-ის, Chevening-ის, ნიკა გუჯეჯიანის სახელობის სასტიპენდიო პროგრამის და UWC-ის სასტიპენდიო პროგრამის ფარგლებში საკუთარ სტიპენდიატებს ავლენს.საერთაშორისო სასტიპენდიო პროგრამების ფარგლებში უკვე გამოვლინდა საქართველოს ბანკის 60-ზე მეტი სტიპენდიატი.AI სტიპენდია გოგოებისთვისხელოვნური ინტელექტის განვითარებასთან ერთად, საქართველოს ბანკმა პარტნიორ ორგანიზაციებთან და აკადემიებთან ერთად გოგოებისთვის სპეციალური AI სტიპენდია შექმნა. პროგრამა მონაწილეებს შესაძლებლობას აძლევს, ისწავლონ ხელოვნური ინტელექტი და აღმოაჩინონ ახალი პროფესიული შესაძლებლობები სრული დაფინანსებით.AI სასტიპენდიო პროგრამაზე მიღება მიმდინარეობს და 25 ნოემბერს დასრულდება. რეგისტრაციისთვის ეწვიეთ ვებგვერდს.სტიპენდია პროფესიულ აკადემიებშიიმ ადამიანებისთვის კი, რომლებსაც პროფესიის შეცვლა, ახალი უნარების შეძენა ან კვალიფიკაციის ამაღლება სურთ, საქართველოს ბანკი პროფესიული განათლების სასტიპენდიო პროგრამას ახორციელებს და საქართველოს ნებისმიერ მოქალაქეს აძლევს შესაძლებლობას, სრული დაფინანსებით შეისწავლონ ახალი პროფესიები 20-ზე მეტ პარტნიორ აკადემიაში.  2026 წლიდან პროგრამა სკოლის მოსწავლეებისთვისაც აძლევს შესაძლებლობას, 10-ზე მეტ კურსზე სრული დაფინანსებით ისწავლონ.სასტიპენდიო პროგრამაზე მიღება 24 ნოემბერს დასრულდება. რეგისტრაციისთვის ეწვიეთ ვებგვერდს.STEM სკოლასაქართველოს ბანკი კომაროვის სკოლასთან თანამშრომლობით STEM სკოლის პროექტს ახორციელებს, რომელიც მოსწავლეებს საბუნებისმეტყველო მეცნიერებების, ტექნოლოგიების, ინჟინერიისა და მათემატიკის მიმართულებით ცოდნის გაღრმავებაში ეხმარება.STEM სკოლაში 3000-ზე მეტი მონაწილე ჩაერთო, რომელთაგან 700-ზე მეტი საქართველოს ბანკის სტიპენდიატია.TUMO ქუთაისისაქართველოს ბანკის მხარდაჭერით, ქუთაისში TUMO-ს ცენტრი გაიხსნა, რომელიც 12-18 წლის ახალგაზრდებს შესაძლებლობას აძლევს, მიიღონ ცოდნა ტექნოლოგიებისა და კრეატიული ინდუსტრიის მიმართულებით, 11 კურსიდან ერთ-ერთზე. მათ შორის, ახალგაზრდებს აქვთ შესაძლებლობა, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა. TUMO ქუთაისში უკვე 600-მა ახალგაზრდამ დაიწყო სწავლა.TUMO ქუთაისში მიღება უწყვეტ რეჟიმში მიმდინარეობს, დეტალური ინფორმაციის მისაღებად ეწვიეთ ვებგვერდს.Code ITსაქართველოს ბანკი, საქართველოს ინოვაციების და ტექნოლოგიების სააგენტოსთან (GITA) პარტნიორობით 2023 წლიდან Code IT-ის პროგრამას ახორციელებს, რომლის ფარგლებშიც, მთელი საქართველოს მასშტაბით, მოსწავლეებს პროგრამირების საბაზისო უნარების განვითარების შესაძლებლობას აძლევს. სწავლება რეგიონების ტექნოპარკებში მიმდინარეობს. ინიციატივის შესახებ დეტალური ინფორმაციის მისაღებად ეწვიეთ ვებგვერდს.ფინანსური წიგნიერება2026 წელს საქართველოს ბანკის ფინანსური განათლების სასერტიფიკატო ტრენინგი 600-ზე მეტმა მონაწილემ გაიარა. ტრენინგები განკუთვნილია მასწავლებლებისთვის, სტუდენტებისა და მშობლებისთვის.საქართველოს ეროვნულ ბანკთან პარტნიორობით მხარდაჭერილია მოსწავლეებისა და მასწავლებლების ფინანსური განათლების კონკურსები, დესპანებისა და ფინანსური ავტობუსის პროექტები. ფინანსური განათლების კურსი დაინერგა ორ უნივერსიტეტშიც, სადაც ის 100-ზე მეტმა სტუდენტმა გაიარა.ახალგაზრდებთან ფინანსური ცოდნის გასავრცელებლად გამოიყენება sCoolApp-ის საგანმანათლებლო თამაში TRIVIA. 2026 წელს თამაშში მომხმარებლების 75%-მა მიიღო მონაწილეობა. თამაშის თემებს შორისაა დაზოგვა, პასუხისმგებლიანი ხარჯვა, პირადი ბიუჯეტის დაგეგმვა და კიბერუსაფრთხოება.თბილისის წიგნის დღეებისაქართველოს ბანკი უკვე სამი წელია მხარს უჭერს „თბილისის წიგნის დღეებს“. 2023 წლიდან ღონისძიებას 150 000-ზე მეტი ადამიანი დაესწრო, სადაც მათ ჰქონდათ შესაძლებლობა, ესარგებლათ სპეციალურად მათთვის შექმნილი შეთავაზებებით. პროექტის შესახებ დეტალური ინფორმაციისთვის ეწვიეთ თბილისის წიგნის დღეების გვერდს.მასწავლებლის ეროვნული ჯილდოსაქართველოს ბანკი მეორე წელია მასწავლებლის ეროვნული ჯილდოს მთავარი მხარდამჭერია. პროექტი გლობალური კამპანიის ნაწილია, რომელიც მასწავლებლის, როგორც პროფესიის, პოპულარიზაციას ისახავს მიზნად და წარმატებული პედაგოგების გამოვლენასა და მათ წარდგენას ითვალისწინებს საზოგადოებისთვის. პროექტის შესახებ დეტალური ინფორმაციის მისაღებად ეწვიეთ ვებგვერდს.ეს საქართველოს ბანკის მიერ განხორციელებული ინიციატივების მხოლოდ ნაწილია. ვრცლად CSR ანგარიში ხელმისაწვდომია ბმულზე.

მიიღე ფულადი გზავნილი და მოიგე 10 000 ლარი - "საქართველოს ბანკის" ახალი გათამაშება დაიწყო

1794906052

თუ საქართველოს საზღვრებს გარეთ ცხოვრობთ, გაუგზავნეთ გზავნილი საკუთარ თავს გზავნილების პუნქტიდან, გაანაღდეთ თანხა მობილბანკით ან ინტერნეტბანკით და მიიღეთ შანსი მოხვდეთ გამარჯვებულებს შორის.კამპანიის ფარგლებში, ყოველდღიურად ყოველი მე-1000 მომხმარებელი 300 ლარი მიიღებს. ამასთან, ყოველ კვირას 1,000 ლარს მიიღებს ის მომხმარებელი, რომელიც კვირის განმავლობაში ყველაზე მეტი რაოდენობის გზავნილს გაანაღდებს. გათამაშების დასრულების შემდეგ კი სამი მომხმარებელი სუპერპრიზს - 10,000 ლარს მიიღებს.გამარჯვებულები სამი განსხვავებული კრიტერიუმით გამოვლინდებიან. პრიზები გადაეცემა მომხმარებლებს, რომლებიც:ყველაზე დიდი მოცულობის თანხის გზავნილს მიიღებენ;ყველაზე მეტი რაოდენობის გზავნილს გაანაღდებენ;ყველაზე დიდი მოცულობის თანხას საკუთარ თავთან გზავნილის სახით გაანაღდებს.გათამაშებაში მონაწილეობს MoneyGram-ის, Western Union-ის, RIA-ს, InteliExpress -ისა და Ricogram-ის ფულადი გზავნილები. პრიზების მისაღებად საჭიროა, მომხმარებელმა მობილბანკის საშუალებით მინიმუმ 300 ლარის, 300 ევროს ან 300 აშშ დოლარის ოდენობის გზავნილი გაანაღდოს.ასე რომ, მიიღეთ ფულადი გზავნილი, ჩაერთეთ გათამაშებაში და მიიღეთ 10,000 ლარის მოგების შანსი!მეტი ინფორმაციისთვის ეწვიეთ ბმულს.

ბრაზილიური სილამაზის ბრენდი Sol de Janeiro სრული ასორტიმენტი უკვე ოფიციალურად PSP-შია

1794896040

ბრენდის საკულტო პროდუქტებთან ერთად, მომხმარებელს შესაძლებლობა აქვს გაეცნოს მთავარ სიახლეს - Intense Perfume Mist-ის კოლექციას, რომელიც ოთხ განსხვავებულ არომატს აერთიანებს და საყვარელ სურნელებს უფრო ინტენსიურ, 10 საათამდე მდგრად ეფექტს სძენს.კოლექციაში წარმოდგენილია Cheirosa 62 Intense - ფისტის, ვანილისა და ქარვის თბილი ნოტებით; Cheirosa 59 Intense -თეთრი ორქიდეის, სანდალოზისა და ქარვის ნაზი კომპოზიციით; Cheirosa 91 Intense - ვარდის, ლიჩისა და ქარვის ყვავილოვანი არომატით და Cheirosa 74 Intense - ანანასის, ფორთოხლის ყვავილისა და ქარვის ტკბილი ნოტებით.Sol de Janeiro ბრაზილიური ცხოვრების სტილით, მზის ენერგიითა და სხეულის სიყვარულის კულტურით შთაგონებული ბრენდია. მისი ერთ-ერთი ყველაზე ცნობილი პროდუქტი Brazilian Bum Bum Cream-ია, რომლის Cheirosa 62 არომატი მოხალული ფისტის, მარილიანი კარამელისა და ვანილის გამორჩეული კომბინაციით ბრენდის სავიზიტო ბარათად იქცა.Intense Perfume Mist-ის ახალი ფორმატი კლასიკურ მისტებს არ ანაცვლებს, არამედ საყვარელი არომატების უფრო ინტენსიურ ინტერპრეტაციას წარმოადგენს. მომხმარებელს შეუძლია ორივე ფორმატი ცალ-ცალკე ან კომბინირებულად გამოიყენოს და საკუთარი განწყობის შესაბამისი სურნელი შექმნას.Sol de Janeiro-ს ასორტიმენტი ყოველდღიური თავის მოვლის სრულ რიტუალს აერთიანებს, სხეულისა და თმის სურნელოვანი მისტები კი გამორჩეულს ხდის, რათა საყვარელი არომატი ყოველდღიურობის განუყოფელ ნაწილად იქცეს.განსაკუთრებული ყურადღება ბრენდის სასაჩუქრე ნაკრებებს ეკუთვნის, რომლებიც მის საკულტო პროდუქტებსა და საყვარელ არომატებს ერთ კომპლექტში აერთიანებს. გამორჩეული შეფუთვით და შერჩეული პროდუქტებით, Sol de Janeiro-ს სასაჩუქრე ნაკრებები განკუთვნილია მათთვის ვისაც სურს, საყვარელ ადამიანებს ბრაზილიური სითბო, სილამაზისა და თავის მოვლის პატარა დღესასწაული აჩუქოს.„PSP საქართველოს ფარმაციის ლიდერი ბრენდია, რომელიც 30 წელზე მეტია მომხმარებელს ჯანმრთელობის, სიჯანსაღისა და სილამაზის პროდუქტების ფართო არჩევანს სთავაზობს. კომპანია მსოფლიოს 100-ზე მეტი ცნობილი თავის მოვლისა და კოსმეტიკური ბრენდის ოფიციალური პარტნიორია და მუდმივად აფართოებს ასორტიმენტს მომხმარებლის ინტერესებისა და საერთაშორისო ტენდენციების შესაბამისად.ამჯერად მომხმარებელს სრულიად განსხვავებული, ბრაზილიური სილამაზის კულტურითა და გამორჩეული არომატებით შთაგონებული ბრენდის - Sol de Janeiro-ს აღმოჩენის შესაძლებლობას ვთავაზობთ. საკულტო პროდუქტებთან ერთად, PSP-ში წარმოდგენილი იქნება ბრენდის სიახლეებიც, რომლებიც სხეულისა და თმის მოვლის ყოველდღიურ რუტინას კიდევ უფრო სასიამოვნოს გახდის“,- აცხადებენ PSP-ში.Sol de Janeiro-ს სრული ასორტიმენტი მომხმარებლებისთვის ხელმისაწვდომია PSP-ის აფთიაქებსა და ონლაინ მაღაზიაში მთელი საქართველოს მასშტაბით. 

Euromoney-მ თიბისისა და "ვისოლის" ერთობლივი პროექტი საუკეთესოდ აღიარა

1794829809

თვითმომსახურების სადგურებზე მომხმარებლები საწვავის საფასურს სპეციალური აპარატების მეშვეობით იხდიან - როგორც ნაღდი ფულით, ისე საბანკო ბარათით. აპარატები თიბისის ერთიან საბანკო სისტემაშია ჩართული, შესაბამისად, ნაღდი ფულის მართვა სრულად თიბისის პასუხისმგებლობაა. ბანკი ასევე უზრუნველყოფს საინკასაციო მომსახურებას საჭიროების მიხედვით. შედეგად, „ვისოლს“ აღარ უწევს ნაღდი ფულის დამუშავებასა და მასთან დაკავშირებულ საოპერაციო პროცესებზე ზრუნვა, რაც ზოგავს კომპანიის თანამშრომლების დროს და ამცირებს საოპერაციო რისკებს.თვითმომსახურების აპარატების საბანკო ინფრასტრუქტურასთან ინტეგრაცია და ტექნიკური მხარდაჭერა სრულად თიბისი ფეიმ უზრუნველყო. პროექტის პირველი ეტაპი 2025 წლის დეკემბერში განხორციელდა, წარმატებული პილოტის შემდეგ ახალი სისტემა უკვე 12 ლოკაციაზეა ხელმისაწვდომი. აპარატების მეშვეობით ყოველდღიურად 6 200-მდე ტრანზაქცია სრულდება, პროექტის დანერგვიდან დღემდე კი 190 ათასზე მეტი გადახდაა განხორციელებული. მაღალი დატვირთულობის გათვალისწინებით, თანამედროვე აპარატები მნიშვნელოვნად ზოგავს „ვისოლის“ რესურსებს."თიბისისთვის მნიშვნელოვანია, პარტნიორებს შევთავაზოთ ისეთი სერვისები, რომლებიც მათ ყოველდღიურ საქმიანობას ამარტივებს და ბიზნესპროცესებს აუმჯობესებს. ამისთვის არა მხოლოდ ვითვალისწინებთ მათ საჭიროებებს, არამედ თავადაც ვთავაზობთ ახალ გადაწყვეტილებებს. სწორედ ჩვენი ინიციატივით დაიწყო „ვისოლის“ სადგურებზე თვითმომსახურების სალაროების დანერგვა, რაც ერთობლივი მუშაობით მოკლე დროში განვახორციელეთ. მოხარულები ვართ, რომ პროექტმა Euromoney-ს საერთაშორისო აღიარება მოიპოვა“, – ქეთევან კანდელაკი, თიბისის არასაკრედიტო პროდუქტების ბიზნესის მართვის დეპარტამენტის დირექტორი.„თიბისისთან „ვისოლის“ დაარსების დღიდან, უკვე 26 წელია, ვთანამშრომლობთ. ჩვენთვის ტექნოლოგიურ განახლებას მაშინ აქვს ღირებულება, როცა ის მომხმარებლისთვის მომსახურებას უფრო კომფორტულს ხდის და ჩვენს გუნდს ყოველდღიურ საქმიანობას უმარტივებს. ამ პროექტით სწორედ ამას მივაღწიეთ. მომხმარებელს შეუძლია საწვავის საფასური მისთვის მოსახერხებელი ფორმით გადაიხადოს — ნაღდი ფულით ან საბანკო ბარათით. ნაღდი ფულის მართვის განახლებულმა სისტემამ კი საოპერაციო რისკები შეამცირა და სადგურების გუნდებს მეტი დრო დაუტოვა მომხმარებელზე ზრუნვისთვის. ინოვაციური პროდუქტების დანერგვა მომხმარებლის გამოცდილების გაუმჯობესებისთვის, „ვისოლის“ ყოველდღიური საზრუნავია. შესაბამისად, Euromoney-ის ჯილდო თიბისისთან ერთად განხორციელებული პროექტისთვის, განსაკუთრებულად გვახარებს“, - ვასილ ხორავა, „ვისოლის“ გენერალური დირექტორი.„ვისოლი“ თვითმომსახურების ავტოგასამართი სადგურების ქსელს 2020 წლიდან ავითარებს, რათა ერთგულ მომხმარებლებს საწვავზე მნიშვნელოვნად შეღავათიანი ფასი და მომსახურების ახალი გამოცდილება შესთავაზოს. 

ომი უკრაინაში

სამართალი

საზოგადოება

ყველა სიახლე
"ევროპის არაერთმა განვითარებულმა ქალაქმა დაიწყო მულტიმოდალურ სატრანსპორტო სისტემაზე გადასვლა - 2017 წლიდან სწორედ ამ პრინციპზე დავაფუძნეთ თბილისის სატრანსპორტო პოლიტიკა"

1794913270

მისი თქმით, მხოლოდ ავტომობილებისთვის მეტი სივრცის შექმნა საცობების პრობლემის გრძელვადიანი მოგვარების გზა ნამდვილად არ არის."ხშირად გვესმის კრიტიკა, თითქოს არსებული საცობები მხოლოდ თბილისის მერიის მიერ განხორციელებული სატრანსპორტო ცვლილებების შედეგია. ჩვენ პასუხისმგებლობას არ გავურბივართ. ქალაქის სატრანსპორტო სისტემის მართვა ჩვენი პირდაპირი ვალდებულებაა, მაგრამ აუცილებელია ერთმანეთისგან გავმიჯნოთ პრობლემის გამომწვევი მიზეზები და ის ნაბიჯები, რომლებსაც ამ პრობლემის მოსაგვარებლად ვდგამთ. თბილისს აქვს თავისი გეოგრაფია, რელიეფი, ისტორიული უბნები, საცხოვრებელი სახლები, საფეხმავლო სივრცეები და მწვანე ტერიტორიები. შეუძლებელია ავტომობილების რაოდენობის მუდმივ ზრდას მხოლოდ გზების გაფართოებითა და ახალი ესტაკადების მშენებლობით ვუპასუხოთ. ათწლეულების განმავლობაში თბილისში, ისევე როგორც მსოფლიოს ბევრ დიდ ქალაქში, საგზაო ინფრასტრუქტურა ძირითადად კერძო ავტომობილებზე იყო მორგებული. თუმცა საერთაშორისო გამოცდილებამ გვაჩვენა, რომ მხოლოდ ავტომობილებისთვის მეტი სივრცის შექმნა საცობების გრძელვადიანი მოგვარების გზა ნამდვილად არ არის. სწორედ ამიტომ ევროპის არაერთმა განვითარებულმა ქალაქმა, სადაც იგივე პრობლემები იყო, რაც დღეს ჩვენ გვაქვს, დაიწყო მულტიმოდალურ სატრანსპორტო სისტემაზე გადასვლა“, - განაცხადა მერმა.მისივე განმარტებით, მულტიმოდალური პრინციპი ნიშნავს, რომ ქალაქის ქუჩა უნდა ემსახურებოდეს ყველას — ფეხით მოსიარულეს, საზოგადოებრივი ტრანსპორტის მგზავრს, ავტომობილის მძღოლს, ველოსიპედისტს და გადაადგილების სხვა საშუალებებით მოსარგებლე ადამიანებს."ყველას უნდა ჰქონდეს უსაფრთხო და ხელმისაწვდომი გადაადგილების შესაძლებლობა. გვახსოვს ალბათ, წლების წინ ტროტუარებზე ფეხით გავლა იყო შეუძლებელი. ჭავჭავაძის გამზირი იყო ამის კარგი მაგალითი. ტროტუარები გადავსებული იყო ავტომობილებით, დედა შვილს ეტლით ვერ გაასეირნებდა. 2017 წლიდან სწორედ მულტიმოდალურ პრინციპზე დავაფუძნეთ თბილისის სატრანსპორტო პოლიტიკა. უცხოელ ექსპერტებთან თანამშრომლობით შევიმუშავეთ სატრანსპორტო გეგმა. მნიშვნელოვანი ცვლილებები იგეგმება შესაბამისი კვლევებისა და სატრანსპორტო მოდელირების საფუძველზე. ამ მიდგომით განვაახლეთ ჭავჭავაძის, წერეთლის, ქეთევან დედოფლის, მელიქიშვილის გამზირები და სხვა მნიშვნელოვანი ქუჩები. ამავე პრინციპით ხორციელდება რუსთაველის გამზირის რეაბილიტაციაც“, - განაცხადა კახა კალაძემ.მისივე თქმით, მუნიციპალიტეტის მიზანია, ქალაქის ქუჩები იყოს უსაფრთხო, მოწესრიგებული და ხელმისაწვდომი მოძრაობის ყველა მონაწილისთვის.

"არავის ვუკრძალავთ საკუთარი ავტომობილით გადაადგილებას, მაგრამ უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის"

1794913089

მისივე განმარტებით, ეს არ არის კამერებთან ავტომობილების გავლების ჯამური რაოდენობა, თითოეული ავტომობილი, მიუხედავად იმისა, რამდენმა კამერამ დააფიქსირა, სისტემაში მხოლოდ ერთხელ ითვლება."დღეს მინდა კიდევ ერთხელ შევეხო ჩვენი დედაქალაქისთვის ერთ-ერთ ყველაზე მნიშვნელოვან და აქტუალურ საკითხს - სატრანსპორტო პოლიტიკას და ქალაქში არსებულ საცობებს. მესმის თითოეული იმ ადამიანის, რომელიც ყოველდღიურად თბილისის ქუჩებში გადაადგილდება და საცობების გამო მნიშვნელოვან დროს კარგავს.ვიცი, რას ნიშნავს, როდესაც დილით სამსახურში გეჩქარება, შვილს სკოლაში მიაცილებ, საღამოს კი დაღლილს სახლში დაბრუნება გინდა და საცობში გიწევს დგომა. ეს ცხადია მხოლოდ სატრანსპორტო პრობლემა არ არის. ეს არის ადამიანების დაკარგული დრო, ნერვიულობა და ის საათები, რომლებიც მათ საკუთარ ოჯახებთან, შვილებთან და საყვარელ ადამიანებთან უნდა გაატარონ“, - განაცხადა კახა კალაძემ.თბილისის მერის განმარტებით, თბილისის ქუჩებში ყოველდღიური საცობები გაორმაგებულ სატრანსპორტო დატვირთვას უკავშირდება."საქსტატის მონაცემებით, 2017 წელს თბილისში დაახლოებით 474 ათასი ავტოსატრანსპორტო საშუალება იყო რეგისტრირებული, ხოლო 2026 წლის მეორე კვარტლისთვის ეს მაჩვენებელი დაახლოებით 948 ათასს აღწევს. ცხრა წელიწადში დედაქალაქში რეგისტრირებული ავტოსატრანსპორტო საშუალებების რაოდენობა გაორმაგდა.ამას ემატება ის გარემოებაც, რომ თბილისი მთელი ქვეყნის ეკონომიკური და საქმიანი ცენტრია. დედაქალაქში საქართველოს სხვადასხვა რეგიონიდან ყოველდღიურად ჩამოდიან ადამიანები სამუშაოდ, ბიზნესსაქმიანობისთვის, მომსახურების მისაღებად. ბევრი ავტომობილი გამოიყენება ტაქსისა და სხვა კომერციული საქმიანობისთვის. არავის ვუკრძალავთ საკუთარი ავტომობილით გადაადგილებას, მაგრამ უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის“, - განაცხადა კახა კალაძემ. 

"ქართული ოცნება" ჯიუტად და თანმიმდევრულად მიდის დასახული მიზნისკენ, რაც არის საქართველოში სრულად ავტორიტარული რეჟიმის ჩამოყალიბება"

1794858293

მისი თქმით, "ქართული ოცნება" საკუთარი მიზნის აღსასრულებლად, რაც საქართველოს ავტორიტარულ რეჟიმად ქცევაა, ყველაფერს აკეთებს."რეალურად, ეს არის პირადად ივანიშვილის სისტემა, ივანიშვილი, როგორც ბიზნესმენი, ამას ასე უყურებს, რომ იყიდა, ჩაიბარა რაღაც საწარმო, რომელსაც ჰქვია საქართველო და თვლის, რომ  ერთგული მენეჯერების მეშვეობით უნდა მართოს, მაგრამ პოლიტიკაში თუნდაც დიქტატორი იყო და ცხადია, ივანიშვილი დიქტატორობს, არ არის საკმარისი, რომ დანიშნო ერთგული ვეზირები ყველგან, რაღაც გჭირდება, რომ საზოგადოებას რაღაც შესთავაზო, დაეყრდნო რაღაცას, გარდა ფულისა, ამიტომ, ხელოვნურად, დემოგოგიურად სპეკულირებდა ომის თემით, მაგრამ ეს საკმარისი არ არის, გასაგებია ის, რომ ერთი გასაღებით ყველა კარს ვერ გააღებს.მე ვთვლი, რომ რასაც ესენი აკეთებენ, საერთოდ არ არის პატრიოტიზმი და არ არიან პატრიოტები, მათი პატრიოტიზმი არის ბიძინასთვის ერთგულება, მაგრამ ხალხისთვის, სოციუმისთვის ნარატივი იყო, რომ ე.წ. "კოლექტიური ნაცები", რომელიც ასევე მათი გამოგონებაა, არიან დასავლეთის აგენტები. "ქართული ოცნება" ჯიუტად და თანმიმდევრულად მიდის დასახული მიზნისკენ, რაც არის საქართველოში სრულად ავტორიტარული რეჟიმის ჩამოყალიბება, აქ კი "ზოგადი კანონზომიერება არის ის, რომ თუ გინდა მოიპოვო გამარჯვება ისეთ ავტორიტარულ ლიდერზე, რომელსაც მობილიზებული აქვს მედია, ადმინისტრაციული რესურსი და ასე შემდეგ, მასზე დიდი უპირატესობა უნდა მოიპოვო პოპულარობის თვალსაზრისით, რომ იძულებული გახდეს, დამარცხება აღიაროს. ისეთი რამ უნდა შესთავაზო საზოგადოებას, რაც მოსწონს საზოგადოების დიდ უმრავლესობას და ამ ქვეყნის პოლიტიკურ კულტურას შეესაბამება.საქართველოსთვის ახალ სასიცოცხლოდ მნიშვნელოვანი დასავლეთთან ურთიერთობის აღდგენაა, რაც ამათ პირობებში რთულად წარმოსადგენია. იმისთვის, რომ ევროპასთან, ან ამერიკასთან დარეგულირდეს ურთიერთობები, საჭიროა პოლიტიკის რადიკალური შეცვლა", - განაცხადა გია ნოდიამ.

ხატია დეკანოიძე - ახლა ეს განცხადება, რომ ყველაფერზე უნდა ისაუბრონ, ნიშნავს იმას, რომ ეს სტატუს-კვოც აღარაა შენარჩუნებული

1794858063

მისი თქმით, 2012 წლიდან ბიძინა ივანიშვილის მიზანი საქართველოს რუსეთზე დამოკიდებულებაა."ჩვენ ყველა ვწინასწარმეტყველებდით, მაგრამ მაინც შეცვლილია რეალობა და მტკივნეულად უნდა აღვიქვათ ეს, როდესაც რუსეთის საგარეო საქმეთა სამინისტრო გამოდის და ამბობს, რომ საქართველოსთან დაიწყო ახალი ეტაპი მოლაპარაკებების და ზუსტად იმ დღეს საქართველო ევროკავშირის გაფართოების სამიტზე არ მიდის. ეს არ არის მხოლოდ სიმბოლური დამთხვევა.2012 წელს, როცა ივანიშვილმა გამოაცხადა, რომ აბაშიძე-კარასინის ფორმატი იქნებოდა, არაფორმალური ფორმატი, რომელიც ჟენევის ჟენევის მოლაპარაკებების პარალელურად ჩაერთვებოდა რუსეთისა და საქართველოს ურთიერთობაში, მაინც იცოდნენ ქართველი ხალხის განწყობა და ამ ფორმატს თვითონ ივანიშვილმა დაარქვა არაფორმალური. ამის შემდეგ, 2022 წლიდან ძალიან მძიმდება საქართველოს ე.წ. ხელისუფლების დამოკიდებულება ევროკავშირთან და ეს იყო ივანიშვილის დავალებით. რუსეთის რეალური პოლიტიკა საქართველოსთან მიმართებაში ოკუპაციის გარდა არის საქართველოს მოქალაქეების პროევროპული განწყობის შემცირება და ეს დავალება ძალიან კონკრეტულად აღქმული და აყვანილია სხვა ხარისხში, ამის შემდეგ კი უკვე მივედით რუსეთთან ახალი დიპლომატიური ურთიერთობების გახსნაზე.დღეს კობახიძემ რაც თქვა იყო ის, რომ ეს ფორმატი გულისხმობს იმას, რომ ყველაფერზე უნდა ვილაპარაკოთო. წინა ფორმატზე სტატუს-კვო იყო მაინც შენარჩუნებული და ახლა ეს განცხადება, რომ ყველაფერზე უნდა ისაუბრონ, ნიშნავს იმას, რომ ეს სტატუს-კვოც აღარაა შენარჩუნებული.სამი პარალელით მიდის ეს საქმე: პირველი - საქართველოს პოლიტიკურ-ეკონომიკური დამოკიდებულება რუსეთზე; დიპლომატიური ურთიერთობის აღდგენისკენ სწრაფი სვლა - ამაში განიხილება ბიძინა ივანიშვილის გადაწყვეტილება, რომ საქართველო დააახლოოს რუსეთს და მესამე - უარის თქმა ევროკავშირსა და ევროინტეგრაციაზე, რაც რუსეთის ამოსავალი წერტილია.ეს არაფორმალური ფორმატი - 2013 წლიდან, როცა ივანიშვილმა თქვა, რომ რუსეთთან დაალაგებდა ურთიერთობას, ეს ნიშნავდა იმას, რომ საქართველო უნდა ყოფილიყო რუსეთის უკანა ეზო და დამოკიდებული უნდა ყოფილიყო მთლიანად რუსეთზე, მაგრამ ფაქტია, რომ  ამ 14-წლიანმა მოლაპარაკებების ჩარჩომ ვერაფერი ვერ გააკეთა, ანექსია გრძელდება,  ოკუპაცია ვერ მოგვარდა და ვითარება ისევ მძიმე რჩება", - განაცხადა ხატია დეკანოიძემ.

17 ნოემბრის ანონსი

1794858054

12:00 საათზე - პარლამენტის საფინანსო-საბიუჯეტო კომიტეტის სხდომა გაიმართება.ილია ჭავჭავაძის დარბაზი(C კორპუსი, V სართული) 14:00 საათზე - თბილისის სააპელაციო სასამართლოში ტერორისტული აქტის მცდელობის საქმეზე მსჯავრდებული პოლიტიკოსის, ალეკო ელისაშვილის სასამართლო პროცესი გაიმართება. 14:00 საათზე - თბილისის საქალაქო სასამართლოში ნიკო კვარაცხელიას მკვლელობის საქმეზე ბრალდებული ძმები კაკულიების და ბუსა ჟვანიას საქმის განხილვა გაიმართება. 15:00 საათზე - თბილისის საქალაქო სასამართლოში ფინანსური დანაშაულისთვის დაკავებული ჟურნალისტის, ელისო კილაძის საქმეზე განაჩენი გამოცხადდება. 17:00 საათზე - საქართველოს ეროვნულ ბიბლიოთეკაში ქართველი ფოტორეპორტიორების ფოტოალბომების პრეზენტაცია და დაჯილდოების ცერემონია გაიმართება.მისამართი: ლადო გუდიაშვილის ქ.№4, ეროვნული ბიბლიოთეკის მესამე კორპუსი. 18:00 საათზე - თბილისის საკრებულოში დიაბეტის მსოფლიო დღისადმი მიძღვნილი კონფერენცია გაიმართება.თემა: „დიაბეტისა და პრედიაბეტის ადრეული დიაგნოსტიკის, პრევენციისა და მართვის საკითხებზე საზოგადოების ცნობიერების ამაღლება“.მისამართი: თავისუფლების მოედანი №2საკონტაქტო პირი: მაია ტაკაშვილი - 577 24 40 85

17 ნოემბრის ასტროლოგიური პროგნოზი

1794857789

კურო17 ნოემბერი ფინანსური საკითხების მოსაგვარებლად ხელსაყრელი დღეა. შესაძლოა მიიღოთ საინტერესო შეთავაზება ან დამატებითი შემოსავლის შესაძლებლობა. პირად ურთიერთობებში გულწრფელობა გაუგებრობების თავიდან აცილებაში დაგეხმარებათ.ტყუპებიდღეს ყურადღების ცენტრში აღმოჩნდებით. თქვენი კომუნიკაბელურობა და იდეები წარმატების მიღწევაში დაგეხმარებათ. მოსალოდნელია საინტერესო შეხვედრა ან მნიშვნელოვანი ინფორმაცია. საღამოს დრო საყვარელ ადამიანებს დაუთმეთ.კირჩხიბიემოციურად დატვირთული დღე გელოდებათ. შესაძლოა წარსულიდან ვინმე შეგეხმიანოთ ან ძველი საკითხი კვლავ აქტუალური გახდეს. ნუ იჩქარებთ გადაწყვეტილებების მიღებას. ფინანსურად სტაბილურობის შენარჩუნება მთავარი ამოცანა იქნება.ლომი17 ნოემბერი თქვენთვის ერთ-ერთი გამორჩეული დღე შეიძლება აღმოჩნდეს. წარმატების შესაძლებლობა განსაკუთრებით პროფესიულ სფეროში გამოჩნდება. თქვენი შრომა შესაძლოა დაფასდეს. სიყვარულში კი რომანტიკული და სასიამოვნო მომენტებია მოსალოდნელი.ქალწულიდღეს დეტალებს განსაკუთრებული ყურადღება მიაქციეთ. შესაძლოა მნიშვნელოვანი საკითხის მოგვარება მოგიწიოთ. ფინანსურად სიფრთხილე გამოიჩინეთ და ზედმეტ ხარჯებს მოერიდეთ. საღამოს სასურველია დასვენება და ენერგიის აღდგენა.სასწორიპირად ცხოვრებაში პოზიტიური ცვლილებების დღეა. მარტოხელა სასწორებისთვის საინტერესო ნაცნობობაა მოსალოდნელი, ურთიერთობაში მყოფებს კი პარტნიორთან დაახლოების შესაძლებლობა ექნებათ. პროფესიულ სფეროში სასარგებლო თანამშრომლობა შეიძლება დაიწყოს.მორიელიდღე მოულოდნელობებით იქნება სავსე. შესაძლოა მიიღოთ ინფორმაცია, რომელიც სამომავლო გეგმებს შეგაცვლევინებთ. ენდეთ საკუთარ ინტუიციას, თუმცა მნიშვნელოვანი გადაწყვეტილებები ფაქტებზე დაყრდნობით მიიღეთ. ფინანსურად საინტერესო შესაძლებლობა გამოჩნდება.მშვილდოსანი17 ნოემბერი ახალი იდეებისა და შესაძლებლობების დღეა. შესაძლოა მიიღოთ შეთავაზება, რომელიც პროფესიულ განვითარებას შეუწყობს ხელს. პირად ცხოვრებაში პოზიტიური ცვლილებებია მოსალოდნელი. კარგი დროა სამომავლო გეგმების დასახვისთვის.თხის რქათქვენი შრომისმოყვარეობა და პასუხისმგებლობა შედეგს გამოიღებს. შესაძლოა ხელმძღვანელობისგან დადებითი შეფასება მიიღოთ. ფინანსური მდგომარეობის გაუმჯობესების პერსპექტივა გამოჩნდება. პირად ურთიერთობებში მეტი სითბო და ყურადღება გამოიჩინეთ.მერწყულიდღე შემოქმედებითი იდეებითა და საინტერესო შეხვედრებით იქნება გამორჩეული. შესაძლოა მოულოდნელად ახალი პროექტის დაწყების შესაძლებლობა მოგეცეთ. სიყვარულში გულწრფელი საუბარი მნიშვნელოვან საკითხს მოაგვარებს.თევზები17 ნოემბერი შინაგანი სიმშვიდისა და ემოციური წონასწორობის შენარჩუნების დღეა. შესაძლოა სასიამოვნო ამბავი გაიგოთ ახლობელი ადამიანისგან. ფინანსურ საკითხებში ნუ გარისკავთ. საღამოს რომანტიკული განწყობა და სასიამოვნო შეხვედრაა მოსალოდნელი.