რეგიონები
წალენჯიხაში ხანძარი ლიკვიდირებულია

1709323056

ინფორმაცია და ხანძრის ვიდეოკადრები წალენჯიხის მერის მოადგილემ თამარ ბელქანიამ სოციალური ქსელით გაავრცელა.  

იორმუღანლოში 13 წლის გოგოს ეძებენ, რომელიც ოჯახის ინფორმაციით, 16 წლის ბიჭმა მოიტაცა

1709295324

სად არიან მოზარდები, სოფელში არ იციან. მათ კვალზე ვერც პოლიცია გავიდა. სამართალდამცველები არასრულწლოვნების ახლობლებს კითხავენ."პოლიციელები 3 დღეა, მეუბნებიან, დღე და ღამე ეძებენ და არ არის. ისინი იციან სად არის, მაგრამ მეუბნებიან, ჩვენც არ ვიცით. ისინი მეუბნებიან, ვითომ ჩემი გოგო არის წასული. 13 წლის გოგო როგორ უნდა წავიდეს. თუ ჩემი გოგო იყო წასული, მოაბრუნონ ჩემი გოგო. იქ რაღაცა პოლიციაში ჩემი ბავშვის წერილია. არ ვიცი ვითომ გოგომ ჩაწერა რომ მოდი და მოდი და წაიღე ჩემი თავი. ჩემი ბავშვის წერილი არ არის", - აცხადებს 13 წლის გოგოს მამა.

"გეოლოგების ჯგუფებმა შეაფასეს 171 ოჯახი და 34 ინფრასტრუქტურული ობიექტი, გაიცა შესაბამისი რეკომენდაციები"

1709119268

"გეოლოგების ჯგუფების მიერ, საველე კვლევების პროცესში შეფასებული იქნა, როგორც მოქალაქეების საკარმიდამო ნაკვეთები და საცხოვრებელი სახლები, ასევე, სხვადასხვა ინფრასტრუქტურული ობიექტები.აღნიშნულ პერიოდში გეოლოგების ჯგუფებმა შეაფასეს 171 ოჯახი და 34 ინფრასტრუქტურული ობიექტი. სააგენტოს სპეციალისტების მიერ, შემდგომი დამცავი და სტიქიის საპრევენციო ღონისძიებების გასატარებლად გაიცა შესაბამისი რეკომენდაციები.აღსანიშნავია, რომ ბოლო პერიოდში ქვეყნის მასშტაბით ინტენსიურად მიმდინარეობს თოვლის დნობის პროცესი, რომელმაც, თავის მხრივ, გამოიწვია ბუნებრივად ისედაც დაძაბულ ტერიტორიებზე სხვადასხვა მასშტაბის სტიქიური პროცესების (მეწყერი, ღვარცოფი, წყალდიდობა, წყალმოვარდნა, თოვლის ზვავი) ჩასახვა-გააქტიურება", - აღნიშნულია განცხადებაში.

ბათუმის ერთ-ერთ სკოლაში 6 წლის ბავშვს სავარაუდოდ, თანაკლასელებმა სცემეს

1709026568

გავრცელებული ინფორმაციით, 6 წლის ბავშვი თანაკლასელებმა სცემეს და სხეულზე დაზიანებები აქვს. აღნიშნულ ინფორმაციას სკოლა ნაწილობრივ ადასტურებს. საქმეს საქართველოს შინაგან საქმეთა სამინისტრო იძიებს.როგორც სკოლის დირექტორი აცხადებს,  შესვენებაზე დაპირისპირება იყო, თუმცა ეს ძალადობა არ ყოფილა. ამავდროულად, ცნობილია, რომ  პირველკლასელის ოჯახმა სამართალდამცავ ორგანოს მიმართა, რის შემდეგაც სკოლის თანამშრომლები დაიკითხნენ. დაზარალებული ბავშვი კი მშობლებმა სხვა სკოლაში გადაიყვანეს. საქმეზე გამოძიება 126-ე მუხლით მიმდინარეობს, რაც არასრულწლოვანზე განხორციელებულ ძალადობას გულისხმობს. სკოლის ფსიქოლოგი კი აცხადებს, რომ მშობელმა არასწორი ინფორმაცია გაავრცელა."არასწორი ინფორმაცია გაავრცელა მშობელმა. გუშინ საგამოძიებო კომიტეტში განვიხილეთ თვითმხილველებთან ერთად ის ფაქტი, რაც მოხდა. მივედით დასკვნამდე, რომ ეს ყველაფერი არის სიცრუე. სანამ გამოძიება არ დასრულდება, არ გვაქვს უფლება, რომ ვისაუბროთ დეტალებზე, ვინც ეს შეტყობინება დააფიქსირა, მან იცრუა", - განაცხადა სკოლის ფსიქოლოგმა.

გორში მამაკაცს მატარებელი დაეჯახა - ის ადგილზე გარდაიცვალა

1708962738

არსებული ინფორმაციით, 40 წლამდე მამაკაცი ლიანდაგებზე არაფხიზელ მდგომარეობაში გადადიოდა.შსს-ს ცნობით, გამოძიება 275-ე მუხლის მე-4 ნაწილით მიმდინარეობს, რაც სარკინიგზო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

27-28 თებერვალს გორის საავტომობილო გვირაბში მოძრაობა შეიზღუდება

1708846208

"საერთაშორისო მნიშვნელობის თბილისი–სენაკი–ლესელიძის საავტომობილო გზის 88-ე კმ-ზე მდებარე გორის საავტომობილო გვირაბში, გეგმური პროფილაქტიკური სამუშაოების ჩატარების მიზნით, 2024 წლის 27 თებერვლის 23:00 სთ-დან 28 თებერვლის 03:00 სთ-მდე გვირაბის სენაკი-თბილისის, ხოლო 28 თებერვლის 03:00 სთ-დან 07:00 სთ-მდე გვირაბის თბილისი-სენაკის მიმართულებებზე იკრძალება ყველა სახის ავტოტრანსპორტის მოძრაობა.საავტომობილო გვირაბის სენაკი-თბილისის მიმართულების ჩაკეტვის პერიოდში ავტოტრანსპორტის ნაკადი გადაერთვება შიდასახელმწიფოებრივი მნიშვნელობის გორის გვირაბების შემოსავლელ საავტომობილო გზაზე.საავტომობილო გვირაბის თბილისი-სენაკის მიმართულების ჩაკეტვის პერიოდში ავტოტრანსპორტის ნაკადი გადაერთვება გვირაბის სენაკი-თბილისის მიმართულებაზე და სენაკი-თბილისის მიმართულება გადაერთვება შიდასახელმწიფოებრივი მნიშვნელობის გორის გვირაბების შემოსავლელ საავტომობილო გზაზე", - აღნიშნულია განცხადებაში.

"რეანიმობილი გამოძახებიდან სამი საათის შემდგომ მივიდა" - წალენჯიხაში კლინიკაში 45 წლის მამაკაცი დაიღუპა

1708673412

რეანიმობილს ადგილზე ღამის სამის ნახევრამდე ელოდებოდნენ, საქმეში ჩართული იყო მერიაც. მერის მოადგილე თამარ ბელქანია კიდევ ერთხელ ითხოვს რეგიონს რეანიმობილი გადაეცეს - "დაანებეთ თავი ჯანდაცვის პოლიტიზებას - ყველა ადამიანს აქვს სიცოცხლის უფლება!" - დაწერა მან."მთავარის" ინფორმაციით, როცა ადგილზე რეანიმობილი ჩავიდა, პაციენტს გული გაჩერებული ჰქონდა და ექიმებმა მისი გადარჩენა ვეღარ შეძლეს.ოჯახმა ექსპერტიზაზე უარი თქვა. მამაკაცი ასაკოვან მშობლებთან ერთად ცხოვრობდა, მისი ცოლი ემიგრაციაშია წასული.ოჯახი ამბობს, რომ ჯანდაცვის ცხელ ხაზზე იღებდნენ პასუხს, რომ რეანიმობილი გზაში იყო და საკითხს მოიკვლევდნენ. მათივე თქმით, მამაკაცი ზუგდიდის ან რუხის კლინიკაში დროულად რომ გადაეყვანათ, ექიმები მის გადარჩენას შეძლებდნენ.

ქუთაისში მამაკაცი დაჭრეს

1708622913

ერთ-ერთი ვერსიით, ახალგაზრდა მამაკაცი მეზობელმა დაჭრა.სხვა დეტალები ამ დროისთვის უცნობია.

ლოდების ჩამოშლის გამო სარფში შესასვლელი გზა ჩაიკეტა

1708418635

"ბათუმელების" ინფორმაციით, შემთხვევის შედეგად არავინ დაშავებულა.საავტომობილო გზების დეპარტამენტში ამბობენ, რომ მოძრაობა მალე აღდგება.

ქუთაისში საფლავებში ჩამარხული ბოქლომები და ცოცხალი ადამიანების ფოტოები იპოვეს

1708246447

სურათები და ბოქლომები მას შემდეგ იპოვეს, რაც ერთ-ერთ სასაფლაოზე გარდაცვლილის ოჯახმა შეამჩნია, რომ მიწა უსწორმასწოროდ იყო, რის შემდეგაც საფლავში 20-მდე ადამიანის ფოტოები და ბოქლომები ნახეს.ფოტოებზე გამოსახული ადამიანები ქუთაისში ცნობილი პირები არიან, მათ შორისაა "ქართული ოცნების" მაღალჩინოსნის ფოტოც.ვინ ან რა მიზნით დამარხა სურათები, უცნობია. მსგავსი შემთხვევა რამდენიმე ხნის წინ ქობულეთშიც დაფიქსირდა, სადაც ერთ-ერთ საფლავში 200-მდე ცოცხალი ადამიანის ფოტოები ნახეს ჩამარხული.