რეგიონები
13 აგვისტოს დარიალის ხეობაში ავტოტრანსპორტის მოძრაობის შეზღუდვა დაწესდება

1755022778

"საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის კმ126-კმ130 მონაკვეთზე (დარიალის ხეობა), შპს „ჯავახავტოგზამ“ მეკლდეურების მეშვეობით უნდა აწარმოოს ფერდის გაწმენდის სამუშაოები. ამის გამო 2025 წლის 13 აგვისტოს 11:00 სთ-დან 18:00 სთ-მდე, გზის აღნიშნულ მონაკვეთზე შეიზღუდება მისაბმელიანი და ნახევრად მისაბმელიანი ავტოტრანსპორტის მოძრაობა, ხოლო მსუბუქი ავტოტრანსპორტის გადაადგილება შეიზღუდება პერიოდულად, 30-წუთიანი ინტერვალებით“, - აღნიშნულია ინფორმაციაში.

რეგიონებში უპატრონო/მიკედლებული ცხოველების პოპულაციის მართვისა და აღრიცხვის საპილოტე პროგრამა დაიწყო

1754990287

პროგრამა ითვალისწინებს უპატრონო/მიკედლებული ცხოველების იდენტიფიკაცია-რეგისტრაციას, კასტრაცია-სტერილიზაციას, დიაგნოსტიკურ ტესტირებას, ვაქცინაციას.როგორც სურსათის ეროვნულ სააგენტოში აცხადებენ, აღნიშნული ღონისძიებები ხელს შეუწყობს ცხოველების პოპულაციის მართვას, მათ ჯანმრთელობაზე ზედამხედველობას, ცოფის და სხვა დაავადებების პრევენციას, ამავდროულად, ადამიანების ჯანმრთელობის დაცვას და უსაფრთხოებას. პროგრამა, პირველ ეტაპზე, ბათუმის, ქუთაისის და  გურჯაანის მუნიციპალიტეტებს მოიცავს და ადგილობრივი თვითმმართველობების ჩართულობით ხორციელდება. პროგრამის ფარგლებში განსაზღვრულია 9000 უპატრონო/მიკედლებული ცხოველის ქუჩებიდან აყვანა და ადგილობრივი თვითმმართველობების მიერ განსაზღვრულ თავშესაფარში გადაყვანა შესაბამისი მანიპულაციების ჩასატარებლად.  პროგრამის განხორციელების მიზნით, სააგენტომ შეიძინა 20 ავტომანქანა, რომლებიც აღჭურვილია სავენტილაციო სისტემით, გალიებით, შესაბამისი პრეპარატებით და ინვენტარით. პროგრამის განხორციელებისთვის დამატებით აყვანილია  40 თანამშრომელი, რომლებიც 20 ეკიპაჟად იმუშავებენ. ამასთან, მუნიციპალიტეტებს გადაეცემა ცოფის საწინააღმდეგო ვაქცინები, ტესტები, ინსინირატორები სახიფათო ნარჩენებისთვის და სხვა. 

ბათუმში ძლიერმა წვიმამ პრობლემები შექმნა

1754734550

"დაიტბორა რამდენიმე ქუჩა, საცხოვრებელი სახლების ეზოები, სარდაფები და პირველი სართულები."ბათუმის წყლის” და „აჭარის წყლის ალიანსის” სპეცტექნიკის გამოყენებით დაწყებულია ამოტუმბვითი სამუშაოები.შეფერხებები დაფიქსირდა მუნიციპალური ავტობუსების მოძრაობასთან დაკავშირებით. ამ დროისთვის ტრანსპორტის მოძრაობა სრულად აღდგენილია.ქალაქში ელექტროენერგიის მიწოდება უმეტეს ნაწილში აღდგენილია. ამ ეტაპზე ელექტროენერგიის გარეშე დარჩენილია 70 აბონენტი და მიმდინარეობს აღდგენითი სამუშაოები.მდინარეებზე სიმღვრივის დონის მომატების გამო წყალმომარაგება შეიზღუდა რამდენიმე ლოკაციაზე, კერძოდ ბენზე, ბარცხანა, ორთაბათუმი, გოროდოკსა და წინსვლაში, ასევე, ფაღავასა და მაქაცარიას ქუჩებზე. მობილიზებულია და მუშაობს ყველა შესაბამისი მუნიციპალური სამსახური“, – აღნიშნულია განცხადებაში.

ბათუმში საპროტესტო აქცია იმართება

1754152203

8 ოპოზიციური პარტიის წარმომადგენლები, აქტივისტები, აქციების დროს დაკავებულთა ოჯახის წევრები 4 ოქტომბერს დაგეგმილ თვითმმართველობის არჩევნებს პროტესტს უცხადებენ.შეკრებილები ასევე  "ბათუმელებისა" და "ნეტგაზეთის" დამფუძნებლის მზია ამაღლობელის და საპროტესტო აქციებზე დაკავებულების გათავისუფლებას მოითხოვენ."მთავარი ამბავი ამ ევროპული მარშის არის ის, რომ ერთადერთი გამოსავალი, რომ ამ ქვეყანაში ნორმალურად ვიცხოვროთ, პოლიტიკური პატიმრების გათავისუფლებასთან ერთად არის ის, რომ ჩატარდეს საპარლამენტო არჩევნები და არა ის რუსული სპეცოპერაცია, რომელსაც ივანიშვილი უახლოეს პერიოდში გვიმზადებს", - აცხადებს "კოალიცია ცვლილებისთვის" წევრი გიორგი კირთაძე. აქციის მონაწილეები ცენტრალური პარკიდან "ბათუმელების" რედაქციისკენ მსვლელობით გადაინაცვლებენ.

ძლიერმა ქარმა და წვიმამ ონის მუნიციპალიტეტის სოფლებში პრობლემა შექმნა

1754077174

მუნიციპალიტეტის მერიის ინფორმაციით, საგლოლოზე ელექტროენერგიის გადამცემი ანძა დაზიანდა და ამ დროისთვის ელექტროენერგია არ მიეწოდება სოფელ ღებს, ჭიორას და გლოლას."სოფელ ღებში ადიდდა მდინარე ლათქიშორა, თუმცა მოსახლეობისათვის ზიანი არ მიუყენებია. ვითარება კონტროლდება. ადგილზე იმყოფებიან შესაბამისი სამსახურების წარმომადგენლები.სოფელ ჭიორაში მდინარე ლოღორული კალაპოტიდან ცენტრალურ გზაზე გადმოვიდა, რამაც ტრანსპორტის მოძრაობის შეფერხება გამოიწვია. ამ დროისთვის ყველა სატრანსპორტო საშუალება გადაყვანილია უსაფრთხო ადგილზე.სოფელ წოლასა და ონჭევში ძლიერი ქარის გამო დაზიანდა საცხოვრებელი სახლები.ადგილობრივი ხელისუფლების წარმომადგენლები იმყოფებიან დაზარალებულ უბნებში და ადგილზე ეცნობიან ვითარებას.ონის მუნიციპალიტეტის მერის სერგი ხიდეშელის განცხადებით, მოხდება ზარალის აღწერა, რის შემდეგაც შესაბამისი გადაწყვეტილებები იქნება მიღებული", - აღნიშნულია ინფორმაციაში.

ხონში მიტოვებული ჩვილი იპოვეს

1753798211

გავრცელებული ინფორმაციით, ჩვილი ზეწარში იყო გახვეული და ხონში არსებული მე-3 საჯარო სკოლის მიმდებარე ტერიტორიაზე იპოვეს. ახალშობილი საავადმყოფოში, ქუთაისშია გადაყვანილი.შსს-ს ცნობით, გამოძიება სისხლის სამართლის კოდექსის 128-ე მუხლით დაიწყო, რაც განსაცდელში ადამიანის მიტოვებას გულისხმობს.

ბორჯომში ლუდისა და ბურახის არალეგალური საწარმო გამოავლინეს

1753781365

“შპს ხარაზი” (ს/კ 426138324, მისამართი: ბორჯომის, გრ.რობაქიძის N62 ) ეკონომიკურ საქმიანობათა რეესტრში რეგისტრაციისა გარეშე საქმიანობდა. ამავდროულად ინსპექტირებისას დადგინდა რომ სურსათის წარმოებისას დარღვეული იყო ჰიგიენური ნორმები.ამასთან, სააგენტოს ინსპექტორებმა ამოიღეს და დალუქეს 800 ლიტრი ლუდი და ბურახი. მეწარმე დაჯარიმდა და საწარმოო პროცესი შეუჩერდა. 

ანაკლიაში, იახტკლუბის წყალსაცავში ახალგაზრდა მამაკაცი დაიხრჩო

1753549746

თვითმხილველების თქმით, 27 წლის მამაკაცი წალენჯიხის მუნიციპალიტეტის მკვიდრია და ანაკლიაში ოჯახის წევრთან ერთად იმყოფებოდა.საგანგებო სიტუაციების მართვის სამსახურის თანამშრომლებმა ცხედარი წყლიდან უკვე ამოიყვანეს.

ხობში ავტოსაგზაო შემთხვევის შედეგად 3 წლის ბავშვი დაიღუპა

1753521532

არსებული ინფორმაციით, ავტომობილი დედა-შვილს შეეჯახა, შედეგად მოზარდი დაიღუპა, დედა კი მძიმე დაზიანებებით კლინიკაშია გადაყვანილი. შემთხვევა გუშინ მოხდა.შსს-ს ცნობით, გამოძიება სსკ-ის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა. დანაშაული 4-დან 7 წლამდე პატიმრობას ითვალისწინებს.მომხდართან დაკავშირებით ერთი პირია დაკავებული.

ადიგენის მუნიციპალიტეტში უხვმა ნალექმა პრობლემები შექმნა, დაიტბორა და დაზიანდა სახლები

1753122207

რამდენიმე სოფელში დაიტბორა და დაზიანდა საცხოვრებელი სახლები, საქონლის სადგომები, დახოცილია პირუტყვი, დაზიანებულია საგზაო ინფრასტრუქტურა, განადგურებულია სასოფლო-სამეურნეო სავარგულები.სტიქიის შედეგად დაზარალებული ოჯახები, რომელთა საცხოვრებელი სახლები დაზიანდა, გაყვანილია უსაფრთხო ადგილზე.ვითარებას ადგილზე ადიგენის მუნიციპალიტეტის მერი გოჩა ქიმაძე, პირველი მოადგილე არსენ ბალახაშვილი, მერიისა და საკრებულოს წარმომადგენლებთან ერთად ეცნობიან.სტიქიის ზონაში მუშაობს სპეციალური ტექნიკა და ყველა შესაბამისი უწყების წარმომადგენლები.