რეგიონები
ბათუმი-სარფის შემოვლით გზაზე ავტოსაგზაო შემთხვევას ერთი ადამიანის სიცოცხლე ემსხვერპლა

1746905717

შემთხვევა ახალშენის მიმდებარე მონაკვეთზე მოხდა.ადგილზე მისულ სასწრაფო-სამედიცინო დახმარების ჯგუფს ერთი ადამიანი გარდაცვლილი დახვდა, ერთი დაშავებული კი ბათუმის ერთ-ერთ კლინიკაში გადაიყვანეს.შინაგან საქმეთა სამინისტროს ინფორმაციით, ფაქტზე გამოძიება სსსკ-ის 276 მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

ბათუმში ცოლ-ქმარი დაშავდა, რომლებსაც სავარაუდოდ, სახლის სახურავის ნაწილი დაეცათ

1746904938

შემთხვევა პიაცას მიმდებარე ტერიტორიაზე მოხდა. თვითმხილველების ინფორმაციით, ძლიერმა ქარმა საცხოვრებელს სახურავი ახადა და ცოლ-ქმარი მოიყოლა.საგანგებო სიტუაციების მართვის სამსახურის ინფორმაციით, დაშავებულები კლინიკაში გადაიყვანეს. როგორია მათი ჯანმრთელობის მდგომარეობა, ამ ეტაპზე, უცნობია.ტერიტორია ყვითელი ლენტითაა შემოსაზღვრული. ადგილზე შსს-ს შესაბამისი დანაყოფები მუშაობენ. სავარაუდოდ, ძლიერი ქარის გამო, ბათუმის ნაწილს ელექტროენერგია არ მიეწოდება. ქარმა ბათუმის აეროპორტში შეუქმნა პრობლემა სტამბოლი-ბათუმის რეისსაც.ასევე, გორგილაძის ქუჩაზე ძლიერმა ქარმა ხე მოგლიჯა.

ბათუმში ქვეითად მოსიარულე ქალს მანქანა დაეჯახა

1746879189

გამოცემა ბათუმელები თვითმხილველებზე დაყრდნობით წერს, რომ მძღოლი ადგილიდან მიიმალა.დაშავებული ქალი კლინიკაში გადაიყვანეს.სხვა დეტალები ამ დროისთვის უცნობია.

მარნეულში საკანალიზაციო სისტემის მონტაჟისას ორი ადამიანი ორმოში ჩავარდა, მათგან ერთი დაიღუპა

1746801711

მათგან ერთი დაიღუპა, მეორე კი კლინიკაშია გადაყვანილი.როგორც ცნობილია, ორივე მათგანი ადგილზე დასაქმებულები იყვნენ.ფაქტზე გამოძიება სსკ-ის 240-ე მუხლით დაიწყო, რაც სამთო, სამშენებლო, ან სხვა სამუშაოს წარმოებისას უსაფრთხოების წესის დარღვევას გულისხმობს.

ქუთაისში, მდინარე რიონში ახალგაზრდა ქალის ცხედარი იპოვეს

1746789907

სამძებრო-სამაშველო სამუშაოები ორი დღის განმავლობაში მიმდინარეობდა. სამუშაოებში ჩართული იყვნენ მყვინთავები.19 წლის გოგონას ძებნა გუშინ ღამით ბალახვანის ხიდის მიმდებარედ დაიწყო და ძებნა მიმდებარე პერიმეტრზე გაგრძელდა.

ახალციხეში, კერძო ბაგა-ბაღში 2 წლის ბავშვი გარდაიცვალა

1746461354

"სამხრეთის კარიბჭის" ინფორმაციით, გარდაცვლილია 2 წლის ბავშვი.ჯერჯერობით უცნობია, რა გახდა გარდაცვალების მიზეზი. შინაგან საქმეთა სამინისტრომ გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.

ჭალადიდში ავტოსაგზაო შემთხვევის შედეგად ახალგაზრდა მამაკაცი დაიღუპა

1746272546

არსებული ინფორმაციით, ერთმანეთს დისტრიბუციისა და სატვირთო ავტომანქანები შეეჯახა.დაღუპულია დისტრიბუციის მანქანის მძღოლი, 25 წლის მამაკაცი, მანქანაში მყოფი მისი 10 წლის ძმა კი დაშავდა, რომელიც კლინიკაშია გადაყვანილი. შსს-ს ინფორმაციით, მომხდარზე გამოძიება სისხლის სამართლის კოდექსის 276-ე მუხლით მიმდინარეობს.

ტარიელ მიქაცაძე - შეიძლება ჩვენც დაგვაკავონ, აქციის ორგანიზატორები ჩამოგვაშორონ ხალხს

1745918042

მისივე თქმით, დირექტორმა თენგიზ გობერიძემ ნახირის ჯოგი უწოდა აქციის მონაწილეებს."ველოდებოდით ვითარების გამწვავებას, პროვოკაციებს, თუმცა ასეთ შედეგს არ ველოდით, მაგრამ ვართ ყველაფრისთვის მზად. შეიძლება ჩვენც დაგვაკავონ, არის ამის ინფორმაციები, არ აქვს მნიშვნელობა მიზეზს, მთავარია, რომ აქციის ორგანიზატორები ჩამოგვაშორონ ხალხს.დირექტორმა თენგიზ გობერიძემ ნახირის ჯოგი უწოდა აქციის მონაწილეებს. აქვს დიდი დანაშაულები ჩადენილი, ადამიანის გარდაცვალებები დაფიქსირდა მის საწარმოში მისივე მმართველობის პერიოდში",  - განაცხადა ტარიელ მიქაცაძემ.ჭიათურელი მაღაროელების პროტესტი გრძელდება. გვიან ღამით პროტესტის მონაწილე 4 მაღაროელი დააკავეს. როგორც ცნობილია, დაკავებულია მერაბ სარალიძე, გიორგი მეფარიძე, არჩილ ჭუმბურიძე და თენგიზ გველესიანი.შსს-ს ინფორმაციით, მაღაროელები ჯანმრთელობის განზრახ ნაკლებად მძიმე დაზიანების ბრალდებით არიან დაკავებული.

ტარიელ მიქაცაძე - 60 დღეა, ვითხოვთ ერთადერთ რამეს, რომ მთავრობამ ყურადღება მიაქციოს ჭიათურას

1745840722

მისივე  თქმით, ჭიათურაში დაიწყო მასობრივი შიმშილობა, ამ ეტაპზე 5 ადამიანი შიმშილობს."ჭიათურაში უკვე 60 დღეა, უწყვეტი საპროტესტო აქციაა. აქციის მთავარი მიზეზი გახლავთ ის, რომ კომპანიამ 27 მარტს სმს-ით გამოგვიცხადა, რომ 3 620 ადამიანი, რომელიც "ჯორჯიან მანგანეზში" არის დასაქმებული, სამსახურიდან დაითხოვა. ამას მოჰყვა შესაბამისი რეაგირება, იყო საპროტესტო აქციები ხელფასის და იმ პირობების მოთხოვნით, რაც ჭიათურაში წლებია არ არის. დღეს, მე-60 დღეს  იმ შედეგზე გავედით, რომ ხელფასი, რომლის დაბრუნებასაც კომპანია არ აპირებდა, ორი თვის ანაზღაურება მეტ-ნაკლებად დარიგდა, დარიცხეს. ასევე, კომპანია, რომელიც აცხადებდა, რომ წამგებიანია მიწისქვეშა სამუშაოები და მაღარო, რისთვისაც აუცილებელია, რომ დავკეტო მაღარო, გავკოტრდიო, შემობრუნდა, გადაიფიქრა და იწყებს მიწისქვეშა სამუშაოების აღდგენას, ოღონდ თავისი პირობებით და დათქმებით. სწორედ დათქმებშია ის ეშმაკობები, რაც მომავალში ჭიათურას ჯოჯოხეთად ექცევა. გაჩვენებთ განცხადებას, რაზეც კომპანიის ხელმძღვანელები ხელს აწერინებენ ჭიათურაში. განცხადება მოიცავს იმას, რომ ყველა დასაქმებული ოფიციალურად უნდა გათავისუფლდეს სამსახურიდან, უნდა დაემორჩილოს რეორგანიზაციას და მასობრივი დათხოვნის მოთხოვნას, ასევე, კომპანია შემდეგ შესთავაზებს თეორიულ გამოცდას, რომელსაც სპეციალისტები ჩაატარებენ ყოველგვარი წინასწარი გადამზადების გარეშე. კომპანიის მიზანი ის არის, რომ 3 620-ის ნაცვლად დასაქმებული ჰყავდეს დაახლოებით, 1 000-1 500 ადამიანი. იურისტები ისაუბრებენ ამ განცხადებაზე.მინდა მოგახსენოთ, რომ ჭიათურაში უკვე მესამე დღეა, მშრალი შიმშილობა გამოაცხადა ჩვენმა ერთ-ერთმა თანამებრძოლმა ირაკლი ჯიქიძემ. ჯანმრთელობის მდგომარეობის გამო, გადაიყვანეს საავადმყოფოში. მიიღო წამლები და ისევ აქციას დაუბრუნდა. ასევე, დღეს, ორშაბათიდან ჭიათურაში დაიწყო მასობრივი შიმშილობა. ამ ეტაპზე 5 ადამიანი შიმშილობს, თუმცა მსურველი ძალიან ბევრია. 60 დღეა, ვითხოვთ ერთადერთ რამეს, რომ  მთავრობამ ყურადღება მიაქციოს ჭიათურას, მივმართეთ პრემიერს, პრეზიდენტს, საპატრიარქოს. დღეს ვიყავით მეცნიერთა აკადემიაში", - განაცხადა ტარიელ მიქაცაძემ.