რეგიონები
სოფელ ჭალადიდში ავტოსაგზაო შემთხვევას ერთი ადამიანის სიცოცხლე ემსხვერპლა

1745604974

შემთხვევის შედეგად 35 წლამდე მამაკაცი ადგილზე დაიღუპა, ერთ პირი კი დაშავდა. სასწრაფო სამედიცინო დახმარების ბრიგადამ დაშავებული ფოთის ჰოსპიტალში გადაიყვანა. ექიმების ინფორმაციით, მისი მდგომარეობა მძიმეა.შინაგან საქმეთა სამინისტროს ინფორმაციით, საქმეზე გამოძიება სისხლის სამართლის კოდექსის 276-ე მუხლით დაიწყო, რაც სატრანსპორტო მოძრაობის ან ექსპლუატაციის წესების დარღვევას ეხება.

7 წლის ბავშვი ნაცემი და ჩაკეტილი ჰყავდათ საღორეში — მოძალადეებად დედა და ბებია სახელდებიან

1745602744

ოჯახის წევრების თქმით, ბავშვი თვითონ გაექცა სავარაუდო მოძალადეებს და დახმარებისთვის ნათესავს მიმართა. ისინი დედასა და ბებიას ასახელებენ ძალადობის წყაროდ. პოლიციამ უკვე გამოკითხა ბავშვის დედა, თუმცა არასრულწლოვანს ექსპერტიზა ამ დრომდე არ ჩატარებია.ბავშვის მამისა და ბებიის თქმით, რომლებიც უცხოეთში იმყოფებიან, მათ რეაგირება მას შემდეგ შეძლეს, რაც ბავშვმა ნათესავთან მოახერხა მისვლა. მამა აპირებს საქართველოში დაბრუნებას და სამართალდამცველებისგან სწრაფ და ეფექტურ რეაგირებას ითხოვს.აღსანიშნავია, რომ სკოლის წარმომადგენლების მხრიდან არ დაფიქსირებულა ინტერესი იმაზე, თუ რატომ არ ესწრებოდა ბავშვი გაკვეთილებს ბოლო ერთი კვირის განმავლობაში.გამოძიება დაწყებულია საქართველოს სისხლის სამართლის კოდექსის 126-ე პრიმა მუხლის მეორე ნაწილის „ბ“ ქვეპუნქტით, რაც გულისხმობს ოჯახური ძალადობის ჩადენას არასრულწლოვნის მიმართ და ითვალისწინებს თავისუფლების აღკვეთას ერთიდან სამ წლამდე ვადით.

"ჯერ არ შემოსულა და თითებს იქნევს, ცდილობს, რომ მონობას შეგვაჩვიოს, ხელისუფლებას ვეკითხები - რას აპირებთ"

1745400124

მათი თქმით, მათ აფრთხილებენ, რომ თუ ახალი მენეჯმენტის პირობებს არ დათანხმდებიან, საერთოდ სამსახურების გარეშე დარჩებიან. ახალი მენეჯმენტის წარმომადგენელი აქციის მონაწილეებთან იყო მისული, თუმცა ის ადგილიდან გააძევეს.მათი თქმით, ჭიათურაში მიდის მათთვის უცხო პიროვნება და თითის ქნევით ესაუბრება გაფიცულ მაღაროელებს."ჯერ არ შემოსულა და თითებს იქნევს. ცდილობს, რომ მონობას შეგვაჩვიოს. მოდის ვინმე ჩვენთვის უცნობი პიროვნება და გვეუბნება -  ტყიბულში დაალაგა სიტუაცია და პასუხისმგებელი ვარ, დავალაგებ ყველაფერსო. მეტი პასუხისმგებლობა თუ არავის გააჩნია ამ ქვეყანაში და მეტ ყურადღებას თუ არ ვიმსახურებთ ჩვენ, ვიღაცა უცხო მოდიოდეს და აქ თითებს გვიქნევდეს... ხელისუფლებას ვეკითხები - რას აპირებთ, რას გეგმავთ და როგორ გგონიათ, როდემდე ვიქნებით ასე შემწყნარებლები და როდემდე გადაგისვამთ ხელს თავზე?!", - განაცხადა ერთ-ერთმა მაღაროელმა.კიდევ ერთი მაღაროელის თქმით კი, ტყიბულელი მეშახტეები დაამონეს და იგივე სურთ ჭიათურაშიც."რაც თქვენ ტყიბულელებს გაუკეთეთ ამ წლების განმავლობაში, ტყიბულელი მეშახტეები რომ დაამონეთ, შეაშინეთ. ერთ ადამიანს არ უჩნდება ბრძოლის სურვილი იმდენად გაათითოკაცეთ. ზუსტად ამაში ხართ პროფესიონალები. ეგ გინდათ ჭიათურაშიც რომ გაატაროთ, ნურას უკაცრავად, ვერ მოგართვით. პირიქით, აქ ჩამოხვალთ და აქავე დაგამტვრევთ რქებს", - განაცხადა ერთ-ერთმა მაღაროელმა."ჯორჯიან მანგანეზის" განცხადებით, "ჭიათურაში სამთო წარმოების აღდგენა და რეორგანიზაცია დაიგეგმა. წარმოების განახლების პროცესს მიხეილ სოცკი უხელმძღვანელებს"."რეორგანიზაციის პარალელურად დაიწყება დახურული მაღაროების ტექნიკური ინსპექტირება. თითოეული მაღაროს შესწავლის შემდეგ დაიწყება აღდგენა - გადამაგრებითი სამუშაოები. კომპანიის პოზიცია უცვლელია – პიკეტირების პირობებში წარმოების აღდგენა შეუძლებელია. კომპანია გადაჭრით აცხადებს: ჭიათურაში სამთო წარმოება ან გაიხსნება ახალ წესებზე დაფუძნებული მოდელით – ან საერთოდ ვერ აღდგება. ამ პროცესის დაწყება შეუძლებელია მაღაროების ბლოკირების პირობებში. ადგილობრივი ჯგუფების მიერ მაღაროები უკვე ერთ წელზე მეტია, პარალიზებულია. განსაკუთრებით მძიმეა ვითარება შუქრუთის და კოროხნალის მაღაროებში, საიდანაც კომპანია მადნის 70%-ზე მეტს მოიპოვებდა – ამ მოცულობის დანაკარგი პირდაპირ აზიანებს როგორც კომპანიას, ასევე საფრთხეს უქმნის რეგიონს. მოვუწოდებთ ადგილობრივ ჯგუფებს, შეწყვიტონ პიკეტირება და ხელი არ შეუშალონ ჭიათურაში სამთო წარმოების აღდგენას", - აღნიშნულია "ჭიათურა მენეჯმენტ კომპანის" მიერ გავრცელებულ ინფორმაციაში. “ჯორჯიან მანგანეზმა” ჭიათურაში საწარმოო პროცესს ნოემბრიდან სრულად შეაჩერა. 7 მარტს “ჭიათურ მენეჯმენტს კომპანიმ“ განაცხადა, რომ “ჯორჯიან მანგანეზთან” შეთანხმებით, მაღაროებში მიწისქვეშა სამუშაოები აღარ განახლდება.

კახეთში ავტომობილი საკუთარი სახლის წინ მჯდომ ცოლ-ქმარს დაეჯახა, ორივე დაიღუპა

1745390760

ადგილობრივების ცნობით, გადაჭარბებული სიჩქარით მოძრავი მანქანა საკუთარი სახლის წინ მჯდომ ცოლ-ქმარს დაეჯახა. ძლიერი შეჯახების შედეგად, ორივე ადგილზე დაიღუპა.შემთხვევა 22 აპრილს მოხდა.მომხდარზე დაწყებულია გამოძიება.

გურჯაანის მუნიციპალიტეტში სოფლები დაისეტყვა

1745338369

ვაჩნაძიანში, კალაურში, ვაზისუბანში, მუკუზანს და შაშიანში სტიქია დაახლოებით 15 წუთს გაგრძელდა.ვენახებისა  და სასოფლო-სამეურნეო სავარგულების მდგომარეობა ჯერჯერობით უცნობია.

ფოლადაანთკარში, ტბაში მამის და მისი ორი მცირეწლოვანი შვილის ცხედარი იპოვეს

1745304131

მათ ორი დღის განმავლობაში ეძებდნენ.შსს-მ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

ქობულეთი-ბათუმის შემოვლით გზაზე ერთმანეთს 2 მანქანა შეეჯახა

1745242899

შემთხვევის დროს ორი მსუბუქი მანქანა ერთმანეთს შეეჯახა. დაშავებული პირი სამკურნალოდ კლინიკაში გადაიყვანეს.შემთხვევის შედეგად საავტომობილო მოძრაობა დროებით შეიზღუდა.მომხდარზე შინაგან საქმეთა სამინისტრომ გამოძიება დაიწყო.ფოტო: "აჭარის ტელევიზია"

საქართველოში მიწისძვრა მოხდა

1745062111

სეისმური მონიტორინგის ეროვნული ცენტრის ინფორმაციით, მიწისძვრის სიმძლავრემ 3.1 (ML) მაგნიტუდა შეადგინა.მიწისქვეშა ბიძგები ონთან 14:50 საათზე დაფიქსირდა. 

ხონში ავტოსაგზაო შემთხვევის შედეგად სამი არასრულწლოვანი დაიღუპა

1744986548

თვითმხილველების ინფორმაციით, ავტომობილი ხიდიდან წყალში გადავარდა, რის შედეგადაც სამი არასრულწლოვანი დაიღუპა, ორი კი დაშავდა.დაშავებულები კლინიკაში გადაიყვანეს.მომხდარზე დაწყებულია გამოძიება.

შაშვებთან ავტოსაგზაო შემთხვევის შედეგად ორი ადამიანი დაიღუპა

1744733265

ავტოსაგზაო შემთხვევის შედეგად ორი ადამიანი დაიღუპა.შსს-მ მომხდარზე გამოძიება 276-ე მუხლის მე-8 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.