კულტურა
თბილისის კონსერვატორიის რექტორად გიორგი ვაჩნაძე აირჩიეს

1710318724

"გიორგი ვაჩნაძემ 1985 წელს დაამთავრა თბილისის ცენტრალური სამუსიკო სასწავლებელი და სწავლა განაგრძო ვანო სარაჯიშვილის სახელობის სახელმწიფო კონსერვატორიაში. 1990 წელს სასწავლებლად გაემგზავრა აშშ-ში, ნიუ-იორკის მენეს-კოლეჯში (Mannes College of Music). 1994 წელს დაამთავრა ინდიანის უნივერსიტეტის მაგისტრატურა.იგი არის არაერთი საერთაშორისო კონკურსის ლაურეატი (1994 წელი - ჯინა ბახაუერის საერთაშორისო საფორტეპიანო კონკურსი, მეოთხე ადგილი; 1996 წელი - ალაბამის ფორტეპიანოს საერთაშორისო კონკურსი, პირველი ადგილი; 1997 წელი - მსოფლიოს საფორტეპიანო კონკურსი, ცინცინატი, პირველი ადგილი; 1998 წელი - პალმ ბიჩის საფორტეპიანო კონკურსი, პირველი ადგილი).2002-2005 წლებში იყო ინდიანის უნივერსიტეტის ლექტორი, 2004-2011 წლებში - მიჩიგანის სახელმწიფო უნივერსიტეტის ასისტენტ-პროფესორი.გიორგი ვაჩნაძის ჩანაწერები გავრცელებულია მსოფლიოს მასშტაბით. აღსანიშნავია  2022 წლის ს. რახმანინოვის საფორტეპიანო კონცერტი №3, რე მინორი, თხზ. 30, ოსაკის საუკუნის სიმფონიური ორკესტრი; ნორიჩიკა იიმორი, ცოცხალი ჩანაწერი ოსაკის სიმფონიური ორკესტრის დარბაზიდან Audiophile Society (აშშ), 2019 წლის გ. ყანჩელის 33 საფორტეპიანო მინიატურა და ალთუნიანისა და ს. ცინცაძის ნაწარმოებები Piano Classics (ნიდერლანდები).ამჟამად გიორგი ვაჩნაძე არის ჩიკაგოს დეპოლის უნივერსიტეტის პროფესორი.გიორგი ვაჩნაძე წარმატებით მართავს კონცერტებს აშშ-ში, კანადაში, ნიდერლანდებში, იტალიაში, იაპონიაში, გერმანიაში, ტაივანში, არგენტინაში, დიდ ბრიტანეთში, ისრაელსა და სხვა ქვეყნებში.საქართველოს კანონმდებლობის შესაბამისად, მას შემდეგ, რაც კონსერვატორიის რექტორს უფლებამოსილების ვადა 2023 წლის 21 ოქტომბერს ისე ამოეწურა, რომ ახალი რექტორის არჩევა ვერ მოხერხდა, კონსერვატორია ვალდებული იყო, გამოეცხადებინა რექტორის მოვალეობის შემსრულებლის შესარჩევი კონკურსი და 21 ოქტომბრიდან 14 დღის განმავლობაში აერჩია რექტორის მოვალეობის შემსრულებელი. კონკურსის შედეგად, კონსერვატორიის რექტორის მოვალეობის შემსრულებლად გიორგი შავერზაშვილი აირჩა.საქართველოს კულტურისა და სპორტის სამინისტრო მადლობას უხდის გიორგი შავერზაშვილს გაწეული შრომისთვის, ხოლო ახალ რექტორს, გიორგი ვაჩნაძეს დიდ წარმატებებს უსურვებს შემდგომ საქმიანობაში", - აღნიშნულია კულტურის სამინისტროს ინფორმაციაში.

გოგი მარგველაშვილი მარჯანიშვილის თეატრის სამხატვრო ხელმძღვანელად დაინიშნა

1709643944

გოგი მარგველაშვილის პროფესიული საქმიანობა ქართულ თეატრსა და ნიჭიერი თაობების აღზრდას უკავშირდება. თბილისის სახელმწიფო თეატრალურ ინსტიტუტში დრამის რეჟისორის სპეციალობის დაუფლების შემდეგ იქვე დაიწყო პედაგოგიური საქმიანობა. 2001-2005 წლებში იყო მიხეილ თუმანიშვილის სახელობის კინომსახიობთა თეატრის მთავარი რეჟისორი, 2005-2009 წლებში - ამავე თეატრის სამხატვრო ხელმძღვანელი, 2014-2020 წლებში - შოთა რუსთაველის სახელობის თეატრისა და კინოს სახელმწიფო უნივერსიტეტის რექტორი. 2009 წლიდან დღემდე ის ა. გრიბოედოვის სახელობის სახელმწიფო თეატრის მთავარი რეჟისორია, 2023 წლის აპრილიდან კი არის საქართველოს შოთა რუსთაველის სახელობის თეატრისა და კინოს სახელმწიფო უნივერსიტეტის რექტორის მოადგილე.გოგი მარგველაშვილი არაერთი პრემიისა და ჯილდოს მფლობელია. მათ შორის არის: თეატრის მოღვაწეთა კავშირის პრემია რეჟისორული ნამუშევრისათვის (1994 წ.), რუსთავის თეატრალური ფესტივალის პრემია საუკეთესო რეჟისურისათვის (1996 წ.), საქართველოს თეატრის მოღვაწეთა კავშირის პრიზი საუკეთესო რეჟისორული ნამუშევრისათვის (2001 წ.), პრიზი საუკეთესო ექსპერიმენტული რეჟისურისათვის (რუსთავის საერთაშორისო თეატრალური ფესტივალი, 2004 წ.) და სხვა.გოგი მარგველაშვილი კოტე მარჯანიშვილის სახელობის თეატრის სამხატვრო ხელმძღვანელად მომდევნო 4 წლის ვადით საქართველოს კულტურისა და სპორტის მინისტრმა მისთვის კანონით მინიჭებული დისკრეციული უფლებამოსილების შესაბამისად დანიშნა.

14 იანვარს ქართული თეატრის დღე აღინიშნება

1705215031

1850 წელს დრამატურგ გიორგი ერისთავის აქტიური მონაწილეობით აღორძინდა ქართული თეატრი, რომელსაც მდიდარი სცენური ტრადიციები ჰქონდა. აღორძინების პირველივე დღეებიდან ქართული თეატრი რეალისტური ხელოვნების გზას დაადგა. მის სცენაზე დაიწყო ერისთავისა და ანტონოვის უპირატესად კომედიური ჟანრის პიესების დადგმა.ქართული სასცენო ხელოვნების ახალი, ძლიერ ნაყოფიერი პერიოდი კი 1879 წელს დაიწყო, როდესაც თბილისში მოწინავე საზოგადო მოღვაწეების ჯგუფმა ილია ჭავჭავაძისა და აკაკი წერეთლის ხელმძღვანელობით ქართული პროფესიული დრამატული თეატრის გახსნას მიაღწია.საქართველოში ამჟამად 48 პროფესიული თეატრია.

25 ნოემბერს სენაკის თეატრში სპექტაკლი "ნიკო ნიკოლაძე" გაიმართება

1700736774

"ნიკო ნიკოლაძე" ელენე მაცხონაშვილის საავტორო სპექტაკლია, პროდიუსერია თენგიზ ხუხია, მონაწილეობენ - ანი ანდღულაძე, ირაკლი კვერღელიძე, ნიკა კვარაცხელია და ალიკა ცეკვაშვილი. სპექტაკლი ნიკო ნიკოლაძის  დაბადებიდან 180 წლის იუბილეს ეძღვნება.სპექტაკლში ორი თოჯინა და ოთხი მსახიობი სწორედ ნიკო ნიკოლაძის ცხოვრებაზე, მრწამსზე, იდეოლოგიასა და მოღვაწეობაზე მოგვითხრობს.სპექტაკლი წარმატებით წარდგა ქართველი და საერთაშორისო მაყურებლის წინაშე. თბილისის საერთაშორისო ფესტივალზე მონაწილეობდა რეკომენდებულ სპექტაკლთა შორის, თბილისის ბავშვთა და მოზარდთა საერთაშორისო ფესტივალზე მიღებული აქვს პრიზი: საუკეთესო სპექტაკლი - Best Performance, საუკეთესო მსახიობი ქალის როლისათვის - ანი ანდღულაძეს, მონაწილეობდა თეირანის მე-19 საერთაშორისო თოჯინური სპექტაკლების ფესტივალზე.პროექტი “ნიკო ნიკოლაძე” განხორციელდა საქართველოს კულტურის, სპორტისა და ახალგაზრდობის სამინისტროს ფინანსური მხარდაჭერით.

24-26 ნოემბერს მოძრაობის თეატრში "ჰამლეტის" პრემიერა გაიმართება

1700736062

სპექტაკლის რეჟისორი და კოსტიუმების მხატვარია კახა ბაკურაძე, კომპოზიტორი - სანდრო ნიკოლაძე.მონაწილეობენ - ანა თალაკვაძე, მარიამ ბალახაძე, მიხეილ ზაქაიძე, ლაშა რობაქიძე, გიორგი ხაჩიძე, კოტე ლიპარტელიანი, უჩა მჟავია.სპექტაკლი 20:00 საათზე დაიწყება.

"რეფორმა კი ნამდვილად გასატარებელია, ოღონდ სისტემაში და ურიგო არ იქნებოდა მისი კულტურის სამინისტროდან დაიწყება"

1698049662

"ჩემს გუნდთან ერთად (გუნდი იყო ყველა ის ადამიანი კონსერვატორიის შიგნით და გარეთ, ვინც გაუმჯობესების გზაზე, მიზნების მიღწევაში ხელს გვიწყობდა) მარტო ბოლო 4 წელიწადში ბევრი უმნიშვნელოვანესი საქმე გავაკეთეთ. განსაკუთრებით ვიამაყებ ევროპულ საგანმანთლებლო სივრცესთან დაახლოების მიზნით სასწავლო გეგმაში შეტანილი უმნიშვნელოვანესი და ძირეული ცვლილებებით, საერთაშორისო აკრედიტაციისთვის სრული პაკეტის მომზადებით და მსოფლიო ბანკის გრანტით, საორკესტრო და კამერული მუსიკის სწავლების რეფორმით (ამაზე საუბარიც კი მეუხერხულება), ინტეგრირებული სწავლების მიმართულებით გადადგმული ყველა ნაბიჯით, საბჭოთა სასწავლო გეგმიდან შემორჩენილი ნარჩენების უარყოფით, საერთაშორისო ურთიერთობების მიმართულებით ფანტასტიკური კავშირებით და უკლებლივ ყველა პროექტით; განსაკუთრებით ვიამაყებ კომფორტის ზონის დარღვევით, რაც ძველსა და ახალს შორის ბრძოლაში განვითარებისკენ მტკივნეული ნაბიჯების გადადგმას გულისხმობდა, ვიამაყებ ახალგაზრდა კადრების უპრეცედენტო შემოდინებით კონსერვატორიაში და მათი სასწავლო პროცესში ჩაბმით; ასევე ვიამაყებ ჩვენი სახელგანთქმული არტისტების სასწავლო პროცესში დატვირთვით; მეტიც, ხარისხის კულტურის დამკვიდრებისკენ მნიშვნელოვანი ნაბიჯების გადადგმით და სხვა მრავალით...განსაკუთრებით ვიამაყებ კონსერვატორიის როიალების პრობლემის წამოჭრით (მაშინ ჯერ კიდევ განათლების სამინისტროს დაქვემდებარებაში ვიყავით), რომლის გადაჭრის იმედი არავის ჰქონდა ჩემ გარდა.ასევე ვიამაყებ იმ 3 ახალი საგანმანათლებლო სამაგისტრო პროგრამით (საკონცერტმაისტერო, სიმფონიური დირიჟორობა, ტრადიციული მუსიკის შემსრულებლობა), რომლებიც კულტურის სამინისტრომ და მის მიერ შემქნილმა ჯგუფმა დაბლოკეს.ვთვლი, რომ სახელმწიფო, რომელიც განებივრებული არ არის ადამიანური რესურსით, ისეთ ადამიანებს, რომელთაც იდეა, საქმის ცოდნა და უანგარობა აქვთ, უნდა უფრთხილდებოდეს. რადგან ეს თვისებები კონვერტირდება სიყვარულში, იდეისადმი და საქმისადმი ერთგულებაში (არა პიროვნებისადმი მორჩილებაში) და კრიზისის შესაძლებლობად გარდაქმნაში.არ მახსენდება, ბოლოს როდის ვმუშაობდით მშვიდ, კეთილგანწყობილ გარემოში. მაგრამ მახსენდება კულტურის სამინისტროში დახურულ კარს მიღმა შეხვედრა, რომლის მსგავსიც მხოლოდ არქივში მაქვს წაკითხული. მხედველობაში მაქვს 2023 წლის 11აპრილი და მისი შემდგომი პერიოდი - ურთულესი პერსონალურად ჩემთვის, იმ ადამიანებისთვის, ვინც ჩემთან ერთად ესწრებოდნენ იმ შეხვედრას და ალბათ, იმათთვისაც, ვინც ამ ომში ბრმა იარაღად გამოიყენეს, ან თავიანთი სურვილით გამოაყენებინეს თავი. მჯერა, რომ მოვა დრო, როცა 11 აპრილის შეხვედრაზე მყოფნი იტყვიან, რომ იქ არ ყოფილან... და მაინც ვფიქრობ, რომ ყველაზე დიდი ფასი იმ დღეს თქვენ გადაიხადეთ.ჩემს აზრზე კვლავაც ვრჩები, რომ აკადემიური თავისუფლება და ავტონომიურობა კვლავ გამოწვევად რჩება კონსერვატორიისთვის, როგორც არ უნდა შეიფუთოს ის.რეფორმა კი ნამდვილად გასატარებელია, ოღონდ სისტემაში და ურიგო არ იქნებოდა მისი კულტურის სამინისტროდან დაიწყება.მადლობა მინდა გადავუხადო ყველას ამ 4 წლის მანძილზე გაწეული თავდაუზოგავი შრომისთვის. მადლობა მათ, ვინც ამ ომში არ მიმატოვა, ჩემს გვერდით იდგა და მამხნევებდა; ჩემს გუნდს (სახელებს არ ჩამოვწერ), იმ ადამიანებსაც, რომლებიც ამას ღიად არ/ვერ აკეთებდნენ (იმის შიშით რომ სამიზნე არ გამხდარიყვნენ), და მადლობა მათაც, ვინც ეს ომი საკუთარი ვიწრო ადამიანური სურვილების მიღწევის შესაძლებლობად აღიქვა...ამ კრიზისმა გამოავლინა საუკეთესო ღირსეულებში და ფსკერი წახდენილებში.განსაკუთრებული მადლობა ჩემს ყველა თაობის სტუდენტს (ამჟამინდელს და ყოფილს) გულშემატკივრობისთვის, თბილი სიტყვებისთვის და ასეთი სიყვარულისთვის.ვრჩები კონსერვატორიაში, როგორც ლექტორი და, იმედია, პროფესიულ საქმიანობას (მუსიკოლოგი ვარ, თუ ვინმემ არ იცის და იურისტი ვგონივარ) შეუფერხებლად გავაგრძელებ.ნათქვამია - “თუ გინდა იარო ჩქარა, იარე მარტომ, მაგრამ თუ გინდა წახვიდე შორს, იარე სხვებთან ერთად”. ჰოდა 4 წელია ერთად სიარულით საკმაო მანძილი გავიარეთ. ახლა ჩქარა სიარულის დროა", - წერს შარიქაძე.

ლევან წულაძემ მარჯანიშვილის თეატრის სამხატვრო ხელმძღვანელის თანამდებობა დატოვა

1696946251

"საქართველოს კულტურის, სპორტისა და ახალგაზრდობის სამინისტროს ლევან წულაძემ სსიპ თბილისის კოტე მარჯანიშვილის სახელობის პროფესიული სახელმწიფო დრამატული თეატრის სამხატვრო ხელმძღვანელის თანამდებობიდან გათავისუფლების შესახებ განცხადებით მიმდინარე წლის 2 ოქტომბერს მიმართა.ლევან წულაძის სამხატვრო ხელმძღვანელის თანამდებობიდან გათავისუფლების ბრძანება დღეს, 10 ოქტომბერს, გამოიცა.ლევან წულაძე მოცემულ პოზიციაზე უფლებამოსილების ახალი, ოთხწლიანი ვადით, 2022 წლის 6 მარტიდან დაინიშნა. მან მარჯანიშვილის თეატრს 18 წლის განმავლობაში უხელმძღვანელა და არაერთ მნიშვნელოვან წარმატებას მიაღწია როგორც ქვეყანაში, ასევე - საზღვარგარეთ.კულტურის სამინისტრო მადლობას უხდის ლევან წულაძეს მრავალწლიანი აქტიური შემოქმედებითი საქმიანობისთვის და კვლავაც დიდ წარმატებებს უსურვებს", - აღნიშნულია კულტურის სამინისტროს მიერ გავრცელებულ ინფორმაციაში. 

"მივიღეთ გადაწყვეტილება, წელს ფრანკფურტის წიგნის ბაზრობაზე საკუთარი სახსრებით წარვდგეთ დამოუკიდებელი ქართველი გამომცემლების სტენდით"

1696154229

"სწორედ ამიტომ, ბოიკოტში მყოფმა გამომცემლებმა და მწერლებმა გადავწყვიტეთ დავიცვათ ბოიკოტის პირობების შესაბამისად ნაკისრი ვალდებულებები და არ ვითანამშრომლოთ მწერალთა სახლთან არც ფრანკფურტის წიგნის ბაზრობის ფარგლებში.თუმცა, სწორედ იმიტომ, რომ ჩვენთვის უძვირფასესია ის მრავალწლიანი პროფესიული ურთიერთობა, რომელიც გვაკავშირებს ფრანკფურტის წიგნის ბაზრობასთან და გვესმის, რამდენად მნიშვნელოვანია, რომ ქართველი გამომცემლები და მწერლები უწყვეტად წარადგენდნენ ქართულ ლიტერატურას ამ საერთაშორისო ფორუმზე (2018 წელს მიღწეული უდიდესი წარმატების შემდეგ კი ამ პროცესის უწყვეტობა ერთი-ორად აუცილებელია, როგორც ჩვენი პროფესიული წარმატების, ისე ქვეყნის საერთაშორისო იმიჯისა თუ ეროვნული მიზნებისთვის), ბოიკოტში მყოფმა ქართველმა გამომცემლებმა მივიღეთ გადაწყვეტილება, წელს ფრანკფურტის წიგნის ბაზრობაზე საკუთარი სახსრებით წარვდგეთ დამოუკიდებელი ქართველი გამომცემლების სტენდით, რომელიც ღია იქნება ყველა იმ ქართველი გამომცემლისთვის, რომლებიც წარმოდგენილი იქნებიან წლევანდელ წიგნის ბაზრობაზე, განურჩევლად იმისა, იზიარებენ თუ არა ჩვენი ბოიკოტის პირობებს. აღნიშნული გადაწყვეტილებით გვსურს ხაზი გავუსვათ იმას, რომ, მიუხედავად შესაძლო აზრთა სხვადასხვაობისა, ჩვენ ვინარჩუნებთ სექტორის ერთიანობას.ფრანკფურტის წიგნის ბაზრობაზე გამომცემლების ფინანსური მხარდაჭერით გაემგზავრებიან ქართველი ავტორებიც და მიიღებენ მონაწილეობას უკვე დაგეგმილ ღონისძიებებში.იმედი გვაქვს, რომ ამ ინიციატივას მხარდაჭერას გამოუცხადებენ ჩვენი მუდმივი პარტნიორები, დამოუკიდებელი ორგანიზაციები თუ ფონდები, რომლებთანაც მრავალწლიანი თანამშრომლობა გვაკავშირებს და რომლებიც ჩვენთან ერთად იბრძვიან საქართველოში სიტყვისა და გამოხატვის თავისუფლების მხარდასაჭერად", - აღნიშნულია განცხადებაში. 

"ოსკარის" ნომინაციაზე საქართველოს კანდიდატ ფილმად თინათინ ყაჯრიშვილის "მოქალაქე წმინდანი“ დასახელდა

1694715424

2024 წელს ამერიკის კინოაკადემიის დაჯილდოებაზე საერთაშორისო სრულმეტრაჟიანი ფილმის ნომინაციისთვის საქართველოს კანდიდატ ფილმად "მოქალაქე წმინდანი“ (თინათინ ყაჯრიშვილი) დაასახელეს.ფილმი საქართველოს ეროვნული კინოცენტრის მხარდაჭერითაა გადაღებული. საქართველოს კანდიდატი ფილმი სპეციალური კომისიის ფარული კენჭისყრის საფუძველზე გამოვლინდა.კომისიის წევრები იყვნენ: გიორგი ხარებავა, კონსტანტინე ესაძე, ედმონდ მინაშვილი, ზაზა შათირიშვილი, ვალერიან კირკიტაძე, ოთარ ბუბაშვილი, ნიკოლოზ შენგელაია, მარიამ ხაჭვანი, რუსუდან გლურჯიძე, ლევან გიგინეიშვილი, ბაჩანა ოდიშარია, გიორგი ცხვედიანი.წელს საქართველოს საკონკურსო ფილმის სტატუსის მოპოვებას ცდილობდა ოთხი ქართული ფილმი: „გრაკლიანი გორის წარწერის საიდუმლო“ (რეჟისორი – ლელა წიფურია), „მოქალაქე წმინდანი“ (რეჟისორი – თინათინ ყაჯრიშვილი), „მშვენიერი ელენე“ (რეჟისორი – გიორგი ოვაშვილი), „შაშვი, შაშვი, მაყვალი“ (რეჟისორი – ელენე ნავერიანი). 

"ამ ფორმაციის კინოცენტრთან ვწყვეტ ყოველგვარ ურთიერთობას"

1692803301

მისი თქმით, ამ ფორმაციის კინოცენტრთან ყოველგვარ ურთიერთობას წყვეტს."ამ ფორმაციის კინოცენტრთან ვწყვეტ ყოველგვარ ურთიერთობას, ამ ხალხს ვუერთდები იმიტომ, რომ კინო მოღვაწეებისგან კიდევ უფრო დასაფასებელია ეს სოლიდარობა", - აცხადებს ქიქოძე.21 აგვისტოს კულტურის სამინისტროს რეპრესიული პოლიტიკის გამო, კინემატოგრაფისტებმა კინოცენტრს ბოიკოტი გამოუცხადეს და განცხადება გაავრცელეს, რომ პროტესტის ნიშნად, კინოცენტრის გამოცხადებულ კონკურსებსა და პროექტებში მონაწილეობას აღარ მიიღებენ.