მსოფლიო
"ისლამურ სახელმწიფოებს გაერო-ს უშიშროების საბჭოში მუდმივი ადგილი უნდა მიეცეს"

ილჰამ ალიევმა ბაქოში ეგვიპტის პრეზიდენტთან მოლაპარაკების შემდეგ განაცხადა, რომ ასეთი რეფორმების გატარებით გაერო-ს უშიშროების საბჭოში მუდმივი ადგილების გასაფართოებლად, უფრო უსაფრთხო და სამართლიანი სამყარო შეიძლება ჩამოყალიბდეს.მისივე თქმით, მუდმივი ადგილი ასევე შეიძლება მიენიჭოს არაკავშირების მოძრაობას, რომლის გენერალური მდივანიც ის არის."ერთი მუდმივი ადგილი უნდა დაეთმოს ისლამური თანამშრომლობის ორგანიზაციის წევრებს და OIC-მა კონსულტაციების საფუძველზე უნდა წარადგინოს თავისი კანდიდატი. მუდმივი წევრის კიდევ ერთი ადგილი უნდა დაეთმოს არაკავშირების მოძრაობა და ეს ადგილი უნდა გადაეცემოდეს მის თავმჯდომარე ქვეყანას. ვფიქრობ, ეს იქნება სამართლიანი“, - განაცხადა ალიევმა.

1675003108

"გერმანია სწრაფად შეეგუა ამ ახალ რეალობას, სადაც ჩვენ აღარ ვთანამშრომლობთ რუსეთთან"

"2022 წლის 24 თებერვალს ჩვენ ეპოქის ცვლილების წინაშე აღმოვჩნდით და გერმანია სწრაფად შეეგუა ამ ახალ რეალობას. რეალობას, სადაც ჩვენ აღარ ვთანამშრომლობთ რუსეთთან“, - განუცხადა შოლცმა ჟურნალისტებს ლათინურ ამერიკაში გამგზავრების წინ.გერმანიის კანცლერმა ასევე ხაზგასმით აღნიშნა, რომ ქვეყანა აღარ არის დამოკიდებული რუსულ გაზზე, ნავთობსა და ნახშირზე. მისი თქმით, ქვეყანამ რამდენიმე თვეში შეძლო ენერგეტიკის სექტორის გარდაქმნა, თუმცა ეკონომიკის ცალმხრივი დამოკიდებულების შესამცირებლად მუშაობას განაგრძობს.

1674990567

პერუში ტურისტული ავტობუსის კლდიდან გადავარდნის შედეგად 24 ადამიანი დაიღუპა

შემთხვევა პერუს ჩრდილო-დასავლეთ ნაწილში მოხდა.ავტობუსში დაახლოებით 60 ადამიანი იმყოფებოდა.დაშავებულები საავადმყოფოებში გადაიყვანეს.

1674980768

ირანში სამხედრო ინფრასტრუქტურის ობიექტებზე აფეთქებები მოხდა

მედიის ინფორმაციით, თავდასხმების შედეგად ქალაქ შაჰიდ-სალიმში მდებარე ძრავის ზეთების მწარმოებელ ქარხანაში ძლიერი ხანძარი გაჩნდა.ასევე, თავდასხმა მოხდა ისპაანში მდებარე დრონებისა და საბრძოლო მასალების მწარმოებელ სამხედრო ქარხანაზე.აფეთქება იყო ქალაქ დიზფულის ავიაბაზაზეც, ასევე აფეთქებისა და ხანძრის შესახებ ვრცელდება ცნობები ქალაქებიდან – ჰამადანიდან და რეშტიდან.აფეთქებების ხმა ისმოდა დედაქალაქ თეირანშიც. ადგილობრივების თქმით, თავდასხმები განხორციელდა სამთავრობო შენობებზე, რის შედეგადაც ჰაერში ირანული თვითმფრინავები აფრინდნენ.ამ დროისთვის მსხვერპლის და დაშავებულების შესახებ ინფორმაცია არ ვრცელდება.

1674979375

ევროკავშირს რუსეთის სამხედრო დანაშაულების გამოსაძიებლად სპეციალური პროკურატურის შექმნა სურს

მისი მონაცემებით, ორგანოს შექმნის იდეამ, რომელშიც უკრაინის და სხვა ქვეყნების პროკურატურები შევლენ, ამ კვირაში ევროკავშირის წევრებისგან ფართო მხარდაჭერა მიიღო.როგორც Bloomberg წერს, ამავდროულად, უკრაინის სპეციალური საერთაშორისო ტრიბუნალის შესახებ მოლაპარაკებები სამართლებრივ დავებში გრძელდება.

1674836943

ზახაროვა - თქვენ ევროკავშირის და ნატო-ს მოქალაქეები იდიოტები გგონიათ?

მან ჩრდილოატლანტიკური ალიანსის გენერალურ მდივანს იენს სტოლტენბერგს მიმართა."თქვენ ევროკავშირის და ნატო-ს მოქალაქეები იდიოტები გგონიათ? თქვენ ნამდვილად მიგაჩნიათ, რომ ტანკების გაგზავნით, რომლებსაც ადამიანები უნდა მოემსახურონ, როგორც უკრაინის, ისე სხვა ქვეყნის მოქალაქეების რეკრუტირების პუნქტების ჩამოყალიბებით, მათ შორის საზღვარგარეთ უკრაინული საელჩოების ბაზებზე, არ წარმოადგენთ კონფლიქტის მხარეს?“ – განაცხადა ზახაროვამ.მისივე თქმით, უკრაინისთვის გადაცემული დასავლური ჯავშანტექნიკა განკუთვნილია შეტევითი საბრძოლო მოქმედებებისთვის, აშშ-ის პრეზიდენტის ადმინისტრაციაში კი არ მალავენ, რომ ახალი შეიარაღება დაეხმარება კიევს უკრაინული ტერიტორიების, მათ შორის, ყირიმის გათავისუფლებაში."ყირიმი რუსეთის ტერიტორიაა, იყო და იქნება“, – განაცხადა ზახაროვამ.მისი თქმით, უკრაინის თავდაცვაზე დიდი ხანია, საუბარი აღარ არის, ხოლო კიევი და დასავლეთი ყველაფრისთვის მზად არიან, რათა რუსეთს მაქსიმალური ზიანი მიაყენონ.

1674829228

ერდოღანი თეირანში აზერბაიჯანის საელჩოზე თავდასხმას გმობს

"მკაცრად ვგმობ თეირანში აზერბაიჯანის საელჩოზე განხორციელებულ საზარელ თავდასხმას, რომლის შედეგადაც უსაფრთხოების სამსახურის თანამშრომელი დაიღუპა. თანაგრძნობას ვუცხადებ ჩვენს აზერბაიჯანელ ძმებსა და დებს, დაშავებულებს მალე გამოჯანმრთელებას ვუსურვებ. თურქეთი მეგობარი და მოძმე აზერბაიჯანის გვერდით დგას“, – წერს ერდოღანი.ირანში აზერბაიჯანის საელჩოზე თავდასხმა მოხდა. შემთხვევის შედეგად დაიღუპა ერთი და დაიჭრა ორი ადამიანი.

1674828350

რუსეთის წინააღმდეგ ეკონომიკური სანქციები კიდევ ექვსი თვით გახანგრძლივდა

ეს სანქციები  უკრაინის წინააღმდეგ რუსეთის ქმედებების გამო პირველად 2014 წელს შემოიღეს, 2022 წლის თებერვლის შემდეგ კი, როდესაც რუსეთმა უკრაინაში სრულმასშტაბიანი შეჭრა დაიწყო, მნიშვნელოვნად გაფართოვდა.ამჟამად სანქციები მოიცავს სექტორული ღონისძიებების ფართო სპექტრს, მათ შორის ვაჭრობის, ფინანსების, ტექნოლოგიებისა და ორმაგი დანიშნულების საქონელზე, მრეწველობაზე, ტრანსპორტსა და ფუფუნების საქონელზე შეზღუდვებს. 

1674825222

ილჰამ ალიევი თეირანში აზერბაიჯანის საელჩოზე თავდასხმის სწრაფ გამოძიებას მოითხოვს

"მტკიცედ ვგმობ ტერორისტულ აქტს, რომელიც დღეს თეირანში, ჩვენი საელჩოს მიმართ განხორციელდა. ღრმა მწუხარებას გამოვთქვამ უფროს ლეიტენანტ ორჰან რიზვან ასკეროვის ოჯახისა და ახლობლების მიმართ, რომელიც საელჩოსა და მისი თანამშრომლების დაცვის უზრუნველყოფისას დაიღუპა.ჩვენ მოვითხოვთ ამ ტერორისტული აქტის სწრაფ გამოძიებას და ტერორისტების სწრაფად დასჯას. დიპლომატიურ წარმომადგენლობაზე ტერორისტული თავდასხმა დაუშვებელია“, - წერს აზერბაიჯანის პრეზიდენტი Twitter-ზე.ირანში აზერბაიჯანის საელჩოზე შეიარაღებული თავდასხმა დღეს მოხდა, დაიღუპა ერთი და დაიჭრა ორი ადამიანი.

1674816907

ირანში აზერბაიჯანის საელჩოს თავს დაესხნენ

ინფორმაციას აზერბაიჯანის საგარეო საქმეთა სამინისტრო ავრცელებს.მისივე ცნობით, დაჭრილების მდგომარეობა დამაკმაყოფილებელია.ამ დროისთვის ცნობილია ერთი დაკავებულის შესახებ. თავდასხმის მოტივი უცნობია. მიმდინარეობს გამოძიება.

1674806356