მსოფლიო
"ჰამასის" განადგურების მიზნის მიღწევა ნიშნავს, რომ ომი 10 წელი გაგრძელდება“

1701543479

მისი თქმით, "ჰამასის" განადგურების მიზნის მიღწევა ნიშნავს, რომ "ომი 10 წელი გაგრძელდება“."ამიტომ, ეს მიზანი ნათლად უნდა ჩამოყალიბდეს.ეს ვითარება მოითხოვს მზარდ ძალისხმევას ცეცხლის ხანგრძლივი შეწყვეტის მისაღწევად, "ჰამასის" მიერ დაკავებული ყველა მძევლის განთავისუფლებისთვის, ღაზასთვის უფრო სასწრაფო დახმარების გაწევისა და ისრაელის უსაფრთხოების უზრუნველსაყოფად“, - განაცხადა მაკრონმა.

დიდთოვლობამ გერმანიაში საჰაერო მიმოსვლას პრობლემები შეუქმნა

1701513215

უამინდობის გამო, ღამის განმავლობაში მიუნხენის აეროპორტში 160-მდე რეისის განხორციელება ვერ მოხერხდა. გადაიდო ან გაუქმდა დღეისთვის დაგეგმილი რეისების უმეტესობაც.სინოპტიკოსები 30-40 სანტიმეტრამდე ნალექს, ძირითადად, ბავარიის მიწაზე ელოდებიან. ასევე შეფერხებით ფუნქციონირებს საზოგადოებრივი ტრანსპორტი.

აშშ-ის უზენაესი სასამართლოს პირველი ქალი მოსამართლე გარდაიცვალა

1701504100

სასამართლოს განცხადებაში აღნიშნულია, რომ ო'კონორი ფენიქსში დემენციის და რესპირატორულ დაავადებებთან დაკავშირებული გართულებების გამო გარდაიცვალა.დაიბადა ტეხასის ქალაქ ელ პასოში. 1946 წელს ო’კონორმა დაამთავრა ოსტინის სკოლა. 1950 წელს მიიღო ბაკალავრის ხარისხი ეკონომიკაში, სტენფორდის უნივერსიტეტში. 1952 წელს იმავე უნივერსიტეტის იურიდიული ფაკულტეტი დაამთავრა. იყო სტენფორდის იურიდიული ფაკულტეტის გაზეთის მთავარი რედაქტორი. უნივერსიტეტშივე მცირე ხნის განმავლობაში ჰქონდა სასიყვარულო ურთიერთობა აშშ-ის უზენაესი სასამართლოს მომავალ თავმჯდომარესთან, უილიამ რენქუისტთან.1952 წლის 20 დეკემბერს, იურიდიული ფაკულტეტის დამთავრებიდან ექვსი თვის შემდეგ დაქორწინდა ჯეი ო’კონორზე, რომელსაც სტენფორდშივე შეხვდა. მათ სამი შვილი ეყოლათ.1965-69 წლებში იყო არიზონას გენერალური პროკურორის ასისტენტი, 1969 წელს არიზონას გუბერნატორმა იგი არიზონას სენატში ვაკანტურ ადგილზე დანიშნა. შემდეგ წელს ო’კონორმა არჩევნებშიც გაიმარჯვა. 1973 წელს გახდა პირველი ქალი, რომელიც არიზონას თუ ნებისმიერი სხვა შტატის სენატის უმრავლესობის ლიდერის იყო. შეიქმნა რეპუტაცია, როგორც დახელოვნებულმა მომლაპარაკებელმა და ზომიერმა პოლიტიკოსმა. ორი ვადის შემდეგ, გადაწყვიტა სენატის დატოვება.1974 წელს ო’კონორი აირჩიეს მარიკოპას რაინის უზენაეს სასამართლოში, სადაც ის 1975-79 წლებში მოღვაწოებდა. 1979 წელს არიზონას შტატის სააპელაციო სასამართლოში გადაიყვანეს, სადაც 1981 წლამდე იმუშავა, სანამ რონალდ რეიგანი მას უზენაესი მოსამართლეობის კანდიდატად დაასახელებდა.აშშ-ის სენატმა ო’კონორი ერთხმად დაამტკიცა.იგი ძუძუს კიბოს შესახებ ცნობიერების ამაღლებაზე მუშაობდა, რომელიც 1988 წელს თვითონ დაამარცხა და აქტიურად საუბრობდა ალცჰაიმერის დაავადების კვლევების აუცილებლობაზე. ო'კონორმა უზენაესი სასამართლოს მოსამართლის თანამდებობა 2006 წელს დატოვა, რათა ალცჰაიმერით დაავადებული ქმრის გვერდით ყოფილიყო. ბოლო წლებში მას დემენციის დიაგნოზი დაუსვეს, ხოლო 2018 წელს მან განაცხადა, რომ საზოგადოებრივი ცხოვრებიდან მიდიოდა.

გერმანიამ საკონსულოები რუსეთის კიდევ ორ ქალაქში დახურა

1701459723

პარასკევს ნოვოსიბირსკში და ეკატერინბურგში საკონსულოები დაიხურა. სტუმრებს მოუწოდებენ დაუკავშირდნენ მოსკოვის საელჩოს.გარდა გერმანიის წარმომადგენლობითი ოფისებისა კალინინგრადში, ნოვოსიბირსკში, ეკატერინბურგში, სანკტ-პეტერბურგსა და მოსკოვში, სამი საპატიო კონსული მუშაობდა რუსეთში, რომლებიც საკონსულო დახმარებას უწევდნენ გერმანიის მოქალაქეებს ადგილზე ვლადივოსტოკში, ყაზანსა და სარატოვში.ერთი დღით ადრე ცნობილი გახდა, რომ გერმანიამ დახურა საკონსულო რუსეთის კალინინგრადში. დეპარტამენტში განაცხადეს, რომ გენერალური საკონსულო სანქტ-პეტერბურგში პასუხისმგებელია საკონსულო და პასპორტის საკითხებზე კალინინგრადის გენერალური საკონსულოს რაიონში.2023 წლის მაისში გერმანიამ გადაწყვიტა სამი დიპლომატიური წარმომადგენლობის დახურვა მას შემდეგ, რაც მოსკოვმა რუსეთში გერმანული ინსტიტუტების თანამშრომელთა რაოდენობა 350 ადამიანამდე შეზღუდა.

ჰენრი კისინჯერი 100 წლის ასაკში გარდაიცვალა

1701331014

მისი საკონსულტაციო ფირმის ინფორმაციით, ჰენრი კისინჯერი გარდაიცვალა 29 ნოემბერს საკუთარ სახლში კონექტიკუტში.ამერიკელი სახელმწიფო მოღვაწე, დიპლომატი და საერთაშორისო ურთიერთობების ექსპერტი ჰაინც ალფრედ კისინჯერი დაიბადა გერმანიის ქალაქ ფიურტში 1923 წლის 27 მაისს. 1938 წელს  ნაცისტური დევნის შედეგად მისი ოჯახი გერმანიიდან ნიუ-იორკში გაიქცა, სადაც 1943 წელს აშშ-ის მოქალაქე გახდა.მუშაობდა შეერთებული შტატების სახელმწიფო მდივნის და ეროვნული უსაფრთხოების მრჩევლის თანამდებობებზე, რიჩარდ ნიქსონის და ჯერალდ ფორდის საპრეზიდენტო ადმინისტრაციებში.იგი გახდა ეროვნული უსაფრთხოების მრჩეველი 1969 წელს და აშშ-ის სახელმწიფო მდივანი 1973-1977 წლებში. ვიეტნამში ცეცხლის შეწყვეტის შესახებ მოლაპარაკებების წარმოებისთვის, კისინჯერმა მიიღო 1973 წლის ნობელის პრემია მშვიდობის განმტკიცების დარგში.პოსტის დატოვების შემდეგ, კისინჯერმა ჩამოაყალიბა საერთაშორისო გეოპოლიტიკური საკონსულტაციო ფირმა - "Kissinger Associates“. კისინჯერმა დაწერა ათზე მეტი წიგნი დიპლომატიური ისტორიისა და საერთაშორისო ურთიერთობების შესახებ. თუმცა უნდა აღინიშნოს, რომ იგი რჩება საკამათო ფიგურად ამერიკულ პოლიტიკაში, რომელსაც ბევრი ჟურნალისტი, პოლიტიკური აქტივისტი, იურისტი და უფლებადამცველი მიიჩნევს ომის დამნაშავედ. თუმცა, მას ასევე აფასებენ, როგორც საკმაოდ წარმატებულ სახელმწიფო მდივნად და აღიარებულია საერთაშორისო ურთიერთობების ბევრი გამოჩენილი მეცნიერის მიერ.

"აშშ-ის მომდევნო პრეზიდენტად დონალდ ტრამპის არჩევა ევროპისთვის კატასტროფული იქნება"

1701260468

გერმანიის თავდაცვის უწყების ხელმძღვანელის თქმით, თუ აშშ-ის მოქმედი პრეზიდენტი ჯო ბაიდენი ხელახლა აირჩევა, ეს „ბევრად უკეთესი“ იქნება, თუმცა, ბაიდენის დროსაც კი, „განჭვრეტადია, რომ შეერთებული შტატები ყურადღებას გადაიტანს უფრო მეტად ინდო-წყნარი ოკეანისკენ“."ამას თუ გააკეთებენ, ალბათ ვერ შეძლებენ ევროპაში ჩართულობის იმავე დონის შენარჩუნებას. ეს ნიშნავს, რომ ევროპელებს ნატოს ფარგლებში მეტი პასუხისმგებლობის აღება მოუწევთ“, – განაცხადა ბორის პისტორიუსმა.

"ჩვენ ვართ ორგანიზაციის წევრები, უნდა წარმოვადგინოთ ჩვენი პოზიცია და რაღაც დავუპირისპიროთ რუსეთის პოზიციას"

1701192830

როგორც ცნობილია, შეხვედრაში რუსეთის საგარეო საქმეთა მინისტრი სერგეი ლავროვი მიიღებს მონაწილეობას, რის გამოც უკრაინის, ესტონეთის, ლატვიისა და ლიეტუვის საგარეო საქმეთა მინისტრები შეხვედრას არ დაესწრებიან.უმაღლესი ევროპელი დიპლომატის თქმით, მას აქვს "გარკვეული გამოცდილება ბატონ ლავროვთან რთულ ვითარებაში საუბრისა“."მე წავალ ეუთოს სხდომაზე - ჩვენ ვართ ორგანიზაციის წევრები, უნდა წარმოვადგინოთ ჩვენი პოზიცია და რაღაც დავუპირისპიროთ რუსეთის პოზიციას. არ მინდა, რომ ევროკავშირის სკამი ცარიელი იყოს. მე იქ ვიქნები", - განაცხადა ბორელმა.ამასთან, მან ხაზგასმით აღნიშნა, რომ ლავროვთან ცალკე შეხვედრა არ ექნება, რადგან სასწრაფოდ უნდა დაბრუნდეს ბრიუსელში.

თეთრი სახლი - ისრაელი და "ჰამასი" ზავის გახანგრძლივებაზე შეთანხმდნენ

1701107933

ოთხდღიანი ზავის ვადა ხვალ იწურებოდა.თეთრი სახლის პრესმდივნის ჯონ კირბის განცხადებით, ზავის დროს დამატებითი ორი დღის განმავლობაში კიდევ 20 ისრაელელი ქალი და ბავშვი განთავისუფლდება "ჰამასის" ტყვეობიდან.გასულ კვირას ისრაელმა ხელი მოაწერა შეთანხმებას "ჰამასთან" ღაზას სექტორში დროებითი ცეცხლის შეწყვეტის შესახებ მძევლების გათავისუფლების სანაცვლოდ. პირველი გაცვლა 24 ნოემბერს შედგა. "ჰამასმა" გაათავისუფლა 24 ადამიანი - 13 ისრაელის მოქალაქე და 11 უცხოელი.25 ნოემბერს წითელმა ჯვარმა "ჰამასის" მიერ გათავისუფლებული მძევლების მეორე ჯგუფი  მიიღო, რომელიც შედგებოდა 17 ადამიანისგან, მათ შორის 4 უცხოელი.მედიის ცნობით, ისრაელმა "ჰამასთან" მძევლების გაცვლის შეთანხმების ფარგლებში 39 პალესტინელი არასრულწლოვანი ციხიდან გაათავისუფლა.

აშშ-ის საზღვაო ძალებმა იემენის მახლობლად გატაცებული ტანკერი გაათავისუფლეს

1701066202

აშშ-ის ოფიციალურმა წარმომადგენელმა Reuters-თან ანონიმურობის პირობით განაცხადა, რომ აშშ-ის საზღვაო ძალების ხომალდმა უპასუხა კომერციული ტანკერის Central Park-ის განგაშის ზარს.მისივე თქმით, ამერიკულმა ხომალდმა Mason-მა ტანკერი გაათავისუფლა და ის ახლა უსაფრთხოდ იმყოფება.ხუთმა შეიარაღებულმა პირმა გაქცევა სცადა, თუმცა ისინი დააკავეს.გემზე ეკიპაჟის 25 წევრი იმყოფებოდა საქართველოდან, უკრაინიდან, ბულგარეთიდან, ფილიპინებიდან და მექსიკიდან.

"ჩვენ ბევრს ვმუშაობთ, რომ დავიბრუნოთ ჩვენი მძევლები და საბოლოოდ ჩვენ მათ ყველას დავიბრუნებთ"

1701026979

"ჩვენ ბევრს ვმუშაობთ, რომ დავიბრუნოთ ჩვენი მძევლები და საბოლოოდ ჩვენ მათ ყველას დავიბრუნებთ”, - აღნიშნა მან.ამასთან, ნეთანიაჰუმ განაცხადა, რომ ისრაელს "ჰამასის" წინააღმდეგ ომში სამი მიზანი აქვს."ჩვენ გვაქვს სამი მიზანი ამ ომში: "ჰამასის" განადგურება, ყველა ჩვენი მძევლების დაბრუნება და იმის უზრუნველყოფა, რომ ღაზა აღარ გახდეს საფრთხე ისრაელის სახელმწიფოსთვის. ჩვენ წავალთ ბოლომდე, გამარჯვებამდე. და ჩვენ დარწმუნებულები ვართ, რომ გვაქვს ძალა, ძალა, ნება და მონდომება, რომ მივაღწიოთ ომის ყველა მიზანს და მივაღწევთ მათ“, - განაცხადა ისრაელის პრემიერმა.ნეთანიაჰუმ ასევე მოინახულა ისრაელის ჯარების მიერ აღმოჩენილი "ჰამასის" გვირაბი.მასთან ერთად იმყოფებოდნენ მისი შტაბის უფროსი, ეროვნული უსაფრთხოების მრჩეველი, მისი სამხედრო მდივანი, გენერალ-მაიორი ავი გილი და IDF შტაბის უფროსის მოადგილე, გენერალ-მაიორი ამირ ბარამი.