მსოფლიო
ნიკოლ ფაშინიანის განცხადების გამო ბელარუსმა ერევნიდან თავისი ელჩი კონსულტაციებისთვის გაიწვია

1718285984

"ჩვენ ყველა ვხედავთ, რამდენად რთულია დღეს სომხეთში შიდაპოლიტიკური ვითარება, რამდენად სწრაფად მწვავდება დაპირისპირება ქვეყანაში. სხვადასხვა ადამიანებს, რა თქმა უნდა, აქვთ განსხვავებული წინააღმდეგობა სერიოზული ემოციური სტრესის მიმართ. ჩვენ შეგვიძლია გავიგოთ ეს, მაგრამ არ გვესმის - რა შუაშია ბელარუსი?სომხეთის საელჩოს წარმომადგენელი დღეს გამოიძახეს საგარეო საქმეთა სამინისტროში, რათა მან ჩვენთვის ამ საკითხის განმარტება სცადოს. სიტუაციის განვითარების გათვალისწინებით, ჩვენი ელჩი ერევნიდან ასევე ჩამოვა მინსკში“, – განაცხადა განაცხადა საგარეო საქმეთა სამინისტროს პრესმდივანმა.დღეს პარლამენტში სიტყვით გამოსვლისას სომხეთის პრემიერ-მინისტრმა, ნიკოლ ფაშინიანმა განაცხადა, რომ ბელარუსში აღარასდროს გაემგზავრება, ვიდრე ამ ქვეყნის პრეზიდენტი ალექსანდრ ლუკაშენკო იქნება.სომხეთის პრემიერ-მინისტრმა ნიკოლ ფაშინიანმა განაცხადა, რომ ბელარუსში აღარასოდეს გაემგზავრება.სომხური მედიის ინფორმაციით, სომხეთსა და „კოლექტიური უსაფრთხოების ხელშეკრულების ორგანიზაციას“ შორის რთულ ურთიერთობებზე საუბრისას ფაშინიანმა ბელარუსის პრეზიდენტის სკანდალური განცხადება გაიხსენა."ორგანიზაციის ერთ-ერთი ლიდერი აცხადებს, რომ იგი მონაწილეობდა ომის მომზადებაში, წაახალისა, სჯეროდა და აზერბაიჯანს გამარჯვება უსურვა. ამის მერე წავალ ბელარუსის ხელმძღვანელთან „კოლექტიური უსაფრთხოების ხელშეკრულების ორგანიზაციას“ ფორმატში რამის განსახილველად? ვაცხადებ, რომ ამიერიდან ბელარუსში აღარ წავალ, ვიდრე ბელარუსში პრეზიდენტი ალექსანდრე ლუკაშენკოა. საერთოდ, ვაცხადებ, რომ ამიერიდან სომხეთის არცერთი ოფიციალური წარმომადგენელი ბელარუსში არ წავა“, – განაცხადა ნიკოლ ფაშინიანმა.

რუსეთის სამშვიდობო კონტინგენტის აზერბაიჯანის ტერიტორიიდან გაყვანის პროცესი დასრულდა

1718203009

აზერბაიჯანის თავდაცვის უწყების ცნობით, სამშვიდობო კონტინგენტის პერსონალმა, შეიარაღებამ და აღჭურვილობამ ყარაბაღის ტერიტორია მთლიანად დატოვა.აზერბაიჯანსა და სომხეთს შორის 2020 წლის ცეცხლის შეწყვეტის პირობების თანახმად, რეგიონში 1960 რუსი ჯარისკაცი, ასევე ასობით ერთეული ჯავშანტრანსპორტიორი და სხვა სამხედრო ტექნიკა იყო განლაგებული. სამშვიდობო მანდატი, სულ მცირე, 2025 წლის ბოლომდე უნდა გაგრძელებულიყო, თუმცა რუსეთმა რეგიონიდან ჯარების ვადაზე ადრე გაყვანის გადაწყვეტილება მიიღო.

პოლონეთში, იარაღის ქარხანაში ძლიერი აფეთქება მოხდა

1718027708

აფეთქების დროს ცენტრში სამი ადამიანი იმყოფებოდა. ერთმა გასვლა მოასწრო, ერთი დაშავებული კი კლინიკაშია გადაყვანილი.მომხდართან დაკავშირებით მიმდინარეობს გამოძიება, ჯერ უცნობია აფეთქების გამომწვევი მიზეზი უცნობია.

მაკრონმა საფრანგეთის პარლამენტი დაითხოვა

1717963928

როგორც მან მოქალაქეებისადმი მიმართვისას განაცხადა, პარლამენტის დათხოვნისა და საპარლამენტო არჩევნების დანიშვნის გადაწყვეტილება მიიღო."მე გადავწყვიტე დაგიბრუნოთ თქვენი საპარლამენტო მომავლის არჩევანი. ეს გადაწყვეტილება სერიოზულია, რთული, მაგრამ, უპირველეს ყოვლისა, ნდობის აქტია. მოვისმინე თქვენი გზავნილი და არ დავტოვებ უპასუხოდ", - განაცხადა საფრანგეთის პრეზიდენტმა.საფრანგეთში საპარლამენტო არჩევნები 30 ივნისსა და 7 ივლისს ჩატარდება.წინასწარი მონაცემებით, საფრანგეთში ევროპარლამენტის არჩევნებში მარინ ლე პენის პარტია ლიდერობს.

"ევროპის სახალხო პარტია" ევროპარლამენტში 181 მანდატს მოიპოვებს, სოციალისტები და დემოკრატები კი 135-ს

1717962919

ევროკავშირის ქვეყნებში კენჭისყრის შეფასების საფუძველზე მანდატების განაწილების წინასწარი პროგნოზის მიხედვით, ევროპის სახალხო პარტიის ფრაქცია ახალი მოწვევის ევროპარლამენტში პირველობას შეინარჩუნებს. EPP-ს სავარაუდოდ, 181 ადგილის მოპოვებას შეძლებს.რამდენი ადგილის მიღება შეუძლია სხვა ფრაქციებს:სოციალისტებისა და დემოკრატების პროგრესული ალიანსი (S&D) - 135"განაახლე ევროპა“ (Renew Europe) - 82"ევროპელი კონსერვატორები და რეფორმისტები" (ECR) - 71"იდენტობა და დემოკრატია“ - 62მწვანეები/ევროპის თავისუფალი ალიანსი (Greens-EFA) - 53მემარცხენეები (GUE/NGL) - 34კიდევ 51 ​​ადგილის მოპოვება შეუძლიათ დამოუკიდებელ ევროპარლამენტარებს. იმავე რაოდენობის მანდატების მიღება შეუძლიათ დეპუტატებს, რომლებიც მოგვიანებით გახდებიან ევროპარლამენტის რომელიმე ფრაქციის ნაწილი.საერთო ჯამში, ახალი მოწვევის ევროპარლამენტში 720 მანდატი იქნება.ამჟამად არსებული მონაცემებით, ევროპარლამენტის ორმა ძირითადმა ჯგუფმა - ევროპის სახალხო პარტიამ და სოციალ-დემოკრატებმა  შეინარჩუნეს თავიანთი დომინანტური პოზიციები. EPP გაიზარდა 5 მანდატით, სოციალ-დემოკრატებმა დაკარგეს ოთხი.სხვა ორმა ჯგუფმა - Renew (ლიბერალები) და მწვანეებმა - დაკარგეს 20 და 18 მანდატი.ევროპელ კონსერვატორთა და რეფორმისტთა ჯგუფს (მემარჯვენე კონსერვატიული) ორი მანდატით მეტი ექნება. "იდენტობა და დემოკრატიის“ წარმომადგენლობა გაიზარდა 13 მანდატით.ევროპარლამენტის არჩევნები 6-დან 9 ივნისამდე მიმდინარეობდა. ახალი მოწვევის ევროპარლამენტი მუშაობას 16 ივლისს დაიწყება. მისი პირველი გადაწყვეტილება პრეზიდენტის არჩევა იქნება. მოსალოდნელია, რომ ევროპელი დეპუტატები მოქმედ პრეზიდენტ რობერტა მეცოლას ახალი ვადით აირჩევენ.ევროპარლამენტთან ერთად, ევროკავშირში ამ არჩევნების შემდეგ, ევროკომისიის შემადგენლობა მის ხელმძღვანელთან ერთად განახლდება. ევროკომისიის ხელმძღვანელის ასარჩევად კენჭისყრა მას შემდეგ დაინიშნება, რაც ევროკავშირის ლიდერები ამ პოსტზე კანდიდატს შეარჩევენ.ევროპარლამენტის უმთავრესი ამოცანა უახლოეს მომავალში ევროკომისიის ახალი ხელმძღვანელის დამტკიცებაა, რასაც 361 ხმის უმრავლესობა დასჭირდება. ამ პოსტზე მთავარი კანდიდატია ევროკომისიის მოქმედი ხელმძღვანელი ურსულა ფონ დერ ლაიენი.ჯერ უცნობია, შეძლებს თუ არა ურსულა ფონ დერ ლაიენი თანამდებობის შენარჩუნებას კიდევ ხუთი წლის ვადით, რადგან მას მნიშვნელოვანი წინააღმდეგობა ელის EP ფრაქციებში.დანიშვნის ან ხელახალი არჩევის შემდეგ, ევროკომისიის ხელმძღვანელს მოუწევს ევროკომისრების ახალი შემადგენლობის ჩამოყალიბება

ბრიტანელი ტელეწამყვანი, რომელიც დაკარგულად ითვლებოდა, გარდაცვლილი იპოვეს

1717931699

პოლიციის ინფორმაციით, ცხედარი იპოვეს აგია მარინას მიდამოში, აგიოს ნიკოლაოსის ჩრდილო-აღმოსავლეთ სანაპიროზე, სადაც მოსლი სასეირნოდ წავიდა.გარდაცვალების მიზეზი ამ დროისთვის უცნობია.67 წლის ტელეწამყვანს 5 ივნისიდან ეძებდნენ, მას შემდეგ, რაც ის კუნძულზე სასეირნოდ მარტო წავიდა.

IDF-მა ღაზაში ჩატარებული სპეცოპერაციის შედეგად, 4 ადამიანი გაათავისუფლა

1717856533

სპეცრაზმმა ერთდროულად სპეცოპერაცია ჩაატარა "ჰამასის" ორ ობიექტზე ღაზას ცენტრალურ ნაწილში, ნუსეირატში. გადარჩენილი მძევლები არიან: ნოა არგამანი, ალმოგ მეირ ჯანი, ანდრეი კოზლოვი და შლომი ზივი.პირველადი სამედიცინო შემოწმებით, მათი ჯანმრთელობის მდგომარეობა დამაკმაყოფილებელია. გათავისუფლებული მძევლები შემდგომი გამოკვლევებისთვის თელ-ჰაშომერის საავადმყოფოში გადაიყვანეს.ტყვეები "ჰამასის" ტერორისტებმა 2023 წლის 7 ოქტომბერს, სუპერნოვას მუსიკალური ფესტივალიდან გაიტაცეს.

"სასჯელს არ აქვს მნიშვნელობა, ჩვენ დავასახელებთ დონალდ ტრამპს ჩვენს რესპუბლიკელ კანდიდატად"

1717357186

როგორც ლარა ტრამპმა აღნიშნა, რესპუბლიკელები მზად უნდა იყვნენ ყველაფრისთვის, გაითვალისწინონ სასამართლოს შესაძლო გადაწყვეტილება ტრამპის თავისუფლების შეზღუდვის შესახებ."ჩვენ უნდა შევადგინოთ გეგმები, როგორ შეიძლება ეს განვითარდეს და გვექნება გარკვეული საგანგებო გეგმები. სიმართლე ის არის, რომ ამას ნამდვილად არ აქვს მნიშვნელობა, ჩვენ დავასახელებთ დონალდ ტრამპს ჩვენს რესპუბლიკელ კანდიდატად და ეს არის ის, რაც საბოლოო ჯამში მნიშვნელოვანია", - განაცხადა ტრამპმა CNN-ის ეთერში.ნიუ იორკის ნაფიც მსაჯულთა სასამართლომ ამერიკის ყოფილი პრეზიდენტი დონალდ ტრამპი სისხლის სამართლის საქმეზე დამნაშავედ ცნო. საქმე ეხება 2016 წელს წინასაარჩევნოდ პორნოვარსკვლავ შტორმი დენიელსისთვის დუმილის სანაცვლოდ გადახდილი თანხის დამალვას. ამ საქმეში ტრამპს ბრალი 34 მუხლით წაუყენეს და ყველა ამ ბრალდებით ის დამნაშავედ იქნა ცნობილი. ახლა მოსამართლემ ტრამპისთვის სასჯელი უნდა აირჩიოს, რომელიც 11 ივლისს გამოცხადდება.ამ გადაწყვეტილებით, ტრამპი აშშ-ის ისტორიაში პირველი ყოფილი პრეზიდენტია, რომელიც სისხლის სამართლის დანაშაულისთვის გაასამართლეს.თეორიულად, ტრამპს შეიძლება პატიმრობა შეეფარდოს, თუმცა ვარაუდობენ, რომ მოსამართლე შინაპატიმრობით ან პირობითი სასჯელით შემოიფარგლება.თუმცა, იმ შემთხვევაშიც კი, თუ ტრამპი გისოსებს მიღმა მოხვდება, ის მაინც შეძლებს საპრეზიდენტო არჩევნებში მონაწილეობას და არჩევნებში გამარჯვების შემთხვევაში პრეზიდენტიც გახდება. ეს კი აშშ-ის ისტორიაში პირველი მსგავსი შემთხვევა იქნება.

"დავიცავთ ნატოს ტერიტორიის თითოეულ სანტიმეტრს" - შოლცი პუტინს აფრთხილებს

1717357169

როგორც შოლცმა აღმოსავლეთ გერმანიის ეკონომიკურ ფორუმზე განაცხადა, გერმანია დღეს წამყვან როლს ასრულებს ნატოს ყოფნაში ბალტიის რეგიონში, რუსეთთან საზღვართან."და რადგან რუსეთის მხრიდან საფრთხე გრძელდება, ჩვენ და სხვა მოკავშირეებმა შარშან გადავწყვიტეთ დამატებითი შენაერთების განლაგება ბალტიისპირეთში და სამომავლოდ იქ მუდმივ საფუძველზე განვათავსოთ მთელი ბრიგადა.უსაფრთხოების პოლიტიკის ეს ცვლილება აუცილებელია იმისათვის, რომ რუსეთს ვაჩვენოთ, რომ მზად ვართ ნატოს ტერიტორიის ყოველი სანტიმეტრი დავიცვათ თავდასხმისგან“, - განაცხადა გერმანიის კანცლერმა.მისივე თქმით, დიპლომატია მხოლოდ ძალის პოზიციიდან შეიძლება იყოს წარმატებული, ამიტომ, შოლცის თქმით, ძალზე მნიშვნელოვანია, რომ ბალტიისპირეთის ქვეყნები სრულად დაეყრდნონ ნატოს მოკავშირეებს, რომლებიც რუსეთის თავდასხმის შემთხვევაში მათ დასაცავად დადგებიან."ეს გზავნილი ჩვენთვისაა, მაგრამ ის ასევე არის გზავნილი რუსეთისთვის, რადგან ამ დაპირებისადმი ნდობა, რა თქმა უნდა, რუსეთის გათვლების ნაწილია", - აღნიშნა შოლცმა.მაისში რუსეთის თავდაცვის სამინისტრომ შესთავაზა რუსეთის მთავრობას ცალმხრივად "შეცვალოს“ საზღვაო საზღვრები ლიეტუვასთან და ფინეთთან ბალტიის ზღვაში. გასაჯაროების შემდეგ დოკუმენტი რუსეთის მთავრობის ვებგვერდიდან გაქრა.

ირანის ყოფილი პრეზიდენტი მაჰმუდ აჰმადინეჟადი პრეზიდენტობის კანდიდატად დარეგისტრირდა

1717353340

"ეიბისი ნიუსის“ ცნობით, 67 წლის მაჰმუდ აჰმადინეჟადი ირანის პრეზიდენტობის კანდიდატად 2 ივნისს დარეგისტრირდა და მონაწილეობას მიიღებს 28 ივნისს ირანის ისლამურ რესპუბლიკაში დანიშნულ რიგგარეშე არჩევნებში.ირანის პრეზიდენტობის პერიოდში აჰმადინეჟადი არაერთხელ გახდა საერთაშორისო კრიტიკის ობიექტი მისი ანტისემიტური გამონათქვამების გამო. სულ ცოტა ხნის წინ, ირანის ყოფილი პრეზიდენტი მოულოდნელად გამოვიდა ქვეყნის მოქმედი მთავრობის კრიტიკით.აჰმადინეჟადი 2005 წლიდან 2013 წლამდე ორჯერ იკავებდა ირანის პრეზიდენტის თანამდებობას. 2009 წელს მის პრეზიდენტად არჩევას საპროტესტო აქციები მოჰყვა, რა დროსაც ათობით ადამიანი მოკლეს და ათასობით დააპატიმრეს.აჰმადინეჟადი ცნობილია იმით, რომ უარყოფს ჰოლოკოსტს და ამტკიცებს, რომ ირანში ლგბტ პირები არ არიან.ცნობისთვის, 2017 და 2021 წლებში აჰმადინეჟადი პრეზიდენტობის კანდიდატად არ დაარეგისტრირეს.