პოლიტიკა ომი უკრაინაში სამართალი ბიზნესი და ეკონომიკა ექსკლუზივი საზოგადოება რეგიონები კონფლიქტები სამხედრო თემა ანონსი მსოფლიო სპორტი სოციალური მედია კულტურა ციტატა ჰოროსკოპი ინტერვიუ ანალიტიკა
საზოგადოება
სამეცნიერო ჟურნალში რაულ ქირიას ახალი სამეცნიერო კვლევა - "დეზინფორმაცია და მისი გავლენა საზოგადოებაზე: რუსეთ-უკრაინის ომის მაგალითზე“ გამოქვეყნდა

1783700457

სამეცნიერო სტატია ინგლისურ ენაზე ჟურნალ „გლობალიზაცია და ბიზნესის“ 2026 წლის მე-11 ტომის 21-ე ნომერში გამოქვეყნდა და 156-170 გვერდებს მოიცავს.ნაშრომში ავტორი დეზინფორმაციას თანამედროვე გეოპოლიტიკაში ძალაუფლების, საზოგადოებრივი აზრის კონტროლისა და სტრატეგიული გავლენის ერთ-ერთ მთავარ ინსტრუმენტად განიხილავს. კვლევის ძირითად მაგალითს რუსეთ-უკრაინის ომი წარმოადგენს, რომლის საფუძველზეც გაანალიზებულია დეზინფორმაციის საზოგადოებრივი, პოლიტიკური და საერთაშორისო შედეგები.სტატიაში აღნიშნულია, რომ დეზინფორმაცია მხოლოდ პროპაგანდის დამხმარე საშუალება აღარ არის. იგი სახელმწიფო მართვის, ნარატივების კონტროლისა და ჰიბრიდული ომის მნიშვნელოვანი მექანიზმია, რომელსაც საზოგადოებრივი აღქმის შეცვლა, დემოკრატიული ინსტიტუტებისადმი ნდობის შემცირება და სამხედრო აგრესიის გასამართლებელი საინფორმაციო გარემოს შექმნა შეუძლია.რაულ ქირია კვლევაში განსაკუთრებულ ყურადღებას უთმობს რუსეთის შიდა და გარე საინფორმაციო სტრატეგიებს. ავტორის შეფასებით, რუსეთის ხელისუფლებისთვის დეზინფორმაცია არა მხოლოდ უცხო სახელმწიფოებზე ზემოქმედების, არამედ ქვეყნის შიგნით პოლიტიკური კონტროლისა და საზოგადოებრივი რეალობის ხელოვნურად კონსტრუირების ინსტრუმენტსაც წარმოადგენს.ნაშრომში განხილულია წესებზე დაფუძნებული საერთაშორისო წესრიგის შესუსტება და საერთაშორისო ინსტიტუტების შეზღუდული შესაძლებლობები იმ პირობებში, როდესაც აგრესორი სახელმწიფო დეზინფორმაციის საშუალებით ომის შესახებ საერთო და ფაქტებზე დაფუძნებული რეალობის განადგურებას ცდილობს.კვლევის თანახმად, ფაქტებსა და გამოგონილ ინფორმაციას შორის ზღვრის მიზანმიმართული წაშლა საფრთხეს უქმნის საერთაშორისო თანამშრომლობის, სამართლებრივი პასუხისმგებლობისა და ინსტიტუციური ნდობის საფუძვლებს. დეზინფორმაციის შედეგად რთულდება საერთაშორისო საზოგადოების ერთიანი პოზიციის ჩამოყალიბება და ომის დანაშაულებზე ეფექტიანი რეაგირება.სტატიაში ცალკე მიმართულებად არის წარმოდგენილი უკრაინული საზოგადოების მდგრადობა. ავტორი ყურადღებას ამახვილებს მედიის წიგნიერების, დამოუკიდებელი ჟურნალისტიკის, სამოქალაქო საზოგადოების მობილიზებისა და სანდო ინსტიტუტების მნიშვნელობაზე დეზინფორმაციის წინააღმდეგ ბრძოლაში.კვლევის ერთ-ერთი მთავარი დასკვნის მიხედვით, დეზინფორმაციას მშვიდობიან პერიოდში საზოგადოების დესტაბილიზაციისა და პოლიტიკური პროცესების მართვის მნიშვნელოვანი პოტენციალი გააჩნია, თუმცა ომის დროს მისი ეფექტიანობა მცირდება, როდესაც ადამიანები უშუალოდ აწყდებიან რეალურ მოვლენებსა და მათ შედეგებს.რაულ ქირიას სამეცნიერო ინტერესები მოიცავს საერთაშორისო ურთიერთობებს, გეოპოლიტიკას, რუსეთ-უკრაინის ომს, დეზინფორმაციას, პროპაგანდას, ჰიბრიდულ საფრთხეებს, სტრატეგიულ კომუნიკაციებსა და თანამედროვე საერთაშორისო წესრიგის ტრანსფორმაციას.

თბილისის მერიის ტრანსპორტისა და ურბანული განვითარების სააგენტო განცხადებას ავრცელებს

1783689754

"საზოგადოებრივი ტრანსპორტის შეუფერხებლად გადაადგილებისა და საგზაო უსაფრთხოების დაცვის მიზნით, ომარ შეშელიძის და ჯორჯ ბალანჩინის ქუჩებზე, მინდელის სახელობის ხიდსა და მეტროსადგურ „სარაჯიშვილის“ მიმდებარედ საავტობუსო ზოლი მოეწყო.ცვლილების ფარგლებში შეიცვალა ბელიაშვილის ქუჩიდან მინდელის სახელობის ხიდისკენ გადამხვევი ზოლი. აღნიშნულ მონაკვეთებზე დაიხაზა სხვა საგზაო მონიშვნებიც.მინდელის სახელობის ხიდზე არსებული ავტობუსის ზოლის დაგრძელება მნიშვნელოვანია საზოგადოებრივი ტრანსპორტის ქსელის განვითარებისა და სწრაფად გადაადგილებისთვის, აგრეთვე, ამ ტერიტორიის მარშრუტებზე გაზრდილი მგზავრთნაკადის მომსახურებისთვის.ჯორჯ ბალანჩინის ქუჩიდან მეტროსადგურ „სარაჯიშვილის“ მიმართულებით მოძრავი ავტობუსებია: N292, N293, N304, N313, N321, N335, N351, N459, N518. ამ მარშრუტებზე დაწესებული 10-15-წუთიანი ინტერვალები, ფაქტობრივად, შეუსრულებელი იყო. გადატვირთული სატრანსპორტო მოძრაობის გამო ინტერვალები მინიმუმ ორ-სამჯერ იზრდებოდა. ყველაზე რთულ მდგომარეობაში იყო მოსახლეობის ის ნაწილი, ვინც დიდი დიღმიდან მეტროსადგურ „სარაჯიშვილამდე“ გადაადგილდებოდა შემდგომი გადაჯდომის მიზნით და ასევე, პირიქით.როდესაც მეტროსადგურ „სარაჯიშვილთან“ საღამოს პიკის საათებში მგზავრები ელოდებოდნენ დიდი დიღმიდან წამოსულ N293 და N321 ავტობუსებს, მოლოდინის დრო 30-45 წუთს აღწევდა. ამ დროს მეტროდან ამოსული დიდი რაოდენობით მგზავრის ერთიანად გადაყვანა არ შეეძლო ავტობუსს და დარჩენილი მოქალაქეები თავისთავად დიდ უკმაყოფილებას გამოხატავდნენ.დღეის მდგომარეობით სიტუაცია რადიკალურად განსხვავდება და ამ ტერიტორიაზე მუნიციპალური ტრანსპორტი ბევრად თავისუფლად მოძრაობს. ამასთან, N321 მარშრუტზე 18-მეტრიანი ავტობუსები ჩანაცვლდა, N293 მარშრუტს კი ორი ერთეული ავტობუსი დაემატა, რის შედეგადაც მოლოდინის დრო შემცირდა.ზემოაღნიშნულ მონაკვეთებზე მოძრაობის სქემის განახლებასთან ერთად საგზაო ნაკადების მუდმივი მონიტორინგი მიმდინარეობს", - აღნიშნულია განცხადებაში.

"ეს განაჩენი დადგა 8 თვის წინ, როდესაც პაპუაშვილმა პირველად გამოაცხადა, რომ ალექსანდრე ელისაშვილმა ჩაიდინა ტერორისტული აქტი"

1783686253

მისივე თქმით, ელისაშვილის მიმართ გამოტანილი 13-წლიანი პატიმრობის განაჩენი ჯერ კიდევ 8 თვის წინ იყო მიღებული, როდესაც პარლამენტის თავმჯდომარემ ელისაშვილს ტერორისტულ აქტში დასდო ბრალი."რა თქმა უნდა, ამის მოლოდინი გვქონდა. ალექსანდრეც იქიდან ადვოკატების მეშვეობით ამას გვითვლიდა, რომ "არ ინერვულოთ, განაჩენი იქნება ყველაზე მკაცრი". ვარაუდობდა, რომ 12-13 წელს მიუსჯიდნენ და ახდა მისი მოლოდინიც.რა თქმა უნდა, ეს განაჩენი დადგა 8 თვის წინ, როდესაც პაპუაშვილმა პირველად გამოაცხადა, რომ ალექსანდრე ელისაშვილმა ჩაიდინა ტერორისტული აქტი. ეს განაჩენი მაშინ გადაწყდა და მაშინ მიუსაჯეს რეალურად და დანარჩენი, მთელი 8 თვის განმავლობაში ჩვენ ვუყურებდით ცირკს, რომელიც იმართებოდა აი, ამ შენობაში და მართავდნენ ამ შენობის თანამშრომლები. უბრალოდ, დღეს მათ, ფაქსით მოუვიდათ "ქართული ოცნებისგან", რომ ეს განაჩენი უნდა გამოაცხადოს გიორგი გელაშვილმა და მან "ქართული ოცნების" დავალება შეასრულა და განაჩენიც გამოაცხადა.ე.ი. 11 სექტემბერიც ტერორიზმი იყო, ეს რაღაცა ორი ქილა ბენზინის მისხმა მეტლახის იატაკზეც ტერორიზმია. გვახსოვს, რომ 11 სექტემბერს ჯერ ნგრევა მოჰყვა, მერე 3 ათასამდე ადამიანი დაიღუპა. ანუ ალექსანდრეს ქმედება ბენ ლადენის ქმედებას გაუთანაბრეს და რა ვიცი, სასაცილოა ეს ყველაფერი.მთავარია, რომ ალექსანდრე არის ძალიან კარგად, ერთი წიგნი უკვე დაწერა. ახლა ამუშავებს მეორე წიგნის იდეას. მხნედ არის, ოპტიმისტურად", - აცხადებს ელისაშვილის მეუღლე. ალეკო ელისაშვილს თბილისის საქალაქო სასამართლომ 13 წლით პატიმრობა მიუსაჯა. გადაწყვეტილება მოსამართლე გიორგი გელაშვილმა გამოაცხადა.

რიკოთზე ავტოსაგზაო შემთხვევის შედეგად ორი ადამიანი დაიღუპა

1783611297

როგორც ცნობილია, ავტომობილი გზაზე არსებულ ბეტონის ჯებირს შეეჯახა.შსს-მ მომხდარზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. 

შპს "ეკოსერვის ჯგუფის" ავტოპარკი განახლდა - კომპანიას 40-მდე ერთეული ტექნიკა და სატრანსპორტო საშუალება დაემატა

1783597423

განახლებული ტექნიკა თბილისის მერმა კახა კალაძემ შპს „ეკოსრევის ჯგუფის“ ხელმძღვანელ ვახტანგ ნოზაძესთან ერთად დაათვალიერა.როგორც მერმა ღონისძიებაზე სიტყვით გამოსვლისას განაცხადა, ადგილობრივი თვითმმართველობის 2017 წლის არჩევნებზე მოსახლეობას დაპირდა, რომ ქალაქში არსებული პრობლემები ეტაპობრივად, პრიორიტეტების მიხედვით მოგვარდებოდა და თბილისი გახდებოდა თანამედროვე, ევროპული, მწვანე და ეკოლოგიურად სუფთა ქალაქი.„2017 წელს, როდესაც თბილისელებმა დედაქალაქის მართვა გვანდეს, კარგად ვიცოდით, რომ ეს მარტივი გზა არ იქნებოდა, რადგან გვხვდებოდა ქალაქში დაგროვილი მრავალწლიანი პრობლემები - მოსაწესრიგებელი გზები, მძიმე სატრანსპორტო მდგომარეობა, რეკრეაციული სივრცეებისა და სპორტული ინფრასტრუქტურის ნაკლებობა, თუმცა ერთი რამ თავიდანვე ვიცოდით, რომ განვსაზღვრავდით სწორ პრიორიტეტებს და თანდმიმდევრულად ვიმუშავებდით, არ დავზოგავდით ძალისხმევას და თბილისი აუცილებლად შეიცვლებოდა უკეთესობისკენ. ჩვენი მთავარი მიზანი ყოველთვის იყო და ახლაც არის - თბილისი იყოს ქალაქი, სადაც ადამიანებს ღირსეულ, უსაფრთხო, სუფთა და ჯანსაღ გარემოში ცხოვრების შესაძლებლობა ექნება. ბოლო წლებში ძირფესვიანად წესრიგდება გზები თავისი მიწისქვეშა კომუნიკაციებით, ეწყობა სპორტული ცენტრები და მოედნები, იქმნება ახალი პარკები, სკვერები და ურბანული გამწვანების ზონები, თუმცა ქალაქის განვითარება მხოლოდ ახალი პროექტების განხორციელება არ არის. განვითარება ნიშნავს იმასაც, რომ უკვე შექმნილის ყოველდღიურად მოვლა-პატრონობა შევძლოთ, შევინარჩუნოთ და მომავალ თაობებს კიდევ უფრო უკეთეს მდგომარეობაში გადავცეთ“, - განაცხადა კახა კალაძემ.მისივე თქმით, 2018 წელს, მერიის სისტემაში შეიქმნა შპს „ეკოსერვის ჯგუფი“, რომელიც ყოველდღიურად ზრუნავს ქალაქის გამწვანებული და რეკრეაციული სივრცეების მოვლა-პატრონობაზე.„რაც უფრო იზრდება ახალი პარკებისა და გამწვანებული ტერიტორიების რაოდენობა, მით უფრო მნიშვნელოვანია, რომ ამ სამსახურს ჰქონდეს თანამედროვე ტექნიკა და შესაბამისი რესურსი, რათა საკუთარი საქმიანობა კიდევ უფრო ეფექტურად განახორციელოს. დღეს გვინდა, საზოგადოებას წარვუდგინოთ წინასაარჩევნოდ დაპირებული 40-მდე ერთეული სპეციალიზებული ტექნიკა. შეიძლება ვიღაცისთვის ეს მხოლოდ ტექნიკის განახლება იყოს, მაგრამ სინამდვილეში, ეს არის ინვესტიცია თითოეული თბილისელის ყოველდღიურ ცხოვრებაში. ეს ნიშნავს უფრო მეტ მოვლილ პარკსა და სკვერს, უფრო მწვანე გარემოსა და მუნიციპალური მომსახურების მაღალ ხარისხს. მინდა, განსაკუთრებული მადლობა გადავუხადო „ეკოსერვის ჯგუფის“ თანამშრომლებს, რომლებიც დღე-ღამის განმავლობაში ყველაფერს აკეთებენ იმისთვის, რომ ჩვენი ქალაქი იყოს კიდევ უფრო სუფთა, მწვანე, ყველანაირად მოწესრიგებული და აქ მცხოვრებ ადამიანებს ჰქონდეთ შესაძლებლობა, ჯანსაღ და მწვანე გარემოში შეძლონ სასიამოვნო დროის გატარება“, - განაცხადა თბილისის მერმა.კახა კალაძემ მადლობა გადაუხადა თბილისის მერიის გარემოს დაცვის საქალაქო სამსახურისა და რაიონული გამგეობების თანამშრომლებსაც, რადგან ქალაქში გამწვანებული სივრცეების რაოდენობის ზრდა სწორედ მათი ერთობლივი შრომის შედეგია.„ეკოსერვის ჯგუფის“ ახლად შეძენილ ტექნიკას შორისაა: 13 ერთეული სტანდარტული თვითმცლელი, რვა ერთეული ორმაგკაბინიანი თვითმცლელი, შვიდი მიკროავტობუსი, სამი ბორტიანი სატვირთო ავტომობილი  სპეციალური შესაწამლი აგრეგატებით, ოთხი ფურგონი აღჭურვილი შესაბამისი ხელსაწყოებით — ე.წ. მოძრავი სახელოსნოები. ასევე შეძენილია ბალახის მთესველი აგრეგატი, ხის გადამრგველი სპეციალური ტექნიკა და 130 ერთეული სხვადასხვა ტიპის სამებაღეო მექანიზმი.განახლებული ავტოპარკი და თანამედროვე ტექნიკა „ეკოსერვის ჯგუფს“ საშუალებას მისცემს, კიდევ უფრო ეფექტურად განახორციელოს მწვანე სივრცეების მოვლა-პატრონობის სამუშაოები, გაზარდოს ოპერატიულობა და დანერგოს თანამედროვე მიდგომები ქალაქის გამწვანების მიმართულებით.ტექნიკის პრეზენტაცაციას თბილისის ვიცე-მერი გიორგი ტყემალაძე, მერის მოადგილეები, რაიონული გამგებლები, მერიის შესაბამისი სამსახურების უფროსები და საკრებულოს წევრები ესწრებოდნენ. 

ლიტერატურული პრემია "საბას" 2026 წლის ფინალისტები ცნობილია

1783592214

"საბა“ თიბისიმ და პოეტმა რატი ამაღლობელმა 2002 წელს დააფუძნეს. უკვე წლებია ის ყველაზე ავტორიტეტული პრემიაა ლიტერატურის დარგში. დაარსების დღიდან 100-ზე მეტმა მწერალმა და ლიტერატორმა 5000-ზე მეტი წიგნი განიხილა, 250-მდე პრემია გაიცა და 200-მდე ავტორი დაჯილდოვდა (მათგან არაერთი - ორჯერ და მეტჯერ). ლიტერატურული პრემია „საბას“ 2026 წლის ფინალისტები არიან: წლის საუკეთესო ლიტერატურული დებიუტი:არმაზ ახვლედიანი, „ცოცხალი კედელი“ (სულაკაურის გამომცემლობა)ლაშა ბაბილუა, „განგაშის იავნანა“ (კალმოსანი)ლიკა გლურჯიძე, „ევრიდიკე (არც ერთი პიესა)“ (სამეფო უბნის თეატრი)ბექა ლოხიშვილი, „ზულეიხანი არსად არ არის“ (მწიგნობარი)სანდრო მეტრეველი, „ორ ჯოკერში გახიშტული“ (ინტელექტი)ტატო მოდებაძე, „ქორწილამდე წასაკითხი“ (პალიტრა L)ქეთევან სამხარაძე, „ჰაიდე, რაზიე! (არც ერთი პიესა)“ (სამეფო უბნის თეატრი)თაკო წულაია, „არაფერი არ გვემართება“ (პალიტრა L)თინათინ ხუტურიძე, „უთხარით ქარებს“ (კალმოსანი) წლის საუკეთესო ლიტერატურული კრიტიკა:ქეთი ნიჟარაძე, „სახელისა და დიდების ფენომენი ანტიკურ ლიტერატურაში“ (პალიტრა L)ნანა ტრაპაიძე, „რეალობის ლიტერატურული აჩრდილები“ (ინტელექტი) წლის საუკეთესო პიესა:მარიტა ლიპარტელიანი, „რომანტიკოსები (არც ერთი პიესა)“ (სამეფო უბნის თეატრი)თემო რეხვიაშვილი, „პათეტიკური მონოლოგები“ (სულაკაურის გამომცემლობა)თამარ სუხიშვილი, „ქალღმერთი თითის წვერებზე (არც ერთი პიესა)“ (სამეფო უბნის თეატრი)დავით ხორბალაძე, „ტალახი“ (ღია სივრცე - ვიზუალური და საშემსრულებლო ხელოვნების ცენტრი) წლის საუკეთესო ესეისტიკა და დოკუმენტური პროზა:შოთა იათაშვილი, „მკვლელი მწერლები - დოკუმენტური ჰორორი“ (დიოგენე)გიორგი კაკაბაძე, „მიზეზთა ბუნება“ (ინტელექტი)გიორგი კეკელიძე, „სიკვდილის გაუქმება“ (პალიტრა L)ნოდარ ლადარია, „„ოთარაანთ ქვრივი“ - პარალელური წიგნი“ (ინტელექტი)არჩილ ქიქოძე, „პერუს დღიური“ (სულაკაურის გამომცემლობა) წლის საუკეთესო პროზაული კრებული:ცოტნე ავსაჯანიშვილი, „ქართლის ხეობებს ასდის ნისლები“ (ინტელექტი)ლაშა იმედაშვილი, „უკან, მომავალში“ (სულაკაურის გამომცემლობა)დავით ქართველიშვილი, „ცვილის ფიგურები“ (პალიტრა L)ალეკო შუღლაძე, „ქალი სამრეკლოზე“ (ინტელექტი)ნიკოლოზ ცისკარიშვილი, „ცნობიერების წყვდიადი“ (პალიტრა L) წლის საუკეთესო პოეტური კრებული:მინდია არაბული, „საუკუნო უკუნი“ (მატარებელი კომიქს)ბექა ახალაია, „Homo-მაგნატი“ (ჯადოსნური სახლი)ნინი ელიაშვილი, „ბავშვს სადაც უნდა იქ იდგება“ (კალმოსანი)თამარ ჟღენტი, „მელიას კუდი“ (ინტელექტი)ალეკო ცქიტიშვილი, „თავები“ (ინტელექტი)წლის საუკეთესო რომანი:არჩილ ქიქოძე, „ომი“ (სულაკაურის გამომცემლობა)ლექსო პაიკიძე, „GUATE“ (ბენდესი)გოგა ქობალია, „სიკვდილი პაპანაქება მზეში“ (ინტელექტი) წლის საუკეთესო ქართული თარგმანი:ლევან ბერძენიშვილი, ჰომეროსის „ოდისეა“ (სულაკაურის გამომცემლობა)თამარ გელაშვილი, ჯეიმზ ჯოისის „ღამისთევა ფინეგანისათვის“ (ინტელექტი)ლაშა გველესიანი, დევიდ ფოსტერ უოლესის „მოკლე ინტერვიუები ამაზრზენ კაცებთან“ (პოლინომიალი)ნანა გოგოლაშვილი, თომას მანის „იოსები და ძმანი მისნი (წიგნი I-II)“ (ინტელექტი)ასია დარბინიანი, კრებული, „თანამედროვე სომხური პროზა“ (პალიტრა L)კატია ვოლტერსი, იცხოკ (ისააკ) ბაშევის ზინგერის „მონა“ (პალიტრა L)თამარ კვიჟინაძე, იუნ ფოსეს „დილა და საღამო“ (პოლინომიალი)გიორგი ლობჟანიძე, ალი იბნ აბი ტალიბის „ნაჰჯ ალ-ბალაღა (გზა სრულქმნილი მჭევრმეტყველებისა)“ (ივანე ჯავახიშვილის სახელობის თბილისის სახელმწიფო უნივერსიტეტის გამომცემლობა)ნიკა სამუშია, სალმან რუშდის „კიშოტი“ (სულაკაურის გამომცემლობა)მაია ფანჯიკიძე, ჯენი ერპენბეკის „კაიროსი“ (ინტელექტი)რუსუდან ღვინეფაძე, ელიას კანეტის „დაბრმავება“ (სიესტა)ნინი ჩაკვეტაძე, ჰან კანგის „ვეგეტარიანელი“ (სულაკაურის გამომცემლობა)თაკო ჭილაძე და ლელა სამნიაშვილი, რეი ბრედბერის „ძენი და წერის ხელოვნება“ (პალიტრა L)თამარ ჯაფარიძე, მარგარეტ ეტვუდის „აღთქმები“ (პალიტრა L)

პოეტი ტარიელ ჭანტურია გარდაიცვალა

1783528131

ტარიელ ჭანტურიამ 1956 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტის ჟურნალისტიკის განყოფილება.პირველი ლექსი „ნადირობა“ გამოაქვეყნა 1951 წელს. პირველი პოეტური კრებული „ლტოლვა“ -1964 წელს.მისი ძირითადი კრებულებია: „საქანელა“ (1965), „ქვა და ომი“ (1967), „ახალი მთვარე“ (1970), „ორნი“ (1972), „დაწყვეტილი სერპანტინი“ (1973), „წყნარი მზის წელიწადი“ (1975), „თაფლობის საუკუნე“ (1978), „პოემები“ (1979), „სტრესები და სიტყვები“ (1980), „რჩეული“ (1982), „ბოლთა“ (1993), „მწერლის წითელი წიგნი“ (1985) და სხვ. ტარიელ ჭანტურიას ეკუთვნის ასევე საბავშვო ლექსების კრებულები, კრიტიკული წერილები, თარგმანები და სხვ.ტარიელ ჭანტურიას ლექსები თარგმნილია მრავალ ენაზე.

9 ივლისს დაგეგმილი ღონისძიების გამო მარშალ ი. პილსუდსკის გამზირზე გადაადგილება დროებით შეიზღუდება

1783523532

ავტომობილები, რომლებიც აღნიშნული საგზაო მონაკვეთით უკავშირდებოდნენ ახალი ზოოპარკის მიმდებარე ტერიტორიას, შემოვლას შეძლებენ ვიქტორ კუპრაძის ქუჩის გავლით, ხოლო საწინააღმდეგო მიმართულებით მოძრავი ავტომობილები იმავე მარშრუტის გამოყენებით მოხვდებიან მარშალ ი. პილსუდსკის გამზირზე.

თბილისის მერია წყნეთისა და კოჯრის ცენტრების რეაბილიტაციას გეგმავს

1783499696

მისი თქმით, აღნიშნული ტერიტორიების მოწესრიგება მისი წინასაარჩევნო დაპირება იყო."ვიწყებთ წყნეთისა და კოჯრის ცენტრების რეაბილიტაციას, რომელიც ჩვენი წინასაარჩევნო დაპირება იყო. დაბა წყნეთში რუსთაველის ქუჩის ცენტრალური ნაწილის და დაბა კოჯორში იუნკერთა ქუჩის ცენტრის რეაბილიტაციას ითვალისწინებს ტენდერი, რომელიც გამოცხადებული გვაქვს. სატენდერო პროცედურა 13 ივლისს დასრულდება. პროექტის ფარგლებში, წყნეთისა და კოჯრის ცენტრალურ ნაწილში განხორციელდება მასშტაბური სარეაბილიტაციო სამუშაოები: საჰაერო სადენები განთავსდება მიწის ქვეშ მოწყობილ საკაბელო არხებში, განახლდება გარე განათების ქსელი და დამონტაჟდება ენერგოეფექტური LED სანათები; ჩატარდება საგზაო სამუშაოები, დაიგება ასფალტის საფარი, კეთილმოეწყობა ტროტუარები, ჩატარდება გამწვანების სამუშაოები და დაირგვება ხე-მცენარეები“, - განაცხადა კახა კალაძემ.დედაქალაქის მერმა მოუწოდა სამშენებლო კომპანიების წარმომადგენლებს, იაქტიურონ, რადგან ამ ორი პროექტის განხორციელება მნიშვნელოვანია.

ვარკეთილის დასახლებიდან ვაკის მიმართულებით N309 მარშრუტზე 18-მეტრიანი ავტობუსები იმოძრავებენ

1783499334

მისი თქმით, სატრანსპორტო მომსახურების გაუმჯობესების მიზნით, ყოველდღიურ რეჟიმში მიმდინარეობს დაკვირვება კონკრეტულ მიმართულებებზე."სატრანსპორტო მომსახურების გაუმჯობესების მიზნით, მუნიციპალური ტრანსპორტის მარშრუტების ცვლილება გრძელდება. ყოველდღიურ რეჟიმში ვაკვირდებით კონკრეტულ მიმართულებებზე რა სახის პრობლემაა გადასაჭრელი და რა ტიპის ცვლილებები უნდა განხორციელდეს. 11 ივლისიდან N309 მარშრუტზე მოძრავ ავტობუსებს, რომლებიც მგზავრებს ვარკეთილის დასახლებიდან ვაკის მიმართულებით ემსახურებიან, 18-მეტრიანი ავტობუსები ჩაანაცვლებენ. ცვლილებები აღნიშნულ მარშრუტებზე ორჯერ მეტი მგზავრის გადაყვანის შესაძლებელობას მოგვცემს და გაჩერებებზე ლოდინის დროს მნიშვნელოვნად შეამცირებს“, - განაცხადა კახა კალაძემ.მისი თქმით, ბოლო პერიოდში 18-მეტრიანი ავტობუსები დაინიშნა N321, N339 და N385 მარშრუტებზეც.