საზოგადოება
რუსთაველის გამზირზე, ჭოველიძის ქუჩიდან ჯავახიშვილის ქუჩამდე არსებულ საგზაო მონაკვეთში მოძრაობა დროებით შეიზღუდება

1795290186

თბილისის მერიის ინფორმაციით, შეზღუდვის პერიოდში ავტომობილები ჯავახიშვილის ქუჩის მიმართულებით გადაადგილებას შეძლებენ ძმები კაკაბაძეების ქუჩის გამოყენებით.ერთი დღით შეიცვლება საზოგადოებრივი ტრანსპორტის მარშრუტებიც. კერძოდ, ავტობუსები N301, N305, N306, N308, N309, N310, N314, N326, N331, N337, N342, N344, N345, N352, N358, N388 და N397 და მიკროავტობუსები N472, N532, N540 და N541 მელიქიშვილის გამზირიდან გადაადგილებისას, ბარათაშვილის ქუჩას გმირთა მოედნისა და მტკვრის მარჯვენა სანაპიროს გავლით დაუკავშირდებიან, საიდანაც მგზავრთა მომსახურებას ჩვეული მარშრუტით განაგრძობენ.მიკროავტობუსები N408 და N420 ჭოველიძის ქუჩას დაუკავშირდებიან ბარნოვის, შანიძის ქუჩებისა და მელიქიშვილის გამზირის გავლით, ხოლო N457 მიკროავტობუსი სადგურის მოედნის მიმართულებით იმოძრავებს შემდეგნაირად: ბარნოვისა და შანიძის ქუჩების, ასევე, მელიქიშვილის გამზირისა და კოსტავას ქუჩის გავლით გმირთა მოედნისკენ, რის შემდეგაც მტკვრის მარჯვენა სანაპიროს დაუკავშირდება და გალაკტიონ ტაბიძის ხიდიდან დადგენილი სქემით იმოძრავებს.

22 ნოემბრის ასტროლოგიური პროგნოზი

1795290044

კუროყურადღების ცენტრში პირადი ურთიერთობები და ოჯახური საკითხები მოექცევა. შესაძლოა, მნიშვნელოვანი საუბარი შედგეს, რომელიც გარკვეულ გაუგებრობებს ნათელს მოჰფენს. კარგი დღეა დასვენებისა და სამომავლო გეგმების დასახვისთვის.ტყუპებიკომუნიკაციისა და ახალი ნაცნობობისთვის საინტერესო დღეა. შესაძლოა, მიიღოთ შემოთავაზება, რომელიც მომავალში სასარგებლო აღმოჩნდება. სიყვარულში გულწრფელობა დაგეხმარებათ ურთიერთობის გაუმჯობესებაში.კირჩხიბიემოციურად დატვირთული დღე გელით. შესაძლოა, წარსულთან დაკავშირებულმა მოვლენამ ან ადამიანმა თავი შეგახსენოთ. ნუ იჩქარებთ მნიშვნელოვანი გადაწყვეტილების მიღებას. მეტი დრო დაუთმეთ ოჯახსა და საკუთარ სურვილებს.ლომითქვენი თავდაჯერებულობა და მომხიბვლელობა განსაკუთრებით შესამჩნევი იქნება. კარგი დღეა შემოქმედებითი საქმიანობისთვის, შეხვედრებისა და ახალი იდეების განსახორციელებლად. სიყვარულში შესაძლებელია სასიამოვნო სიურპრიზი.ქალწულიდღის მთავარი თემა წესრიგისა და სტაბილურობის შენარჩუნება იქნება. შესაძლოა, მოგიწიოთ საკითხის მოგვარება, რომელსაც დიდი ხანია გადადებთ. ფინანსებთან დაკავშირებით პრაქტიკული მიდგომა გამოგადგებათ. საღამო დასვენებას დაუთმეთ.სასწორიდღე ხელსაყრელია ურთიერთობების გასაუმჯობესებლად და გაუგებრობების მოსაგვარებლად. შესაძლოა, საინტერესო ინფორმაცია მიიღოთ ან მოულოდნელი შეხვედრა შედგეს. ეცადეთ, საკუთარი სურვილები სხვების ინტერესების გამო არ უგულებელყოთ.მორიელიინტუიცია მნიშვნელოვანი გადაწყვეტილებების მიღებაში დაგეხმარებათ. შესაძლოა, გარკვეული საკითხები, რომლებიც აქამდე ბუნდოვანი იყო, უფრო ნათელი გახდეს. პირად ცხოვრებაში გულწრფელი საუბარი ურთიერთობას ახალ მიმართულებას მისცემს.მშვილდოსანიდღე ახალი შესაძლებლობებისა და პირადი განვითარების სურვილით იქნება გამორჩეული. შესაძლოა, მოტივაცია გაგიჩნდეთ, დაიწყოთ საქმე, რომელსაც დიდი ხანია გეგმავთ. სასიყვარულო ურთიერთობებში მეტი ინიციატივის გამოჩენა სასურველ შედეგს მოგიტანთ.თხის რქაყურადღება ფინანსურ და პროფესიულ საკითხებზე გამახვილდება. მიუხედავად იმისა, რომ კვირა დასვენების დღეა, შესაძლოა, სამომავლო გეგმებზე ფიქრმა მნიშვნელოვანი გადაწყვეტილებისკენ გიბიძგოთ. პირად ურთიერთობებში მეტი სითბო და ყურადღება გამოიჩინეთ.მერწყულიმოულოდნელმა იდეამ ან საინტერესო საუბარმა შესაძლოა, ახალი შესაძლებლობები დაგანახოთ. დღე ხელსაყრელია მეგობრებთან ურთიერთობისა და შემოქმედებითი საქმიანობისთვის. სასიყვარულო ურთიერთობებში მოვლენები შესაძლოა, თქვენთვის სასიამოვნო მიმართულებით განვითარდეს.თევზებიდღე ემოციური და ინტუიციური იქნება. შესაძლოა, მეტი განმარტოება და სიმშვიდე მოგინდეთ. კარგი დროა საკუთარი მიზნების გადასაფასებლად და შინაგანი წონასწორობის აღსადგენად. სიყვარულში მოერიდეთ ზედმეტ ეჭვებს და პარტნიორთან გულწრფელი კომუნიკაცია შეინარჩუნეთ.

საპატრიარქოს საზოგადოებასთან ურთიერთობის სამსახური სასულიერო პირების მოსკოვში ვიზიტთან დაკავშირებით ინფორმაციას ავრცელებს

1795287721

დელეგაციის შემადგენლობაში იყვნენ: სრულიად საქართველოს კათოლიკოს-პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე (ჭუაძე), საგარეო საქმეთა განყოფილების თავმჯდომარე, ზუგდიდისა და ცაიშის მიტროპოლიტი გერასიმე (შარაშენიძე), გორისა და ატენის მიტროპოლიტი ანდრია (გვაზავა), ნიკორწმინდელი ეპისკოპოსი ვახტანგი (ლიპარტელიანი) და პროტოპრესვიტერი გიორგი ზვიადაძე.„20 ნოემბერს, პატრიარქ კირილეს დაბადების დღეს, დელეგაციის წევრებმა, სხვა ადგილობრივი მართლმადიდებელი ეკლესიის წარმომადგენლებთან ერთად, მონაწილეობა მიიღეს მოსკოვის მაცხოვრის სახელობის საკათედრო ტაძარში აღვლენილ საზეიმო ლიტურგიაში.21 ნოემბერს მათ მოილოცეს მოსკოვის დონის სტავროპიგიული მამათა მონასტერი და იქ განსვენებულ ქართველ მეფეთა, დედოფალთა და უფლისწულთა სულების მოსახსენებელი პანაშვიდი აღავლინეს.ამავე დღეს მოსკოვის წმინდა დიდმოწამე გიორგის სახელობის ქართულ ტაძარში მღვდელმთავრებმა პანაშვიდი გადაიხადეს ფონიჭალაში მომხდარი ტრაგედიის შედეგად გარდაცვლილთა სულების საოხად.საღამოს კი მოსკოვის დანილოვის (წმ. დანიელ მესვეტის სახელობის) სტავროპიგიულ მამათა მონასტერში მდებარე საპატრიარქო რეზიდენციაში საქართველოს მართლმადიდებელი ეკლესიის დელეგაციის წევრები მოსკოვისა და სრულიად რუსეთის პატრიარქ კირილეს შეხვდნენ“, – აღნიშნულია ინფორმაციაში.

"მართლმორწმუნე ქრისტიანს ჰყავს თავისი მფარველი ანგელოზი, რომელიც იცავს მას ბოროტებისგან, მაგრამ თვითონვე განვაგდებთ ამ ჩვენს მფარველ ანგელოზს, როდესაც ვცოდავთ, ბოროტებაზე ვთანხმდებით"

1795264875

შიო მესამემ საზოგადოებას დღევანდელი დღესასწაული მიულოცა."სახელითა მამისათა და ძისათა და წმინდისა სულისათა.მაღალღირსო მამაო ალექსანდრე, ძვირფასო მამებო, ძმებო და დებო,გილოცავთ დღევანდელ დიდებულ დღესასწაულს – მთავარანგელოზ მიქაელის და სხვა უხორცო ზეციური ძალების ხსენებას, ამ შესანიშნავი ტაძრის დღესასწაულს.მოგეხსენებათ, რომ სულიერი სამყარო არ შედგება მხოლოდ ადამიანთა სულებისგან, არამედ ასევე – მთავარანგელოზების, ანგელოზების, ზეციური ძალების აურაცხელი სიმრავლისგან. ეს უხილავი სულიერი სამყარო შეიქმნა უფრო ადრე, ვიდრე ხილული ქვეყანა. წმინდა წერილი ასე იწყება: „პირველად ღმერთმა შექმნა ცა და ქვეყანა“ (დაბ. 1, 1). შემდეგ ბიბლია მოგვითხრობს ხილული სამყაროს შექმნაზე. მაშასადამე, პირველად ღმერთმა შექმნა ზეცა. სწორედ ამ სიტყვებით მიგვითითებს წმინდა წერილი ანგელოზთა უხილავ სამყაროს შექმნაზე.ანგელოზთა სამყაროში თავიდან ყველა წმინდა და კეთილი იყო. შემდეგ, როგორც მოგეხსენებათ, ნაწილი აუჯანყდა ღმერთს და წარმოიქმნა ბოროტი ანგელოზების სამყარო.ამ უხილავი, ზეციური სამყაროს დანახვა და გაგება მიწიური ადამიანისთვის ძალიან რთულია, შეუძლებელია, მაგრამ წმინდა წერილში გარკვეული რამ გვეხსნება ანგელოზების შესახებ. ასევე, წმინდანები, წმინდა ადამიანები მოგვითხრობენ ანგელოზთა თაობაზე. რატომ? იმიტომ, რომ როგორც ამბობს უფალი, მათ ეს ხედვა ეძლევათ: „ნეტარ იყვნენ წმიდანი გულითა, რამეთუ მათი ღმერთი იხილონ“ (მთ. 5, 8 ).აქედან ვიცით, რომ ზეციური ძალები არიან ძლიერი, კეთილი, წმინდა სულები, რომლებიც ღმერთს და ადამიანებს ემსახურებიან. ყველა მათგანი არ არის ერთმანეთის თანასწორი. ზეციურ სამყაროში არის სამი იერარქია და ცხრა დასი. მთელი ამ ანგელოზთა დასის მხედართმთავარი და მეთაური არის მიქაელ მთავარანგელოზი, რომლის და მთელი სხვა ზეციური უხორცო ძალების ხსენებასაც დღეს აღვასრულებთ.ასევე, მართლმორწმუნე ქრისტიანს ჰყავს თავისი მფარველი ანგელოზი, რომელიც იცავს მას ბოროტებისგან, მაგრამ თვითონვე განვაგდებთ ამ ჩვენს მფარველ ანგელოზს, როდესაც ვცოდავთ, ბოროტებაზე ვთანხმდებით; მაშინ ეს ანგელოზი განიცდის, ტირის და წუხს. და, პირიქით, მოვიზიდავთ მას ჩვენკენ, როცა ვიჩენთ მოშურნეობას და სწრაფვას სიწმინდისკენ, სულიერებისკენ.ასე რომ, ძვირფასო ძმებო და დებო, ყოველი ჩვენგანის გვერდით ყოველთვის, რასაც არ უნდა ვაკეთებდეთ, დგას ჩვენი მფარველი ანგელოზი, რომელსაც ძალიან ვუყვარვართ. როგორც გითხარით, ის ჩვენც გვემსახურება. მისი მსახურება არის თავგანწირული სიყვარულის მსახურება. ნამდვილი სიყვარული თავგანწირვის გარეშე არ არსებობს. ის ასეთი სიყვარულით გვემსახურება.ამ სიყვარულის ძალა აქცევს მას ჩვენს დიდ მეგობრად. თანაც, როგორი მეგობარი გვყავს, წარმოიდგინეთ. რა ბედნიერი ვართ. რა სიხარულია, რომ ბოროტებასთან ბრძოლაში მარტო არ ვრჩებით. ის ყოველთვის ჩვენ გვერდით არის. ეს არის მეგობარი, რომელსაც აქვს ძალა, რომლის მსგავსი სხვა ძალა დედამიწაზე არ არსებობს. ასეთი სიყვარულით გვემსახურება და გვეხმარება. თანაც, მისი მსგავსი სიყვარული ჩვენ არ შეგვწევს, ისე ვუყვარვართ. ჩვენ არ შეგვწევს, მას კი ასე ძლიერ ვუყვარვართ, ასეთი ძლიერი სიხარულია ჩვენთვის.ასე რომ, გილოცავთ, ძვირფასო ძმებო და დებო, ამ დიდ სიხარულს და გისურვებთ, ეს სიხარული მუდამ თქვენთან ყოფილიყოს. ამისთვის ყოველთვის ვევედროთ წმინდა ანგელოზებს, წმინდა მთავარანგელოზებს:წმინდა მთავარანგელოზო მიქაელ და ყოველნო ზეცისა უსხეულონო ძალნო, ევედრეთ ღმერთსა ჩვენთვის. წმინდაო მფარველო ანგელოზო ჩემო, ევედრე ღმერთსა ჩემთვის. კიდევ ერთხელ გილოცავთ დღევანდელ დღესასწაულს“, – განაცხადა შიო მესამემ.ამასთან, შიო მესამის თქმით, დამწუხრებულია დღეს მთელი ქვეყანა, გლოვის დღეები გვაქვს ფონიჭალაში მომხდარი ტრაგედიის გამო.„დღეს განსაკუთრებით ვიხსენიებთ ყველა იმ გარდაცვლილ ადამიანს, ვევედრებით უფალს, მთავარანგელოზებს, რომ შეეწიონ მათ სულებს, ასევე ჭირისუფლებს, მათი ოჯახის წევრებს და დაშავებულებს, რომელთაც ვუსურვებთ მალე გამოჯანმრთელებას.ძვირფასო, მამა ალექსანდრე, რა თქმა უნდა, დღეს ვიხსენებთ თქვენს შესანიშნავ ვაჟს, რომლის გარდაცვალებიდან მალე ერთი წელი გავა. კიდევ ერთხელ გისამძიმრებთ. მის სულსაც ვუსურვებ ანგელოზთა შეწევნას, თქვენ კი – გაძლიერებას.მინდა, დღეს განსაკუთრებული სიყვარული გამოვხატო თქვენ მიმართ, თქვენი საქმიანობის, ღვაწლის მიმართ. ჩვენ გვაკავშირებს მრავალწლიანი ურთიერთობა. ძალიან მოხარული ვარ დღეს თქვენთან ერთად მსახურებით, აქ ყოფნით, წირვით.მინდა, მადლობა გადაგიხადოთ თქვენი თავგანწირული მსახურებისთვის ღვთის წინაშე, ეკლესიის წიაღში. თქვენ ბევრი ადამიანი მოიყვანეთ ეკლესიაშია თქვენი დიდი სითბოთი, სიყვარულით, მადლიანი სიტყვით, გონიერებით. ამას, რა თქმა უნდა, ძალიან ვაფასებთ.თქვენთან ერთად ვლოცავ ამ ტაძრის სამღვდელოებას.ასევე, მინდა, განსაკუთრებით აღვნიშნო თქვენი და თქვენი სამრევლოს საქველმოქმედო საქმიანობა. თქვენი საქველმოქმედო ორგანიზაცია „თხილის გული“ უკვე 15 წელია, ყოველდღიურად 250 ადამიანს კვებავს. ეს ძალიან დიდი საქველმოქმედო საქმეა ჩვენს ეკლესიაში, რომელსაც ასეთი დიდი თავგანწირვითა და რუდუნებით აღასრულებთ. მინდა, გისურვოთ შემდგომი წარმატებები და დიდხანს სიცოცხლე, ამ შესანიშნავ ორგანიზაციას კი – მრავალჟამიერ საქმიანობა და წარმატება.დღევანდელ დღესთან დაკავშირებით, ნიშნად ჩვენი თქვენდამი პატივისცემისა და სიყვარულისა, საჩუქრად გადმოგცემთ ძვალზე ამოკვეთილ ჯვარს, ის ყოფილიყოს თქვენი შემწე და მფარველი.ასევე, წლევანდელ საიუბილეო თარიღთან დაკავშირებით, დავამზადეთ სპეციალური საიუბილეო სამღვდელო ჯვრები, ესეც გვინდა, საჩუქრად გადმოგცეთ.ღმერთმა დაგლოცოთ და გაგაძლიეროთ.ამ ტაძრის დეკანოზი ლევან ალადაშვილი ჯილდოვდება გამშვენებული ჯვრით, აქსიოს. ღმერთმა დაგლოცოთ, მთავარანგელოზებმა დაგლოცოთ.მთავარანგელოზ მიქაელისა და ყოველთა უხორცოთა ზეციურთა ძალთა ლოცვითა და მფარველობით, ღმერთმა დაგლოცოთ და გაგაძლიეროთ.ღმერთმა დალოცოს, გააძლიეროს, გაამთლიანოს და გადაარჩინოს სრულიად საქართველო, ამინ“, – განაცხადა შიო მესამემ.პატრიარქმა ტაძრის დანარჩენ სამღვდელოებას ასევე გადასცა საიუბილეო სამღვდელო ჯვრები, მრევლს კი დაურიგა ჯვრები, რომლებიც დამზადდა ქრისტიანობის სახელმწიფო რელიგიად გამოცხადების 1 700 წლის საიუბილეო თარიღთან დაკავშირებით.  

ფონიჭალაში აფეთქების შედეგად დაშავებული ახალგაზრდა მამაკაცი კვლავ მართვით სუნთქვაზეა

1795256164

ხეჩინაშვილის სახელობის საუნივერსიტეტო კლინიკის დამწვრობის ცენტრის დირექტორის გუგა ქაშიბაძის თქმით, პაციენტის სტაბილურ მდგომარეობას ინარჩუნებენ."დღეს, დილისთვის მდგომარეობა არის უცვლელი, სტაბილურ მდგომარეობას ვინარჩუნებთ ექიმები, მიუხედავად სერიოზული დაზიანებისა. კვლავ მართვით სუნთქვაზეა, რეანიმაციულ განყოფილებაში. იმყოფება სპეციალურ მედიკამენტოზური ძილის ქვეშ. დაზიანებები საკმაოდ სერიოზულია. აღენიშნება მთელი სხეულის მასშტაბური, 87 პროცენტი დაზიანება. ასევე სასუნთქი გზების დაზიანება და ბაროტრავმა, რაც, სავარაუდოდ, გაზის აფეთქებამ გამოიწვია“, – განაცხადა გუგა ქაშიბაძემ.რაც შეეხება აფეთქების დროს დაშავებულ ორ ბავშვს, ინგოროყვას საუნივერსიტეტო კლინიკის პედიატრიული დეპარტამენტის ხელმძღვანელის ქეთი ბარაბაძის განცხადებით, ორივე არასრულწლოვანი აქტიური და კონტაქტურია.

შიო მესამე - ასეთ მძიმე წუთებში ჩვენი სასოება და ნუგეში მკვდრეთით აღდგომილი მაცხოვრის რწმენაა

1795185982

პატრიარქი შიო მესამე აღნიშნავს, რომ ასეთ მძიმე წუთებში სასოება და ნუგეში მკვდრეთით აღდგომილი მაცხოვრის რწმენაა."მთელი ქვეყანა შეძრა ფონიჭალაში მომხდარმა ტრაგედიამ, რომელმაც ექვსი ადამიანის, მათ შორის – ორი ბავშვის, სიცოცხლე შეიწირა.დიდია ჩვენი მწუხარება! გულითადად ვუსამძიმრებთ გარდაცვლილთა ოჯახის წევრებსა და ახლობლებს, სრულიად საქართველოს…განუზომელია ჭირისუფალთა ტკივილი და გლოვა, რომელთა შესამსუბუქებლად სიტყვები უძლურია. ასეთ მძიმე წუთებში ჩვენი სასოება და ნუგეში მკვდრეთით აღდგომილი მაცხოვრის რწმენაა. მის მოწყალებას მივანდობთ ახლად შესვენებულთა სულებს და ლოცვით შევეწევით მათ...შევთხოვთ უფალს, სავანესა მართალთასა დაამკვიდროს ისინი, ხოლო ოჯახის წევრებსა და ახლობლებს განუმტკიცოს რწმენა და მიმადლოს ძალა ამ ტკივილის დაძლევისა, დაშავებულთ კი შეეწიოს და მალე გამოაჯანმრთელოს.ღმერთმა გააძლიეროს და მშვიდობით აკურთხოს ჩვენი ქვეყანა!“, - აღნიშნულია პატრიარქის სამძიმრის წერილში.ფონიჭალაში, საცხოვრებელ კორპუსში 19 ნოემბერს მომხდარ გაზის აფეთქებას ნგრევა მოჰყვა. შემთხვევის შედეგად დაიღუპა ექვსი ადამიანი, მათ შორის ორი ბავშვი.2026 წლის 22 ნოემბერი საქართველოში გლოვის დღედ გამოცხადდა.

აშშ-ის საელჩო ფონიჭალაში დაღუპულთა ოჯახებსა და ახლობლებს სამძიმარს უცხადებს

1795176401

"ღრმა მწუხარებას გამოვთქვამთ თბილისში, ფონიჭალაში მომხდარი ტრაგიკული შემთხვევის გამო. გულწრფელ სამძიმარს ვუცხადებთ დაღუპულთა ოჯახებსა და ახლობლებს.განსაკუთრებულ მადლიერებას გამოვხატავთ მაშველების მიმართ, რომელთა დაუღალავმა შრომამ, თანაგრძნობამ და ტრაგედიის ფონზე გადარჩენილი სიცოცხლით გამოწვეულმა გულწრფელმა სიხარულმა არავინ დატოვა გულგრილი", - წერს საელჩო.ფონიჭალაში, საცხოვრებელ კორპუსში 19 ნოემბერს მომხდარ გაზის აფეთქებას ნგრევა მოჰყვა. შემთხვევის შედეგად დაიღუპა ექვსი ადამიანი, მათ შორის ორი ბავშვი.2026 წლის 22 ნოემბერი საქართველოში გლოვის დღედ გამოცხადდა.

უკრაინის საელჩო – ვიზიარებთ ქართველი ხალხის ტკივილს ამ ტრაგედიასთან დაკავშირებით

1795175705

როგორც საელჩოს მიერ გავრცელებულ სამძიმრის წერილშია აღნიშნული, უკრაინა სოლიდარობას უცხადებს საქართველოსა და ქართველ ხალხს.„საქართველოში უკრაინის საელჩო გულწრფელ სამძიმარს უცხადებს თბილისში, ფონიჭალის რაიონში, საცხოვრებელ სახლში ტრაგიკული აფეთქების შედეგად დაღუპულთა ოჯახებსა და ახლობლებს. ვიზიარებთ ქართველი ხალხის ტკივილს ამ ტრაგედიასთან დაკავშირებით და ყველა დაშავებულს მალე გამოჯანმრთელებას ვუსურვებთ. ამ მწუხარების ჟამს უკრაინა სოლიდარობას უცხადებს საქართველოსა და ქართველ ხალხს“, – აღნიშნულია სამძიმრის წერილში.ფონიჭალაში, საცხოვრებელ კორპუსში 19 ნოემბერს მომხდარ გაზის აფეთქებას ნგრევა მოჰყვა. შემთხვევის შედეგად დაიღუპა ექვსი ადამიანი, ხუთი დაშავებული კი კლინიკებში გადაიყვანეს, მათგან სამი კლინიკებში რჩება.2026 წლის 22 ნოემბერი საქართველოში გლოვის დღედ გამოცხადდა.

"მის თავზე იყო ნანგრევები, ფილები, სინკარები, ხის მასალა, თმის სამაგრი ეჭირა რვა საათის განმავლობაში, ხელი როცა მოგვიჭირა, მაშინ მივხვდით, რომ კონტაქტური იყო"

1795174843

"ბავშვი არ იყო კონტაქტური, სახე ჰქონდა დაფარული, ცხვირიდან სუნთქავდა, სიტყვებსაც ვერ გადმოგვცემდა. ერთი პერიოდი იყო, რომ ფეხს ამოძრავებდა და ფეხიც არ გაგვიმოძრავა. როდესაც მივედით, წამოიტირა. სახე დაფარული ჰქონდა, ხმამაღლა ვერ ახერხებდა ტირილს, მერე გავათავისუფლეთ, ცოტა ხანს წამოიტირა, მერე დავამშვიდეთ, როგორც დიდი ადამიანი, ისე იქცეოდა, მერე კონტაქტში შემოვიდა, მაშინვე გაჩუმდა" - ამბობს დაუდაშვილი გადაცემაში "იმედის დღე".კიდევ ერთი მეხანძრე-მაშველის გაგა გიგაშვილის თქმით, ბავშვს "დაახლოებით სამი სართულის ნანგრევი ეყარა თავზე"."მის თავზე იყო ნანგრევები, ფილები, სინკარები, ხის მასალა. როდესაც მივედით, მხოლოდ ფეხი ჩანდა. როცა ხელი მოვკიდეთ, ფეხი ოდნავ გაამოძრავა... შემდეგ ხელამდე მივაღწიეთ და ხელში სათამაშო ეჭირა, თმის სამაგრი ეჭირა რვა საათის განმავლობაში, მუჭში ეჭირა და როდესაც გავუხსენით, გამოვართვით, ხელი მოვუჭირეთ და დავუძახეთ, ხელი მოეჭირა, თუ ესმოდა ჩვენი ხმა, ხელი როცა მოგვიჭირა, მაშინ მივხვდით, რომ კონტაქტური იყო", - ამბობს გიგაშვილი.19 ნოემბერს, ქვემო ფონიჭალაში გაზის აფეთქებას ხუთსართულიან კორპუსში ნგრევა მოჰყვა. კლინიკებში გადაიყვანეს ოთხი ადამიანი, მათ შორის 31 წლის კაცი, რომლის ბინაშიც მოხდა აფეთქება. მას სხეულის 87%-იანი დამწვრობა აქვს.7 ადამიანის ძებნა-შველის ოპერაციები მთელი დღის მანძილზე მიმდინარეობდა. ნანგრევებიდან ცოცხალი მხოლოდ 3 წლის თაია გამოიყვანეს.ამ დროისთვის კლინიკებში რჩება სამი ადამიანი - 31 წლის მამაკაცი, ასევე, 11 წლის და 3 წლის ბავშვები. 

როგორი ამინდია მოსალოდნელი უახლოეს დღეებში საქართველოში

1795173588

შესაძლებელია ელჭექი, სეტყვა, ქარის გაძლიერება, 22 ნოემბერს მაღალ მთაში ზოგან ძლიერი თოვა, ქარბუქი და ნისლი, ზღვაზე 4-5 ბალიანი შტორმი."მოსალოდნელმა ძლიერმა ნალექებმა შესაძლებელია დასავლეთ საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება, ხოლო ურბანულ დასახლებებში ცალკეული ტერიტორიების დატბორვა გამოიწვიოს. მაღალ მთაში ძლიერი თოვის, ქარბუქის და ხილვადობის გაუარესების გამო, შესაძლებელია შეიზღუდოს ტრანსპორტის მოძრაობა. (საფრთხის დონე - საშუალო)" - აცხადებენ გარემოს ეროვნულ სააგენტოში.