ბიზნესი და ეკონომიკა
თიბისის მხარდაჭერით, თბილისი ჰილსში განსხვავებული კონცეფციის აპარტამენტების მშენებლობა იწყება

1711614151

ტერიტორიაზე ახალი აპარტამენტების 3 ოთხსართულიანი შენობა აშენდება. თითოეულ შენობაში კი 44 აპარტამენტი იქნება.თბილისი ჰილსის ახალი აპარტამენტები მომავალი მცხოვრებლების სურვილებსა და საჭიროებებზე მორგებული, საერთაშორისო სტანდარტების, თანამედროვე საცხოვრებელი სივრცე იქნება.პროექტს სამი ფაქტორი გამოარჩევს: პირადი სივრცის განცდა, უმაღლესი ხარისხის სტანდარტები და რეკრეაციული სივრცეები.პირადი სივრცის განცდათითოეულ აპარტამენტში 3.4-3.6 მეტრი სიგრძის სლაიდური ვიტრაჟები სივრცის შეგრძნებას შეუწყობს ხელს. იზოლირებული აივნები და ხმაგაუმტარი კედლები კი მცხოვრებლების პირად სივრცეს უზრუნველყოფს.აპარტამენტების დიდი ტერასები იძლევა საშუალებას რეკრეაციული გარემოს შესაქმნელად და მცენარეების გასამრავლებლად. რამდენიმე ტერასაზე, სურვილის შემთხვევაში, გამოყოფილი იქნება ადგილი აუზისთვისაც. არასასურველი მზის სხივებისგან დასაცავად კი, თითოეული ტერასა აღჭურვილი იქნება საჩრდილობელი სისტემით.მაღალი ხარისხის სტანდარტებიაპარტამენტების მშენებლობისას, გამოყენებული იქნება უმაღლესი ხარისხის ევროპული სამშენებლო მასალა. პროექტში გათვალისწინებული იქნება გამართული ინფრასტრუქტურა, სახანძრო უსაფრთხოება და ლიფტი. შენობა ადაპტირებული იქნება შშმ პირებისთვისაც. ყოველი შენობის მიწისქვეშა სართული დაეთმობა პარკინგს, სადაც ასევე მოეწყობა სპეციალური სივრცეები და სათავსოები მაცხოვრებლების ნივთების შესანახად.აპარტამენტები ბარდება თეთრი კარკასის კონდიციით, ინტერიერის პროექტირება კი, საშუალებას იძლევა შეიქმნას დახვეწილი და გამორჩეული დიზაინი.რეკრეაციული სივრცეებითბილისი ჰილსის აპარტამენტებს მზის ელემენტებზე მომუშავე, თვითგაგრილებადი ატრიუმიც გამოარჩევს, რომელიც კომფორტული ავეჯითა და მცენარეებით აღჭურვილი, მოსასვენებელი სივრცე იქნება აპარტამენტებს შორის.აპარტამენტების წინ, რეკრეაციული ზონაც მოეწყობა, რომელიც გააერთიანებს: სტადიონს, პარკს, ბავშვთა გასართობ კუთხეს და სხვა. ასევე, კომპლექსის ტერიტორიაზე მცხოვრებლებს საშუალება ექნებათ ისარგებლონ საქართველოში გოლფის პირველი პროფესიონალური მოედნებით.იმისათვის, რომ მაცხოვრებლების ყოველდღიურობა მაქსიმალურად კომფორტული იყოს, აპარტამენტებთან ახლოს აშენდება კომერციული სივრცე, სადაც განთავსდება მაღაზიები, აფთიაქი, კაფე და სხვა.პროექტის შესახებ დამატებით დეტალებს გაეცანით ბმულებზე:https://www.facebook.com/TbilisiHillsGolfResidenceshttps://tbilisihills.com/index_ge.html 

თიბისის შეხვედრები "გლობალური ფულის კვირეულის" ფარგლებში

1711613780

კამპანია „გლობალური ფულის კვირეული“ საქართველოში, ეროვნული ბანკის ინიციატივით, უკვე მეათედ ჩატარდა. მსოფლიოში კი, კვირეული 2012 წლიდან 170-ზე მეტ ქვეყანაში, ყოველწლიურად, გაზაფხულზე იმართება. მისი მთავარი მიზანი, ბავშვებსა და ახალგაზრდებში ფინანსური, ეკონომიკური და სამეწარმეო ცნობიერების ამაღლებისა და ამ მიმართულებების პოპულარიზაციის ხელშეწყობაა.თიბისი, ყოველწლიურად, აქტიურადაა ჩართული კვირეულში და ცნობიერების ამაღლების მიზნით, სხვადასხვა საინფორმაციო კამპანიებს ატარებს, როგორც სოციალური ქსელებში ასევე, ფიზიკურ გარემოში.გარდა ამისა, საქართველოს ეროვნულ ბანკთან და მასთან არსებულ, ფინანსური განათლების პლატფორმა - ფინედუსთან ერთად, თიბისი მონაწილეობს მოსწავლეთა და მასწავლებლების სხვადასხვა შემეცნებით-საინფორმაციო კამპანიებში.

ხუთშაბათის შეხვედრების ფოკუსში თაობა Z იქნება

1711547429

დაინტერესებულ პირებს რიგით მეხუთე ღონისძიებაზე თიბისი ბიზნესისთვის ახალი თემით უბრუნდება -  თაობა Z რა ვიცით და რა არ ვიცით მათზე?დისკუსიის მთავარი ფოკუსი თაობა Z იქნება. დღეს ორგანიზაციები და ბრენდები საინტერესო გამოწვევის წინაშე დგანან, სხვადასხვა თაობის ადამიანებს ერთ სივრცეში და გარემოში უწევთ მუშაობა. როგორ შეიცვალა დრო? როგორ უნდა ვადაპტირდეთ ახალი რეალობისთვის? რა უნდა გავითვალისწინოთ და რა არ უნდა გავითვალისწინოთ. მითები და რეალობა თაობა Z-ის შესახებ.დისკუსიაში მონაწილეობას მიიღებენ: მედეა ტაბატაძე ინსორსის მმართველი დირექტორი, ბესო კაჭარავა - პოსტრედის დამფუძნებელი და გვანცა მურღვლიანი - თიბისის ადამიანური კაპიტალის მართვის ლიდერი.“ხუთშაბათის შეხვედრების” მიზანია წარმოაჩინოს სხვადასხვა ინდუსტრიის შიგნით მიმდინარე პროცესები, სპეციფიკაციები და ბაზარზე არსებული მოთამაშეების განსხვავებული სტრატეგიები ბიზნესის სხვადასხვა საჭიროებებზე.სარეგისტრაციო ლინკი: https://forms.gle/MhypuaReC5EFNypu9

"საქართველოს ბანკის" ბიზნესკურსს 4 ახალი კურსი დაემატა

1711458357

აღსანიშნავია, რომ სამი კურსი ბიზნეს პროცესების გაციფრულება, ონლაინ გაყიდვები და ბრენდინგი - მომზადდა ევროპის რეკონსტრუქციისა და განვითარების ბანკისა (EBRD) და ევროკავშირის მხარდაჭერით - კონსულტაციები მცირე და საშუალო ბიზნესისათვის პროგრამის ფარგლებში.საქართველოს ბანკის ბიზნესკურსის პლატფორმა ყველა იმ მიმართულებას ფარავს, რაც მცირე და საშუალო ბიზნესს განვითარებისთვის სჭირდება, მათ შორისაა გაყიდვები, ფინანსები, მარკეტინგი, ადამიანური რესურსების მართვა და სხვა საკითხები. პლატფორმაზე კურსები ვიდეოგაკვეთილების სახითაა განთავსებული, რაც მომხმარებლებს შესაძლებლობას აძლევს, სასურველ თემაზე ცოდნა ნებისმიერ დროს, ნებისმიერი ადგილიდან მიიღოს. ჯამში ონლაინ პლატფორმაზე 45 კურსია ხელმისაწვდომი, გასულ წელს კი სხვადასხვა კურსი 20 000-მდე მომხმარებელმა გაიარა. კურსების გარდა, პლატფორმაზე ხელმისაწვდომია მასტერკლასებიც - სპეციალური პროგრამები ახლად შექმნილი კომპანიებისთვის, რომლებსაც ბიზნესის დაგეგმვისა და განვითარებისთვის საბაზისო ინფორმაცია სჭირდებათ.ბიზნეს პროცესების გაციფრულება ერთ-ერთია ახალი კურსებიდან, რომელთა გავლა უკვე შესაძლებელია Businesscourse.ge-ზე. მას ირმა ბერძენიშვილი უძღვება და დაინტერესებულ პირებს აძლევს ინფორმაციას ბიზნესის საჭიროებებზე მორგებულ სააღრიცხვო სისტემებზე, ქლაუდ გადაწყვეტებსა და რობოტიზაციაზე.ონლაინ გაყიდვების კურსზე კრეატიული სააგენტო FCB Artgroup Tbilisi-ის მმართველი მენეჯერი, ანი ზაქარეიშვილი ელექტრონული კომერციის მზარდ ტენდენციებს მიმოიხილავს.ბრენდინგის კურსის ავტორი კი ალექს ჩიქოვანი, Live Branding-ის დამფუძნებელი და აღმასრულებელი დირექტორია. იგი მონაწილეებს უზიარებს ინფორმაციას ბრენდის მშენებლობის, საკომუნიკაციო გზავნილების, დიზაინის შექმნის და სხვა საკითხებზე.გაყიდვები პრაქტიკაში მცირე და საშუალო ბიზნესის მფლობელებისთვის, საშუალო რგოლის მენეჯერებისთვის ან გაყიდვების სფეროში დასაქმებული ადამიანებისთვისაა და მას ნანა აბურჯანიძე, ბიზნეს საკონსულტაციო კომპანია "სოლუშენერის“ დამფუძნებელი უძღვება."მოხარული ვართ, რომ EBRD-სა და ევროკავშირთან ერთად, გვაქვს შესაძლებლობა, როგორც მცირე და საშუალო ბიზნესების წარმომადგენლებს, ისე სხვა ნებისმიერ დაინტერესებულ პირს, გავუზიაროთ ცოდნა და გამოცდილება, მხარი დავუჭიროთ განვითარებაში და დავეხმაროთ ახალი მიდგომების დანერგვაში. ვამაყობთ, რომ ბიზნესკურსის მიმართ დაინტერესება მუდმივად იზრდება. ჩვენ არ ვჩერდებით და უახლოეს პერიოდში კიდევ არაერთ ახალ კურსს შევთავაზებთ მომხმარებლებს“, - ამბობს რუსუდან ბარათაშვილი, საქართველოს ბანკის დამატებითი ღირებულების სერვისების განვითარების დეპარტამენტის დირექტორი.კურსებისა და მასტერკლასების სანახავად ესტუმრეთ ვებსაიტს Businesscourse.ge. 

თიბისის მხარდაჭერით, ფერმერი ავთანდილ მარაქველიძე ყვარელში საკონსერვო საწარმოს გახსნას აპირებს

1711455631

ყვარლის რაიონში, ავთანდილ მარაქველიძის მეურნეობაში საგაზაფხულო სამუშაოები ინტენსიურ ფაზაში შედის. 10 ჰა მიწის ფართობზე ძირითადად ბოსტნეული კულტურები მოჰყავთ, მაგრამ არასტანდარტული, ქართული ბაზრისთვის ჯერ კიდევ უცხო სახეობები და ჯიშები. სათესლე მასალას შვეიცარიული და ჰოლანდიური კომპანიებისგან ყიდულობენ და ასე მოჰყავთ კახეთში 60 -მდე სხვადასხვა სახეობის ბოსტნეული, განსხვავებული ხარისხის და გემოვნური თვისებებით."ჩვენს მეურნეობაში ნახავთ ბოსტნეულის და ხილის ყველაზე გავრცელებული სახეობების არასტანდარტულ ვარიაციებს, ეს იქნება პომიდორი, კიტრი, წიწაკა, ყაბახი, საზამთრო, ნესვი და მრავალი სხვა. მაგალითად, შარშან 13 სხვადასხვა სახეობის საზამთრო მოვიწიეთ. გვაქვს მინი კიტრები, ცხარე ჰალაპენიო, მრავალნაირი პომიდორი ჩერი და სალათის სახეობა აისბერგი“, აცხადებს - ავთანდილ მარაქველიძე, კოოპერატივის დამფუძნებელი.ყვარელში მოყვანილ ე.წ. აისბერგს, რომელიც სალათის ფურცლის ძალიან პოპულარული სახეობაა, მთლიანად ქართული „მაკდონალდსი“ ყიდულობს, შარშან ავთანდილ მარაქველიძემ 80 ტონამდე აისბერგი  მოიწია. სხვა ბოსტნეულს და ხილს კი ძირითადად ქსელურ ჰიპერმარკეტებში ნახავთ.შარშან კოოპერატივმა თიბისის ფინანსური მხარდაჭერით ევროპული სტანდარტების სამაცივრე მეურნეობა ააშენა, სადაც მიღებული მოსავლის შენახვა ხდება. ავთანდილ მარაქველიძე ამბობს, რომ კოოპერატივი სამომავლოდ საწარმოს გახსნასაც გეგმავს, სადაც მათ მიერ მოყვანილი ბოსტნეულის ზოგიერთი სახეობის კონსერვები დამზადდება. ყველაფერი კი ხარისხის საერთაშორისო სტანდარტის - Global GAP (Good Agriculture Prasctice – კარგი სოფლის მეურნეობის პრაქტიკა) დაცვით ხორციელდება.  

Galt & Taggart-მა ეროვნული ბანკის მიერ ორგანიზებულ კონფერენციაზე გლობალური სასაქონლო ბაზრების მიმოხილვა წარადგინა

1711448359

ღონისძიების ერთ-ერთი მთავარი საკითხი გლობალურად გამკაცრებული მონეტარული პოლიტიკა, რეგიონში არსებული გეოპოლიტიკური ვითარება და ამ პროცესებზე ცენტრალური ბანკების რეაგირება  იყო.ღონისძიებაზე სხვადასხვა საკითხებზე მომხსენებლები იყვნენ საქართველოს ეროვნული ბანკის საერთაშორისო კონსულტანტი დევიდ ვავრა და საფინანსო სექტორის წარმომადგენლები."მოხარული ვართ, რომ მონაწილეობა მივიღეთ საქართველოს ეროვნული ბანკის მიერ ორგანიზებულ კონფერენციაში, სადაც შესაძლებლობა გვქონდა, ეკონომისტების, ფინანსისტების, საერთაშორისო ორგანიზაციების თუ არასამთავრობო სექტორის წარმომადგენლებისთვის გლობალური სასაქონლო ბაზრების შესახებ ჩვენი მიგნებები გაგვეზიარებინა. აღსანიშნავია, რომ წარმოუდგენელია, ნედლეულის ბაზარი მიმოვიხილოთ იმ კონტექსტის გათვალისწინების გარეშე, რასაც გლობალური, პოლიტიკური, სამხედრო და ეკონომიკური პროცესები ქმნის. შესაბამისად, ჩვენ კონფერენციაზე მიმოვიხილეთ როგორც წითელი ზღვის კრიზისის, ასევე ისრაელ-ჰამასის ომის ეფექტები ნავთობის გლობალურ ფასებზე და შესაბამისად - რეგიონზე“, - განაცხადა კახა სამყურაშვილმა. 

7 მარტივი ხერხი თიბისის ციფრულ ბანკში ფინანსური უსაფრთხოებისთვის - განაახლე თიბისის ციფრული ბანკი

1711447940

დააყენე ძლიერი პაროლიაპლიკაციაში შესასვლელად ყველა მომხმარებელს სჭირდება პაროლი. პაროლთან ერთად, დამატებით ექვსნიშნა პასკოდსაც ვიყენებთ აპლიკაციაში შესასვლელად. მნიშვნელოვანია, რომ პაროლის შექმნისას გაითვალისწინო:პაროლი უნდა იყოს უნიკალურო და არ იქნას გამოყენებული სხვა აპლიკაციებში და ანგარიშებზე შესასვლელად.  არ უნდა შეიცავდეს შენს სახელს, გვარსა და დაბადების თარიღს.  გამოიყენე, როგორც ასოები (დიდი/პატარა), ასევე ციფრები და სიმბოლოები.  პაროლი უნდა შედგებოდეს მინიმუმ 12 სიმბოლოსგან. არ ჩაინიშნო პაროლი სხვისთვის ხელმისაწვდომ ადგილას. არ გამოიყენო ერთი და იგივე პაროლი/პასკოდი მობილურ ტელეფონსა და აპლიკაციაში შესასვლელად, რათა ტელეფონის დაკარგვის შემთხვევაში თავიდან აიცილოთ მობაილბანკში მარტივი შეღწევა.დააყენე face id / touch idიმისთვის, რომ კიდევ უფრო გაიმარტივო შენს ფინანსებთან წვდომა და ამავდროულად დაიცვა უსაფრთხოება, გაიაქტიურე Face ID/Touch ID. ეს დამატებით საფეხური გვაძლევს საშუალებას, რომ კიდევ უფრო დაცული იყოს შენი ანგარიშები.აარჩიე სანდო მოწყობილობადამატებითი უსაფრთხოებისთვის ბანკი იყენებს ერთჯერად sms-ებს შეტყობინებას აპლიკაციაში შესასვლელად (ე.წ. OTP კოდს), სხვადასხვა ტრანზაქციების შესასრულებლად, პინკოდის გასაახლებლად და ბარათის დეტალების შესამოწმებლად. თუ ფიქრობ, რომ ძლიერი პასკოდი გაქვს, როგორც ტელეფონზე, ასევე მობაილბანკის აპლიკაციაში და გააქტიურებული გაქვს Face ID ან Touch ID, შეგიძლია გახადო მოწყობილობა სანდო. შედეგად, ყველა ზემოთ ჩამოთვლილ მოქმედებას შეასრულებ მოკლე ტექსტური შეტყობინების გარეშე, რითაც გაიმარტივებ ციფრული ბანკის მოხმარებას.დაბლოკე დაკარგული ბარათი ციფრული ბანკიდანბარათის დაკარგვის შემთხვევაში მარტივად შეძლებ მის დაბლოკვას ციფრული ბანკის მეშვეობით. უბრალოდ შედი მთავარ გვერდზე, აირჩიე ბარათი, რომელიც დაკარგე და დააჭირე ბოქლომის ღილაკს.შეცვალე ბარათის პინ კოდი აპლიკაციიდანთუ ეჭვობ, რომ ბანკომატთან პინკოდის გამოყენებისას ვინმემ შენიშნა შენი კოდი, შეგიძლია მარტივად განაახლო აპლიკაციის საშუალებით. უბრალოდ გადადი ბარათის გვერდზე, დააჭირე პინკოდის განახლებას და sms-ის სახით ახალს მიიღებ.კარგად შეამოწმე დეტალები გადარიცხვამდეხშირად დაფიქსირებულა შემთხვევა, როცა თანხის გადარიცხვისას შეცდომით უთითებენ მომხმარებლები მიმღების მონაცემებს. სწორედ ამისთვისაა განკუთვნილი გადარიცხვის შემაჯამებელი გვერდი, რათა კარგად გადაამოწმო ტრანზაქციის დეტალები.გადმოწერე ციფრული ბანკი და გაგვიზიარე უკუკავშირი, კიდევ რას ისურვებდი ციფრულ ბანკში.

თიბისის მხარდაჭერით, აუდიტორული კომპანია Nexia Georgia ახალი სამუშაო სივრციდან აგრძელებს ოპერირებას

1711362031

სამუშაო სივრცის პარალელურად, Nexia Georgia-ს ბაზაზე შექმნილი სასწავლო ცენტრი - „ნექსია აკადემიაც“ გაფართოვდა, რომლის მიზანიც ბიზნეს სექტორისთვის პრაქტიკული ცოდნისა და საერთაშორისო გამოცდილების გაზიარებაა.Nexia Georgia 2014 წლიდან წარმოადგენს საერთაშორისო აუდიტორულ და საკონსულტაციო კომპანიას - Nexia International-ს და წლებია, ერთ-ერთი წამყვანი აუდიტორული კომპანიაა საქართველოს ბაზარზე. ქსელი მსოფლიოს 122 ქვეყანაში 720-ზე მეტ ოფისს აერთიანებს.Nexia Georgia 700-მდე მსხვილ, საშუალო და მცირე ბიზნესს ემსახურება ბუღალტერიის, გადასახადების, აუდიტის, კონსალტინგისა და იურიდიული მიმართულებებით. მისი სერვისი, ასევე, მოიცავს პარტნიორი კომპანიების ციფრული ტექნოლოგიებითა და ლიცენზირებული პროგრამებით უზრუნველყოფას.Nexia-ს ქართული ოფისი 250-მდე პროფესიონალს აერთიანებს და აუდიტორული სფეროს ყველაზე მსხვილი დამსაქმებელია საქართველოში.2016 წელს შექმნილი „ნექსია აკადემია“ ფინანსურ სფეროში ერთ-ერთი წამყვანი ტრენინგ ცენტრია, რომელიც სასწავლო კურსებს, სემინარებს, ვებინარებსა და ღია კარის დღეებს მოიცავს. აკადემიის ტრენინგებს უძღვებიან, როგორც Nexia-ს პრაქტიკოსი მენეჯერები, ასევე, მოწვეული პროფესიონალები.Nexia Georgia წელს 10 წლის ხდება. კომპანიის დაფუძნების დღიდან, თიბისი Nexia-ს ზრდისა და განვითარების მხარდამჭერია. 

"საქართველოს ბანკის" მხარდაჭერით ძველ თბილისში ibis Styles-ის ბრენდის ახალი სასტუმრო აშენდება

1711357636

პროექტის ჯამური ღირებულება 7 მილიონ აშშ დოლარია, საქართველოს ბანკის ფინანსური რესურსი კი 2.7 მილიონ დოლარს შეადგენს. პროექტი 3,347 კვ.მ-ზე  სასტუმროს მშენებლობას ითვალისწინებს და ის 67 ნომერს, ორ საკონფერენციო ოთახს, ბარსა და ღია ტერასას გააერთიანებს. "საქართველოს ბანკი წლებია ბიზნესის გაძლიერებასა და განვითარებას უჭერს მხარს. კომპანია „კალა უბანთან“ საქართველოს ბანკს მრავალწლიანი თანამშრომლობა აკავშირებს და ერთად არაერთი მასშტაბური პროექტი განგვიხორციელებია, მათ შორის „ალფა სახლის“ რამდენიმე საცხოვრებელი კომპლექსის მშენებლობა. აღნიშნული პროექტის ფარგლებში კი, თბილისის ისტორიულ ადგილას ibis Styles-ის ბრენდის სასტუმრო აშენდება. საერთაშორისო ბრენდების ქართულ ბაზარზე ყოფნა, სტუმარმასპინძლობის სექტორისთვის განსაკუთრებით მნიშვნელოვანია, რადგან მიგვაჩნია, რომ მსგავსი პროექტები ხელს შეუწყობს საქართველოს, განსაკუთრებით კი თბილისის ტურისტული პოტენციალის გაზრდას. გვჯერა, რომ სასტუმრო ბევრ საერთაშორისო სტუმარს უმასპინძლებს, რაც მათ საშუალებას მისცემს, არ გაჩერდნენ და კიდევ არაერთი საინტერესო პროექტი განახორციელონ“, - განაცხადა გიორგი წეროძემ, საქართველოს ბანკის კორპორაციული გაყიდვების სექტორის უფროსმა. 

24 მარტს მეწარმეთა ყოველწლიური სიმპოზიუმი გაიმართება

1711186419

ღონისძიების ფარგლებში მეწარმე ქალების ნამუშევრების გამოფენა-გაყიდვა გაიმართება.სიმპოზიუმს "საქართველოს ქალ აუდიტორთა და იურისტთა ასოციაციის“ თავმჯდომარე თეა ადუაშვილი გახსნის."საქართველოს ქალ აუდიტორთა და იურისტთა ასოციაცია ყოველწლიურად ახორციელებს 100 მეწარმე ქალის მხარდაჭერის პროექტს. წელს „საქართველოს ადვოკატები დამოუკიდებელი პროფესიისთვის - GLIP პარტნიორობის ფარგლებში" ორგანიზებით ტარდება ქალ მეწარმეთა სიმპოზიუმი.  ღონისძიება შედგება ორი ნაწილისგან. პირველი ქალი მეწარმეებისთვის საინტერესო და აქტუალური საკითხების განხილვას დაეთმობა, წარმოდგენილი იქნება ისეთი საინტერესო თემები, როგორიცაა, მაგალითად, შრომითი უფლებების დაცვის მნიშვნელობა და პრაქტიკული რჩევები, საგადასახადო კანონმდებლობაში შესული მნიშვნელოვანი ცვლილებები და სიახლეები. ასევე წარმოდგენილი იქნება თემა: „მე ვირჩევ წარმატებას“, რაც, ვფიქრობ, ძალიან საინტერესო და მასტიმულირებელი იქნება დამსწრე საზოგადოებისთვის.  მეორე ნაწილში კი მეწარმეებს აუდიტორული, ბუღალტრული და იურიდიული მიმართულებებით პროფესიონალური საკონსულტაციო მომსახურების სრულიად უსასყიდლოდ მიღების საშუალება ექნებათ.ღონისძიებას წარუძღვებიან: მანანა აბულაძე - საქართველოს ქალ აუდიტორთა და იურისტთა ასოციაციის თანადამფუძნებელი, ნინო ლიპარტია - ადვოკატი, პროფესორი, საქართველოს ადვოკატები დამოუკიდებელი პროფესიისათვის თავმჯდომარე. მარიამ სიჭინავა - სამართლის მაგისტრი, ადვოკატი, საქართველოს ადვოკატები დამოუკიდებელი პროფესიისათვის - თავმჯდომარის მოადგილე. ეკატერინე რუხაძე - აუდიტორული და საკონსულტაციო კომპანია G-Roi-ის მმართველი პარტნიორი.  ლალი ბადრიძე - მსოფლიო პოზიტიური და ტრანსკულტურული აკადემიის წარმომადგენლობის ხელმძღვანელი, ქალთა კლუბის დამფუძნებელი, წარმატების მიღწევის ფსიქოლოგიის ლექტორი, ფსიქოთერაპევტი, ქოუჩი.საკონსულტაციო მომსახურებაში კი დაგვეხმარებიან: მარიამ ჯიბუტი - აუდიტორული კონსულტაცია საგადასახადო საკითხებში; ეკატერინე რუხაძე - აუდიტორული კონსულტაცია საგადასახადო და ფინანსური მიმართულებით; ნინო ლიპარტია - იურიდიული კონსულტაცია სამოქალაქო საკითხებში; მარიამ სიჭინავა - იურიდიული კონსულტაცია სამოქალაქო საკითხებში; მარიამ სულაძე - იურიდიული კონსულტაცია; შორენა მანძულაშვილი - კონსულტაცია ბუღალტრულ საკითხებში.აღნიშნული ღონისძიების მიზანს,  სწორი და საჭირო ინფორმაციის მიწოდების გარდა, ქალ მეწარმეთა გაძლიერება და სტიმულირება წარმოადგენს. ვფიქრობ, საკმაოდ საინტერესო და საჭირო ღონისძიება გველის წინ", - აცხადებს თეა ადუაშვილი.