პოლიტიკა ომი უკრაინაში სამართალი ბიზნესი და ეკონომიკა ექსკლუზივი საზოგადოება რეგიონები კონფლიქტები სამხედრო თემა ანონსი მსოფლიო სპორტი სოციალური მედია კულტურა ციტატა ჰოროსკოპი ინტერვიუ ანალიტიკა
პოლიტიკა
ირაკლი კობახიძე - ამ ცოდვას ასე მარტივად ვერ მოიშორებს "ლელო"

1780564826

პრემიერმა შეაფასა „ლელოს“ პოზიცია, რომელიც ამბობს, რომ არც ერთ სისტემაში ბოიკოტს არ მოუცია შედეგი ოპოზიციისთვის."ლელოც“ იყო ამ საბოტაჟის ერთ-ერთი მონაწილე. ასე დაავალეს, მათ შორის ყოფილი ადმინისტრაციიდან და ასე იმოქმედეს. თვითონ თქვეს უარი მანდატებზე. აქედან გამომდინარე, ახლა „ლელო“ სხვას რომ ესაუბრება, აბსოლუტურად ალოგიკურია. თვითონ იყვნენ ამ პოლიტიკური დანაშაულის თანამონაწილეები, თვითონაც თქვეს უარი 2024 წელს და მანამდეც, 2020 წელს საპარლამენტო მანდატებით სარგებლობაზე. შესაბამისად, „ლელოც“ არის ამ დანაშაულის თანამონაწილე.  რაც უთხრეს, რაც დაუკვეთა უცხოურმა აგენტურამ, ის შეასრულეს. ახალ ადმინისტრაციას აქვს განსხვავებული მიდგომა და შესაბამისად, „ლელოს“ ნაწილმა გადაწყვიტა განსხვავებული მესიჯებით ისაუბროს, თუმცა ეს მათ დანაშაულს ვერ გაასუფთავებს. მათ ჩაიდინეს პოლიტიკური დანაშაული, საკუთარი ქვეყნის, საკუთარი სახელმწიფოს წინაშე და ამ ცოდვას ასე მარტივად ვერ მოიშორებს „ლელო“, რომელიც იყო სახელმწიფოს წინააღმდეგ მიმართული პოლიტიკური დანაშაულის პირდაპირი თანამონაწილე. რაც შეეხება მანდატების გამოყენებას, ჩვენ ვნახოთ, 2028 წელს რა მოხდება, რომელი პარტიები მიაღწევენ 2028 წლის არჩევნებამდე. ეს საკონსტიტუციო სასამართლოზეც არის დამოკიდებული. შემდეგ ვნახოთ, არჩევნებამდე მიღწეული პარტიებიდან ვინ ისარგებლებს და ვინ არ ისარგებლებს მანდატებით“, -  განაცხადა ირაკლი კობახიძემ.

კახა კალაძე - ჩვენი ქვეყნის ეკონომიკური ზრდის მაჩვენებელი გვაძლევს იმედს, რომ სწორი მიმართულებით მივდივართ

1780559083

კახა კალაძემ ღონისძიებაზე დასწრებისთვის მადლობა გადაუხადა საქართველოს პრეზიდენტ მიხეილ ყაველაშვილს, პრემიერ-მინისტრ ირაკლი კობახიძეს, პარლამენტის თავმჯდომარე შალვა პაპუაშვილს, საკრებულოს თავმჯდომარე ზურაბ აბაშიძეს."მივესალმები და მადლობას გადავუხდი აღმასრულებელი და საკანონმდებლო ორგანიზაციების წარმომადგენლებს, ჩვენს ახალგაზრდებს. ასევე,  მივესალმები ჩვენს უცხოელ სტუმრებს პროფესორ ჯონ მერშჰაიმერს, პროფესორ ჯეფრი საქსს, ევროპარლამენტარ მიქაელ ფონ დერ შულენბურგს, ევროპარლამენტარ რუთ ფირმენიჩს.მოხარული ვარ, რომ თბილისი კვლავ მასპინძლობს  თბილისის მდგრადი განვითარების XVI რეგიონულ ფორუმს, რომლის მთავარი თემაა „მდგრადი განვითარება სოციალურ-ეკონომიკური კეთილდღეობისთვის“. ეკონომიკური ზრდა, სოციალური თანასწორობა და გარემოს დაცვა ის ფუნდამენტური საკითხებია, რომლის გარეშეც შეუძლებელია ქვეყნის გრძელვადიანი განვითარება. საქართველოს ეკონომიკური ზრდის მაჩვენებელი გვაძლევს იმედს, რომ სწორი მიმართულებით მივდივართ“, - განაცხადა კახა კალაძემ.ამასთან, დედაქალაქის მერმა სიტყვით გამოსვლისას კიდევ ერთხელ გაუსვა ხაზი, რომ თბილისს, კვლავ ეძლევა შესაძლებლობა, ხელი შეუწყოს ახალი პარტნიორობის ჩამოყალიბებას და ინვესტიციების მოზიდვას."ყველას კარგად გვესმის, რომ მდგრადი განვითარება მხოლოდ სტატისტიკა და ეკონომიკური მაჩვენებლები არ არის. ეს არის ჩვენი მოქალაქეების კეთილდღეობა, მათი ცხოვრების ხარისხის გაუმჯობესება, განვითარებული ქალაქები, ახალი ინფრასტრუქტურა, ახალი საწარმოები, სამუშაო ადგილები; ეს არის სოციალურ-ეკონომიკური კეთილდღეობა, რომელიც მოქალაქეების საჭიროებებზე ზრუნვას ეფუძნება.მოხარული ვარ, ხაზი გავუსვა იმ ფაქტს, რომ თბილისს, როგორც რეგიონული თანამშრომლობისა და დიალოგის ცენტრს, კვლავ ეძლევა შესაძლებლობა, ხელი შეუწყოს ახალი პარტნიორობის ჩამოყალიბებას, ინვესტიციების მოზიდვას, ინოვაციური იდეების გაზიარებასა და მდგრადი განვითარების მიზნების განხორციელებას.მჯერა, რომ მხოლოდ ერთიანობით,  პასუხისმგებლობისა და საერთო მიზნების გაზიარებით შევძლებთ ღირსეული გარემოს შექმნას“, - განაცხადა კახა კალაძემ.დედაქალაქის მერთან ერთად, ღონისძიებას ვიცე-მერი გიორგი ტყემალაძე, მოადგილეები - ირაკლი ბენდელიანი, ანდრია ბასილაია, კახა აბულაძე და უწყების სხვა წარმომადგენლები ესწრებიან.ფორუმში მონაწილეობენ საქართველოს ცენტრალური და ადგილობრივი ხელისუფლების წარმომადგენლები, პარლამენტის წევრები, საერთაშორისო და რეგიონული ორგანიზაციების ხელმძღვანელები, უცხოელი და ქართველი ექსპერტები, დიპლომატიური კორპუსის, აკადემიური წრეებისა და ბიზნესსექტორის წარმომადგენლები. მათ შორის, ფორუმში მონაწილეობს მსოფლიოს 20 სხვადასხვა ქვეყნის 50 წარმომადგენელი.ღონისძიების ფარგლებში, დაგეგმილია მაღალი დონის პლენარული სესიები და თემატური პანელური დისკუსიები.თბილისის რეგიონული ფორუმი 2007 წელს ადგილობრივი ეკონომიკური განვითარების (LED) ინიციატივის სახით დაფუძნდა. ფორუმი წარმოადგენს სივრცეს, სადაც განიხილება ეკონომიკური, სოციალური, გარემოსდაცვითი, ტექნოლოგიური და გეოპოლიტიკური პროცესები. სწორედ ამ ფორმატში შეიქმნა „მშვიდობის პლატფორმა", რომლის ფარგლებშიც ყოველწლიურად იმართება მაღალი დონის დისკუსიები მშვიდობის, სტაბილურობისა და განვითარების ურთიერთკავშირის შესახებ.

გიორგი რუხაძე - რუბიო იმედს იტოვებს, რომ შეიცვლება არა მხოლოდ ურთიერთობები აშშ-სთან, არამედ შეიცვლება "ქართული ოცნების" ქცევაც

1780518047

მისივე თქმით, აშშ-მა იცის საქართველოს მძიმე პოლიტიკური მემკვიდრეობა და აქედან გამოსვლის გზები, რომელსაც ხელისუფლებას სთავაზობს."რუბიოს ამ გამოსვლაში, ჩემი აზრით, ძალიან ბევრი რამ ითქვა, თუმცა, სამწუხაროდ, როდესაც სომხეთი განიხილება იმ ჭრილში, რომ ის უნდა გახდეს რეგიონის სავაჭრო ცენტრი - მთავარი ჰაბი, ამ კონტექსტში საქართველოზე არის საუბარი, რომ ის არის ირანისა და კომუნისტური ჩინეთის მთავარი მოკავშირე. რუბიომ ყველაფერი თქვა, რაც სჭირს საქართველოს - თქვა, რომ არჩევნები გაყალბდა, თქვა, რომ დე ფაქტო ხელისუფლება რეპრესიებს ატარებს ამ ქვეყანაში, ახსენა, რომ ტრაექტორია შეიცვალა ქვეყანამ და ასევე ისიც თქვა, რომ კი, ეს ყველაფერი მათ აშფოთებთ და აღელვებთ, თუმცა ისიც თქვა, რომ ეს არის მემკვიდრეობა, რომელიც მიიღეს, ანუ, ეს პრობლემები უკვე არსებობდა და როცა საქართველოს ხელისუფლებამ იკითხა, რა გავაკეთოთ, რომ საქართველოსა და ამერიკის შეერთებულ შტატებს შორის ურთიერთობა გამოსწორდესო, ჩვენ ჩვენი პირობები წავუყენეთ, ისინი კი შეგვპირდნენ, რომ ამ წინაპირობებს შეასრულებენ. ახლა რუბიო იტოვებს იმედს, რომ საქართველო შეცვლის თავის ტრაექტორიას და შეიცვლება არა მხოლოდ ურთიერთობები აშშ-სთან, არამედ შეიცვლება "ქართული ოცნების" ქცევაც - საქართველოს ქცევა", - განაცხადა გიორგი რუხაძემ.აშშ-ის სახელმწიფო მდივნის მარკო რუბიოს განცხადებით,  საქართველოს ხელისუფლებამ გარკვეული ნაბიჯები გადადგა, რაც მიანიშნებს, რომ მათ სურთ შეერთებულ შტატებთან ურთიერთობების გაუმჯობესება.

ლევან სანიკიძე - ძალიან მნიშვნელოვანი განცხადება გაკეთდა აშშ-ის სახელმწიფო მდივნის მხრიდან

1780516555

მისივე თქმით, ცალსახააა, რომ ამერიკის შეერთებულ შტატებს ძალიან დიდი ინტერესი აქვს რეგიონში."ჩემი აზრით, ძალიან მნიშვნელოვანი განცხადება გაკეთდა აშშ-ის სახელმწიფო მდივნის მხრიდან. გრძელვადიან პროცესზეა საუბარი, რომელიც შეუძლებელია ამ ქვეყანაში მოხდეს ვითარების არსებითი ნორმალიზაციის გარეშე, რაც გულისხმობს პოლიტიკური პატიმრების გათავისუფლებას, ნორმალურ საარჩევნო გარემოს. ცალსახააა, რომ ამერიკის შეერთებულ შტატებს ძალიან დიდი ინტერესი აქვს რეგიონში და უნდა განვმარტოთ, რატომ გაიზარდა ეს ინტერესი ასე ძალიან რეგიონში - პირველი არის სომხეთისა და აზერბაიჯანის უპრეცედენტო დაახლოება - ჩვენ ეს ფუფუნება არ გვქონია, საბჭოთა კავშირის პერიოდიდან მოყოლებული ეს ორი სახელმწიფო ერთმანეთთან იყო შეჯახებული და ჰქონდათ სხვადასხვა პერიოდში ცხელი კონფლიქტი, რომელიც დღეს აღმოფხვრილია და დღეს ისინი არიან პარტნიორები, ამაში არის ჩართული თურქეთიც, ანუ, სამხრეთ კავკასიაში ვითარება ლაგდება. მეორე მომენტია - ირანში მიმდინარე მოვლენები და საქართველო, როგორც ენერგომატარებლის ერთ-ერთი ყველაზე უსაფრთხო გამტარი სახელმწიფო, რომელიც არის უმნიშვნელოვანესი იმ ტრიპის პროექტისთვის, ეს ამერიკის პრეზიდენტისთვის არის პრინციპული მნიშვნელობის მატარებელი და პლუს, ამას ემატება მესამე და გრანდ საკითხი, რომელიც არის რუსეთ-უკრაინის ომი, ამიტომ, საქართველოს ფასი არის ძალიან გაზრდილი. ვერც ის ტრიპის პროექტი ვერ ხდება სრულფასოვანი და ვერც შუა დერეფანი ვერ მუშაობს, თუ საქართველოს რკინიგზა და ის პორტები, რომელიც აშენებულია, ან უნდა აშენდეს და ის ენერგომატარებლები თუ არ მუშაობს და არ მოძრაობს და ახალი სტრატეგიული მნიშვნელობის პროექტები არ ხორციელდება, უამისოდ ვერ იკვრება ეს გეოპოლიტიკური კონტექსტი სამხრეთ კავკასიაში", - განაცხადა ლევან სანიკიძემ.

"მადლიერი ვარ, რომ ტრამპი საქართველოსგან ქცევის შეცვლას მოითხოვს!"

1780507179

"ქართული ოცნება" ირანსა და ჩინეთს უკანონო ქმედებებში უწყობს ხელს, მაშინ, როდესაც საკუთარ ხალხს უკანონოდ აპატიმრებს.ანტიამერიკული „ქართული ოცნების“ რეჟიმი ხელს უწყობს ირანისა და ჩინეთის კომუნისტური პარტიის უკანონო ქმედებებს, მაშინ როცა საკუთარ ხალხს უკანონოდ აპატიმრებს. მადლიერი ვარ, რომ პრეზიდენტი ტრამპი ამ არაკეთილსინდისიერი სახელმწიფოსგან ქცევის შეცვლას მოითხოვს!" - წერს ჯო უილსონი. 

"გიორგი უძილაური აღიარებს, რომ მისმა პოლიტიკურმა პოზიციამ და იდეალებმა აქცია პატიმრად - პოლიტიკურ პატიმრად, რადგან მისი დაჭერა იყო პოლიტიკური სიგნალი"

1780507078

“გიორგი უძილაური, იაზრებს, რა მის მიმართ წარდგენილი ბრალდების სიმძიმეს, აღიარებს, რომ:იკავებდა რა ფინანსთა სამინისტროს საგამოძიებო სამსახურის საზოგადოებასთან ურთიერთობის სამმართველოს უფროსის თანამდებობას, იმავდროულად ინარჩუნებდა არასამთავრობო ორგანიზაცია ”ევროპული არჩევანი საქართველოსთვის“ დირექტორის თანამდებობას, 2025 წლამდე კი რედაქტორობდა ინტერნეტგამოცემა ”european.ge“-ს, რომელშიც პერიოდულად აქვეყნებდა მის ანალიტიკურ სტატიებს სხვადასხვა პოლიტიკურ და გეოპოლიტიკურ თემებზე, ისევე როგორც მოღვაწეობდა ჟურნალისტიკაში 1994 წლიდან.აღიარებს, რომ საგამოძიებო სამსახურის პარალელურად, ორჯერ იმყოფებოდა პროევროპული სტუდენტების საპროტესტო აქციებზე რუსთაველზე, ერთხელ მოძრაობდა, ხოლო მეორედ იდგა სასტუმრო “თბილისი მარიოტსა” და გალერეას შორის. აქციის დარბევისას არაერთხელ იცვლიდა ლოკაციას. მიუხედავად იმისა, რომ პოლიცია პროევროპულ სტუდენტებს გაზით არბევდა, სახე არ დაუმალავს. შესაბამისად, შსს-ს ჰქონდა მისი იდენტიფიკაციის საშუალება.იმის მიუხედავად, რომ საგამოძიებო სამსახურში დასაქმებისთანავე გაფრთხილებული იყო, რომ ისმინებოდა მისი ტელეფონები, ხდებოდა ინტერნეტტრაფიკის მონიტორინგი, ფიქსირდებოდა სამსახურებრივი ავტომანქანის ლოკაცია და ხორციელდებოდა სალონის მოსმენა, თავი არ შეუზღუდავს არც შეხვედრებში და არც საუბრებსა თუ მიმოწერებში.უფრო მეტიც, დაუფარავი ენთუზიაზმით დასცინოდა ხელისუფლების მიერ ევროპის დისკრედიტაციისათვის გამოგონილ საფრთხობელებს („Deep State“, “ომის პარტია“, “მასონები“, “ევროგეების საფრთხე“...), გმობდა ხელისუფლების სასტიკ პოლიტიკას პროევროპელი სტუდენტების მიმართ, რადგან ამ პოლიტიკას შედეგად მოჰყვება ახალგაზრდების მასიური გადინება საქართველოდან.გიორგი უძილაურის თქმით, ეს პოლიტიკა არ ყოფილა „ქართული ოცნების“ მიზანი ან ამოცანა.2011 წლის ოქტომბრიდან იგი შეუერთდა ბიძინა ივანიშვილის ირგვლივ ჩამოყალიბებულ 20-კაციან გუნდს (დღეს იმ გუნდიდან ივანიშვილის გარემოცვაში დარჩენილია მხოლოდ გია ვოლსკი), რათა თავისი წვლილი შეეტანა სააკაშვილის რეჟიმის დამარცხებაში.გიორგი უძილაური სააკაშვილის რეჟიმს მიიჩნევდა და დღესაც მიიჩნევს ანტიდემოკრატიულ და სისხლიან მმართველობად, რომელმაც გააბეჩავა და დააჩოქა საქართველო, ე.წ. „ვარდების რევოლუციას“ მიიჩნევდა და მიიჩნევს სახელმწიფო გადატრიალებად, რის გამოც დღემდე ორმხრივი აუტანლობა აკავშირებს მასსა და სააკაშვილის რეჟიმის წარმომადგენლებს.20-კაციანი გუნდი 2011 წლის ოქტომბრიდან, 2012 წლის ივნისამდე გაფართოვდა და გამყარდა საქართველოს სხვადასხვა კუთხიდან შემოერთებული, გულანთებული, უშიშარი და თავგადადებული ახალგაზრდობით - იმ ბირთვმა, რომელმაც მაგალითი მისცა დანარჩენ, ორჭოფობაში მყოფ მოსახლეობას და 2012 წლის ოქტომბერში გამარჯვება მოუტანა „ქართულ ოცნებას“.გიორგის თქმით, ის გულანთებული და ალალი მოძრაობა დღეს აღარ არსებობს, ის „ქართული ოცნება“ მკვდარია.მაღალი იდეალები ჩანაცვლდა მედროვეთა ინტერესებით და სხვის მიერ მოპოვებული გამარჯვებით მიღებული ძალაუფლების შენარჩუნების დაუოკებელი წყურვილით. ხელისუფლებაში მოსულია ხალხი, ვისაც არც ივანიშვილის პოლიტიკაში ჩართვამდე უბრძოლია სააკაშვილის რეჟიმთან და არც შემდეგ, 2011-2012 წლებში. მათთვის უცხოა იდეალებიც და გუნდურობაც. ძველი “ოცნების“ აქტივისტები ერთმანეთისთვის თავს სწირავდნენ, დღევანდელი “ოცნების“ ხელმძღვანელობა კი ერთმანეთს სწირავს, წარბშეუხრელად. მათ არ იციან, რომ 2011-2012 წლების ბრძოლაში და მოპოვებულ გამარჯვებაში მონაწილეობდა ის დასავლეთი, რომელსაც მათ მტრის სტატუსი მიანიჭეს.ასევე გიორგის თქმით, 2011-2012 წლების ივანიშვილის მოძრაობაში აქტიურად იყო ამერიკელების და ევროპელების რამდენიმე ჯგუფი. ისინი არა მარტო კონსულტაციებს უწევდნენ ივანიშვილის გუნდს, არამედ უზრუნველყოფდნენ ახლადშექმნილი მოძრაობის აქტიურ კომუნიკაციას ვაშინგტონთან და ბრიუსელთან, აძლევდნენ რჩევებს სააკაშვილის რეჟიმთან ბრძოლისთვის და უზრუნველყოფდნენ ივანიშვილის უსაფრთხოებას.როგორც ივანიშვილმა, ასევე “ოცნების“ ბირთვმა, ასევე ამერიკელმა და ევროპელმა სპეციალისტებმა იცოდნენ, რომ საფუძველი ეყრებოდა დემოკრატიულ და პროდასავლურ საქართველოს. არავის გასჩენია ეჭვი, რომ დასავლელი სპეციალისტები წარმოადგენდნენ „Deep State“-ს ან შემოგზავნილ აგენტურას - მტერი ომის მოგებასა და გამარჯვებაში არ გეხმარება.გიორგი აღიარებს, რომ მასაც ჰქონდა კომუნიკაცია და აქტიური კავშირი ამერიკელ და ევროპელ სპეციალისტებთან, ზოგიერთ მათგანთან მეგობრობდა და დღემდე მეგობრობს.მიუხედავად იმისა, რომ 2012 წლიდან 2022 წლამდე “ოცნება“ მეტ-ნაკლებად ინარჩუნებდა პროევროპულ, დემოკრატიულ კურსს, გიორგი ამჩნევდა, რომ ნელდებოდა დემოკრატიზაცია, ხელისუფლებაში ძლიერდებოდა აზრი, რომ დემოკრატია არც ისე კომფორტულია მმართველობისთვის, რომ სიტყვის თავისუფლება მნიშვნელოვანი ყოფილა მხოლოდ ოპოზიციაში ყოფნის დროს და ძალიან მომაბეზრებელია ხელისუფლების მიღების შემდეგ, რომ ბევრად მარტივია სიტყვის თავისუფლება გაფორმდეს „ევროპულ აგენტურად“ ან „სააკაშვილის რუპორად“.გიორგის თქმით, არაკომფორტული აღმოჩნდა ევროინტეგრაციაც, რადგან “ოცნების“ ახალი ხელმძღვანელობა დგებოდა არჩევანის წინაშე - ან რეალურად გაემიჯნება ერთმანეთს აღმასრულებელი, საკანონმდებლო და სასამართლო ხელისუფლება, ან უნდა იყოს პარტიული დიქტატურა და დემოკრატიის ჩაწიხვლა.ევროინტეგრაციისგან დაშორება ხდებოდა ეტაპობრივად, მაგრამ თანმიმდევრულად, ნელ-ნელა იზღუდებოდა აზრის თავისუფლება საჯარო მოხელეებისათვისაც.მთავრობის კანცელარიის საზოგადოებასთან ურთიერთობის სამსახურში მუშაობისას, გიორგი ასევე ესწრებოდა თსუ-ს პირველ კორპუსთან სტუდენტების მიერ გამართულ საპროტესტო აქციას, რის შემდეგაც სუსმა „ქართულ ოცნებას“ შეატყობინა, თითქოს გიორგი იყო პროცესის ორგანიზატორი, მან უარყო ორგანიზატორობა, თუმცა აღიარა აქციაზე დასწრება.გიორგი აღიარებს, რომ არაერთხელ დაუფიქსირებია მისი წინააღმდეგობა ანტიდასავლური პოლიტიკის მიმართ, მათ შორის ოცნების წევრებთან.გიორგის თქმით, კოჰაბიტანტების და მედროვეების გამარჯვება გამოაშკარავდა რუსეთის მიერ უკრაინაზე თავდასხმისთანავე. იგი აღიარებს, რომ მაინც ცდილობდა გაედო ხიდები „ოცნებასა“ და უკრაინულ მედიას შორის.გიორგის თქმით, მისი აქტივობა და ენთუზიაზმი ჩაითვალა პოლიტიკურ თავნებობად, იგი აღიარებს, რომ არ ემორჩილებოდა ე.წ. „პარტიულ დისციპლინას“ და რისი გაკეთებაც არ სურდა, არ აკეთებდა.გიორგი იხსენებს, რომ ბოლოს უარი თქვა ეკა ბესელიას „გაშავებაზე“ და იცოდა, რომ მალე მასთანაც მივიდოდნენ.გიორგი უძილაური აღიარებს, რომ მისმა პოლიტიკურმა პოზიციამ და იდეალებმა აქცია პატიმრად - პოლიტიკურ პატიმრად, რადგან მისი დაჭერა იყო პოლიტიკური სიგნალი ყველა იმ საჯარო მოხელისათვის, ვინც პროპაგანდისგან განსხვავებულად ფიქრობს.გიორგიმ არ იცის ეღირსება თუ არა თავისუფლება, რადგან მისნაირი ელემენტები, მით უმეტეს მკაცრი კონტროლის სახელმწიფო სტრუქტურებში, ავტორიტარული ხელისუფლების მხრიდან აღიქმებიან ავთვისებიან სიმსივნედ, დეფექტურ უჯრედად არადემოკრატიულ ორგანიზმში; ზედმეტი აქტივობა, თავნება აზრები და იდეები შეიძლება გადაედოს სხვა ჩინოსნებს და აფიქრებინოს აკრძალული ფიქრები; დღევანდელი პროპაგანდით საქართველოს პატრიოტია მხოლოდ ის, ვინც არ ეწინააღმდეგება ამ პროპაგანდას. ყველა დანარჩენი, ვინც წინააღმდეგია, არის დასავლეთისგან მოსყიდული, შესაბამისად „სახელმწიფოს მტერი“, ან „ჯაშუში“.გიორგი უძილაური აღნიშნავს, რომ არის კონსერვატორი, იზიარებს ქრისტიან-დემოკრატიულ იდეებს, მხარს უჭერს ტრადიციული ღირებულებების დაცვას, მაგრამ ამავე დროს სურს საქართველოს ხილვა ევროკავშირში, დასავლური, ქრისტიანული ცივილიზაციის ღირსეულ წევრად.გიორგი ეწინააღმდეგება დღევანდელი ხელისუფლების იზოლაციონისტურ პოლიტიკას, ქართული დიპლომატიის ლაჩრულ დამოკიდებულებას რუსეთის მიმართ და ყველაფრის „ომის საფრთხით“ გამართლებას.მისი თქმით, ომი რომ აღარ უნდოდათ, იმიტომ შექმნეს ყოფილმა მტრებმა ევროკავშირი - კაცობრიობის ისტორიაში ერთადერთი გაერთიანება, რომელიც გუშინდელმა მოქიშპეებმა აქციეს მშვიდობის და კეთილდღეობის ზონად.გიორგის თქმით, მშვიდობის გარანტი არის ევროპა და არა რუსული ჩექმის ამბორი და ცახცახი. მშიშრობა, ლატენტური მონობა და განსხვავებული აზრის დახშობა არ ყოფილა ჩვენი წინაპრების ოცნება - ქართული ოცნება”, - აცხადებს გიორგი უძილაურის ადვოკატი ბექა გულედანი.

ნიკა გვარამია - გრიგოლ გეგელიას დამიძახეთ და მასთან ერთად მსგავს პუბლიკას

1780503045

გვარამიას თქმით, გეგელია თუ სადმე გაიგებს, რომ ამერიკელები ოპოზიციას პარლამენტში შესვლისკენ მოუწოდებენ, მასაც გადაუთარგმნონ.“გრიგოლ გეგელიას დამიძახეთ და მასთან ერთად მსგავს პუბლიკას:აშშ-ის სახელმწიფო მდივანმა მარკო რუბიომ და ტრამპის ადმინისტრაციამ ორმხრივი ურთიერთობების გაუმჯობესება პირდაპირ დაუკავშირეს საქართველოს ხელისუფლების მიერ დემოკრატიული უკუსვლის შეჩერებას და ირანთან და ჩინეთთან მზარდი ეკონომიკური და გეოპოლიტიკური კავშირების გაწყვეტას.ვაშინგტონის ძირითადი მოთხოვნები შეერთებულმა შტატებმა თბილისში სახელმწიფო დეპარტამენტის დელეგაციის ვიზიტისას მკაფიოდ დააფიქსირა ურთიერთობების „გადატვირთვის“ პირობები. მიუხედავად იმისა, რომ მმართველი პარტია „ქართული ოცნება“ ამ პროცესს ურთიერთობების „სუფთა ფურცლიდან“ დაწყებად აფასებს, ვაშინგტონი ოფიციალური თბილისისგან კონკრეტულ ნაბიჯებს მოითხოვს.ვიდეო კომენტარშია, პირველ რიგში, იმათთვის, ვინც ინგლისური იცის ჩემზე უკეთ. გრიგოლმა, როგორც მისი სტატუსიდან ჩანს, იცის და გაერკვევა, იმედია. თუ სადმე გაიგებს, რომ ამერიკელები მოგვიწოდებენ პარლამენტში შესვლას, მეც მითარგმნონ, შემთხვევით მარტო "ლელო" რომ არ შებრუნდეს და არ დაიღუპოს ქართული "ზომიერი" პოლიტიკური სპექტრი და პროცედურული დემოკრატია”, - წერს ნიკა გვარამია. 

"ივანიშვილს სურს, რომ ვიყოთ იზოლირებულები, არ ხორციელდებოდეს დიდი პროექტები"

1780497893

მისივე თქმით, ბიძინა ივანიშვილი რუსეთის ინტერესებს ატარებს."რა თქმა უნდა, როცა ვსაუბრობთ კავკასიაში ამერიკის მზარდ ინტერესზე, ეს არის მხოლოდ და მხოლოდ კარგი კავკასიისთვის და მათ შორის, ჩვენი ქვეყნისთვის, თუმცა, ფაქტია, რომ  ივანიშვილის ინტერესები ემთხვევა მხოლოდ კრემლის ინტერესს და არა დასავლურ, ცივილურ და ამერიკულ ინტერესს. ბიძინა ივანიშვილი მტრების ინტერესებით მოქმედებს და არა ეროვნული და ქართული. ივანიშვილს სურს, რომ ვიყოთ იზოლირებულები, არ ხორციელდებოდეს დიდი პროექტები, არ ხორციელდებოდეს ისეთი პროექტები, როგორიც იყო, მაგალითად, ლაზიკის პროექტი და ამ ყველაფრის ფონზე, რა თქმა უნდა, ჩვენი ამოცანაა, რომ მალე მოხდეს ამ სისტემის დემონტაჟი", - განაცხადა ირაკლი ფავლენიშვილმა.

გიორგი ბუტიკაშვილი - ვითარების ისე დასტაბილურება ვერ მოხდება, როგორც ეს "ქართულ ოცნებას" სურს

1780497087

მისივე თქმით, ასე ვითარების სტაბილურობა ვერ მოხერხდება."ამერიკისთვის წითელი ხაზია მათ შორის პარტიების აკრძალვის დაინიციირება, მათ შორის პოლიტიკური ლიდერების დევნა და ამაზე ღიად საუბრობენ ჩვენს ყველა კომუნიკაციაში."ქართულ ოცნებას" სურს, მიიღონ და აღიარონ ისეთი, როგორიც არის და ამას საუბრობენ ამერიკელებთან საუბრისას ყოველ ჯერზე, თუმცა, ამით სტაბილურობა ვერ მიიღწევა, რადგან ჩვენ არ ვართ არც ბელორუსია და არც აზერბაიჯანი. წინააღმდეგობა გაგრძელდება სამოქალაქო საზოგადოებისა და პოლიტიკოსების მხრიდანაც და ვითარების ისე დასტაბილურება ვერ მოხდება, როგორც ეს "ქართულ ოცნებას" სურს", - განაცხადა გიორგი ბუტიკაშვილმა.

"აუცილებელია ისეთი გადაწყვეტილებების მიღება, რომელიც მთლიანად მთელი პოლიტიკური სისტემის გადატვირთვას მოიტანს"

1780496755

მისივე თქმით, "ქართული ოცნება" იძულებული გახდება, რომ აშშ-სთან კომპრომისზე წავიდეს."აუცილებელია ისეთი გადაწყვეტილებების მიღება, რომელიც მთლიანად მთელი პოლიტიკური სისტემის გადატვირთვას მოიტანს და არ იქნება მხოლოდ მოკლევადიან შედეგზე გათვლილი. ამერიკის შეერთებულ შტატებს, რა თქმა უნდა, ეს ძალიან კარგად ესმის. ბუნებრივია, რომ "ქართულ ოცნებას" არ სურს კონკრეტულ ნაბიჯებზე საუბარი იმიტომ, რომ შეშინებულია, იმიტომ, რომ, ერთი მხრივ, მას სურს დიქტატურის დამყარების საქმე ბოლომდე მიიყვანოს და ამას ვერ ახერხებს, ეს საქართველოში არ გამოუვა. შესაბამისად, მოუწევთ კომპრომისებს და დათმობებზე წასვლა და გარკვეული ნაბიჯების გადადგმა, ამისი კი ეშინიათ იმიტომ, რომ მათი სისტემა დგას დაშინებაზე", - განაცხადა ლევან ცუცქირიძემ.