ბათუმში ელენე ხოშტარია და გიორგი კირთაძე დააკავეს

ბენ ჰოჯესი - ქართველი ხალხისთვის უდიდესი საფრთხე ახლა თავისივე მთავრობისგან მოდის

1735494683

- გენერალო, დიდი მადლობა ჩვენთან სასაუბროდ დროის გამონახვისთვის. როგორც იცით, საქართველოში ბოლო დროს განვითარებული მოვლენების გამო ამერიკის შეერთებულმა შტატებმა და ევროპის რამდენიმე ქვეყანამ ქართველ მაღალჩინოსნებს სანქციები დაუწესა. ივლისში ამერიკამ „ღირსეული პარტნიორის“ სამხედრო წვრთნები შეაჩერა, დაახლოებით ერთი თვეა შეწყდა სტრატეგიული პარტნიორობაც. იმ დროს, როდესაც საქართველოს დასავლელი პარტნიორები ნელ-ნელა ქვეყნის იზოლაციის გზით მიდიან, უსაფრთხოების რა გამოწვევებს უქმნის ეს საქართველოს?- პირველ რიგში, უნდა ვთქვათ, რომ ამერიკამ ვერ შეძლო ჰქონოდა ნათელი სტრატეგია ფართო შავი ზღვის რეგიონისადმი. საქართველო შავი ზღვის რეგიონის ძალიან მნიშვნელოვანი ნაწილია. სტრატეგიულად რომ მივდგომოდით, საქართველოსთან, ასევე უკრაინასთან, თურქეთთან, მოლდოვასთან, რუმინეთთან, ბულგარეთთან- მთელ რეგიონთან, გაცილებით მეტს ვიფიქრებდით ჩვენს ურთიერთობებზე.ახლა მაქვს განცდა, რომ საკმარისი არ გავაკეთეთ. უნდა ჩაგვედო გაცილებით მეტი ინვესტიცია საქართველოს ინფრასტრუქტურაში, ახალგაზრდა ქართველების ნიჭის განვითარებაში, დემოკრატიული მცდელობების განვითარებაში. მიუხედავად იმისა, რომ ქვეყანაში ყოველთვის ძალიან კარგი ელჩები გვყავდა წარგზავნილი, ჩვენმა [ამერიკის] მთავრობამ სტრატეგიულად არ იფიქრა საქართველოზე, რამაც რუსეთს და "ქართული ოცნებაში" კრემლისადმი სიმპათიით, თუ შიშით განწყობილებს, ძალაუფლების ხელში ჩაგდების შანსი მისცა.ვფიქრობ, რომ, რა თქმა უნდა, ქართველის ხალხისთვის უდიდესი საფრთხე ახლა თავისივე მთავრობისგან მოდის, რომელსაც არ სურს ლეგიტიმური დემოკრატიული რეფორმები. ამით კი კრემლი იმას იღებს, რაც სურს  - გააკონტროლოს რას მოიმოქმედებს, ან არ მოიმოქმედებს საქართველო და შეაჩეროს და საქართველოს განგრძობითი სვლა დასავლეთისკენ. ესაა საფრთხე, რაც ქართველი ხალხის წინაშეა.- პრეზიდენტი ზურაბიშვილი ხშირად, განსაკუთრებით კი საპარლამენტო არჩევნების შემდეგ, საუბრობს რუსეთის ჩართულობაზე საქართველოს პოლიტიკაში. ის იყენებს ტერმინს “რუსული სცენარი”. როგორც თქვენი პასუხიდან მესმის, მას ეთანხმებით, ფიქრობთ რომ საქართველოს პოლიტიკაში ახლა რუსეთის გავლენა იგრძნობა?- უნდა ვთქვა, როგორი აღფრთოვანებული ვარ საქართველოს პრეზიდენტით [სალომე ზურაბიშვილით]. ის არის მაგალითი სიმამაცის, ძალისა და ნებელობისა დაუპირისპირდეს საქართველოს არალეგიტიმურ მთავრობას. რა თქმა უნდა, ვნერვიულობ იმაზეც, გარკვეულ დროს, ვინმემ რამე არ დაუშავოს მას.ვფიქრობ, რომ მთელი დემოკრატიული სამყარო მზად უნდა იყოს და ძალიან ნათლად უნდა ვთქვათ, რომ ჩვენ მხოლოდ მას [სალომე ზურაბიშვილის] ვაღიარებთ ლეგიტიმურ პრეზიდენტად. იმ შემთხვევაში, თუ მას რამე მოუვა, ამაზე პასუხი უნდა აგონ. სამწუხაროდ, ახლა ყველა ჩვენგანის ქვეყანაშიც ბევრი რამ ხდება. ამერიკა ძალაუფლების გადაცემის პროცესს გადის, ტრამპის ადმინისტრაციისგან გვესმის განცხადებები გრენლანდიაზე, კანადაზე, პანამასა და მგავს თემებზე, როგორც ჩანს, სამწუხაროდ, ისინი შავი ზღვის რეგიონზე არ არიან ფოკუსირებული.- თქვენ ისაუბრეთ იმაზე, რა უნდა გაეკეთებინა ამერიკას შავი ზღვის ფართო რეგიონისთვისა და საქართველოსთვის. მაგრამ რას იტყვით იმაზე რა უნდა გააკეთოს დასავლეთმა მომავალში? ცოტა ხნის წინ “ჰელსინკის კომისიამ” განცხადება გააკეთა, სადაც ნათქვამია, რომ ახლა დროა ამერიკამ და დემოკრატიულმა სამყარომ უზრუნველყოს საქართველოს თავისუფლება და დამოუკიდებლობა. როგორ შეიძლება რომ ამერიკამ და მისმა მოკავშირეებმა ეს უზრუნველყონ?- მიმაჩნია, რომ რეგიონისთვის თანმიმდევრული სტრატეგია არის ყველაზე მნიშვნელოვანი. საქართველოსადმი ღირებული პოლიტიკის წარმოება შეუძლებელია, თუ მას ისე განიხილავ, თითქოს განცალკევებული კუნძულია. საქართველო არის რეგიონი, რომელიც უმნიშვნელოვანესია ყველა ჩვენგანისთვის, ამიტომაც მუდმივად ვუსვამ ხაზს იმას, რომ თუ არ იარსებებს ერთიანი სტრატეგია რეგიონისადმი, შეუძლებელი იქნება მის შემადგენელ ქვეყნებთან საუკეთესოდ პოლიტიკის წარმოება.ერთდროულად უნდა მიმდინარეობდეს ეკონომიკური, დიპლომატიური, უსაფრთხოების მიმართულებით მუშაობა. უნდა არსებობდეს ერთგვარი ნამცხვრის და ჯოხის მიდგომა - უნდა არსებობდეს სტიმული საქართველოს მუდმივი ვესტერნიზაციის მოძრაობის მხარდასაჭერად ევროკავშირისკენ. მაგალითად, რეგიონულ სტრატეგიულ, უსაფრთხოების, ძალისხმევაში, უკრაინის მხარდაჭერაში მონაწილეობა. მაგრამ ასევე, საჭირო საფასურიც უნდა გადავახდევინოთ [პასუხისმგებელ პირებს].- დეკემბრის დასაწყისში, საქართველოში მიმდინარე მოვლენებზე, ქვეყნის მეგობრებმა, წერილი გამოაქვეყნეს, რომლის ხელმომწერი თქვენც ხართ. წერილში წერია, რომ “ეს აშკარად კრიტიკული მომენტია საქართველოს ისტორიაში, რომელსაც გავლენა აქვს სამხრეთ კავკასიაზე და მის ფარგლებს გარეთ”. რა გავლენასა და შედეგებზე საუბრობთ ამ კონკრეტულ შემთხვევაში?- პირველ რიგში უნდა ვთქვათ, რომ საქართველოში ასობით, შეიძლება ათიათასობითაც კი, რუსია, რომლებიც ქვეყანაში იმალებიან, რადგან არ სურთ, რომ ჯარში გაიწვიონ და უკრაინაში იბრძოლონ. თუმცა ისინი უკრაინის მხარდამჭერები არ არიან. უბრალოდ, არ სურთ, რომ თავად გადაიხადონ იმის საფასური, რასაც ახლა კრემლი ჩადის.საქართველო ვერ იცავს საკუთარ სუვერენიტეტს და არის მრავალი უკანონო ვაჭრობის, შავი ბაზრის ადგილი, რაც რუსეთიდან მოდის. ეს ისეთი ქმედებებია, რისი შეჩერებაც ძლიერ, დემოკრატიულ, სუვერენული სახელმწიფოს თავისი მეგობრების დახმარებით უნდა შეეძლოს. ეს ძირს უთხრის უკრაინის დახმარების მცდელობებსაც, ასევე ძირს უთხრის სუვერენიტეტისა და საერთაშორისო სამართლის პატივისცემის იდეებს.გარდა ამისა, ჩვენ მოგვიწევს ჩინეთთან კონკურენციაც. ჩინეთი საქართველოში აწარმოებს პროექტებს, რაშიც თავისთავად არაკანონიერი არაფერია, მაგრამ იქაც უნდა გვქონდეს კონკურენცია. დარწმუნებული ვარ, რომ ამერიკის შეერთებულ შტატებსა და სხვა დასავლურ ქვეყნებს შეუძლიათ იმაზე უკეთესი პირობების შეთავაზება, ვიდრე ის დავალიანების მახეა, რაც ჩინეთის ინფრასტრუქტურულ პროექტებს მოჰყვება ხოლმე.რა თქმა უნდა, უნდა ვახსენოთ ის, რაზეც ბევრჯერ გვისაუბრია, ესაა ანაკლიის ღრმაწყლოვანი პორტის არსებობის აუცილებლობა. ეს იქნებოდა მომგებიანი საქართველოსთვის, შავ ზღვაში ვაჭრობისთვის და რეგიონში არსებული ქვეყნებისთვის. ეს კი უკანასკნელი რამაა, რაც რუსეთს სურს.- რადგან რეგიონზე ვსაუბრობთ - თქვენ ყოველთვის ამბობთ, რომ საქართველო რთულ სამეზობლოშია. იმის გათვალისწინებით, რაც ახლა ქვეყანაში ხდება, იმ დაძაბულობისა, თუ პოლარიზაციის ფონზე, რასაც ვხედავთ, ეძლევა თუ არა რუსეთს ხელსაყრელი ნიადაგი იმისთვის, რომ საქართველოსთან დაკავშირებული გეგმები უკეთ განახორციელოს?- რუსებს ნამდვილად არ ადარდებთ საერთაშორისო კანონი, ან სუვერენიტეტი, მათ ეს ნათლად დაგვანახეს. მათ უკვე წლებია ოკუპირებული აქვთ საქართველოს 20%. სულ ახლახან აზერბაიჯანის ავიახაზების თვითმფრინავი ჩამოაგდეს და უდანაშაულო ხალხი დახოცეს. ეს არაა პირველი შემთხვევა, როდესაც რუსეთი კომერციულ თვითმფრინავს აგდებს და დიდი ალბათობით, ამაზეც პასუხს დიპლომატიური, თუ ეკონომიკური მიმართულებით, არ აგებენ და მათ ეს იციან.ასე რომ დიახ, ვფიქრობ, რომ ამის საფრთხე არსებობს, განსაკუთრებით ახლა. ჩანს, რომ "ქართული ოცნების" ხელისუფლება თანამონაწილეა რუსული გავლენის ნების დართვაში.მილიონობით ადამიანმა ნახა საშინელი ვიდეოები, სადაც მომიტინგეები საშინლად სცემეს. დარწმუნებული ვარ, რომ უსაფრთხოების ძალების ყველა წარმომადგენელი, რომლებიც ამ საქმეში მონაწილეობდნენ, არ იყო ქართველი. [გამოყენებული] ტაქტიკა ნამდვილად რუსულია. ეჭვი მაქვს, რომ [საქართველოში] რუსეთის უსაფრთხოებისა და დაზვერვის ძალები არიან, რომლებიც ჩართული არიან ამაში.ისინი ნამდვილი ლაჩრები არიან - უსაფრთხოების ძალები მთლიანად შავებში ჩაცმულები, სახეები კი შავი ნიღბებით დაფარული. ამას აკეთებენ, რადგან იციან, რომ რასაც ჩადიან სისასტიკეა. ეს მიუღებელია! მათ აუცილებლად უნდა აგონ პასუხი. მთავრობის პასუხისმგებლობისთვის დაკისრების მნიშვნელოვანი ნაწილი გამჭვირვალობაა - აუცილებლად უნდა გამოვლინდეს ვინ არის თითოეული მათგანი, ვინც ახალგაზრდებს, ქალებს, მოხუცებს, დემონსტრანტებს სცემდა. ყველას ვინაობა უნდა გაჟღერდეს. 

"ბევრი ძალაა, რომელიც საქართველოს მოსახლეობის ნების საწინააღმდეგოდ მუშაობს, მაგრამ ჩვენი მომავალი ევროპაშია"

1727801308

მოდერატორი - ქალბატონო პრეზიდენტო, თქვენს ქვეყანაში 26 ოქტომბერს არჩევნებია. როგორ ფიქრობთ დემოკრატიული ღირებულებები გაიმარჯვებს?- საქართველოში დემოკრატიული ძალები, პროევროპული ძალები ყოველთვის არსებობდა და ყოველთვის უმრავლესობას წარმოადგენდნენ. მათ იციან სადაა ჩვენი მომავალი, მათ იციან, რომ სხვა ალტერნატივა არ გვაქვს და მე დარწმუნებული ვარ, რომ საქართველოს მოსახლეობა, რომელიც ბოლო 30 წლის განმავლობაში, ომის მიუხედავად, (რომელზეც ვსაუბრობდით), რუსეთის ყველა მცდელობის მიუხედავად, რომ გადაახვევინოს საქართველოს ევროპული გზიდან, ქვეყნის მოსახლეობის 80% ევროპული გზისა და ევროპული მომავლის მტკიცე მხარდამჭერია.არჩევნები, რომელიც 26 ოქტომბერს ჩატარდება, გადამწყვეტი იქნება. ბევრი ძალაა, რომელიც საქართველოს მოსახლეობის ნების საწინააღმდეგოდ მუშაობს, მაგრამ დარწმუნებული ვარ, რომ ჩვენი მომავალი ევროპაშია.ჩვენს მომავალს ასევე იცავს უკრაინაც, რომელიც იბრძვის როგორც საკუთარი დამოუკიდებლობისა და ევროპის თავისუფლებისთვის, ასევე იბრძვის ჩვენი თავისუფლებისათვის, ევროპის მომავალი უკრაინის ომის შედეგი, მოლდოვასა და საქართველოში არჩევნების შედეგებით განისაზღვრება.ეს განსაზღვრავს, მაგალითად, შავი ზღვის უსაფრთხოებას და შავი ზღვის მომავალს, რომელიც თანამშრომლობის, მშვიდობისა და კავშირებადობის ზღვაა; ეს კი, თავისთავად კავკასიაში ევროპისა და ჩვენი დასავლელი პარტნიორების როლს განსაზღვრავს; ეს განსაზღვრავს სომხეთის მომავალს, რომელიც ახლა ევროკავშირთან დაახლოების გზაზე დგას. ასე რომ ყველაფერი, რაც ამ დღეებში სასწორზე დევს, ძალიან მნიშვნელოვანია და უფრო მნიშვნელოვანი, ვიდრე სხვა ყველაფერი, და რაც რაც ამას სჭირდება, არის მშვიდობა. მშვიდობა ხალხის თავისუფალი ნების გამოხატვით საქართველოში, ისევე როგორც მოლდოვაში.- როგორც ჩანს, ხალხის თავისუფალი ნება, ყოველ შემთხვევაში, დღევანდელ ხელისუფლებასთან მიმართებაში, არის ის, სადაც დემოკრატიული თავისუფლებები უკან იხევს. რამდენად საშიშია ეს ახალი რეალობა საქართველოსთვის?- საშიშია. ჩვენ მონეტის მეორე მხარე ვართ. უკრაინა განიცდის სამხედრო აგრესიას, ჩვენ - ჰიბრიდულ ომს, პროპაგანდას, ყველა სახის ზეწოლას, შიშს. ჩვენთან ეს რუსული კანონი უკვე ამოქმედებულია და ცდილობს ზეწოლა მოახდინოს და შეზღუდოს სამოქალაქო საზოგადოება. ესაა ის, რაც არჩევნებზე სასწორზე დევს და კიდევ ერთხელ ვფიქრობ, რომ არჩევნებით ქართველი ხალხის ნება დაძლევს ამ რეალურ საფრთხეებს. მე არ შემიძლია მათი მინიმუმამდე შემცირება; ისინი ძალიან რეალურია, მაგრამ დარწმუნებული ვარ, რომ ქართველი ხალხის სიძლიერე (რომელსაც ბევრი ზეწოლის, შიშისა და სიძნელეების გადატანა მოუწია საკუთარი დამოუკიდებლობისა და ევროპული მომავლის დასაცავად) ამას დაძლევს.- ქალბატონო პრეზიდენტო, რას ეტყვით იმ ბევრ მოქალაქეს, რომლებმაც, როგორც თქვენ ამბობთ, 2014 წელი გადაიტანეს, მაშინ დასავლეთი არსად იყო... მათ [ქართველებმა] ნახეს რა დაემართა უკრაინას და ფიქრობენ, რომ სჯობს უბრალოდ თავი დახარონ, ეს გადაიტანონ და ვლადიმერ პუტინის გავლენას გავრცელების საშუალება მისცენ. რა არის თქვენი გზავნილი მათთვის. იმიტომ რომ, ასეთი ხალხი ბევრია...- არა, ასეთი ხალხი ბევრი არაა, რადგან 2014 წლამდეც და 2008 წლამდეც საქართველოს რუსეთთან მიმართებით დიდი გამოცდილება ჰქონდა. ეს იწყებოდა ყოველ ჯერზე, როცა საქართველო დამოუკიდებელი იყო - დაიწყო 1921 წელს, ასე იყო 1991 წლის დამოუკიდებლობის შემდეგაც. ასე რომ, მოსახლეობამ იცის, რომ თავის დახრას მშვიდობა არ მოაქვს, რუსეთთან რაიმე სახის კომპრომისი არ მოაქვს - ეს არ მუშაობს.- თუმცა ისე ჩანს, რომ ამჟამინდელი მთავრობა..- ისინი ცდილობენ [თავის დახრას], დიახ, ნარატივი ესაა….- ხალხი ამას მხარს უჭერს?- არიან ისეთებიც, რომლებიც მხარს დაუჭერენ, თუმცა, ეს მცირე ჯგუფია, რომელიც უფრო მეტად ამ ხელისუფლების გარშემოა პრივილეგიების, კორუფციის, ზეწოლის, კომპრომისის გამო. ჩვენ ისეთ სიტუაციაში ვართ, სადაც რუსული modus operandi-ის გამეორებას ვხედავთ და რუსული კანონიც ამის ნიშანი იყო; იმის გამო, რომ ხელისუფლება მხარდაჭერას ვეღარ აგროვებს, სხვადასხვა მეთოდებით, სხვადასხვა კანონებით საზოგადოებაზე ზეწოლის მოხდენას ცდილობს, მაგრამ მე ვარ საზოგადოებაში დარწმუნებული,  ჩვენ გვქონდა საკმარისი ისტორიული გამოცდილება იმისათვის, რომ ვიცოდეთ, სად არის ჩვენი მომავალი.- ამ გამოცდილებიდან გამომდინარე, თქვენი აზრით, რამდენად სავარაუდოა, რომ ვლადიმერ პუტინი სამხედრო მოქმედებებს განახორციელებს თუ საქართველოში ყველაფერი ისე არ წავა, როგორც მას სურს?- ეს, რა თქმა უნდა, არაა ის ჰიპოთეზა, რომელსაც მე გავაჟღერებ. მე არ მგონია, რომ რუსეთი იმ მდგომარეობაშია, რომ ეს სცადოს, თუმცა ვერაფერთან მიმართებაში ვერ ვიტყვით - არასოდეს, მაგრამ ვფიქრობ, რომ პოლიტიკა, რომელსაც რუსეთი დღეს საქართველოში იყენებს წარმომადგენლობითია - “ქართული ოცნება” მართლაც რუსული ინტერესების გამტარებელი გახდა.ასე რომ, ეს ნიშნავს, რომ მათი უშუალო სტრატეგია არ არის სამხედრო სტრატეგია. ვფიქრობ, უკრაინა მათთვის საკმარისია. იმედი მაქვს უკრაინა გაძლიერდება და ყველა ამ საფრთხეზე ნამდვილი პასუხი უკრაინის სოლიდარობა, უკრაინის თავდაცვის გაძლიერება და იმ ომში გამარჯვებაა, რომელსაც ჩვენთვის აწარმოებენ.ისიც გვახსოვდეს, რომ ანალიტიკოსთა უმეტესობას არ სჯეროდა, რომ ვლადიმერ პუტინი უკრაინაში ჯარს შეიყვანდა, მაგრამ მაინც გააკეთა ეს. თქვენ აღნიშნეთ, რომ ამას საქართველოში არ ელოდებით - რა არის გეგმა, თუ ეს მოხდება?თუ ასე იქნება... არ არსებობს გეგმა, რადგან საქართველო უკრაინა არაა, საქართველოს სამხედრო ძალა არ აქვს - ეს კიდევ ერთი კრიზისი იქნება თქვენთვის. (იცინის)- ბევრი [კრიზისი] გვაქვს...- ბევრი გაქვთ… ვფიქრობ, რომ ჩვენ მაგ სიტუაციაში არ ვართ და ვფიქრობ, რომ ეს არჩევნები ჩვენთვის არის ის, რაც უნდა დავიცვათ, დავიცვათ მშვიდობიანად და გამოვხატოთ საკუთარი თავი. ვფიქრობ, არჩევნებზე ქართველი ხალხის მობილიზება დღეს რეალური პასუხია.- როდესაც დასავლეთის პასუხისმგებლობაზე ვსაუბრობთ, რა არის დღეს თქვენი გზავნილი მათთვის, ვინც იტყვის - ბევრი ფული იხარჯება უკრაინაზე, ჩვენ გვინდა, რომ ეს დასრულდეს - მშვიდობა ნებისმიერ ფასად!- მშვიდობა არავითარ ფასად არ არის. ჩვენ, ვინც ისტორია ვიცით, ვიცით, რომ მშვიდობა არავითარ ფასად არ არსებობს. მშვიდობაა მხოლოდ მაშინ, როცა სამართლიანობაა, მშვიდობაა მხოლოდ მაშინ, როცა მოსახლეობა თავისუფალია და როცა ქვეყნები დამოუკიდებლები არიან. დარწმუნებული ვარ, რომ მშვიდობა იქნება მაშინ, როცა რუსეთი გაიგებს, რომ მასაც მსოფლიოს ნებისმიერი სხვა ერის მსგავსად საზღვრები აქვს, რომელსაც პატივი უნდა სცეს. მან უნდა იცოდეს, პირველ რიგში, სადაა მისი საზღვრები, პატივი სცეს საზღვრებს, პატივი სცეს მეზობლებს და საკუთარ საზღვრებს დასჯერდეს. ეს არის ერთადერთი მშვიდობა, რომელიც მდგრადია.- ამ ეტაპზე რა უნდა გავაკეთოთ ჩვენ, დასავლეთში საქართველოს დასახმარებლად? რადგან თქვენ ცხადია საუბრობთ დემოკრატიული ინსტიტუტების გაძლიერებაზე, მაგრამ ასევე, იმ კამპანიასთან ბრძოლაზე, რომელსაც რუსეთი ხალხის დასარწმუნებლად აწარმოებს, რომ თითქოს მათი ცხოვრება უკეთესი იქნებოდა მათი გავლენის ქვეშ?- არ მგონია, რომ გარედან შესაძლებელია შიგნით ხალხის დაცვა გააძლიერო. ვფიქრობ, ჩვენი ისტორიიდან გამომდინარე ვიცნობთ რუსეთს. ჩვენ უფრო გამძლე ვართ რუსული პროპაგანდის მიმართ, ვიდრე ბევრი სხვა ქვეყანა, რადგან ჩვენ ეს გამოვიარეთ. ასე რომ, ხალხი ხედავს რაც ხდება.მაგალითს მოგიყვანთ. რამდენიმე დღის წინ, წინასაარჩევნო კამპანიისთვის უმრავლესობამ, მმართველმა პარტიამ დიდი პოსტერები გამოიყენა, რომლებიც აღწერდა, ერთი მხრივ, ნგრევას უკრაინაში, მეორე მხრივ კი, მსგავს შენობებს საქართველოში, რომლებიც ძალიან კარგად გამოიყურება. ამან მოსახლეობაში დიდი აჟიოტაჟი გამოიწვია, რადგან საერთოდ არ შეესაბამებოდა ქართულ კულტურას, ქართულ ტრადიციას, რომ შენ მშვიდობიან ცხოვრებაზე ტრაბახობდე, მაშინ როცა, შენი მეგობარი ამ ტრაგედიაში ცხოვრობს. - და ეს აჟიოტაჟი რეალური იყო?- ეს რეალური და სპონტანური აჟიოტაჟი იყო. და მათ ზოგიერთი მსგავსი ტიპის ვიდეოს ამოღება მოუხდათ. ბილბორდებს ვერ ამოიღებდნენ.- მაშ, თქვენ ფიქრობთ, რომ ამ ბრძოლაში ყველაფერი დაკარგული არ არის?- დარწმუნებული ვარ, რომ ყველაფერი დაკარგული არაა. დარწმუნებული ვარ, რადგან ვიცნობ ქართველ ხალხს.- თქვენთვის რამდენად შემაშფოთებელია ის, რომ აშშ-ის საპრეზიდენტო არჩევნების ერთ-ერთმა კანდიდატმა არაერთხელ განაცხადა, რომ მას უკრაინაში ომის დასრულება სურს და ამისათვის ის ვლადიმერ პუტინთან მოლაპარაკებას გამართავს - დონალდ ტრამპზე ვსაუბრობ...- არ ვიცი. ერთია - რას ამბობ და მეორეა - რას გააკეთებ, როდესაც ხელისუფლებაში მოდიხარ. ვფიქრობ, რომ ამერიკის პოლიტიკა ძალიან ორპარტიულია, ყოველ შემთხვევაში, როცა ეს საქართველოს ეხება. ვიცით, რომ ის ყოველთვის ორპარტიული პოლიტიკა იყო. ვფიქრობ, უკრაინასთან დაკავშირებითაც ეს ორპარტიული პოლიტიკა იქნება, რადგან რეალობა ისეთია, არ მგონია, რომ ამერიკის რომელიმე პრეზიდენტს შეუძლია ამის იგნორირება და რუსეთისთვის, რომელიც აქამდე მართლაც აგებს ომს, მარტივი მოგების საშუალების მიცემა, რადგან ორწელიწად-ნახევრის შემდეგ, რუსეთისთვის ამ ომის ვერმოგება, რომლის დასრულებასაც სამ დღეში ფიქრობდა, უკვე დამარცხებაა.- არჩეული თანამდებობის პირისათვის საქართველო რთული ადგილია, ეს ასე გამოჩნდა თქვენს შემთხვევაშიც, რადგან ბატონი სააკაშვილი ჯერ კიდევ ციხეშია. თქვენი აზრით, ქართულ სასამართლო სისტემაში რა უნდა შეიცვალოს?- სრული რეფორმა. ეს შესაბამისობაშია “ქართულ ქარტიასთან”, რომელსაც ყველა პროევროპულმა პარტიამ მოაწერა ხელი, რომლებიც ვალდებულებას იღებენ, არჩევნების შემდეგ, მომდევნო თვეებში მალევე დაიწყონ მართლმსაჯულების სისტემის ღრმა რეფორმას.- ასე ჩანს, რომ ამ ეტაპზე საქართველოში პოლიტიკოსობა სახიფათოა...- საკონსტიტუციო სასამართლომ ჩემი იმპიჩმენტი მოახდინა, თუმცა იყო სამი მოსამართლე, რომელიც არ ეთანხმებოდა ამ გადაწყვეტილებას, რაც უკვე იმედის მომცემია. ასე რომ, ჩვენ ეს [რეფორმა] უნდა გავატაროთ და ძალიან სწრაფად. ასევე ვფიქრობ, რომ და ჩვენ ევროპელ და ამერიკელ პარტნიორებთან ერთად ძალიან სწრაფად უნდა აღვადგინოთ ევროკავშირთან და  ამერიკელ პარტნიორებთან დაახლოების პროცესი, განაახლოთ სამხედრო წვრთნები, რომლებიც არჩევნებამდე შეჩერებულია. ბევრი რამ გვაქვს გასაკეთებელი და იმედი მაქვს შევძლებთ.- გჯერათ, რომ ბატონი სააკაშვილი სამართლიან სასამართლო პროცესს მიიღებს?სასამართლო პროცესი მიმდინარეობს. ბევრი სხვადასხვა პროცესია, მხოლოდ ერთი არაა. დღეს საქართველოს ტრიბუნალებში სამართლიანი არაფერია. ასე რომ, თქვენ მოგიწევთ დაელოდოთ შემდეგს.- დიდი დროა მოსაცდელად...დაბოლოს, ქალბატონო პრეზიდენტო, გვითხარით დღეს საქართველოს რა სჭირდება ევროპისგან და შეერთებული შტატებისგან?საქართველოს მოსახლეობის მხარდაჭერა - მორალური მხარდაჭერა, რადგან ერთი თვის ვადაში ბევრი რამის გაკეთება არაა შესაძლებელი, საქართველოს მოსახლეობის მორალური მხარდაჭერა და არჩევნებზე ბევრი დამკვირვებელი - ასე იგრძნობს არჩევნების დროს საქართველოს მოსახლეობა მხარდაჭერას, მაშინაც კი, თუ დამკვირვებლები რეალურად ვერ შეცვლიან შედეგს, ისინი არ ერევიან არჩევნებში, მაგრამ ეს იმის ნიშანია, რომ ჩვენ მარტო არ ვართ. საქართველოსთვის, როგორც პატარა ქვეყნისთვის იზოლირებულად იგრძნოს თავი, ყოველთვის ყველაზე რთულია, იზოლაცია ჩვენთვის ყველაზე საშინელი კოშმარია. 

ო'ბრაიენი: "ქართული ოცნება" უარყოფს რეალობას, ყველაფერი რიგზე არაა

1725782086

ჯეიმს ო'ბრაიენი, რომელიც მაისში თბილისშიც იმყოფებოდა, ამბობს, რომ "ოცნება" რეალობას არ აღიარებს და ამტკიცებს, რომ ყველაფერი რიგზეა მაშინ, როცა ეს ასე ნამდვილად არ არის. სახელმწიფო დეპარტამენტის მაღალჩინოსანი განმარტავს, რომ ამ კანონის ამოქმედებით ერთ-ერთი ის ნაწილი ზარალდება, რომლის გარეშეც არჩევნები სამართლიან და თავისუფალ გარემოში ჩატარებულად ვერ იქნება მიჩნეული. მმართველი გუნდის ნაბიჯები ჯიმ ო'ბრაიენის აზრით, რუსეთს საქართველოს საინფორმაციო სივრცეში უპირატესობის მოპოვებასაც უადვილებს. „ამერიკის ხმას“ სახელმწიფო მდივნის თანაშემწე ევროპისა და ევრაზიის საკითხებში ჯეიმს ო 'ბრაიენი ექსკლუზიურად ესაუბრა.- უცხოური გავლენის გამჭვირვალობის შესახებ კანონი აღსრულების ახალ ეტაპზე გადადის, როცა ხელისუფლებას შეუძლია იძულებით დაარეგისტრიროს არასამთავრობო და მედიაორგანიზაციები, როგორც უცხოური ინტერესების გამტარებლები და დაუმორჩილებლობისთვის დააჯარიმოს კიდეც. რა გზავნილი გაქვთ ახლა როგორც „ქართული ოცნების“, ისე იმ ორგანიზაციებისთვის, ვინც ნებაყოფლობით არ დარეგისტრირდა?- ჩვენ გვსურს, რომ ქართველ ხალხს შეეძლოს ხმის მიცემა თავისუფალ და სამართლიან არჩევნებში. იმისთვის, რომ ეს მოხდეს, საჭიროა, ვნახოთ, რომ მთელი პროცესი კარგად მუშაობს. ეს მოიცავს სათემო გაერთიანებებს, სამოქალაქო ორგანიზაციებს, მოხალისეებს. მომდევნო რამდენიმე თვის განმავლობაში ყველა ამ ორგანიზაციას უნდა შეეძლოს ეფექტიანად, შევიწროების და ძალადობის შიშის გარეშე მუშაობა. ეს მნიშვნელოვანი რამაა.რაც შეეხება ამ კანონს, როგორც ჩვენ არაერთხელ გავიმეორეთ, ის ფუნდამენტურად ნაკლოვანია. არსებობს გზები, რომლებითაც ევროპული სახელმწიფოები თავის საარჩევნო სისტემებს იცავენ. ეს კანონი ამას არ აკეთებს.და როგორც თქვენ ახსენეთ, ერთ-ერთი საკითხი ისაა, რასაც ჩვენ თავიდანვე ვამბობდით, საუბარია იძულებაზე: ისეთი სამთავრობო სააგენტოს არსებობა, რომელიც არსებითად აიძულებს [ორგანიზაციას] რეგისტრაციას, და ამ ორგანიზაციაში არსებულ ყველა მონაცემზე მიუწვდებოდეს ხელი, არ შეესაბამება თანამედროვე ევროპულ პრაქტიკას. საქართველომ აირჩია აემოქმედებინა კანონი ამ გზით, რამაც ევროკავშირსა და ნატოში მისი გაწევრიანების პერსპექტივას უდიდესი ზიანი მიაყენა. ევროკავშირმა უკვე თქვა, რომ ევროკავშირში [ინტეგრაციის] პროცესი შეჩერებულია და ეს სრულებით იმის გამო ხდება, რომ მთავრობამ გადაწყვიტა დაეწერა ეს კანონი ისე, როგორც ეს გააკეთეს და ეს სირცხვილია.- თქვენ უპირველეს პრობლემად ამ კანონის არჩევნებზე შესაძლო გავლენას ახსენებთ. როგორ ფიქრობთ, ამ თვეების განმავლობაში როგორ აისახება იმაზე, თუ რამდენად თავისუფალ გარემოში ჩატარდება ეს არჩევნები და როგორ იქნება ის აღქმული?- დიახ, არჩევნები თავისუფალი და სამართლიანი უნდა იყოს. კარგია, რომ ეუთოს შესაძლებლობა ექნება ზოგ ნაწილში სადამკვირვებლო მისია შეასრულოს, მაგრამ ეს ორგანიზაციაც ეყრდნობა ადგილობრივ ჯგუფებს, რიგით ქართველებს იმის უზრუნველსაყოფად, რომ მოქალაქეები დარეგისტრირებულები არიან, აქვთ საჭირო ცოდნა იმისთვის, რომ ხმა მისცენ, სწორ ადგილას გამოცხადდნენ და რომ მათი ხმები დაითვალოს. ეს ყველაფერი ერთი დიდი სისტემის ნაწილია. ეს კანონი კი ცდილობს ამ სამფეხა სკამს ერთი ფეხი გამოაცალოს. ეს არ მუშაობს. შესაბამისად, მაწუხებს, რომ ეს ნიშნავს, არჩევნები არ იქნება თავისუფალი და სამართლიანი. ის ნამდვილად არ იქნება აღქმული როგორც თავისუფალი და სამართლიანი. ამის გარეშე კი საქართველო წინ შემდეგ ნაბიჯს ვერ გადადგამს.- გრძელდება ორმხრივი ურთიერთობის გადახედვა, მთავრობის პირდაპირი დახმარება შეჩერებულია, სამხედრო წვრთნები განუსაზღვრელი ვადით გადადებული, სამოგზაურო შეზღუდვები ამოქმედებული. სახელმწიფო დეპარტამენტის პრესსპიკერი ამბობს, რომ გამორიცხული არაა სხვა ზომების მიღება, ვიცით, რომ ცდილობთ არ ისაუბროთ შემდგომ ნაბიჯებზე, მაგრამ მაინც, რა არის ეს ზომები, რა ნაბიჯებიც შეიძლება გადადგათ, რა ვარიანტები არსებობს?- მე მეტს ვიტყვი იმაზე, რაც ყველაზე მეტად გვაშფოთებს. ჩვენ უკვე ავამოქმედეთ: სამოგზაურო შეზღუდვები ამერიკაში, რაც ათობით ადამიანს შეეხო, არ გვაქვს უფლება ვთქვათ, ვის, მაგრამ ეს ძალიან მნიშვნელოვანი ნაბიჯი იყო. შევაჩერეთ დახმარება, ქართული საზოგადოების მხარდაჭერა სხვადასხვა მიმართულებით. ეს სამარცხვინოა. მაგრამ ეს აუცილებელია.ევროკავშირმა თქვა, რომ [ბლოკში] ინტეგრაციის პროცესი შეჩერებულია, და დახმარების ასევე მნიშვნელოვანი რაოდენობა გაუჩერა საქართველოს იმის გამო, თუ როგორია ეს კანონი. ჩვენ არ გვსურს ვიხილოთ იმგვარი ძალადობის, შევიწროებისა და შეურაცხყოფის დაბრუნება, რაც ამ გაზაფხულზე ვნახეთ. როცა სამოქალაქო ჯგუფებსა თუ პირებს, ვისი სახელებიც ნახსენები იყო, სტუმრობდნენ ხშირად მოძალადე ჯგუფები რუსული აქცენტით, ან ხელისუფლების წარმომადგენლები. ეს ყველაფერი არის ის, რაც არ შეიძლება ხდებოდეს. ასეთ პროცესებს უახლოეს მომავალში ძალიან დიდი ყურადღებით დავაკვირდებით.- პარალელურად, “ქართული ოცნების” ლიდერები ოპოზიციური პარტიების აკრძალვა-გაუქმების პირობას დებენ, და მათ “კოლექტიურ ნაციონალურ მოძრაობას” უწოდებენ. როგორ ჟღერს ეს თქვენთვის ნატოსა და ევროკავშირის წევრობის მსურველი ქვეყნისგან და რას ამბობს მმართველი პარტიის განზრახვებზე?- ეს არ ჟღერს, როგორც დემოკრატია. ერთ პარტიას არ აქვს უფლება გადაწყვიტოს, რომელ სხვა პარტიას აქვს [მასთან] კონკურენციის უფლება. ეს მოქალაქეების გადასაწყვეტია, რომელი პარტიები მიიღებენ პარლამენტში მანდატებს იმ სამართლიანი წესების მიხედვით, რომლებიც წინასწარვე გასაგებია. ასე რომ, დიახ, ვფიქრობ, ეს ძალიან გამამჟღავნებელი კომენტარი იყო და მიუთითებს, რომ ეს არაა მთავრობა, რომელსაც შეუძლია საქართველოს ევროპისკენ წაყვანა.- რუსეთის უსაფრთხოების სამსახურები შეერთებულ შტატებს საქართველოში ხელისუფლების ცვლილების მცდელობაში სდებენ ბრალს. ამერიკული ორგანიზაციების - NDI-ისა და IRI-ის მისამართით გაისმა ბრალდებები თბილისშიც, თითქოს ისინი ოპოზიციურ პარტიებს უჭერენ მხარს და პოლიტიკურ პროცესში ერევიან. რას ფიქრობთ ამ ბრალდებებზე და რამდენად გაშფოთებთ თავად მოსკოვის შესაძლო გავლენა როგორც წინასაარჩევნოდ, ისე კენჭისყრის დღესა თუ მის შემდეგ პროცესებზე?- ყველა, ვისაც კი რუსეთის უსაფრთხოების სამსახურების სჯერა, თავს ისულელებს. ამერიკული ორგანიზაციები ძალიან გამჭვირვალეა. ცნობილია ვისთან ვმუშაობთ. ჩვენ ვმუშაობთ ქართველების მხარდასაჭერად, რათა მათ შეძლონ თვითორგანიზება მთავრობის შიგნით, თუ - მის გარეთ. ესაა მთლიანი მიზანი. ჩვენ არ ვირჩევთ გამარჯვებულებსა და დამარცხებულებს.უცნაურია, რომ “ქართული ოცნება” კვლავ და კვლავ იგებს არჩევნებს მაშინ, როცა ამტკიცებს, რომ ჩვენ როგორღაც მათ წინააღმდეგ შეთქმულებებს ვაწყობთ. ეს სასაცილო კომენტარია.ჩვენ აქ ვართ ქართველი ხალხისთვის, ვის უმეტესობასაც, თითქმის 90 %-საც სურს ევროპისკენ წასვლა. და ეს მთავრობა და მისი ძალიან ცუდი სამართალშემოქმედებაა, რომელმაც ეს პრობლემა გამოიწვია. ჩვენ გვსურს, რომ მათ ეს გამოასწორონ იმისთვის, რომ ხალხმა თვითორგანიზება და თავისუფალი და სამართლიანი არჩევნების მიღება შეძლოს.- გაშფოთებთ შესაძლო რუსული ჩარევა ან მავნე ზეგავლენა საქართველოში უახლოეს მომავალში?- მინდა იმაზე ვფოკუსირდეთ, რომ ეს მთავრობის გადაწყვეტილებაა, მთავრობა აკეთებს იმას, რომ ურთულებს საკუთარ მოქალაქეებს თვითორგანიზებას, საქართველოს დიდი ხნის მეგობრებს კი - ევროპასა და შეერთებულ შტატებში - საქართველოს მოქალაქეების დახმარებას.ამ გარემოში, თუკი მთავრობა წარმატებული იქნება, რომ ლამის მთლიანად უარყოს ყველა ამ ჯგუფისთვის რესურსებზე წვდომა, ინფორმაციის მხოლოდ რუსული წყაროები გადარჩებიან. ასე რომ, რაც უნდა ყოფილიყო აქამდე, რასაც მთავრობა [ახლა] აკეთებს, რუსეთს ეს საქართველოს საინფორმაციო სივრცეში დომინირებას ბევრად უფრო უადვილებს.- საქართველოს ოპოზიცია დიდი ხანია პარტნიორებს სთხოვს, რომ უშუალოდ ბიძინა ივანიშვილი დასანქცირდეს, როგორც პირი, რომელიც მათი შეფასებით, ქვეყნის კურსის შესახებ საბოლოო პოლიტიკურ გადაწყვეტილებებს იღებს. ის არც თქვენ შეგხვდათ, და არც ამერიკელ კანონმდებლებს. რას ფიქრობთ მის სანქცირებაზე, რა შეიძლება იყოს გარდამტეხი მომენტი ან მოვლენა, რომელმაც ის შეიძლება ამერიკის სანქციების სამიზნედ აქციოს?- ეს შესანიშნავი შეკითხვაა და ამაზე რამდენიმე რამის თქმა მსურს. ჩვენ არ დაგვისანქცირებია ბატონი ივანიშვილი. ის იმეორებს, ამტკიცებს, თითქოს ეს გავაკეთეთ. ვფიქრობ, ეს რეალობასთან აცდენაა. მაგრამ მთავარი ისაა, რომ ქვეყნის მომავალი საქართველოს მოქალაქეებმა უნდა გადაწყვიტონ, ისინი გადაწყვეტენ, სურთ ეს პარტია ჰყავდეთ [ქვეყნის] სათავეში, თუ - კოალიცია ან სხვა ხალხის ნაკრები. ეს მათი არჩევანია.ჩვენ არ ვაპირებთ ჩარევას და თქმას, რომ ამა თუ იმ პარტიას, ან ამა თუ იმ ადამიანის მხარდაჭერილმა პარტიამ უნდა გაიმარჯვოს. ჩვენ აქ ვართ ქართველი ხალხის დასახმარებლად იმაში, რომ საკუთარი არჩევანის გაკეთების შესაძლებლობა ჰქონდეს.- თქვენ პირადად შეხვდით მთავრობის მეთაურს, მმართველი გუნდის წევრებს, საქართველოში ჩავიდნენ სახელმწიფო მდივნის მოადგილე და ამერიკელი კანონმდებლებიც. სენატში სიტყვით გამოსვლისასაც თქვით, რომ “ოცნებას” უნდა ახსოვდეს, რომ არსებობს უკან დასაბრუნებელი გზა, კურსის შესაცვლელად. პრემიერი ამბობს, რომ ორ ქვეყანას შორის ურთიერთობის განახლება, თავიდან დაწყებაა საჭირო. ამდენი მაღალი რანგის შეხვედრის, ჩართულობისა თუ დისკუსიის შემდეგ, გაქვთ იმის ნიშანი ან იმედი, რომ ისინი რამის შესაცვლელად შეიძლება მზად იყვნენ?- არა, ისინი უარყოფენ [რეალობას], არ აღიარებენ მას. მათ არ შეუმჩნევიათ, რომ ჩვენ დახმარების 95 მილიონი დოლარი შევუწყვიტეთ. ევროკავშირმა დაახლოებით ამდენივე ოდენობა შეუზღუდა. ევროკავშირიც ამბობს, რომ ვერ წახვალთ წინ ევროპისკენ. და “ქართული ოცნება” ცდილობს უთხრას თავის ამომრჩეველს და საქართველოს ყველა მოქალაქეს, რომ ყველაფერი რიგზეა. არა, ყველაფერი რიგზე არაა. საქართველოს სურს შეუერთდეს ევროკავშირს. იქ არსებობს მკაფიო წესები. ამ წესებზე პასუხისმგებელი პირები გეუბნებიან, რომ შენ შეცდომა დაუშვი. შეიმუშავე ცუდი კანონი. კიდევ ორი ახალი ცუდი კანონის შემუშავების ზღვარზე არიან. ეს ყველაფერი უნდა შეწყდეს იმისთვის, რომ საქართველოს მოსახლეობამ მიიღოს ის, რაც მას ასე ძალიან სურს.- პრემიერ-მინისტრმა კობახიძემ სულ ახლახან თქვა, რომ ბიძინა ივანიშვილს შესაძლოა საფრთხე ემუქრებოდეს, და მისი უსაფრთხოების განსაკუთრებული ზომები ამიტომაა მიღებული. პრემიერი ამბობს, რომ ოპოზიციაში თავდასხმების ინსცენირება იგეგმება მათ საკუთარ ლიდერებზეც, რათა წინასაარჩევნოდ ვითარება დაიძაბოს. გაქვთ თუ არა რაიმე ცნობები, ინფორმაცია ამის შესახებ, ან მსგავსი ეჭვი, წუხილი, და მთლიანობაში, როგორ ფიქრობთ, არის რისკი, რომ ამ პერიოდში ძალადობის ესკალაცია ვიხილოთ?- ეს ძალიან სერიოზული საკითხებია. თუკი ჩვენ რაიმე საფრთხის შესახებ გვეცოდინებოდა, დავეხმარებოდით მის აღკვეთაში. ამ კუთხით, უსაფრთხოების საკითხებზე საქართველოსთან ძალიან ეფექტიანი თანამშრომლობა გვაქვს. ჩვენ ყველაფერს გავაკეთებდით, რომ ეს არ მომხდარიყო. მსგავსი საფრთხის შესახებ ჩვენ არაფერი ვიცით. რაც შეეხება ადამიანების მიერ საკუთარ თავზე თავდასხმას, ეს არ ჟღერს ისეთ რამედ, რაც პოლიტიკური ოპონენტისგან უნდა დაიჯერო. ვფიქრობ, რაღაც ეტაპზე ეს უკვე სოციალური მედიის შეშლილ გვერდს ემსგავსება.ეს ყველაფერი კვლავ შეეხება იმას, რომ ქართველ ხალხს შეეძლოს, აირჩიოს, რა გზით წასვლა სურს, შეეძლოს თვითორგანიზება და ქვეყნის იმ მიმართულებით წაყვანა, რა მიმართულებაც მას სურს, რაც უნდა იყოს ეს. ჩვენ ამის მხარდაჭერას ვცდილობთ.- ამავე კვირაში ამერიკამ რუსეთის მთავრობის მიერ მართული მედია ორგანიზაციები თუ სხვა ქსელები და მათი ხელმძღვანელები არჩევნების წინ ამერიკაში საზოგადოებრივი აზრით მანიპულირების მცდელობაში დაადანაშაულა. და ამისთვის სანქციები დაუწესა. მაშინ, როცა საქართველოში რუსეთის ინტერესებზე საუბრობთ, როგორ არის უზრუნველყოფილი ის, რომ კრემლმა ამერიკელ ამომრჩეველზე არ მოახდინოს გავლენა?- დიახ, ყველაზე მნიშვნელოვანი ისაა, რომ ამერიკის მოქალაქეებს, ისევე როგორც ამომრჩევლებს საქართველოში, ჰქონდეთ თავისუფალი და სამართლიანი არჩევნები და თვითორგანიზების შესაძლებლობა. ესაა დემოკრატია. ეს მოქალაქეებს ეხება.რაც ჩვენ გავაკეთეთ ოთხშაბათს, იყო ის, რომ გამოვავლინეთ ერთი ოპერაცია, რომელიც ფარულად უხდიდა ხალხს ფულს იმის თქმაში, რაც რუსეთის მთავრობამ დაწერა, ეს ძალიან კონკრეტული ქმედება იყო. ყველას მოვუწოდებდი ნახოს ის, რას ამბობს იუსტიციის დეპარტამენტი სასამართლოში. ეს არაა ტრიბუნასთან მდგარი პოლიტიკოსის განცხადება. ისინი ამ ყველაფერს ფიცის ქვეშ, სასამართლოში ამბობენ და ხსნიან, რას ვუპირისპირდებით.საქართველოს ოფიციალურ პირებს ჩვენ ისევ და ისევ ვეუბნებით, რომ გამჭვირვალობა, რომელზეც ამბობთ, რომ გსურთ, მზადაა და ხელმისაწვდომია. ყველა ამერიკული ორგანიზაცია გამჭვირვალეა, ევროპული ორგანიზაციები გამჭვირვალეა. არსებობს ამის მიღწევის გზები. მაგრამ მათ ამისთვის აირჩიეს გზა, რომელიც იუსტიციის სამინისტროს თქვენი სამეზობლოს გაერთიანების კონტროლის საშუალებას აძლევს. ეს არაა დემოკრატიული, ეს არაა ევროპის ნაწილი. ჩვენ გვინდა, რომ ისინი დაბრუნდნენ უკან, რომ ქართველმა ხალხმა შეძლოს ევროპის ნაწილად ყოფნა.

"ბირთვული იარაღით დაშინება სტანდარტული პროგრამის ნაწილია, მაგრამ პუტინი ნაკლებად სავარაუდოა, რომ გაბედავს მის გამოყენებას"

1724787844

ოპერაცია კურსკის ოლქშიუკრაინის პრეზიდენტმა რუსეთის სასაზღვრო რეგიონში ოპერაციის მიზნები დაასახელა. მისი თქმით, ბევრს არ ესმის, რატომ არის საჭირო ეს შეტევა და ეს კარგია, "წინააღმდეგ შემთხვევაში, კურსკის რეგიონში არაფერი გამოვიდოდა""კურსკის ოპერაციამ რამდენიმე რამ მოიტანა, პირველ რიგში, შეჩერდა ხარკოვის ოლქის ოკუპაცია. ჩვენ არ ვიცოდით სპეციფიკა, მაგრამ გვესმოდა, რომ სუმისა და ჩერნიგოვის რეგიონები შეიძლება ყოფილიყო (რუსების) გეგმებში“, - განაცხადა ზელენსკიმ.მისივე თქმით, კურსკის ოპერაციამ გადაჭრა სუმისა და ჩერნიგოვის რეგიონების სასაზღვრო ტერიტორიების არაოკუპაციის საკითხი. გარდა ამისა, გატეხა მტრის სერიოზული ჯგუფი. რამდენად დიდია, "ალბათ, ნაადრევია ამის თქმა".როგორც პრეზიდენტმა აღნიშნა, კიდევ ერთი მიზანია საოკუპაციო ჯარების უკან დახევა სხვა მიმართულებებიდან და დღეს ფაქტობრივად მოხდა გადაყვანა ხარკოვიდან და ზაპოროჟიედან."იქნება თუ არა მტრის ძალების ხელახლა გადაყვანა, დამოკიდებულია იმაზე, თუ რამდენ ხანს გააგრძელებს უკრაინა წარმატებით კურსკის ოპერაციას. ის, რომ მტერი დონეცკის მიმართულებიდან არ გაიყვანს ჯარს, გასაგებია, რადგან იქ არიან საუკეთესოდ გაწვრთნილი ძალები და ეს არის მისი სტრატეგიული მიმართულება. მათ ნამდვილად სურთ დონეცკის რეგიონის ოკუპაცია, არ გამოუვათ და ჩვენ ამაზე ვმუშაობთ“, - განაცხადა ზელენსკიმ.მისივე უკრაინის შეიარაღებული ძალები არ აძლევს რუსებს უფლებას შექმნან ბუფერული ზონები უკრაინის ტერიტორიაზე, ამიტომ მათი ქმედებები არის არა ოკუპაცია, არამედ თავდაცვა, რათა თავიდან აიცილონ უკრაინის მიწის ოკუპაცია. "ჩვენ არაფერს ვუერთებთ ჩვენს სახელმწიფოს, ჩვენ არ გვჭირდება უცხო მიწები და უცხო ქვეყნის მოქალაქეები", - აღნიშნა მან.მისი თქმით, უკრაინელი სამხედროები მტრის ქვეყნის მშვიდობიანი მოქალაქეებს ისე ექცევიან, როგორც ადამიანებს - "არა ცხოველებივით... ჩვენი სამხედროები უბრალოდ ნორმალური ადამიანები არიან, გასაგებია, რატომაც, რადგან ერია ასეთი"."თუ ჩვენ არ მივაღწიეთ წარმატებას, ჩვენ არ გვექნება შანსი, რომ სამშვიდობო სამიტზე ვიყოთ მძლავრ სიტუაციაში, რა თქმა უნდა, ყველაფერი დიალოგით დასრულდება, მაგრამ ჩვენ გვჭირდება ძლიერი პოზიცია”, - განაცხადა ზელენსკიმ.საფრთხე პოკროვსკის მიმართულებითკითხვაზე, თუ რატომ აირჩიეს პოკროვსკის და ტორეცკის მიმართულებების გაძლიერების ნაცვლად კურსკის რეგიონზე თავდასხმა, პრეზიდენტმა ხაზგასმით აღნიშნა, რომ რუსები მაინც არ უარს იტყვიან დონეცკის ოლქის ხელში ჩაგდების გეგმებზე, რადგან ეს არის სტრატეგიული მიზანი."ისინი იქ უკან არ იხევენ, უკან დაბრუნდებიან, დახვრეტენ, მათთვის ეს მნიშვნელოვანია, ისევე როგორც ბახმუტთან დაკავშირებული სიტუაცია. 50-60 ათას ადამიანს დააყენებენ, ნახავთ“, - აღნიშნა მან.მისი თქმით, აღმოსავლეთში სამოქმედო მთავარი გეგმა არის ხელი შეუშალონ მტერს დონეცკის ოლქის ადმინისტრაციულ საზღვრებთან მისასვლელად."მათი მიზანი დონბასის სრული ოკუპაციაა. ჩვენი ამოცანაა, რომ ეს არ მოხდეს“, - აღნიშნა პრეზიდენტმა.ზელენსკის თქმით, მას ყოველდღიურად აქვს ორი-სამი საუბარი მთავარსარდალ ალექსანდრე სირსკისთან პოკროვსკის, ტორეცკის და სხვა ტერიტორიების შესახებ, თუმცა, სიტუაცია რთულია და პოკროვსკის გაძლიერება ბევრ რამეზეა დამოკიდებული.კითხვაზე, ნიშნავს თუ არა პოკროვსკის დაკარგვა კურსკის რეგიონში ოპერაციის გეგმის ჩავარდნას, პრეზიდენტმა აღნიშნა, რომ ის უკვე წარმატებულია."ყველა დასავლელი კოლეგა მეთანხმება. და ბევრი გამოსავალი უკვე არსებობს კურსკის რეგიონში მიღწეული წარმატების გამო“, - აღნიშნა მან.უკრაინის გამარჯვების გეგმაზელენსკის თქმით, კურსკის ოლქში განვითარებული მოვლენები უკრაინის გამარჯვების გეგმის ნაწილია."ეს შეიძლება ვიღაცისთვის ამბიციურად ჟღერდეს, მაგრამ ეს გეგმა ჩვენთვის ძალიან მნიშვნელოვანია, ერთ-ერთი მიმართულება, სადაც ეს უკვე გაკეთდა, არის კურსკის რეგიონი. მეორე მიმართულება არის უკრაინის სტრატეგიული ადგილი უსაფრთხოების გლობალურ ინფრასტრუქტურაში; მესამე - დიპლომატიური გზით რუსეთის იძულება ომის დასასრულებლად. მეოთხე არის ეკონომიკური, ამაზე დეტალურად არ ვისაუბრებ“, - განაცხადა ზელენსკიმ.მისივე თქმით, გეგმა უკვე მომზადებულია, მაგრამ პირველად წარედგინება აშშ-ის პრეზიდენტს ჯო ბაიდენს სექტემბერში დაგეგმილ შეხვედრაზე, რადგან აშშ-ის პრეზიდენტზე იქნება დამოკიდებული, მიიღებს თუ არა უკრაინა ყველაფერს, რაც მას სჭირდება."მე ვფიქრობ, რომ სწორია გეგმის გადაცემა როგორც კამალა ჰარისისთვის, ასევე ტრამპისთვის, რადგან ჩვენ არ ვიცით ვინ იქნება შეერთებული შტატების პრეზიდენტი. და მე ნამდვილად მსურს ამ გეგმის განხორციელება“, - განაცხადა ზელენსკიმ.ბაიდენთან, ჰარისთან და ტრამპთან შეხვედრები დაგეგმილია სექტემბერში, გაეროს გენერალურ ასამბლეაზე, ნიუ-იორკში ვიზიტის ფარგლებში.მშვიდობის მეორე სამიტი და დაესწრება თუ არა მას რუსეთიზელენსკიმ დაადასტურა, რომ ამზადებს სამშვიდობო გეგმას მეორე სამშვიდობო სამიტისთვის, მაგრამ თავი აარიდა კითხვაზე პასუხს, ელის თუ არა ბაიდენისგან რაიმე ექსტრაორდინარულ გადაწყვეტილებებს მისი საპრეზიდენტო ვადის ბოლოს.მისივე თქმით, აუცილებელია ვაშინგტონთან მუშაობა, რადგან მასზეა დამოკიდებული ევროპის პარტნიორების გადაწყვეტილებები.როგორც მან აღნიშნა, უკრაინულმა მხარემ სამიტზე უნდა მოიტანოს სამშვიდობო ფორმულის დეტალური პუნქტები. რაც შეეხება რუსეთის წარმომადგენლების ყოფნას, ეს სხვა ქვეყნების სურვილია."მათ მიაჩნიათ, რომ ამ გზით შეიძლება ომის დამთავრების შანსი იყოს... და ჩვენ მოვამზადებთ გეგმას და რუსეთის წარმომადგენლები, თუ მათ სურთ მეორე სამიტზე დასწრება, დაესწრებიან. წინააღმდეგ შემთხვევაში, მეორე სამიტზე შეიძლება დავკარგოთ ქვეყნების დიდი რაოდენობა“, - აღნიშნა პრეზიდენტმა.ბირთვული იარაღის საკითხი და უკრაინული ბალისტიკური რაკეტარაც შეეხება რუსეთის საგარეო საქმეთა მინისტრის სერგეი ლავროვის მუქარას, რომ Storm Shadow-ის გამოყენება იქნება "ცეცხლთან თამაში" და რუსეთი გადახედავს თავის ბირთვულ სტრატეგიას, ზელენსკის თქმით, ეს მიუთითებს შიშზე, რომ უკრაინა ახლოსაა მსგავს გადაწყვეტილებებთან. ბირთვული იარაღით დაშინება კი სტანდარტული პროგრამის ნაწილია, მაგრამ პუტინი ნაკლებად სავარაუდოა, რომ გაბედავს მის გამოყენებას."ვფიქრობ, პუტინს ძალიან უყვარს თავისი ზედმეტად ხანგრძლივი სიცოცხლე. ვფიქრობ, ძალიან სწრაფი რეაგირება იქნება მთელი მსოფლიოდან. ან მაშინ ჩვენ არაფერი გვესმის მსოფლიოში უსაფრთხოების შესახებ, თუკი ვინმეს უფლება აქვს იფიქროს ბირთვული იარაღის გამოყენებაზე“, - განაცხადა უკრაინის პრეზიდენტმა.ასევე ზელენსკიმ, სრულმასშტაბიანი ფორმატში ბრძოლის შესაძლებლობებზე კომენტირებისას, ხაზგასმით აღნიშნა, რომ უკრაინელი ჯარისკაცები არ შეიძლება აღიქმებოდეს რესურსად - "რესურსი არის იარაღი, რაც შეეხება დასავლეთს, არის შეფერხებები, ამიტომ ჩვენ გვჭირდება საკუთარი განვითარება. და ჩვენ არ ვსაუბრობთ მხოლოდ ახლახან გაშვებულ დრონებზე - Palyanitsa".პირველი უკრაინული ბალისტიკური რაკეტა წარმატებით გამოიცადა, ვულოცავ ჩვენს თავდაცვით-სამრეწველო კომპლექსს. დეტალებს ვერ გაგიზიარებთ", - აღნიშნა ზელენსკიმ.შესაძლებელია თუ არა კომპრომისები რუსეთთან?ზელენსკის თქმით, "დასავლეთის შეშფოთების მიუხედავად, შეუძლია თუ არა უკრაინას სამხედრო გზით გაიმარჯვოს, ჩვენ არ ვსაუბრობთ ტერიტორიების უსაფრთხოების გარანტიებით გაცვლაზე და ნატოში გაწევრიანებაზე"."მე არ ვარ მზად ჩვენი ტერიტორიების გაცვლაზე რაიმე სახის მოლაპარაკებების ფარგლებში. ეს მართლაც რთულია, რადგან ეს გადაწყვეტილება ჩვენი კოლეგების მხარდაჭერაზე იქნება დამოკიდებული, ვიმედოვნებთ, რომ ისინი უფრო სწრაფად იმუშავებენ", - განაცხადა ზელენსკიმ. მისი აზრით, უკრაინა არ არის ისეთ მდგომარეობაში, რომ კომპრომისზე წავიდეს იმ ხალხთან, ვინც მის დასანგრევად მოვიდა."მე მესმის, რომ მთელ მსოფლიოს სურს მოისმინოს: უკრაინამ მოიფიქრა კომპრომისების გეგმა, თუ როგორ უნდა დასრულდეს ომი ხვალ, მაგრამ მე ვერ გაგაკვირვებთ. პუტინთან კომპრომისები კი არა დღეს დიალოგიც უაზრობაა. მას არ სურს ომი დიპლომატიური გზით დასრულდეს. ვითომ მზად არის დიპლომატიურად, მაგრამ უნდა მივცეთ ჩვენი მიწის 30%, მასთან ერთად თამაში არ შეიძლება", - განაცხადა ზელენსკიმ.მისივე თქმით, კურსკის ოპერაცია უკრაინას ძალიან დაეხმარა, რადგან მსოფლიოში ხმების რაოდენობა "კომპრომისის“ სასარგებლოდ შემცირდა."ერთობის სამინისტრო“ და მამაკაცთა დაბრუნებაპრეზიდენტის თქმით, საგარეო საქმეთა სამინისტრო ფიზიკურად არ არის ისეთი ძლიერი, რომ საზღვარგარეთ წასული 7,5 მილიონი უკრაინელი არ დაკარგოს. მანამდე არცერთ სამინისტროს მსგავსი გამოწვევები არ ჰქონია, ამიტომ ცალკე დაწესებულებაა საჭირო.მისი თქმით, ზრდასრული მოსახლეობა, სტუდენტები და ბავშვები უნდა დაბრუნდნენ, მაგრამ იძულების გარეშე და ამისთვის ყველა პირობა უნდა შეიქმნას."არსებობს გარკვეული პროცენტი, ვინც უბრალოდ ვერ პოულობს სამუშაოს, ეს არის მაგალითი იმისა, თუ რას უნდა აკეთებდეს ეს სამინისტრო - უკრაინაში სამუშაო უზრუნველყოს", - განაცხადა ზელენსკიმ.მისივე თქმით, უპირველეს ყოვლისა, მუშაობა უნდა იყოს კონცენტრირებული პოლონეთსა და გერმანიაზე, სადაც ყველაზე მეტი უკრაინელია, ხოლო "ერთიანობის სამინისტროს“ შესახებ გადაწყვეტილება შემოდგომაზე უნდა იყოს მიღებული.რაც შეეხება მამაკაცების დაბრუნებას, ზელენსკის თქმით, ესეც ასევე იძულების გარეშე უნდა მოხდეს."აქ არის მნიშვნელოვანი მომენტი. არიან უკრაინელები, რომლებიც მუშაობენ სხვა ქვეყნებში და არიან ისეთებიც, რომლებიც არ მუშაობენ. ძალიან მინდა, რომ ყველა იყოს აქ, მათი გადაწყვეტილების გათვალისწინებით“, - განაცხადა ზელენსკიმ.განსხვავებულია დამოკიდებულება მოღალატეების, სხვა დამნაშავეების და უკანონოდ წასულების მიმართ. ექსტრადიციის პროცესი კომპლექსურია; ბევრი ქვეყანა არ ახდენს ღალატში ბრალდებულებს ექსტრადირებას, რადგან ისინი ახდენენ ზეწოლას სასამართლოში პოლიტიკურ დევნაზე. თუმცა არის მაგალითი პოლონეთთანაც, რომელიც აბრუნებს მათ, ვინც საზღვარი უკანონოდ გადაკვეთა.რუსული გაზის ტრანზიტი:"რუსეთთან შეთანხმებას არავინ განაახლებს, ამას წერტილი დაესვა. რაც შეეხება გაზის ტრანზიტს სხვა კომპანიებიდან? თუ იქნება ჩვენი ევროპელი კოლეგების მოთხოვნა, განვიხილავთ მათ თხოვნებს“, - აღნიშნა მან.კითხვაზე, შეიძლება თუ არა ეს იყოს ნომინალურად აზერბაიჯანული გაზი, რაზეც პუტინი და ილჰამ ალიევი სავარაუდოდ, ცოტა ხნის წინ შეთანხმდნენ, პრეზიდენტმა უპასუხა, რომ მან არ იცის "რაზე საუბრობდა მოხუცი ბაბუა აზერბაიჯანში“.საკადრო ცვლილებები მთავრობაში:"ვფიქრობ, უახლოეს მომავალში ჩვენ ამ საკითხზე გავამახვილებთ ყურადღებას და შევძლებთ კენჭისყრას უმაღლეს რადაში, თქვენ ნახავთ ყველა ცვლილებას, მოგვეცით ცოტა დრო“, - განაცხადა ზელენსკიმ.როდის განადგურდება ყირიმის ხიდი:"სახელმწიფო დაზვერვის დირექტორატმა იცის, როგორ გააოცოს საინფორმაციო სივრცე, ეს ასეა. ვფიქრობ, თუ გვსურს, რომ რაღაც მოხდეს ადრე თუ გვიან, ჯერ უნდა მივცეთ ამის საშუალება და შემდეგ ვისაუბროთ ამაზე”, - განაცხადა პრეზიდენტმა. 

"უნდა შევუზღუდოთ კანდიდატის სტატუსი საქართველოს, თუკი ის არ გადაწყვეტს, რომ გაატაროს ის საერთო ღირებულებები, რომლებსაც ჩვენ ყველა ვიზიარებთ"

1721472119

ნატოს სამიტის დღის წესრიგში არმყოფი საქართველოს, მისი მთავრობის ბოლოდროინდელი ნაბიჯების და ნატოსა თუ ევროკავშირში გაწევრიანების შეფერხებული პერსპექტივის თაობაზე ედგარს რინკევიჩი ვაშინგტონში ნატოს სამიტის დასრულების შემდეგ გვესაუბრა.- ბატონო პრეზიდენტო, მადლობა ჩვენთვის დრო რომ გამონახეთ. ნატოს საიუბილეო სამიტი დასრულებულია და მისი დეკლარაციაც გამოქვეყნდა. როგორ გგონიათ, რა იყო ამ სამიტის უმთავრესი მიღწევა? რა საქმე გაკეთდა ლიდერების ვაშინგტონში შეკრებისას? - სულ მცირე, სამი ელემენტია, რომელსაც გამოვყოფდი. პირველი, ეს იყო ძალიან მტკიცე გზავნილი ნატოში უკრაინის გაწევრიანების გზის შეუქცევადობის შესახებ. მეორე, ეს ტვირთის, პასუხისმგებლობის გაზიარებას ეხება. ნატოს წევრი უფრო და უფრო მეტი ქვეყანა გამოყოფს თავდაცვაზე 2 %-ს და მეტსაც. მესამე კი, ესაა საკითხები, რომლებიც აღმოსავლეთ ფლანგის გაძლიერებას ეხება: საჰაერო თავდაცვის შესაძლებლობები, სამეთაურო და კონტროლის ცენტრების სტრუქტურებთან დაკავშირებული საკითხები. მთლიანობაში ეს მიღწევაა და ეს კარგი სამიტი იყო.- რამდენად დააახლოვა ამ სამიტმა უკრაინა ნატოს წევრობასთან? რამდენად შორს მიდის „ხიდი“, რომელზეც ამ სამიტზე ყველაზე მეტს საუბრობდნენ?- ეს ძალიან კარგი შეკითხვაა, [მაგრამ] მასზე კარგი პასუხი არ მაქვს. პირველ ყოვლისა, ძალიან ბევრია დამოკიდებული იმაზე, როგორ ვაპირებთ ყველა ჩვენგანი უკრაინის მხარდაჭერას რუსეთის წინააღმდეგ ომში. რუსეთის აგრესიასთან გამკლავება, მეტი იარაღის, მეტი ამუნიციის გაგზავნა, ჩვენი მიწოდებული იარაღისა და გაგზავნილი რაკეტების გამოყენებაზე ყველა შეზღუდვის მოხსნა - ეს ყველაფერი არის ის, რისი გაკეთებაც ახლა უნდა გადავწყვიტოთ.ზოგიერთ წევრ სახელმწიფოს კვლავ დაწესებული აქვს შეზღუდვები [უკრაინისთვის მათ მიერ მიწოდებული იარაღის რუსეთის ტერიტორიაზე იერიშისთვის გამოყენების თაობაზე]. იმედი მაქვს, ეს შეზღუდვები მოიხსნება. ძალიან ბევრია დამოკიდებული იმაზე, რამდენად წარმატებული იქნება უკრაინა რუსეთთან ბრძოლაში და რამდენად წარმატებულები ვიქნებით უკრაინის მხარდაჭერაში.მეორე საკითხი, რეფორმებია. ეს რეფორმები საჭიროა როგორც ნატოს, ისე - ევროკავშირში გასაწევრიანებლად, ეს რეფორმები უნდა გატარდეს. ესაა ანტიკორუფციული რეფორმა, მმართველობის, მართლმსაჯულების სისტემის რეფორმები. და რაც ყველაზე მთავარია, თუკი ყველა ეს პირობა, რეფორმა, [შესრულდება] ფრონტზე წარმატება მოხდება, მაშინ ვიტყოდი, რომ ეს ხიდი შედარებით მოკლეა, მაგრამ ამწუთას შეუძლებელია ვთქვათ რაიმე რიცხვი ან დათქმა, როდის მოხდება ეს.- უკრაინამ ოცზე მეტ ქვეყანასთან გააფორმა უსაფრთხოების შესახებ ორმხრივი ხელშეკრულებები. აძლევს ეს შეთანხმებები უკრაინას უსაფრთხოების რაიმე ტიპის გარანტიას მანამ, სანამ ის ალიანსის წევრი გახდება?- არა, ეს შეთანხმებები გულისხმობს ძალიან დიდ მხარდაჭერას, უკრაინელი ჯარისკაცების იარაღითა და წვრთნით დახმარებას, მაგრამ თვალი უნდა გავუსწოროთ იმას რომ, უსაფრთხოების ერთადერთი გარანტია არის მეხუთე მუხლი და ნატო. როცა საუბარია თავდაცვასა და უსაფრთხოებაზე, ჩვენ ვაძლევთ უკრაინას იმდენს, რამდენიც შეგვიძლია. ამ შეთანხმებებს არ ვუწოდებთ „უსაფრთხოების გარანტიებს“, ეს „უსაფრთხოების შეთანხმებებია“. ისინი არ გულისხმობს იგივე მასშტაბის, ან ტიპის უსაფრთხოების გარანტიებს, რასაც ნატოს წევრობა. ამიტომაც, ჩვენ ყოველთვის ვიმეორებთ, რომ ნატოს წევრობა მნიშვნელოვანია.- თქვენს ქვეყანას უკრაინისთვის მიწოდებული იარაღის გამოყენებაზე შეზღუდვა არასდროს დაუწესებია, ისევე, როგორც ბალტიისპირეთის თუ სხვა არაერთ ქვეყანას. ამ სამიტზე განსხვავებული გზავნილები მოვისმინეთ ამერიკელი თუ დასავლეთ ევროპელი ლიდერებისგან ამ შეზღუდვების თაობაზე. თუმცა ორი თვის წინ ამერიკამ უკრაინას ხარკივის მიდამოებში თავის დასაცავად რუსეთისთვის საპასუხო იერიშების და ცეცხლის გახსნის უფლება მისცა. თუმცა როგორ ფიქრობთ, ვნახავთ მეტ ამგვარ გადაწყვეტილებას, ან შეზღუდვების სრულ მოხსნას ახლო მომავალში? თუ არა, უნდა აკეთებდნენ თუ არა ამას მოკავშირეები?- ვიმედოვნებ, რომ უფრო და უფრო მეტი მოკავშირე მოგვისმენს, მოუსმენს უკრაინას და ყველა ამ შეზღუდვას მოვხსნით. ვისმენთ კარგ და საინტერესო დებატებს ამის თაობაზე, თუმცა ამასთან, ეს არაა ნატოს კოლექტიური გადაწყვეტილება. ამ საკითხზე ცალკეული გადაწყვეტილებები იმ ცალკეულმა წევრმა ქვეყნებმა უნდა მიიღონ, რომლებიც [კიევს] იარაღს აწვდიან.- ომი 29 თვეა, გრძელდება, საუბარია იმაზეც, რომ მომდევნო "მშვიდობის სამიტში“ რუსულმა მხარემაც უნდა მიიღოს მონაწილეობა. როგორ ფიქრობთ, არის იმის შესაძლებლობა, რომ უკრაინაზე თანდათან წნეხი გაიზარდოს იმის თაობაზე, რომ რუსეთთან სამშვიდობო მოლაპარაკებებს დათანხმდეს?- ვფიქრობ, ერთი რამ უნდა გვესმოდეს... მაშინაც კი, თუკი არსებობს რაიმე ტიპის, გარკვეული მშვიდობის, თუ ცეცხლის შეწყვეტის შეთანხმების, რამენაირი მოლაპარაკების ალბათობა, უნდა გვახსოვდეს რა გვაჩვენა ისტორიამ: სულ მცირე ბოლო 20 წლის განმავლობაში მაინც - "ბუდაპეშტის მემორანდუმის“ შემდეგ, რომელსაც 1994 წელს მოეწერა ხელი და რუსებმა დაარღვიეს - ისტორიამ გვაჩვენა, რომ რუსეთის ნდობა არ შეიძლება და ძალიან, ძალიან ფრთხილად უნდა ვიყოთ, როცა რუსებისგან რაიმე ყალბი დაპირების მოსმენაზე მიდგება საქმე.რუსეთს ძალიან სჭირდება გადაჯგუფებისთვის დრო და ის თავიდან დაიწყებს [აგრესიას]. მათ იგივე გააკეთეს 2015 წლის ე.წ. „მინსკის შეთანხმების“ შემდეგაც, 7 წლის შემდეგ რუსეთმა სრულმასშტაბიანი აგრესია დაიწყო. წავიკითხოთ, რას ამბობენ რუსი ოფიციალური პირები. რუსეთის ყოფილმა პრეზიდენტმა დმიტრი მედვედევმა სულ ახლახან თქვა, რომ მიზანი უკრაინის, მისი სახელმწიფოებრიობის განადგურებაა. ისინი არ აპირებენ გაჩერებას. ამიტომ ამ თვალთახედვით, ახლანდელ სიტუაციას ნაბიჯ-ნაბიჯ უნდა მივუდგეთ:პირველი ნაბიჯი ისაა, რომ უკრაინას მივაწოდოთ ყველანაირი იარაღი. მეორე, უნდა უზრუნველვყოთ, რომ ამ იარაღზე დაწესებული შეზღუდვები მოიხსნას. მესამე, უნდა დავეხმაროთ უკრაინას რუსეთისა და ბელარუსის მეტი სანქცირებით. მეოთხე, ჩვენ გვაქვს სამართლებრივი პასუხისმგებლობაც, უკრაინის წინააღმდეგ აგრესიის დანაშაულის თაობაზე. და [მხოლოდ ამის შემდეგ], თუკი რუსეთი დაინახავს, რომ ჩვენ წარმატებულნი ვართ, ის მშვიდობას მოისურვებს.ამჟამად, ჩვენ ვერ ვხედავთ, რომ რომელიმე რუსი ოფიციალური პირი გვთავაზობდეს რაიმე ტიპის პოლიტიკური პროცესის შესაძლებლობას. რუსეთი [ამით] დაინტერესებული არ არის. მე ვიტყოდი, რომ ამ ეტაპზე შეუძლებელია რაიმე ტიპის შეთანხმების შეთავაზება, თუკი ერთი მხარე უბრალოდ უკრაინის განადგურებას ცდილობს.- ომში მყოფი ქვეყნისთვის გრძელვადიანი და პროგნოზირებადი დახმარების შექმნა წელს მოკავშირეების ყურადღების მთავარი საგანი იყო. ითქვა ისიც, რომ უკრაინის გზა ნატოსკენ შეუქცევადია. თუმცა ვაშინგტონის სამიტის დეკლარაცია, წინა წლებისგან განსხვავებით, აღარ იმეორებს დაპირებას, რომ საქართველო ალიანსის წევრი გახდება, თუნდაც დემოკრატიული თუ თავდაცვის რეფორმების გატარების შემდეგ, როგორც ეს ადრე, არაერთ კომუნიკეში იყო განმარტებული. რას ნიშნავს ეს? - ეს ნიშნავს, რომ საქართველოს მთავრობა ძალიან შორს წავიდა, ვფიქრობ, რომ „უცხოეთის აგენტების“ კანონით, საკუთარი საზოგადოების, ევროკავშირისა და ნატოს ყველა მოწოდების იგნორირებით, მათ გადაწყვიტეს, რომ შეუძლიათ იცხოვრონ ნატოსა და ევროკავშირის წევრობის გარეშე. დიახ, ფორმალურად საქართველო კანდიდატი ქვეყანაა, მაგრამ, მოდით თვალი გავუსწოროთ ამას, ჩვენ უნდა შევუზღუდოთ კანდიდატის სტატუსი საქართველოს, თუკი ის არ გადაწყვეტს, რომ გაატაროს ის საერთო ღირებულებები, რომლებსაც ჩვენ ყველა ვიზიარებთ. თუ ამას არ აკეთებ, არ ხარ ამ კლუბის ნაწილი. ეს შენი სუვერენული გადაწყვეტილებაა.- საქართველოს ნატოში ინტეგრაცია კითხვის ნიშნის ქვეშ დგას?- ნატოს წევრობა არაა მხოლოდ პოლიტიკური საკითხი. ეს კრიტერიუმებს ეფუძნება. არსებობს შესანიშნავი დოკუმენტი, ნატოს გაფართოების შესახებ 1995 წლის კვლევა, რომელიც დემოკრატიის, კანონის უზენაესობის, ადამიანის უფლებათა პატივისცემის, ჯარზე სამოქალაქო კონტროლის და სხვა საკითხებს ეფუძნება.თუკი რომელიმე ქვეყანას სურს გახდეს ნატოსა და ევროკავშირის წევრი და ის არ აკმაყოფილებს შესაბამის კრიტერიუმებს, ეს არჩევანია, ამ ქვეყნის სუვერენული არჩევანი. მაგრამ წევრი სახელმწიფოების სუვერენული არჩევანია ისიც, რომ აღარ გააგრძელონ ეს პროცესი.მე ვიმედოვნებ, რომ საქართველო სერიოზულად გადახედავს ზოგიერთ კანონმდებლობას, და თუ ეს ასე არ მოხდა, ნუ ელოდებით ჩვენგან იმის შესაძლებლობის განხილვას, რომ საქართველოსთან პროცესი გაგრძელდეს.ეს არ ეხება [კანდიდატი ქვეყნების თაობაზე] შეუქცევად თუ შექცევად გადაწყვეტილებას. ეს ეხება იმას, რომ კანდიდატმა ქვეყნებმა იმ ორგანიზაციების კრიტერიუმები და პირობები უნდა შეასრულონ, რომელთა ნაწილად ყოფნაც სურთ.- სამიტამდე სულ რამდენიმე დღით ადრე, პენტაგონმა საქართველოსთან “ღირსეული პარტნიორის” წვრთნები, რომელშიც ლატვიაც მონაწილეობს, განუსაზღვრელი ვადით გადადო და ეს სწორედ მთავრობის ანტიდასავლურ რიტორიკას და ყალბ ბრალდებებს დაუკავშირა. ევროკავშირის ელჩმა თქვა, რომ ქვეყნის თავდაცვის ძალებისთვის განკუთვნილი 30 მილიონი ევრო გაყინულია. რას ნიშნავს ასეთი გადაწყვეტილებები? მით უფრო ქვეყნის უსაფრთხოებისა და თავდაცვისუნარიანობისთვის?- ეს კითხვა საქართველოს მთავრობას მიემართება, მან უნდა შეაფასოს ეს და ისაუბროს ამაზე.- თუკი ბევრი ოფიციალური პირი თუ მკვლევარი ამ ქმედებებს მმართველი გუნდის ნაბიჯებზე ლოგიკურ პასუხად მიიჩნევს, ზოგი მათგანი იმასაც ფიქრობს, რომ ახლა შეუსაბამო დროა იმისთვის, რომ დასავლელმა პარტნიორებმა საქართველო რუსეთთან მარტო დატოვონ და ამით ის უფრო მოწყვლადი დარჩეს. რას ფიქრობთ ამ კუთხით?- არ იყო [შესაბამისი] დრო იმ კანონების მისაღებად, რომლებიც ჩვენს ღირებულებებს ნათლად ეწინააღმდეგება. თუმცა კვლავ ვიტყვი, რომ საქართველოს მთავრობამ უნდა გადაწყვიტოს, რისი გაკეთებაა მისთვის ყველაზე მნიშვნელოვანი.- რას ეტყვით მათ, ვინც ამ ნაბიჯების გამო შესაძლოა იფიქროს, რომ ამერიკელმა და ევროპელმა პარტნიორებმა საქართველოზე და მასთან თანამშრომლობაზე ამ ეტაპზე ხელი ჩაიქნიეს? რას ამბობენ ამით პარტნიორები?- ეს აგზავნის ძალიან ძლიერ გზავნილს, რომ ჩვენ არ შევეგუებით საერთო ღირებულებებიდან და შეთანხმებული პოლიტიკიდან გადახვევას. ეს მართლაც საქართველოს არჩევანია. ქართველი ხალხის ნაცვლად, ჩვენი გადასაწყვეტი არაა, მათ როგორი ქვეყნის აშენება სურთ. პირადად მე სრულად ვცემ პატივს ნებისმიერ არჩევანს, რომელსაც ქართველი ხალხი მოახლოებულ არჩევნებზე გააკეთებს. ქართველმა ხალხმა უნდა შეხედოს სხვადასხვა პარტიის შეთავაზებას.მე არ მინდა საქართველოს პოლიტიკაში ჩარევა, მაგრამ სადაც ლატვიას ხმის უფლება აქვს - ნატოში იქნება ეს თუ ევროკავშირში, ჩვენი პოზიცია ძალიან მტკიცეა: თუკი ქვეყანა არ აკმაყოფილებს კრიტერიუმებს, არ აგრძელებს ევროპული და ევროატლანტიკური ინტეგრაციის გზას, მაშინ ნატოსა და ევროკავშირის წევრ ქვეყნებს შეუძლიათ თავიდან შეაფასონ (გადააფასონ) მათი თანამშრომლობა, მათი დახმარების პროგრამები.ჩვენ მოგვისმენია, რომ საქართველოს ოფიციალური პირები უსაფრთხოებისა და თავდაცვის კუთხით გარკვეულ გამოწვევებზე საუბრობდნენ. თუკი ისინი ფიქრობენ, რომ ევროინტეგრაციის და ევროატლანტიკური ინტეგრაციიდან გადახვევა არის გზა, რომლითაც ისინი საკუთარ უსაფრთხოებას გააუმჯობესებენ, მაშინ ესაა მათი ახსნა საზოგადოებისთვის. მე მხოლოდ იმის თქმა შემიძლია, რომ მზად ვართ გავაგრძელოთ საქართველოსთან თანამშრომლობა და მისი მხარდაჭერა, თუკი საქართველო მზადაა გააგრძელოს იმ ღირებულებების დაცვა, რომელსაც ჩვენ ყველა ვიზიარებთ.მაგრამ ის, უსაფრთხოების კუთხით რა შედეგები მოჰყვება ამა თუ იმ გადაწყვეტილებას, ამაზე პასუხის გაცემას საქართველოს მთავრობას მივანდობდი.- საქართველო პირველი ქვეყანა იყო, რომლის საერთაშორისოდ აღიარებული საზღვრებიც პუტინის რუსეთის ჯარმა გადაკვეთა. წლევანდელი სამიტის დეკლარაციაში ალიანსი იმეორებს, რომ რუსეთი მის უმთავრეს და პირდაპირ საფრთხედ რჩება. რა გზავნილი მიიღო ალიანსისგან კრემლმა ამ სამიტის შედეგად?- ვფიქრობ, გზავნილი ის იყო, რომ რუსეთის ყველა მცდელობის მიუხედავად, გაეტეხა ჩვენი ერთობა, ჩვენ ერთიანნი ვართ, რუსულ საფრთხეს სერიოზულად ვეკიდებით და ვხედავთ მას, როგორც გრძელვადიან საფრთხეს. შეიძლება ეს ყველაფერი გამოიყურება, როგორც ნელი მობილიზაცია, მაგრამ ეს პროცესი ხდება - თავდაცვაზე დანახარჯები იზრდება, სამხედრო [წარმოების] ინდუსტრია მიიღებს ბიძგს; რუსეთის მეზობელი ქვეყნები მიიღებენ ნატოს სხვა მოკავშირეებისგან დამატებით ჯარებს, ქვეყნები ასევე მიიღებენ აუცილებელ შესაძლებლობებს საჰაერო თავდაცვისთვის და საკუთარი უსაფრთხოებისთვის. ესაა გზავნილი. დიახ, ამას ცოტა უფრო მეტი დრო დასჭირდა, მაგრამ ახლა ამ ყველაფერს სერიოზულად ვეკიდებით, 32-ვე მოკავშირე, უნგრეთის ჩათვლით, ბევრ რამეს სერიოზულად ეკიდება."ამერიკის ხმა"

"გარდაცვლილია ორი არასრულწლოვანი, სოფელი გამოხატავს უკმაყოფილებას და ძალიან მძიმე ფორმებში, სპეცრაზმია შეყვანილი"

1735585522

"ნახიდურში (არახლოში) მიმდინარე მოვლენებს თვალს ვადევნებთ.ავარიის შედეგად გარდაცვლილია ორი არასრულწლოვანი. ნათესავები იყვნენ. ერთი ბავშვი ადგილზე გარდაიცვალა, მეორე კი კლინიკაში გადაყვანის დროს.სოფელი გამოხატავს უკმაყოფილებას მომხდარის გამო და ძალიან მძიმე ფორმებში. სოფელში სპეცრაზმია შეყვანილი.ბოლნისისკენ მიმავალი გზა დაკეტილია ახლა.ვიზიარებ გარდაცვლილი არასრულწლოვანების ოჯახების მწუხარებას და საშინელ ტრაგედიას. უმძიმესი ტკივილია!იმედია, რომ მშვიდად ჩაივლის ეს ამბავი და უფრო დიდ კონფლიქტში არ გადაიზრდება, როგორც წინა წლებში მოხდა. ამის შიშები ადგილობრივებს აქვთ.ეს ადგილები, სადაც ავარია მოხდა, ძალიან არაუსაფრთხოა. როგორც მახსოვს, აქ არ არის ზებრა, შუქნიშანი, გამართული გარე განათება. ავარიული სიტუაციები აქ ხშირად ხდება და წინა წლებში ხდებოდა. მაგრამ სად სცალია ჩვენს სახელმწიფოს ადამიანების უსაფრთხოებაზე ზრუნვისთვის?მცირე ინციდენტებიც, რომ ასეთ ამბებში გადადის ხომ უნდა მივხვდეთ, რომ სახელმწიფოს ფუნქციონირებას ძალიან დიდი პრობლემა აქვს ამ რეგიონში, უნდობლობა ძალიან ღრმაა და პოლიტიკის ცვლილებაა საჭირო?!რამე ისწავლეთ წინა წლების გამოცდილებიდან?!" - წერს მიქელაძე.

"ქართული ოცნების" შიგნით რომ ვიყო, სერიოზულად შემეშინდებოდა – რა შედეგები შეიძლება, ამას მოჰყვეს"

1735331117

"მნიშვნელოვანია რა ტიპის სანქცია გამოიყენეს: ეს არის ამერიკის პრეზიდენტის აღმასრულებელი ბრძანება, რომლის სათაურიც არის „რუსეთის საგარეო საზიანო ქმედებების შესახებ“, მიბმულია რუსეთის ამბავს. კონკრეტული მუხლი, რომელიც გამოიყენა ბლინკენმა, ეხება დემოკრატიისთვის ძირის გამოთხრას.სანქცია საკმაოდ მძიმეა, საუბარია, როგორც აქტივების, ისე ტრანზაქციების დაბლოკვაზე, მაგრამ მე რაც ვნახე (შეიძლება ვცდებოდე) არის გამონაკლისებიც, მაგალითად, არ ეხება ივანიშვილის ოჯახის წევრებსა და მის კომპანიებს, რაც სიგნალია და უტოვებს ერთგვარ "გასასვლელს“, მე ეგ განცდა დამრჩა, რომ შეიძლება,  უფრო გამწვავდეს და გაიზარდოს სანქციის სიმძიმე.„ქართული ოცნების“ შიგნით რომ ვიყო, სერიოზულად შემეშინდებოდა – რა შედეგები შეიძლება, ამას მოჰყვეს. ივანიშვილს თუ მიადგნენ, ნებისმიერთან მივლენ და დაასანქცირებენ. არ მგონია, მათგან ვინმეს უნდოდეს, საკუთარმა შვილებმა გროზნოში იარონ და პეტერბურგში ისწავლონ, ეს ხალხი ფულს იმიტომ აკეთებს, რომ დასავლეთში გაერთოს, დაისვენოს და შვილებს იქ მიაღებინოს განათლება.სანქციის შინაარსია, რომ განდეგილი და გარიყული ხდები, არავინ ხელს არ ჩამოგართმევს, საქმეს არ დაიჭერს და ფოტოს არ გადაიღებს შენთან ცივილიზებულ ქვეყანაში.ყველაფერი აქ, რუსთაველზე მიმდინარე პროტესტის დამსახურებაა, თუ ჩვენ აქ ვიბრძვით ჩვენი თავისუფლებისთვის, ჩვენ გვაქვს დასავლეთის მხარდაჭერა, თუ არა – ჩვენს გარეშე ჩვენს ომს არავინ იომებს. პრინციპული საკითხია, რომ აქცია გრძელდება და განწყობაც ისეთია – გაგრძელდება გამარჯვებამდე“, – წერს ჯაფარიძე.ამერიკის შეერთებული შტატების სახაზინო დეპარტამენტმა „ქართული ოცნების“ დამფუძნებელსა და საპატიო თავმჯდომარეს ბიძინა ივანიშვილს ფინანსური სანქციები დაუწესა.

მიხეილ სააკაშვილი - ჩემი ახლო მეგობრის ნიკა ყიფშიძის გული გაჩერდა ამერიკაში

1735155948

"ჩემი ახლო მეგობრის ნიკა ყიფშიძის გული გაჩერდა ამერიკაში.გამოჩენილი ქართველი ექიმების შთამომავალი, თვითონ მედიცინის დიდი ინოვატორი, უზარმაზარი რეპუტაციით სარგებლობდა ამერიკაში და ზოგადად საერთაშორისო მასშტაბით.ჩემი თხოვნით მან პირველად შექმნა საქართველოში საერთაშორისო სტანდარტის "ემერჯენსი" 2005 წელს.ეს იყო ადამიანი, რომლის მთავარი მოწოდება იყო სხვა ადამიანების დახმარება.მანამ სანამ უშვებდნენ, ეტლით მოდიოდა ჩემთან ყოველდღე, რუსთავის ციხეში.შემდეგ გორის ჰოსპიტალში, ღრმად ავადმყოფს "კოლეგები" 3-4 საათი აცდევინებდნენ ხოლმე ყინვაში და თოვლში გარეთ და მაინც ბოლომდე უხმოდ იტანდა ამ დამცირებას, ოღონდ რამდენიმე წუთით მაინც ვენახე მისი პაციენტი.ძალიან კეთილშობილი ადამიანი დააკლდა ჩვენს პლანეტას", - წერს სოციალურ ქსელში მიხეილ სააკაშვილი.

"რჩევა ბიძინას: იპოვე შენი ადგილი და გააგრძელე ცხოვრება შესაფერის გარემოში"

1734859480

"ვეღარ გაიგო ბიძინამ რა ქნას.ბრძოლა გამოაცხადა, იფიქრა კარგი ნავარჯიშები ვარ, ხალხს გარეთ გამოვიყვან, ძალით მოვერევი, შეეშინდებათ და სხვა დროს ვეღარ გაბედავენ გამოსვლასო.შედეგად, მეტი ადამიანი გამოვიდა და გააპროტესტა ძალადობა. პირველი რაუნდი წააგო.შემდეგ იფიქრა, ახლა მოვაშორებ პოლიციას, და ცხვრის ტყავში მოვევლინები ხალხს, იქნებ დამიჯერონ, რომ ბოროტი არ ვარო. თუმცა, ამჯერად კუდი და ეშვები ვერ დამალა. მოძალადეები დააფასა და ღირსების ორდენებზე წარადგინა. ხალხი მიხვდა, რომ მგელი არსად წასულა, თუმცა დაინახა ისიც, რომ თუ ერთად იდგებიან, შეშინებული მგელი მათ ვერაფერს დააკლებს და კიდევ უფრო მეტი გამოვიდა.ზღაპრის ბოლო კეთილია! ნამდვილი მშვიდობა და ღირსება, რომელიც მხოლოდ თავისუფალი ადამიანების ხვედრია, გაიმარჯვებს.რჩევა ბიძინას: მგელი არსებობს ტყეში და მასზე არავინ ნადირობს. მასზე ნადირობას იწყებენ მას შემდეგ, რაც სოფელს თავს დაესხმება. იპოვე შენი ადგილი და გააგრძელე ცხოვრება შესაფერის გარემოში", - წერს ჯანელიძე.

"მაშინ უნდა გაგვეუქმებინა არჩევნები და მეც დიქტატურად გადავქცეულიყავი და ამ როლისთვის მე სრულიად გამოუსადეგარი ვიყავი"

1734527233

"დაიტოვეს“ ჯგუფში ბევრი მსაყვედურობს, რომ არ შევაჩერე რუსული ძალა 2012-ში.მინდა ამ ადამიანებს ვუპასუხო - მე ყველაფერი გავაკეთე იმისთვის, რომ ხალხისთვის ამეხსნა თუ რა საფრთხის წინაშე ვიყავით, ამის იქით მაშინ უნდა გაგვეუქმებინა არჩევნები და მეც დიქტატურად გადავქცეულიყავი და ამ როლისთვის მე სრულიად გამოუსადეგარი ვიყავი.ჩემი არჩევანი თავიდანვე იყო დემოკრატია და დემოკრატიას ახასიათებს ზიგზაგები.კიდევ ერთი - ბევრი მადანაშაულებს შეცდომით, რომ მე ჩამოვიყვანე ივანიშვილი.როდესაც პრეზიდენტი გავხდი, ივანიშვილი უკვე რამდენიმე წლის დაბრუნებული იყო სოლოლაკში და შევარდნაძემ მას ერთი-ორჯერ სახელმწიფო მინისტრობაც კი შესთავაზა, თუმცა ივანიშვილმა მაშინ უარი თქვა - ეტყობა ჯერ კურატორებისგან ინსტრუქცია არ იყო მიღებული", - წერს სააკაშვილი.