ქუთაისში, საზოგადოებრივ ტრანსპორტში მგზავრი გარდაიცვალა.
შემთხვევა #19 საზოგადოებრივ ტრანსპორტში მოხდა.
60 წელს გადაცილებული ქალის გარდაცვალების მიზეზი უცნობია.
ქუთაისში, საზოგადოებრივ ტრანსპორტში მგზავრი გარდაიცვალა.
შემთხვევა #19 საზოგადოებრივ ტრანსპორტში მოხდა.
60 წელს გადაცილებული ქალის გარდაცვალების მიზეზი უცნობია.
1746786466
მისივე თქმით, დისტანცია საქართველოსა და ევროკავშირს შორის იზრდება, საქართველო რისკავს, ხელიდან გაუშვას ისტორიული შესაძლებლობა."ეს ღია ღონისძიებაა, ჩვენ ყველა დავპატიჟეთ და ნახავდით კამპანიას, მათ შორის სოციალურ მედიაში პოსტერებით, ასე რომ, იმედი მაქვს, ბევრი ხალხი მოვა. ჩვენ არ გაგვივრცელებია პერსონალური მოსაწვევები არც მოქმედი და არც ყოფილი ხელისუფლებისთვის. ვწუხვარ, მაგრამ ეს არის რეალობა, რომ იმართება უფრო და უფრო მეტი მნიშვნელოვანი ღონისძიება, მათ შორის ევროკავშირის გაფართოებაზე, სადაც საქართველო არ არის. ეს არის იმ ქმედებების შედეგი, რომელსაც საქართველოს მთავრობა ბოლო ერთი წელია, ახორციელებს. ეს უკიდურესად სამწუხაროა. დისტანცია საქართველოსა და ევროკავშირს შორის იზრდება, საქართველო რისკავს, ხელიდან გაუშვას ისტორიული შესაძლებლობა. სად მიდის საქართველო? - ეს ჩემი გადასაწყვეტი არაა, ეს ჩემი უფლება არაა. ქართველებმა უნდა გადაწყვიტონ, რა სურთ.საქართველომ მნიშვნელოვანი რეფორმები უნდა გაიაროს, ეს რეფორმები უნდა იყოს გამოყენებული ყველა იმ ქვეყნისთვის, რომელსაც სურს, გახდეს ევროკავშირის წევრი. სამწუხაროდ, საქართველოსთვის კანდიდატის სტატუსის მინიჭების მომენტიდან ჩვენ ვერ ვხედავთ რაიმეს სურვილს, რომ საქართველო რაც შეიძლება სწრაფად გახდეს ჩვენი ერთ-ერთი წევრი. ახლა გვაქვს ვითარება, როცა ბევრი ადამიანი უკანონოდაა დაკავებული და სწორედ ამიტომ, ვცდილობთ სანქციების დაწესებას იმ თანამდებობის პირებისთვის, რომლებიც პასუხისმგებელი არიან ძალადობის გამოყენებაზე", - განაცხადა პაველ ჰერჩინსკიმ.ვარშავაში, სადაც ევროკავშირის საგარეო საქმეთა საბჭოს არაფორმალური სხდომა გაიმართა, საქართველოს გარდა გაერთიანების წევრობის ყველა კანდიდატი სახელმწიფო მიიწვიეს.
1746785369
"9 მაისს ევროკავშირსა და მის ფარგლებს გარეთ ევროპის დღე აღინიშნება. ამ დღეს, 75 წლის წინ საფუძველი ჩაეყარა ერთიანი ევროპის კონცეფციას, რომელიც მშვიდობის, კეთილდღეობის, დემოკრატიისა და თანასწორობის იდეას განასახიერებს. ეს დღე განსაკუთრებულია საქართველოსთვისაც, რადგან ქვეყნის კონსტიტუციით განმტკიცებული მიზანი – ევროპული ინტეგრაცია – ასახავს ქართველი ხალხის ისტორიულ არჩევანს, გახდეს თავისუფალი, დემოკრატიული, უსაფრთხო და განვითარებული ევროპული ოჯახის სრულფასოვანი წევრი.უკვე მეორე წელია, რაც საქართველო ევროკავშირის გაფართოების პროცესის ნაწილია და ევროპის დღესაც, ფორმალურად, კანდიდატი ქვეყნის რანგში ხვდება. თუმცა, რეალურად, ამ ორი წლის განმავლობაში მმართველი გუნდის ქმედებებმა საქართველოსა და ევროკავშირს შორის უფსკრული გააჩინა და ქვეყანა ევროკავშირში გაწევრიანების მიზანს უფრო დააშორა.2023 წელს, საქართველოს მიერ ევროკავშირის წევრობის კანდიდატის სტატუსის მიღებიდან 6 თვეში, ევროკავშირმა ევროინტეგრაციის პროცესი ფაქტობრივად შეჩერებულად გამოაცხადა საქართველოში რეპრესიული კანონების მიღებისა და დემოკრატიული უკუსვლის გამო. სტატუსის მიღებიდან 1 წლის თავზე კი თავად "ოცნების" რეჟიმის პრემიერმინისტრმა განაცხადა გაწევრიანების მოლაპარაკებების 2028 წლამდე გადავადების შესახებ. ამით "ოცნების" რეჟიმის მმართველმა გუნდმა, საზოგადოების ნების საწინააღმდეგოდ, დემონსტრაციულად უარი თქვა იმ რეფორმების გატარებაზე, რომელიც 2023 წლის გაფართოების ანგარიშში ევროკავშირმა საქართველოსთვის გაწევრიანების პროცესის შემდგომ ეტაპზე გადასასვლელად განსაზღვრა. იმისათვის, რომ დღეს საქართველოსათვის, მოლდოვასა და უკრაინის მსგავსად, მოლაპარაკებების პროცესი ოფიციალურად გახსნილიყო, ხელისუფლებას უნდა შეესრულებინა კრიტერიუმები, რომელიც ევროკომისიის მიერ რეკომენდებული 9 ნაბიჯით იყო გათვალისწინებული. ეს წინაპირობები მოიცავდა სასამართლო რეფორმას, ადამიანის უფლებათა დაცვის გაძლიერებას, ევროკავშირის ღირებულებების წინააღმდეგ დეზინფორმაციასთან გამკლავებას, ევროკავშირის საგარეო და უსაფრთხოების პოლიტიკასთან თანხვედრის მაჩვენებლის გაზრდას, პოლარიზაციის დაძლევას, სამართლიანი და თავისუფალი არჩევნების ჩატარებას და ა.შ.ევროკავშირში გაწევრიანების შემდგომ ეტაპზე გადასვლისთვის განსაზღვრული სწორედ ამ წინაპირობების შესრულებას უწოდა საქართველოს მთავრობამ შანტაჟი და ევროკავშირში გაწევრიანების პროცესი შეაჩერა. არადა, სწორედ ეს გზა განვლეს ჩვენამდე აღმოსავლეთ ევროპის სხვა ქვეყნებმა და ასეთივე კრიტერიუმების შესრულებას სთხოვენ დღესაც გაწევრიანების გზაზე მყოფ კიდევ არაერთ ქვეყანას.ევროკავშირში გაწევრიანების პროცესი კოპენჰაგენის კრიტერიუმებსა და პირობითობის პრინციპს ეფუძნება, კანდიდატი ქვეყნების კრიტერიუმებთან შესაბამისობა გაწევრიანების ყველა ეტაპზე მკაფიოდ გაწერილი მეთოდოლოგიით ფასდება, რომლის დროსაც გადამწყვეტი მნიშვნელობა დემოკრატიის, კანონის უზენაესობისა და ადამიანის უფლებების სფეროებს ენიჭება.კანდიდატი ქვეყნისთვის გაწევრიანების მოლაპარაკების გახსნა ამ პროცესის ერთ-ერთი საფეხურია, და მასზე გადასასვლელად, კონკრეტული წინაპირობები უნდა დაკმაყოფილდეს. შესაბამისად, როდესაც "ქართული ოცნება" უარს ამბობს მოთხოვნების შესრულებაზე და ამავდროულად გამოთქვამს მზაობას, დღესვე ხელი მოაწეროს მოლაპარაკებების გახსნას, თუკი ეს შემოთავაზება ევროკავშირის მხრიდან გაკეთდება, მას მიზანმიმართულად შეცდომაში შეჰყავს საზოგადოება.გარდა რეფორმებზე უარისა, ოცნების რეჟიმმა გადადგა ნაბიჯები, როგორც საკანონმდებლო, ისე პრაქტიკულ დონეზე, რომელმაც ვითარება არაერთი მიმართულებით დაამძიმა. ქართულმა ოცნებამ გააგრძელა დამოუკიდებელი ინსტიტუტების მიტაცება, დააინიიცირა და მიიღო რეპრესიული კანონმდებლობა, რომელიც მიზნად ისახავს სამოქალაქო საზოგადოების განადგურებას, დამოუკიდებელი მედიის შეზღუდვას, სიტყვისა და გამოხატვის თავისუფლების ჩახშობას, მოქალაქეების დაშინებასა და შევიწროებას. რამდენიმე თვეა, უკანონო პატიმრობაში იმყოფებიან პროტესტში მონაწილე ადამიანები და მედიის წარმომადგენლები. ყოველივე ეს კი ფუნდამენტურად ეწინააღმდეგება და ძირს უთხრის საქართველოს ევროპულ, დემოკრატიულ მომავალს.გარდა ამისა, ქართული ოცნების რეჟიმმა მტრულ ძალებად შერაცხა ევროკავშირის წევრი ქვეყნები და ევროკავშირი, რომელიც წლების განმავლობაში საქართველოს უსაფრთხოებისა და სტაბილურობის გარანტად რჩება, მათ შორის ადგილზე სადამკვირვებლო მისიის ოპერირებით.მიუხედავად იმისა, რომ ოცნების რეჟიმმა რადიკალურად შეცვალა ქვეყნის საგარეო კურსი და ევროინტეგრაციის ტრაექტორია, ქართულმა საზოგადოებამ აჩვენა მტკიცე ერთგულება ევროპული ღირებულებების მიმართ და მათ დასაცავად ბრძოლის მზაობა. ამის დადასტურებაა უწყვეტი პროტესტი ქალაქების ქუჩებში 160 დღის განმავლობაში.დღევანდელ დღეს, კიდევ ერთხელ გვინდა შევახსენოთ საზოგადოებას ევროპული ერთიანობის მრავალწლიანი წარმატებული ისტორიის შესახებ, რომელიც ეფუძნება პროგრესს, მრავალფეროვნებას, კულტურული თუ რელიგიური იდენტობის ურთიერთპატივისცემას, სოლიდარობას, თანასწორობას, სოციალურ სამართლიანობას და სადაც დაცულია თავისუფალი საზოგადოება, ადამიანური ღირსება და მშვიდობა.საქართველოს ევროპული გზა არა რომელიმე ხელისუფლების, არამედ ხალხის არჩევანია. სწორედ ამიტომ, ამ გზაზე ვალდებულად ვთვლით საკუთარ თავს, როგორც სამოქალაქო საზოგადოების წარმომადგენლები, გავაგრძელოთ ბრძოლა საერთო ევროპული ღირებულებების დასაცავად და ევროკავშირის სივრცეში დასამკვიდრებლად", - აღნიშნულია განცხადებაში, რომელსაც 30-მდე არასამთავრობო ორგანიზაცია აწერს ხელს.
1746784313
მისივე თქმით, საქართველოზეა დამოკიდებული, დაუბრუნდება თუ არა სწორ გზას."იმიტომ, რომ გასული წლის ივნისში ევროკავშირმა გადაწყვიტა, რომ შეეჩერებინა საქართველოს მთავრობასთან მაღალი დონის კონტაქტები, სანამ ის არსებულ კრიზისს არ მოაგვარებს. იმედი მაქვს, საქართველო, როგორც ქვეყანა, თავისი ყველა მოქალაქით, დაუბრუნდება სწორ გზას. იმედი გვაქვს, თუმცა ეს საქართველოზეა დამოკიდებული და რა არის საქართველო? საქართველო არის ქართველი ხალხი და ევროკავშირში გაწევრიანებისას არა მხოლოდ მთავრობა, პარლამენტი, ბიზნესსექტორი, არამედ ყველა წევრიანდება. ასე რომ, გასაწევრიანებლად საჭიროა დიდი ეროვნული ძალისხმევა. ჩვენ შემოგთავაზეთ კანდიდატობა, საუკეთესო რამ, რისი გაკეთებაც შეგვიძლია", - განაცხადა პეტერ ფიშერმა.ვარშავაში, სადაც ევროკავშირის საგარეო საქმეთა საბჭოს არაფორმალური სხდომა გაიმართა, საქართველოს გარდა გაერთიანების წევრობის ყველა კანდიდატი სახელმწიფო მიიწვიეს.
1746783533
მისივე თქმით, ვანიშვილის რეჟიმის სურვილი, რომ საქართველო აღარ იყოს საერთაშორისო დღის წესრიგში."ეს არის სწორედ ივანიშვილის რეჟიმის სურვილი, რომ საქართველო აღარ იყოს საერთაშორისო დღის წესრიგში და ერთადერთ შესაძლო „პარტნიორებად“ საქართველოს დარჩეს ოკუპანტი რუსეთი, ამერიკის მიმართ მრტულად განწყობილი ირანი და კომუნისტური ჩინეთი. ეს არიან ის „მეგობრები“, რომლებიც ივანიშვილმა აირჩია. დემოკრატიული, ნორმალური, პროევროპული ხელისუფლების პირობებში ჩვენ არა მხოლოდ დავესწრებოდით ამ შეხვედრას, როგორც კანდიდატის სტატუსის მქონე ქვეყანა, არამედ საქართველოს უკვე გახსნილი ექნებოდა მოლაპარაკებები ევროკავშირთან გაწევრიანებაზე", - განაცხადა თინა ბოკუჩავამ. ვარშავაში, სადაც ევროკავშირის საგარეო საქმეთა საბჭოს არაფორმალური სხდომა გაიმართა, საქართველოს გარდა გაერთიანების წევრობის ყველა კანდიდატი სახელმწიფო მიიწვიეს.
1746782566
მისი თქმით, საქართველოს დიდი ხანია, რაც არსად აღარ იწვევენ, სადაც მნიშვნელოვანი დღის წესრიგი დგება ევროკავშირის გაფართოების კუთხით."საქართველოს დიდი ხანია, რაც არსად აღარ იწვევენ, სადაც მნიშვნელოვანი დღის წესრიგი დგება ევროკავშირის გაფართოების, იმიტომ, რომ ჩვენ გასაგებად გვითხრეს - სანამ ივანიშვილის რეჟიმი, რომელმაც მიიტაცა ძალაუფლება ქვეყანაში დემოკრატიული არჩევნების გაყალბებით, მართავს ამ ქვეყანას, საქართველოს ევროკავშირში გაწევრიანების პროცესი არის შეჩერებული.სანამ არ შევცვლით ხელისუფლებას და არ ჩატარდება ქვეყანაში ახალი საპარლამენტო არჩევნები, საქართველოს ეტაპობრივად გაუუქმებენ ყველა თანამშრომლობის ფორმატს", - განაცხადა სალომე სამადაშვილმა.
1746782172
დღის მთავარი აქცია ევროპის მოედანზე 19:00 საათზე არის დაგეგმილი, თუმცა მანამდე თბილისის რამდენიმე ადგილიდან ევროპის მოედნამდე მოქალაქეები მსვლელობით მივლენ.აქციას სხვადასხვა სფეროს წარმომადგენლები შეუერთდებიან.სხვადასხვა უნივერსიტეტის სტუდენტები მსვლელობას დაიწყებენ, რომლებსაც აქტივისტები შეუერთდებიან.დღევანდელ აქციაში მონაწილეობას მიიღებენ არასამთავრობო ორგანიზაციები, სტუდენტები, აქტივისტები, საქართველოს მეხუთე პრეზიდენტი სალომე ზურაბიშვილი და "წინააღმდეგობის პლატფორმა".ევროპის დღე 75 წლის წინ დაარსდა და მას შემდეგ ყოველი წლის 9 მაისს აღინიშნება.
1746781770
დედაქალაქის მერმა გმირთა მემორიალი ყვავილებით შეამკო და ომის ვეტერანებს ფაშიზმზე გამარჯვების დღე მიულოცა."ფაშიზმზე გამარჯვების დღეს ვულოცავ ჩვენს სახელოვან ვეტერანებს, მათი ოჯახის წევრებს. ვულოცავ ყველას, ვისთვისაც მიუღებელია აგრესია, სიძულვილი, ზიზღი. 9 მაისი ბოროტებაზე გამარჯვების დღეა. 80 წელი გავიდა ფაშიზმზე გამარჯვებიდან, რაშიც დიდია საქართველოს წვლილი. ქედს ვიხრი მეორე მსოფლიო ომში დაღუპული ქართველი გმირების ხსოვნის წინაშე“, - განაცხადა კახა კალაძემ.დედაქალაქის მერთან ერთად, მთავრობის, პარლამენტისა და თბილისის საკრებულოს წევრები იმყოფებოდნენ.
1746781553
მისივე თქმით, ევროკავშირი მშვიდობის, პარტნიორობისა და თანამშრომლობის ერთგულია."დღეს ჩვენ ევროპის დღეს და "შუმანის დეკლარაციის" 75-ე წლისთავს აღვნიშნავთ. ტურბულენტურ გეოპოლიტიკურ კონტექსტში ევროპის პოლიტიკური და სოციალური ინტეგრაციის სიძლიერე არის ნათელი დადასტურება იმისა, თუ რისი მოტანა შეუძლია ქვეყნებისთვის მშვიდობიან თანამშრომლობას. ევროკავშირი მშვიდობის, პარტნიორობისა და თანამშრომლობის ერთგულია ჩვენს საზღვრებში და მთელ მსოფლიოში. მსოფლიო სწრაფად იცვლება და სულ უფრო დაქსაქსული ხდება. საერთაშორისო თანამშრომლობა გლობალურ კონკურენციად გადაიქცა, თუმცა ევროკავშირი აგრძელებს მთელ მსოფლიოში ქვეყნებთან თანამშრომლობას.დღეს გადაწყვეტილებებზე მუშაობა და პარტნიორული ურთიერთობების დამყარება მსოფლიოს წინაშე არსებული პრობლემების გადაჭრის ერთადერთი გზაა. ჩვენ სანდო პარტნიორი ვართ, რომელიც ნდობასა და პატივისცემაზეა დამყარებული, ვიცავთ საერთაშორისო წესრიგს, რომელიც წესებს ემყარება და არა ძალადობას. ამიტომაც, ევროკავშირი გვერდში უდგას უკრაინას და ყველაფერს გავაკეთებთ იმისთვის, რომ უკრაინამ ხანგრძლივ მშვიდობას სიძლიერის პოზიციიდან მიაღწიოს", - განაცხადა პაველ ჰერჩინსკიმ.
"ოზურგეთი-თბილისის მატარებლის ერთ-ერთ ვაგონში დაკვამლიანება მოხდა, შედეგად არავინ დაშავებულა"
1745583391
გორში, მამა-შვილის განზრახ მკვლელობის ფაქტზე დაკავებულს ბრალდება წარუდგინეს
1745936840
28 აპრილის ანონსი
1745782877
"ვინც ჩვენი ძმის სისხლში ხელები გაისვარა, გადავწყვიტეთ, რომ მათი ოჯახები ხევიდან სამუდამოდ გავასახლოთ!"
1745610458
გია ხუხაშვილი - მივდივართ იმ ფაზაზე, როცა ივანიშვილს მოუწევს ავტორიტარიზმის გამყარება, ეს ურთულესი პროცესია
1745607688