უწყვეტი პროტესტის 150-ე დღეს, 14:00 საათზე "თავისუფლების მსვლელობა - ბრძოლის 150-ე დღე!" გაიმართება.

საპროტესტო აქციის მონაწილეები დიდუბის მეტროსთან შეიკრიბებიან და მსვლელობით პროკურატურასთან მივლენ.

აქციის სლოგანია - "არალეგიტიმური მთავრობა უნდა გადადგეს!"

დღესვე, 19:00 საათზე საზოგადოებრივი მაუწყებლიდან ტრადიციული მსვლელობა გაიმართება პარლამენტთან. 20:00 საათზე რუსთაველის გამზირზე, პირველ სკოლასთან "მსახიობები ლიტერატურისთვის" წარმოადგენენ პროექტს "ლიტერატურა პატიმრებისთვის", 21:00 საათზე კი საპროტესტო მუსიკალური კლიპის პრეზენტაცია გაიმართება.

თბილისის გარდა აქციები რეგიონებშიც იგეგმება.